#ШЕЪРИЯТ

КЕЛ ЭНДИ

Қаро кўзлим бу айрилиқ битарми,
Икки кўзим сўнар бўлди кел энди.
Менга раҳми келиб қуёш ботарми,
Ичим-ташим ёнар бўлди, кел энди.

Ойлар ўтиб кетди йилларни ташиб,
Зуҳалга етдилар йўлларни ошиб,
Менчи қолиб кетдим ҳадафдан шошиб,
Навниҳоллар чинор бўлди, кел энди.

Ҳисобла, сен кетган кунлар асрлик,
Уч кун ҳам чидолмас манман сабрлик,
Сургунлар, қатллар, ҳатто асирлик,
Тақдирига кўнар бўлди, кел энди.

Кўнглим сени, кўзим йўлларни кўрди,
Соат исён қилди, тақвим қутурди,
Ҳасрат ҳанжарини бағримга урди,
Юрак-бағрим қонар бўлди, кел энди.

Маҳбубийга қарши мағлубдир қўшин,
Душманлар мен учун чимирар қошин,
Мени тушунмасанг, ўзингни тушун -
Ҳамма сендан тонар бўлди, кел энди.
Ҳамма мендан тонар бўлди, кел энди.

©️ Маҳбубий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ШЕЪРИЯТ

ДЎСТИМГА МАКТУБ
Абдурраҳим Каракўч

Сўрама қишлоқни, дўстим сўрама,
Лойқаланди сувлар, ичолмай қолдик.
Ножинслар ҳар ерга тиқиб бурнини,
Ҳатто уйимиздан чиқолмай қолдик.

Одам қилдик қанча ақли йўқларни,
Қийин кунда сиртдан едик ўқларни,
Кейин тополмадик қорни тўқларни,
Ҳақ дея ботилдан кечолмай қолдик.

Оқ йўлларга қора чодир қурдилар,
Нима қилсак ёмонликка бурдилар,
Туғолмай қолса ҳам биздан кўрдилар,
Дардли уйимиздан кўчолмай қолдик.

Оҳ десак номардлар байрам қилдилар,
Қийналиб қургандик, вайрон қилдилар,
Аслида бизлардан ҳайрон қолдилар,
Ғофилнинг қалбини очолмай қолдик.

Маҳбубий дардини тингла бир нафас,
Дуо қил ботилга келсин басма-бас,
Унга ҳам бу ишлар эмасдир ҳавас,
Дўстлар таънасидан қочолмай қолдик.

©️ Таржимон Маҳбубий

* Аслида Каракўч шундай деган эди, ўзлаштиришда ўзгартирдим 😎😂😎

📨 Постни яқинларингизга ҳам улашинг!

Расмий канал👇
📱 @abrormuxtoraliy

#УЛКАН_АЖР

• Ким жанозага қатнашса бир қийрот ажр олади, дафнга қатнашса яна бир қийрот ажр олади!
• Бир қийрот ажр — ухуд тоғи қадар ажр ҳисобланади!

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ЭЪТИҚОД

• Сиз ўйлаганингиз ҳам, биз ўйлаганимиз ҳам бўлмайди.
• Аллоҳ хоҳлагани бўлади!

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ШЕЪРИЯТ

МАДИНАМ

(Нажиб Фозилдан ўзлаштирма)

Руҳимни эритган Зот,
Ишқ қолпига тўлдирмиш,
Уни Мадина дея
Бахт ерига қўндирмиш.
Ичимда ажиб бир ҳис,
Иймон, ишқ, ихлос, илм.
У менинг замон-макон
Ошиб ўтган севгилим.

Мадинам менинг жоним,
Севгилимдир севгилим.
Мадинам, Мадинам...

Она каби ёр бўлмас,
Мадина каби диёр.
Кулганини айтмайин,
Йиғлагани бахтиёр.
Ҳабибим ётар сокин,
Иймон дафиналикдир.
Ой ва қуёш азалдан,
Икки Мадиналикдир.

Рижоллар учун қўноқ,
Тоза қон каби қайноқ.
Мадинам, Мадинам...

Абу Бакр эр йигит,
Сафнинг бошида турар,
Оҳ, уммат ташвишида,
Қорни тўймаган Умар...
Усмон! Ҳаёли Усмон -
Жиққа ёшдир кўзлари.
Ҳар қадамда сезилар,
Ҳақ Алийнинг излари.

Бир вақтлар эди Ясриб,
Мунаввар этди Ҳабиб...
Мадинам, Мадинам...

Уҳуд анча кексайган,
Боқар кўзлари ғамза,
Шундоқ остонасида
Ётибди шаҳид Ҳамза.
Шаҳодат бармоғи бу,
Кўк бўйлаган минора,
Бақеъда ажиб маъно:
Ўлажакмиз, начора!

Соф иймонни изласанг,
Мадинадан изла сан!
Мадинам, Мадинам.

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ИЙМОН

• Салавотлар айтиб юришнинг фойдалари ҳақида!

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy