တိတ်ဆိတ်တဲ့ညတစ်ညမှာ လူသတ်မှုတစ်ခုဖြစ်ပွားခဲပြီး အခင်းဖြစ်ပွားရာနေရာမှာ သံသယရှိသူနဲ့ နစ်နာသူရဲ့ အလောင်းနှစ်ခုရှိနေပါတယ်။ထူးဆန်းတာက တရားခံအဖြစ် သံသယရှိသူရဲ့ အလောင်းကလွန်ခဲ့တဲ့ သုံးလထဲက သေဆုံးပြီးသားအလောင်း ဖြစ်နေခဲ့လို့ ရဲတွေခေါင်းစားစေခဲ့တာပါ။အဲ့ဒီနောက်မှာပဲ ရုပ်သံတိုက်ရိုက်ထုတ်လွင့်မှု အစီအစဉ်တစ်ခုမှာ ဖုန်ဝင်းလာပြီး သူ့ကိုအင်တာဗျူးဖို့ ဖိတ်ခေါ်စေခဲ့ပြီး သူဟာ လူသတ်မှုကို ကျူးလွန်ထားသူ ဖြစ်ကြောင်းကိုပါ ပြောသွားခဲ့တာပါ။သူလူသတ်မှုကို ကျူးလွန်ထားတဲ့အကြောင်း လူသေကောင်တွေကို အောက်လမ်းနည်းနဲ့ထိန်းချုပ်ပြီး သတ်တယ်ဆိုတဲ့အကြောင်းတွေပါပြောသွားခဲ့ပြီး နောက်သတ်မဲ့သူတွေရဲ့အမည်တွေကိုပါပြောပြသွားတာပါ။လူသေအလောင်းတွေကို အောက်လမ်းနည်းနဲ့ အဝေးက ထိန်းချုပ်သူကို ဘယ်လိုပြန် c_o-u_n-t_e_r မလဲဆိုတာကိုပါ မြင်တွေ့ရမဲ့ T_h-e D_e-a_d M-a_n'-s P_r-e_y ပဲဖြစ်ပါတယ်။

တချို့ကိစ္စတွေမှာတော့ အဖြစ်မှန်ထက် ကိုယ့်စိတ်ထဲမှာခံယူထားတဲ့ အဖြေက ပိုပြီးအရေးကြီးပါတယ်။ ဇာတ်လမ်းလေးကတော့ အိမ်တွင်းပုန်းကောင်လေးတစ်ယောက် မှောင်မည်းတဲ့ မြေအောက်ကမ္ဘာသို့ မထင်မှတ်ဘဲ ရောက်သွားတဲ့အခါမှာ စိတ်ထားနူးညံ့ပြီး ချစ်စရာကောင်းတတ်သလို တစ်ခါတစ်လေ စိတ်ဆိုးပြီး သောင်းကျန်းတတ်တဲ့ ထူးခြားတဲ့ မြေအောက်သတ္တဝါလေးနဲ့ တွေ့ဆုံခဲ့ပါတော့တယ်။ အဲဒီလိုနဲ့ ထူးဆန်းသတ္တဝါလေးနဲ့ လူသားကောင်လေးရဲ့ မြေအောက်ကမ္ဘာခရီးစဉ်လည်း စတင်ခဲ့ပါတော့တယ်။ ကဲ၊ ဆိုးလ်ပရိတ်သတ်ကြီး—ချစ်စရာကောင်းတဲ့ သတ္တဝါလေးနဲ့အတူ မြေအောက်ကမ္ဘာကို အလည်သွားလိုက်ကြအောင်။

ဘဏ်လုံခြုံရေးအစောင့်တစ်ဦးဖြစ်တဲ့ ရှင်းဆော့ ဟွန်းက ဥက္ကာခဲ ကျရောက်မှုကြောင့် စွမ်းအင် သက်ရာက်မှုရှိနေသော တောင်ကျစမ်းရေကို သောက်မိပြီးနောက်မှာ အရာဝတ္ထုများကို စိတ်ဖြင့်‌ရွေ့လျားနိုင်သော သဘာဝလွန်စွမ်းအင်ကို ရရှိလာခဲ့ တယ်။
သူသည် အကြွေးကိစ္စကြောင့် ပြဿနာတက်ခဲ့ရာက နေ အမျိုးသမီးနဲ့ ကွာရှင်းပြီး သမီးဖြစ်သူ အသက် ၁၀ နှစ်ကတည်းက အိမ်က ထွက်လာကာ
တစ်ကိုယ်တည်းနေနေခဲ့တယ် တစ်နေ့မှာ သမီးဖြစ် သူ ရှင်းရှူမီက မိခင်ဖြစ်သူ ဆုံးပါးသွားကြောင်း သူ့ အား ဖုန်းဆက်ပြောခဲ့ရာ
ဈာပနာအခမ်းအနားကို ရောက်သွားခဲ့ပါတယ်။
အဲဒီအခါမှာတော့ ဇနီးသည်ရဲ့ သေဆုံးမှု အကြောင်း စုံကို သိသွားခဲ့ရပြီး သမီးဖြစ်သူ ကြုံတွေ့နေရတဲ့ ပြဿနာကိုပါ သိရှိသွားခဲ့တယ်။
ထယ်ဆန်းကုမ္ပဏီဟာ သမီးဖြစ်သူရဲ့ ဆိုင်ခန်းရှိရာ နမ်ဖြောင်းဈေးဆိုင်တန်း ဖြိုချပြီး တရုတ်ခရီးသွားတွအတွက် ဈျေးဝယ်စင်တာကြီး ဆောက်ဖို့ စီမံကိန်းဆွဲထားခဲ့တယ် အဲဒါကြောင့် နမ် ဖြောင်း‌ေဈးဝယ်စင်တာမှာ ဆိုင်ခန်းငှားခဲ့ကြတဲ့ တွေက ကျူးကျော်နေထိုင်သူများအဖြစ်သို့ နေချင်း ညချင်း ရောက်ရှိသွားခဲ့တယ်။

ဂွမ်ယူ (Ji Chang Wook)ဟာ နိုင်ငံ့လက်ရွေးစင် တိုက်ကွမ်ဒိုကစားသမားဟောင်းတစ်ယောက် ဖြစ်ခဲ့ ပေမဲ့ လက်ရှိမှာတော့ ကစားသမားဘဝကနေ ထွက် လိုက်ပြီး အင်တာနက်ဂိမ်းကို စွဲလန်းနေတဲ့ အလုပ်လက်မဲ့လူငယ်တစ်ယောက်ပါ။
ဂိမ်းထဲမှာ ဂွမ်ယူဟာ သူ့အဖွဲ့ရဲ့ခေါင်းဆောင်ဖြစ်ပြီး ဂိမ်းကစားတဲ့စွမ်းရည်ကြောင့် နောက်လိုက်အဖွဲ့ရဲ့ လေးစားမှုလည်း ရရှိထားပါတယ်။
တစ်နေ့မှာ သူ ဂိမ်းကစားနေတုန်း သူ့နားမှာ ကျန်ခဲ တဲ့ဖုန်းတစ်ခုကနေ ဖုန်းကိုပြန်လာပေးဖို့ အကူအညီတောင်းခဲ့ပြီး
ဖုန်းပြန်လာပေးတဲ့အနေနဲ့ ကျေးဇူးဆပ်ပါ့မယ်ဆိုပြီ ဂွမ်ယူကို ကမ်းလှမ်းခဲ့ပါတယ်။
ဒါကြောင့် ဖုန်းပြန်ပေးဖို့အတွက် ချိန်းထားတဲ့နေရာ ကိုသွားရာကနေ ချက်ချင်းဆိုသလို အသက်မပြည့ သေးတဲ့မိန်းကလေးတစ်ယောက်ကို မုဒိမ်းကျင့ သတ်ဖြတ်ခဲ့တဲ့ တရားခံ ဖြစ်သွားခဲ့ရပါတယ်။ မိခင်ကလည်း သားဖြစ်သူ ဂွမ်ယူ မတရားစွပ်စွဲခံရ တာကို ဖော်ထုတ်ဖို့အတွက် ကြိုးစားရင်းက ဆုံးပါ သွားခဲ့ပါတယ်။

ဖောက်ထွင်းလူလိမ်လို့ခေါ်ရလောက်အောင် ရှေးဟောင်းပစ္စည်းတွေကို ဖောက်ထွင်းပြီး ဈေးကောင်းပေးတဲ့နေရာမှာ ပြန်ရောင်းစားတဲ့ ဂန်ဒုန်ဂူဆိုတဲ့လူတစ်ယောက်ဟာ အပေါ်ယံမှာတော့ ရှေးဟောင်းယဉ်ကျေးမှုအဖွဲ့အစည်းရဲ့အကြီးအကဲဖြစ်ပြီး နောက်ကွယ်မှာ ရှေးဟောင်းပစ္စည်းတွေကို ရောင်းစားနေတဲ့ ဥက္ကဋ္ဌဂျင်ဆန်းဂူဆိုတဲ့လူနဲ့ပတ်သတ်ဖို့ဖြစ်လာခဲ့တဲ့အခါ…

ဘိုးတော်တပ်မက်လောက်မယ့်ပစ္စည်းကို ဖောက်ထွင်းပေးဖို့ကြိုးစားရင်း
ဂန်ဒုန်ဂူတို့အဖွဲ့ ဘယ်လိုတွေ ကတုံးပေါ်ထိပ်ကွက်မလဲဆိုတာကို ဆက်ကြည့်ပေးစေချင်ပါတယ်

မြို့နဲ့ဝေးတဲ့လယ်ကွင်းထဲမှာ သားအဖနှစ်ယောက်နေကြတယ်။အဖေကြီးကို လူတွေက သကြားလုံးသားသတ်သမားဆိုပြီးခေါ်ကြတယ်။လူသတ်ပြီးရင်အလောင်းကို လက်စဖျောက်ဖို့ သူ့ဆီပို့ကြတယ်။ တစ်နေ့တော့ သူ့ဆီလက်စဖျောက်ပေးဖို့ အလောင်းသုံးလောင်းလာပို့သွားကြတယ်။ကံဆိုးချင်တော့ အဲ့ထဲကကောင်မလေးတစ်ယောက်က မသေသေးတဲ့အခါ သူတို့ သားအဖနှစ်ယောက်ဘယ်လိုမျိုးတွေ ရင်ဆိုင်ရမလဲဆိုတာကို။

အာကီတိုဟာ အသက် ၁၇ နှစ်အရွယ် ပန်းချီဆရာလေးတစ်ဦးဖြစ်ပြီး တစ်နှစ်သာ အသက်ရှင်ခွင့်ရှိတော့တဲ့ ရောဂါဝေဒနာကို သိလိုက်ရတဲ့အခါ ဘဝအပေါ် စိတ်ပျက်ပြီး သူ့ရဲ့ဝါသနာကို စွန့်လွှတ်လိုက်ပါတယ်။
ဆေးရုံမှာပဲ သူ့လိုပင် ခြောက်လသာ အသက်ရှင်ခွင့်ကျန်တော့တဲ့ ရွှင်လန်းတက်ကြွတဲ့ ကောင်မလေး ဟာရူနာနဲ့ ဆုံတွေ့ခဲ့ပါတယ်။
ဟာရူနာဟာ သေခြင်းတရားကို ကြောက်ရွံ့ခြင်းမရှိဘဲ သူမရဲ့ကျန်ရှိတဲ့အချိန်တွေကို ပျော်ရွှင်စွာ ဖြတ်သန်းချင်သူပါ။ အာကီတိုဟာ မိမိရဲ့ရောဂါကို ဖုံးကွယ်ပြီး ဟာရူနာရဲ့ နောက်ဆုံးဆန္ဒတွေကို ဖြည့်ဆည်းပေးဖို့ ဆုံးဖြတ်ခဲ့ပါတယ်။
သူမအတွက် လုပ်ပေးရင်းနဲ့မှ အဓိပ္ပာယ်မဲ့နေပြီလို့ ထင်ခဲ့တဲ့ သူ့ဘဝအတွက် ပြန်လည်အသက်ရှင်လိုစိတ်နဲ့ မျှော်လင့်ချက်အသစ်တွေကို ဟာရူနာက မသိမသာပေးစွမ်းခဲ့ပုံကို စိတ်လှုပ်ရှားဖွယ် ရိုက်ကူးတင်ပြထားတဲ့ ရင်နင့်ဖွယ် Romance Drama ဇာတ်ကားဖြစ်ပါတယ်။

မင်းသား Hrithik Roshan ရဲ့နာမည်ကျော် ဘောလိဝုဒ်ဇာတ်ကားဖြစ်ပါတယ်။

အဓိပ္ပါယ် ကတော့ I…found someone ဖြစ်ပါတယ်။

ဒီဇာတ်ကားမှာတော့ အိန္ဒိယနိုင်ငံ Kasauli မြို့လေးမှာ Rohit (ရိုဟစ်) ဆိုတဲ့ ဉာဏ်ရည်မမီတဲ့ ကလေးစိတ်မပျောက်သေးတဲ့ ကောင်လေးတစ်ယောက်နှင့်သူ့ဖခင် Dr.Sanjay Mehra တီထွင်ထားတဲ့ computer က အာကသထဲကိုလွှတ်လိုက်တဲ့ ရေဒီယိုလှိုင်းတွေကြောင့် ရောက်လာတဲ့ ဂြိုလ်သား လေး jadoo (ဂျာဒူး) တို့ ရဲ့အကြောင်းပါ။

နောက်ပိုင်းတွေမှာ jadoo ရဲ့ အကူအညီနဲ့ သူချစ်နေတဲ့ ကောင်မလေး Nisha (နီရှာ) ကို ကြိုးစားပုံတွေ jadoo ရဲ့ စွမ်းအားတွေ လက်ခံအပြီး အရင်ပုံစံနဲ့ ဆန့်ကျင်ဖက်လုံးလုံး ဖြစ်သွားပုံတွေ ကိုတွေ့မြင်ရမှာပါ။

ဒီဇာတ်လမ်းကျောရိုးဟာ 1982 က Hollywood နာမည်ကျော်ဇာတ်ကား E.T , the Extra-Terrestrial ရဲ့ လွှမ်းမိုး မှုတွေ အများကြီးရှိတယ်လို့ ဝေဖန်ခြင်းတွေခံခဲ့ရပေမယ့်လူစွမ်းကောင်း Krrish မွေးဖွားဖို့ ဒီဇာတ်ကားပအစပြုထားနိုင်ခဲ့ပါတယ်။

ဒီဇာတ်ကားလေးကတော့ ဗုဒ္ဓဘာသာနဲ့ ကံနဲ့ကံရဲ့အကျိုးဖော်ကြူးထားတဲ့ ထိုင်းဇာတ်ကားကောင်းတစ်ကားးဖြစ်ပါတယ်။ ရွာတစ်ရွာမှ ကျောင်းထိုင်ဘုန်းကြီးနဲ့ဒကာမတယောက်ချစ်ကြိုက်ကြပြီး၊ ကလေးတစ်ယောက်ရခဲ့သော်လည်း ဘုန်းဘုန်းကလူဝတ်မထွက်လိုသဖြင့်ဖုံးကွယ်ထားသည်ကိုမိန်းမဖြစ်သူကကြောက်စိတ်ရှက်စိတ်များနဲ့အတူဘဘုန်းဘုန်းကိုအရွဲ့တိုက်ပြီးဘုန်းဘုန်းရဲ့အိပ်ဆောင်တွင် ဆွဲကြိုးချသေရာမှစ၍ ဇာတ်အိမ်တည်ကာ ပညာပေးပြီး ဗုဒ္ဓဘာသာကို မြင့်တင်ထားသလိုနာမည်ကြီး ဝါရင့်သရုပ်ဆောင်များ ပါဝင်သရုပ်ဆောင်ထားသဖြင့်ကြည့်ဖို့ လက်မလွတ်သင့်တာကြောင့် ဆက်ဆက်ကြည့်ရှုကြဖို့တိုက်တွန်းလိုက်ပါတယ်။

လူရယ်လို့ ဖြစ်လာရင် ဉာဏ်ပညာနဲ့ လွန်မှရတဲ့ အသိဆိုတာ လူတိုင်းမှာရှိနေစွမ်းပါပဲ။ ဉာဏ်ပညာဆိုတာ အတွေ့အကြုံကနေ ရလာတဲ့ အတတ်ပညာတွေကပြဿနာတစ်ခုခု ကြုံလာတဲ့အခါ ချက်ချင်း မကူညီပေးနိုင်ပေမယ့် နောက်တစ်ခါ အဲ့လို အမှားမျိုး မဖြစ်အောင် ကူညီပေးနိုင်လောက်တဲ့ အထိသာ စွမ်းဆောင်ပေးနိုင်ပါတယ်။ ထိုနည်းတူ လွန်မှရတဲ့ အသိဆိုတာကလည်း ကိုယ့်အမှားကြောင့် သင်ယူရတဲ့ အသိမျိုးဖြစ်တာကြောင့် ကိုယ့်အတွက် အရမ်းအရေးမပါဘူးလို့ ထင်ရပေမယ့် ရဲတွေ၊ စုံထောက်တွေ လုပ်ငန်းခွင်မှာတော့ အဲ့ဒီ ဉာဏ်ပညာနဲ့ လွန်မှရတဲ့ အသိတွေဟာ ကိုယ့်နောက်က ရောက်လာမဲ့ နောင်လာနောက်သား လူသစ်တွေအတွက် အရေးကြီးလွန်းတာ ဖြစ်ပါတယ်။

ဝေါလ်ကာမိသားစုဝင်တွေထဲမှာဆိုရင် အလုပ်လည်းကြိုးစား တစ်ချိန်ထဲမှာ မိသားစုဘဝကို ဟန်ချက်ညီအောင်ကြိုးစားထိန်းပေးတဲ့ အမေဖြစ်သူ “ဂျက်စ်”၊ 90’s တွေရဲ့ Oldies Vibe အပြည့်နဲ့ သားဖြစ်သူရဲ့အထက်တန်းကျောင်းမှာ ဂီတဆရာဝင်လုပ်နေတဲ့ တစ်ချိန်ကနာမည်ကြီးအဆိုတော်ဖြစ်ခဲ့သူ ဖေကြီး “ဘေလ်”၊ Young Sheldon လေးလို ဆယ်ကျော်သက်အရွယ်နဲ့ Advanced Theoretical Physics ရဲ့ ရာစုနှစ်ချီ မပြေလည်နိုင်တဲ့ပြဿနာတွေကို ဖြေရှင်းဖို့ကြိုးစားနေတဲ့ Introvert သားလေး “ဝိုင်ယက်”၊ လာမယ့်ရာသီမှာ နိုင်ငံကိုယ်စားပြု ၁၈ နှစ်အောက်ဘောလုံးအသင်းကိုဝင်နိုင်ဖို့ကြိုးစားနေတဲ့ ခေတ်ဆန်ဆန်သမီး “စီစီ”၊ တို့အပြင် အထွေးဆုံးသားလေး မိုင်းလ်စ်နဲ့ ခွေးဘီလူးပစ်ကယ် တို့ပါဝင်ပါတယ်။ ဝေါလ်ကာတို့မိသားစုရဲ့ ကလေးအကြီးနှစ်ယောက်ဟာဆိုရင် ဆယ်ကျော်သက်တွေဖြစ်လာကြတဲ့အလျောက် ကလန်ကဆန်ပြုတတ်ကြတဲ့ “Rebellious Phase” ကို ရောက်လာကြပါတယ်။ သားတော်မောင်က ငယ်ငယ်ရွယ်ရွယ်နဲ့ ရေးလ်တက္ကသိုလ်အင်တာဗျူးဖြေပြီး အဝေးကိုကျောင်းသွားတက်ရမှာကတစ်ကြောင်း၊ သမီးတော်က နောက်ရာသီ နိုင်ငံအသင်းမှာပါဝင်ခွင့်ရသွားရင် အိမ်နဲ့ခွဲရပြီး စခန်းသွင်းလေ့ကျင့်နေရမှာကတစ်ကြောင်း၊ အဲဒီကိစ္စနှစ်ခုကြောင့် မိဘနှစ်ယောက်က စိတ်ဖိစီးပြီး ခရစ္စမတ်မှာ သောကရောက်နေရပါတယ်။ တစ်နေ့ ဝေါလ်ကာမိသားစုတို့ ခရစ္စမတ်မှာ မိသားစုလိုက်လျှောက်သွားကြဖို့ဆိုပြီး နက္ခတ်တာရာပြခန်းကိုရောက်လာကြတဲ့အခိုက်မှာ အံ့ဖွယ်ဖြစ်ရပ်တစ်ခုနဲ့ကြုံပြီး Body Swap တွေဖြစ်သွားကြပါတယ်။ အဖေက သားနဲ့ပြောင်းပြန်၊ သမီးက အမေ၊ အထွေးဆုံးသားလေးက ခွေးနဲ့ ခန္ဓာချင်းလဲသွားကြတဲ့အချိန်မှာ ဝေါလ်ကာတို့မိသားစု တစ်ယောက်ပြဿနာကို တစ်ယောက်ရှင်းရင်း အချင်းချင်းပြန်ပြီးနီးစပ်ကာ နွေးထွေးလာတဲ့ပုံကို ဒီဇာတ်ကားလေးမှာမြင်တွေ့ရမှာပဲဖြစ်ပါတယ်...