ပရိတ်သတ်ကြီးရေ. . .
ဒီတစ်ခါတော့ Tamil (တမီးလ်)ဇာတ်ကားကောင်းလေး ဘက်ကို လှည့်ကြဦးစို့။

မနှစ်က Ratsasan ဆိုတဲ့ တမီးလ် Thrillor ကားလေးကို တစ်ချို့တွေ မှတ်မိကြဦးမယ် ထင်တယ်။
အဲ့ဒီကားလေးဟာဆိုရင် ရှေ့ဘာဆက်ဖြစ်မလဲဆိုပြီး ဖင်တကြွကြွနဲ့ ရင်ဖိုစွာ အဆုံးသတ်အထိ ကြည့် ခဲ့ရတဲ့ ဇာတ်ကားကောင်းလေးပေါ့။

ဒီလိုပါပဲ ဒီတစ်ခေါက် အသစ်စက်စက် ထွက်ရှိလာတဲ့ကားလေး နာမည်က Adanga Maru (2018)တဲ့။

Adanga Maru ဆိုတာက မြန်မာလို ပြန်ဆိုရရင် "ဘယ်တော့မှခေါင်းငုံ့မခံဘူး" ဆိုတဲ့ အဓိပ္ပာယ်ပါ။

ဒီကားရဲ့ Main Charactor ကို တာဇံမင်းသား Jayam Ravi ကပါဝင်သရုပ်ဆောင် ပေးထားတာ ဖြစ်ပါတယ်

ရာကာ ဆိုတဲ့ အထက်တန်းကျောင်းသားလေးက မျိုးရိုးစဉ်ဆက် အကြားအမြင်ပညာရှိပြီး ငယ်စဉ်ကတည်းက သရဲပေါင်းစုံကို မြင်တွေ့နေရပြီး လိုအပ်တဲ့အချိန်တိုင်း အလျဉ်းသင့်သလို ကူညီပေးနေရတဲ့ လူငယ်လေးပါ။ ဒါပေမယ့် ဆိုးကျိုးအနေနဲ့ ကျောင်းမှာ အပေါင်းအသင်းမရှိပဲ အမြဲတမ်း အထီးကျန် အနိုင်ကျင့်ခံလေး ဖြစ်ပါတယ်။ အဲ့လိုကြောင့် ရာကာ တစ်ယောက် ဦးလေးရှိရာ ငယ်ဘဝနယ်မြို့ကို ပြန်လာပြီး ကျောင်းပြောင်းတက်ရာမှာ အထက်တန်းကျောင်းသူ သရဲမချောချော လေးနဲ့ သူငယ်ချင်းဖြစ်ပြီး အထီးကျန်နေတဲ့ ဘဝကို ကြည်နူးစွာ ဖြတ်သန်းနိုင်ခဲ့ပါတယ်။ အဲ့ဒီအချိန်မှာတော့ ရာကာ တက်နေတဲ့ ကျောင်းမှာ သူများကို အနိုင်ကျင့်နေကြတဲ့ ကျောင်းသားတစ်သိုက်ကို လျှို့ဝှက်ဆန်းကြယ်တဲ့ မျက်နှာဖုံးသရဲတစ်ကောင်က သေထိ တစ်ယောက်ပြီး တစ်ယောက် လိုက်လံ သတ်ဖြတ်နေခဲ့ပြီး ရာကာ တစ်ယောက် သရဲမလေးနဲ့အတူ ဘယ်လို ဖြေရှင်းမလဲဆိုတာကို ရင်တထိတ်ထိတ်နဲ့ စောင့်ကြည့်ရမှာ ဖြစ်ပြီး သရဲကားဆန်ဆန် အငွေ့အသက်တွေလည်း ပါသလို လူသတ်ကား အရသာမျိုးတွေကိုလည်း တွေ့ရမှာ ဖြစ်ပါတယ်။