ဗိုက်ကင်းဘုရင် အာဗန်ဒေးမှာ အမ်လက်သ်ဆိုတဲ့သားတော်မင်းသားလေးတစ်ပါးရှိပါတယ်။ တစ်နေ့မှာတော့ ဘုရင်အာဗန်ဒေးရဲ့ညီ ဖီအိုနာက သူ့အစ်ကိုကို လုပ်ကြံပြီး ထီးနန်းကိုသိမ်းပိုက်လိုက်ပါတော့တယ်။ ဒါအပြင် အမ်လက်သ်ရဲ့အမေကိုပါ ဖမ်းဆီးပြီး အမ်လက်သ်ကိုပါသ!တ်ဖို့ကြိုးစားခဲ့ပါတယ်။ ဒါပေမဲ့ ကံကောင်းပြီး အမ်လက်သ်လွတ်သွားတဲ့အခါ ထီးနန်းကိုပြန်ယူဖို့၊ မိခင်ကိုကယ်တင်ဖို့ နဲ့ အဖေအတွက် လက်စားချေဖို့ ပြန်ကြိုးစားပါတော့တယ်.....

ဆမ်ဆန်ဆိုတာကတော့ ဟီဘရူးကျမ်းစာပါ အကြီးအကဲတစ်ဦးဖြစ်ပါတယ်။ရဲစွမ်းသတ္တိနဲ့ပြည့်စုံတဲ့ ဆမ်ဆန်ဆိုတာ ဘုရားသခင်ကပေးအပ်ထားတဲ့စွမ်းအင်တွေနဲ့ပြည့်စုံတဲ့လူသားပါ။ ထိုစွမ်းအင်တွေကိုကောင်းစွာထိန်းသိမ်းထားနိုင်ဖို လိုက်နာရတဲ့စည်းကမ်းချက်၃ခုရှိပါတယ်။ဆံပင်မညှပ်ရ၊အရက်မသောက်ရ၊ အသေကောင်တွေကိုမထိရဆိုတာတွေပါပဲ။ဆမ်ဆန် မွေးဖွားလာတဲ့အချိန်မှာ ဟီဘရူးတွေကို
ဖီလစ်စတင်းလူမျိုးတွေက ကျွန်ပြုအုပ်စိုးနေတဲ့အချိန်ဖြစ်နေပြီး မျိုးနွယ်ရဲ ့မျှော်လင့်ချက်က သူ့အပေါ်မှာပါ။ဒါပေမယ့် စိတ်ထားအရမ်းကောင်းတဲ့ဆမ်ဆန်တစ်ယောက် အများအကျိုးတွက်ဆောင်ရွက်နိုင်ခဲ ရဲ လား။သူရဲ စည်းကမ်းချက်၃ခုကိုရောမကျိုးမပေါက်အောင်စောင့်ထိန်းနိုင်ပါ့မလား။သူတို့မျိုးနွယ်စုကရော ဘယ်လိုရုန်းကန်လှုပ်ရှားရမလဲဆိုတာ စိတ်ဝင်စားစရာပါပဲ။သမ္မာကျမ်းစာပါ နာမည်ကြီးဇာတ်ကောင် ဆမ်ဆန်အကြောင်း

ဂူအောင်းလူသားတွေခေတ်ကတည်းက ခွေးလေးတွေဟာ လူတွေအတွက်အဖော်မွန်တွေပါ လူသားတွေထက် အာရုံခံစွမ်းကောင်းကြတဲ့အတွက် သားရဲတွေရဲ့အန္တရာယ်ကို သတိပေးခဲ့ကြတဲ့ မိတ်ဆွေလေးတွေပေါ့...အန်ဒီဆိုတဲ့ခွေးလေးကလည်း တော့ဒ်ဆိုတဲ့အမျိုးသားတစ်ယောက်ရဲ့အဖော်မွန်ကောင်းပါ...ပြင်းထန်အဆုတ်ရောဂါကို ခံစားနေရတဲ့တော့ဒ်က ကျေးလက်ဒေသမှာရှိတဲ့ မိသားစုပိုင်အိမ်အိုကြီးကို ပြောင်းလာခဲ့ချိန်မှာတော့ ထူးဆန်းတာတွေကို ခံစားမိတဲ့ခွေးလေးအန်ဒီက တော့ဒ်ကိုသတိပေးရုံတင်မက သူ့အစွမ်းအစရှိသမျှနဲ့ ကယ်ဆယ်ပေးဖို့ကြိုးစားလာပါတော့တယ်...

ငယ်စဉ်ကတည်းက ရိုးရာနတ်ပညာ၊ ပယောဂအတတ်တွေမှာ စိတ်ဝင်စားခဲ့တဲ့ ယွန်းဂျီဟီး (Kim Gyuri) ဟာ
ယောက်ျားတွေကို အသုံးချပြီး လိုချင်တာကို အရယူနိုင်မှန်း နားလည်သွားတဲ့အခါ မျက်နှာခွဲစိတ်ပြုပြင်ပြီး
အထောက်အထား အကုန် အတုလုပ်ပြီးတော့ ဘဝအသစ်နဲ့ စတင်နေထိုင်ခဲ့ပါတယ်။
အဲဒီအချိန်မှာပဲ အာဏာရဲ့ အရသာကို မြည်းစမ်းကြည့်မိသွားတဲ့ ဂျီဟီးတစ်ယောက် တောင်ကိုးရီးယား
တစ်နိုင်ငံလုံးကို သူ့လက်ခုပ်ထဲ ရောက်‌အောင်လုပ်မယ်ဆိုတဲ့ ရမ္မက်စိတ်နဲ့ လူ့အသက်ကိုပါ
ထိခိုက်စေလောက်တဲ့အထိ ပယောဂအတတ်ကို အသုံးချလာပါတော့တယ်။
မယုံကြည်နိုင်ဖွယ် ဖြစ်ရပ်တွေ ဆက်တိုက်ဖြစ်လာလေလေ  ဂျီဟီးအတွက် ပန်းတိုင်နဲ့ နီးကပ်လာလေပဲပေါ့။

အာကီတိုဟာ အသက် ၁၇ နှစ်အရွယ် ပန်းချီဆရာလေးတစ်ဦးဖြစ်ပြီး တစ်နှစ်သာ အသက်ရှင်ခွင့်ရှိတော့တဲ့ ရောဂါဝေဒနာကို သိလိုက်ရတဲ့အခါ ဘဝအပေါ် စိတ်ပျက်ပြီး သူ့ရဲ့ဝါသနာကို စွန့်လွှတ်လိုက်ပါတယ်။
ဆေးရုံမှာပဲ သူ့လိုပင် ခြောက်လသာ အသက်ရှင်ခွင့်ကျန်တော့တဲ့ ရွှင်လန်းတက်ကြွတဲ့ ကောင်မလေး ဟာရူနာနဲ့ ဆုံတွေ့ခဲ့ပါတယ်။
ဟာရူနာဟာ သေခြင်းတရားကို ကြောက်ရွံ့ခြင်းမရှိဘဲ သူမရဲ့ကျန်ရှိတဲ့အချိန်တွေကို ပျော်ရွှင်စွာ ဖြတ်သန်းချင်သူပါ။ အာကီတိုဟာ မိမိရဲ့ရောဂါကို ဖုံးကွယ်ပြီး ဟာရူနာရဲ့ နောက်ဆုံးဆန္ဒတွေကို ဖြည့်ဆည်းပေးဖို့ ဆုံးဖြတ်ခဲ့ပါတယ်။
သူမအတွက် လုပ်ပေးရင်းနဲ့မှ အဓိပ္ပာယ်မဲ့နေပြီလို့ ထင်ခဲ့တဲ့ သူ့ဘဝအတွက် ပြန်လည်အသက်ရှင်လိုစိတ်နဲ့ မျှော်လင့်ချက်အသစ်တွေကို ဟာရူနာက မသိမသာပေးစွမ်းခဲ့ပုံကို စိတ်လှုပ်ရှားဖွယ် ရိုက်ကူးတင်ပြထားတဲ့ ရင်နင့်ဖွယ် Romance Drama ဇာတ်ကားဖြစ်ပါတယ်။

ဒီဇာတ်ကားမှာတော့ အဂျေး နဲ့ အပေါင်းအပါတွေရဲ့ လိမ်လည်မှုပညာ တွေကို အဓိက တင်ဆက်ထားပြီး လူလိမ်နဲ့ ရဲကြား အားပြိုင်မှုကို ဖော်ပြထားပါတယ်။

ဒီနေရာမှာ အဂျေးနဲ့ အပေါင်းအပါတွေဟာ ခေသူတွေမဟုတ်ပါဘူး။

၀န်ကြီးချုပ်ကိုတောင် လိမ်လည်နိုင်စွမ်းရှိခဲ့သူတွေပါ သူတို့တွေ ဘယ်သူတွေကို ဘယ်လို လိမ်ခဲ့ကြမှာလဲ။

ရဲတွေလက်ကနေ ဘယ်လောက် ဖောက်ထွက်နိုင်မလဲ / အလွန်တော်တဲ့ စုံထောက်တွေကရော ဖမ်းဆီးနိုင်မလား ဆိုတာ ရင်ခုန်ခံစားရမှာပါ။

အဂျေး အဖြစ် မင်းသားကြီး အရှေးကူးမားက ပါ၀င်သရုပ်ဆောင်ထားပြီး Bollywood ဇာတ်ကားကောင်းတို့၏ ထုံးစံအတိုင်း ပဉ္စလက်ဆန်ဆန် လှည့်ကွက်တွေနဲ့ ဆွဲဆောင်သွားစေမှာ ဖြစ်လို့ ကြည့်ရှုအားပေး ခံစားကြည့်ကြစို့လားခင်ဗျာ......

အခုတစ်ခါတင်ဆက်ပေးမယ့် ကား
လေးကတော့ မင်းသားကြီးကာသီနဲ့ မင်းသမီးရာရှီးခန်နားတို့အဓိကပါဝင်သရုပ်ဆောင်ထားတဲ့စပိုင်အက်ရှင်ကားကောင်းလေးတစ်ကားပဲဖြစ်ပါတယ်...

ဗီဂျေးဟာ တမီလ်နာဒုပြည်နယ်တဝိုက်မှာ ရေပန်းစားနေတဲ့ ရဲအရာရှိလေးပေါ့ သူ့ကြောင့်နဲ့တမီလ်နာဒုရဲဌာနကို ဂုဏ်တက်အောင် ဆောင်ကြဉ်းပေးခဲ့သူပါ...

ဒါပေမဲ့ အတိတ်က အမည်းစက်က ဖျောက်ဖျက်ရခက်တယ်မလား သူ့ဖခင် ဆာဒါဟာ နိုင်ငံတော်အတွက်စပိုင်တစ်ယောက်အဖြစ် တာဝန်ထမ်းဆောင်နေစဉ်နိုင်ငံတော်သစ္စာဖောက်ပုန်ကန်သူဆိုပြီး ကင်ပွန်းတပ်လိုက်ကြတော့

ဒီဂယက်ဟာ သူဘယ်လောက်ပဲ ကောင်းကျိုးထမ်းရွက်နေပါစေ သူ့ဆီတော့လာရိုက်ခတ်နေပါတယ်...

ဆာဒါဟာ အဲ့ဒီဖြစ်စဉ်ပြီးကတည်းက သေလားရှင်လားမသိရတော့တဲ့သူပါ...

တစ်ဖက်မှာလည်း စီးပွားရေးလုပ်ငန်းရှင်တစ်ယောက်ဟာ နိုင်ငံ့အကျိုးအတွက်လို့အမည်တပ်ပြီး ပရောဂျက်တစ်ခုကနေ ပြည်သူတွေဆီက အမြတ်ထုတ်ဖို့ ကြံနေပါတယ်...

ဒါကို သိတဲ့ တခြားစပိုင်တွေဟာလည်း ဒီပရောဂျက်ကြီးကိုရှင်းထုတ်ဖို့အရေးကြံရပါတော့မယ်...

အဲ့ဒီလို ကြံနေတဲ့သူတွေဟာလည်း ဒီကိစ္စကို
ဆာဒါတစ်ယောက်ကပဲ ဖြေရှင်းနိုင်မယ်လို့ ယုံကြည်လာကြတဲ့အခါ....

ရိုးရာယုံကြည်မှုအစွဲအလန်းတွေဟာ အစွန်းရောက်တဲ့အထိ ဖက်တွယ်ထားဖို့အဆင်မပြေဘူးဆိုပေမယ့် တစ်ခါတစ်လေမှာပစ်ပယ်ထားလို့မရတဲ့အရာမျိုးတွေရှိနေတတ်ပြန်ပါသေးတယ်အီပန်းဆိုတဲ့ကောင်လေးကတော့ အဘိုးအဘွားတွေ ဆုံးမလေ့ရှိတဲ့နေဝင်ရီတရောအချိန်မှာလေမချွန်နဲ့ဆိုတဲ့ တားမြစ်ချက်ကိုဖောက်ဖျက်ခဲ့မိလို့ အိမ်မက်ဆိုးတွေအကြိမ်ကြိမ်မက်၊ မမြင်အပ်တဲ့အရာတွေကိုထပ်တလဲလဲမြင်ရာကနေပြီး လိပ်ပြာငယ်လာတဲ့နောက် တစ်ဖက်လောကမှာရှိတဲ့ မကောင်းဆိုးဝါးဖုတ်သရဲက လူလဲဖို့ကြိုးစားလာတဲ့အထိ အသက်အန္တရာယ်ကြုံတွေ့ခဲ့ရပါတယ်။ဒါတွေအားလုံးဟာ သူတို့ရွာက ပတေးဆိုတဲ့ လူတစ်ယောက်ရွာအစွန်တောအုပ်ထဲကို ငှက်သွားဖမ်းရာကနေ မမြင်အပ်တဲ့တစ်စုံတစ်ရာရဲ့ဖမ်းဆီးခေါ်သွားမှုကို ခံခဲ့ရပြီးပြန်ရောက်အလာမှာ အိပ်ယာပေါ်မလှုပ်မယှက်ပက်လက်ဘ၀ကိုရောက်သွားတဲ့ဖြစ်ရပ်ကနေ စတင်ခဲ့ပါတယ်။