လောင်းကစားလောကမှာ ကျက်စားနေတဲ့လူတွေထဲမှာ အဓိကနှစ်မျိုးနှစ်စားပဲရှိပါတယ်တဲ့ခွေးဖြစ်နွားဖြစ်လောင်းရင်း လမ်းဘေးရောက်တဲ့သူနဲ့ ကြက်ကန်းဆန်အိုးတိုးရင် ရွှေပုံပေါ်ရောက်တဲ့သူတွေပေါ့။ဒါပေမဲ့တကယ်တန်းကျတော့ ရွှေပုံပေါ်စံရတဲ့သူက များများစားစားမရှိလှပေမဲ့ တစ်သန်းမှာတစ်ခါ
အခွင့်အ‌ရေးဆိုတဲ့ စိုင်ကော်လို့ခြုံပေါ်ရောက်ချင်သူက များများရယ်ဆိုတော့ လောင်းကစားလောကကြီးက မတိမ်ကောနိုင်ဖြစ်နေတာပေါ့။
ဒီတစ်ခါမှာတော့ အရမ်းကိုမိမိုက်တဲ့ လောင်းကစားဇာတ်ကားလေးနဲ့ မိတ်ဆက်ပေးမှာပါ။Card Castle Clubဆိုတဲ့ လျှို့ဝှက်အဖွဲ့အစည်းရဲ့ လောင်းကစားပွဲမှာ အကြောင်းအမျိုးမျိုးကြောင့် ပါဝင်ဖို့ စုဝေးလာကြတဲ့လူ 7 ယောက်ဒီလူ 7 ယောက်ထဲကအနိုင်ရတဲ့သူအတွက် စောင့်ကြိုနေတာက ကုဋေ 100 ဆိုတဲ့ပမာဏနေ့ချင်းညချင်းဘဝပြောင်းသွားနိုင်တဲ့ပမာဏကလည်းဖြစ် ကိုယ်စီအကြောင်းရင်းတွေရှိနေကြသူတွေလည်းဖြစ်နေတာမလို့
အားလုံးက ဒီgrand prizeကိုရဖို့ ဉာဏ်နီဉာဏ်နက်မျိုးစုံ ထုတ်သုံးလာကြချိန်မှာတော့…
(အညွှန်းနဲ့ဘာသာပြန်ကတော့ B teamမှဖြစ်ပါတယ်)

တောင်ကိုရီးယားနဲ့မြောက်ကိုရီးယားအချစ်ဇာတ်လမ်းတွေပဲကြည့်နေရတာ ရိုးနေတဲ့သူတွေအတွက်
ဒီရုပ်ရှင်ကတော့ တောင်မြောက်ကိုရီးယားနှစ်နိုင်ငံကြားက ဟာသကားလေးလို့ ပြောလို့ရပါတယ်

ပေါက်ရင် ဆုကြေးငွေ သန်းပေါင်း ၅၇၀၀ ကျော်ကို ရရှိနိုင်မယ့် ထီလက်မှတ်လေးတစ်စောင်ဟာ ကံစီမံရာကိုလိုက်ပြီး
လမ်းဘေးအရက်ဆိုင်ကနေ တောင်ကိုရီးယားစစ်တပ်ထဲက တပ်ကြပ်ကြီး ဘတ်ချွန်းဝူရဲ့ လက်ထဲအထိ ရောက်လာခဲ့ပါတယ်

ဒီလိုနဲ့ ဘတ်ချွန်းဝူရဲ့လက်ထဲမှာ ဒီထီလက်မှတ်လေးဟာ သန်းပေါင်း ၅၇၀၀ အထိ ရရှိမယ့်
ထီပထမဆုကြီးကို ဆွတ်ခူးလိုက်ပြီးတဲ့နောက် ကံစီမံရာအတိုင်း လေဟုန်စီးပြန်ပါလေရော

တောင်မြောက်နယ်နိမိတ်စည်းမှာ ကင်းစောင့်နေတဲ့ တပ်ကြပ်ဘတ်ချွန်းဝူရဲ့လက်ထဲကနေ
လွတ်ထွက်လာတဲ့ ဒီထီလက်မှတ်လေးကတော့ မြောက်ကိုရီးယားဘက်ကို ရောက်ရှိသွားခဲ့တဲ့နောက်...

အမွှာတွေဆိုရင် စိတ်ချင်းဆက်ပြီး စိတ်တူကိုယ်တူရှိကြတာများပါတယ်။
ဒီလို စိတ်တူကိုယ်တူအမွှာတွေအများကြီးရှိတဲ့ကြားထဲကနေ
တစ်ယောက်ကဖြူစင်ပြီး နောက်တစ်ယောက်က အရိုင်းဆန်ပြီးသွေးဆာနေတဲ့
အမွှာလေးနှစ်ယောက်အကြောင်းကို တင်ဆက်ပေးချင်ပါတယ်။
မိုဟန်ဆိုတဲ့လူမှာ အမွှာလေးနှစ်ယောက်ရှိပါတယ်။
ဗီဂျေးနဲ့ ဆာဂါတဲ့။ ဒီအမွှာလေးတွေ မမွေးခင်မှာ မိခင်ဖြစ်သူဟာ စိတ္တဇစာအုပ်တွေကိုပဲ ဖတ်ချင်စိတ်ပြင်းပြနေပါတယ်။
ဒီလိုနဲ့ ဗီဂျေးနဲ့ ဆာဂါဆို့ အရွယ်နည်းနည်းရလာတော့ သူတို့ရပ်ကွက်ထဲမှာ အိမ်မွေးအကောင်လေးတွေ
နေ့တိုင်းနီးပါး သေဆုံးနေခဲ့ပြီးတော့ ဒီကိစ္စကို ကာကွယ်နိုင်ဖို့အတွက် အစောင့်တစ်ယောက်ငှားပြီး ရပ်ကွက်ကို ကင်းစောင့်ခိုင်းခဲ့ပါတယ်။
ဒီလိုနဲ့ သိလာရတာကတော့ ဒီကိစ္စတွေက မိုဟန်ရဲ့သားနှစ်ယောက်တည်းက တစ်ယောက်ရဲ့လက်ချက်ဖြစ်နေတယ်ဆိုတာပါပဲ။
ဒီလိုနဲ့ ရပ်ကွက်ကလူကြီးတွေအကြံပေးချက်အရ သားနှစ်ယောက်ကို စိတ်ကျန်းမာရေးစစ်ဆေးကြည့်လိုက်တော့..

ဒီဇာတ်ကားလေးထဲမှာတော့ အဓိကဇာတ်ကောင် Kim Dokja က သာမန် ကုမ္ပဏီဝန်ထမ်း တစ်ဦးပါ။ သူ့ရဲ့ တစ်ခုတည်းသော ဝါသနာကတော့ Three Ways to Survive in a Ruined World ဆိုတဲ့ ဝက်နိုဗယ်ကို ဖတ်တာပါ။ အဲဒီဝတ္ထုကို ဆယ်နှစ်ကျော် သူတစ်ယောက်တည်း အဆုံးအထိ ဖတ်ခဲ့တာဖြစ်ပါတယ်။

တစ်နေ့မှာတော့ လောကကြီးဟာ သူဖတ်နေခဲ့တဲ့ ဝတ္ထုထဲကအတိုင်း ပြောင်းလဲသွားပါတော့တယ်။ လူတွေဟာ Scenario တွေ မအောင်မြင်ရင် သေကြရမဲ့ ကမ္ဘာကြီးထဲမှာ အသေအကြေတိုက်ပွဲဝင်‌ နေရပါတယ်။ ဒီနေရာမှာ Kim Dokja ရဲ့ အားသာချက် တစ်ခုကတော့ အဲဒီလောကကြီးအကြောင်း ကြိုသိနေတာပါပဲ။

ဒီလောကထဲမှာ သူ့ရဲ့ မူရင်းဝတ္ထုရဲ့ အဓိကဇာတ်ကောင် Yoo Junghyuk နဲ့ တွေ့ခဲ့ပြီး ဘယ်လိုတွေ ဆက်ဖြစ်ကြဦးမှာလဲ။ မူရင်းဇာတ်ကောင်ကရော တကယ်ပဲ အသက်ပေးရလောက်တဲ့အထိ စွန့်လွှတ်မှုမျိုးကို လုပ်ရမှလား။ Yoo Junghyuk ကလည်း Kim Dokja  နဲ့ အတူတူ အတိတ်ကအမှားတွေအတွက် အပြစ်ရှိသူတစ်ယောက်အဖြစ် ခံစားနေရပြီး စိတ်ဒဏ်ရာရနေသူတစ်ယောက်ပါ။ ဒီလိုသူတို့နှစ်ယောက် ဇာတ်ညွှန်းကို ဘယ်လိုပြောင်းရေးကြမလဲ။ တကယ်ပဲ ဇာတ်ညွှန်းက ပြောင်းလဲသွားမှာလား။

ပူရ်နာဟာ အောင်မြင်လူကြိုက်များတဲ့ ဆိုရှယ်အင်ဖလူရန်ဇာဘ၀ကနေ
သရုပ်ဆောင်ဘ၀ကို တက်လှမ်းနိုင်ခဲ့တဲ့ တက်သစ်စမင်းသမီးတစ်ယောက်ပါ။
ဒါပေမဲ့ သူ့အလုပ်ကို မိသားစုကရော ချစ်သူကပါ မကြည်ဖြူပါဘူး။
သူ့အိပ်မက်တွေကို ပုံဖော်ခွင့်ရတော့မယ် သူ့အနာဂတ်ဟာ တောက်ပနေပြီလို့
ထင်ရပေမဲ့ အနှောင့်အယှက်ကြီးကြီးတစ်ခု ၀င်လာခဲ့ပါတယ်။ တစ်နေ့တော့
သူ့အလုပ်နဲ့ပတ်သက်ပြီး ချစ်သူနဲ့ အကြီးအကျယ်စကားများရာကနေ
ပြဿနာအစပျိုးလာတာ ဖြစ်ပါတယ်။
ပူရ်နာတစ်ယောက် အညွှန့်တလူလူတက်ရမဲ့အချိန်မှာ အညွှန့်ချိုးခံရတဲ့အဖြစ်မျိုး ကြုံလိုက်ရတာပါ။
အဲဒီအဖြစ်ကြောင့် ပူရ်နာဟာ သတ်သေဖို့ကြိုးစားပေမဲ့လည်း မအောင်မြင်တာကြောင့်
သူ့ကိုသတ်ဖို့ လူသတ်သမားကို ကိုယ်တိုင်ငှားရမ်းလိုက်ပါတယ်။
ဒီလိုနဲ့ ပူရ်နာတစ်ယောက် ဘာတွေဆက်ကြုံတွေ့ရမဲ့၊
သူ့ကိုယ်သူသေအောင်လုပ်မဲ့ အကြံကအောင်မြင်ပါ့မလား
ဆိုတာကို တွေးတောဆင်ခြင်စရာတွေနဲ့အတူ စိတ်၀င်တစားကြည့်ကြရမှာပါ။
(ဒီစီးရီးအတွက် အညွှန်းနဲ့ဘာသာပြန်တွေကတော့ Cym~ToMo~KKKZ~Alex~ZweYan ဖြစ်ပါတယ်။)

ဗိုက်ကင်းဘုရင် အာဗန်ဒေးမှာ အမ်လက်သ်ဆိုတဲ့သားတော်မင်းသားလေးတစ်ပါးရှိပါတယ်။ တစ်နေ့မှာတော့ ဘုရင်အာဗန်ဒေးရဲ့ညီ ဖီအိုနာက သူ့အစ်ကိုကို လုပ်ကြံပြီး ထီးနန်းကိုသိမ်းပိုက်လိုက်ပါတော့တယ်။ ဒါအပြင် အမ်လက်သ်ရဲ့အမေကိုပါ ဖမ်းဆီးပြီး အမ်လက်သ်ကိုပါသ!တ်ဖို့ကြိုးစားခဲ့ပါတယ်။ ဒါပေမဲ့ ကံကောင်းပြီး အမ်လက်သ်လွတ်သွားတဲ့အခါ ထီးနန်းကိုပြန်ယူဖို့၊ မိခင်ကိုကယ်တင်ဖို့ နဲ့ အဖေအတွက် လက်စားချေဖို့ ပြန်ကြိုးစားပါတော့တယ်.....

အက်ရှင်ကားကောင်းတွေက ကြိုက်နှစ်သက်တဲ့ ဘောလီးဝုဒ်ပရိသတ်ကြီးအတွက်
အကြမ်းပတမ်းအသတ်အပုတ်မှာ လှည့်ကြည့်စရာမလိုအောင် တဂျိမ်းဂျိမ်းချတဲ့
ကန်နာဒါကားလေးတစ်ကားလာပါပြီ ကန်နာဒါကားတွေထုံးစံ မင်းသားနဲ့ အုပ်လိုက်
အုပ်လိုက်နဲ့မင်းသား လေပေါ်မြှောက်အောင်ထိုးပြီး သွေးတရဲရဲနဲ့ သောက်ခွက်ညိုအောင်ကျွေးတဲ့
အားရပါးရကို အဝကြည့်ရမဲ့ အက်ရှင်ကားလေးပါပဲ

ဇာတ်လမ်းလေးကတော့ မန်ဂလူရူမြို့က ကောလိပ်လေးတစ်ခုမှာ နယ်ခံကျောင်းသားတွေက
တခြားကလာပြီး အဆောင်နေတဲ့ ကျောင်းသားတွေကို အနိုင်ကျင့်နေတာကြာပါပြီ...

တစ်နေ့မှာ သူတို့က ယူဗာလို့ခေါ်တဲ့ အင်ယာကျောင်းသားတစ်ယောက်ကို
သူတို့ဆိုင်ကယ်ပါကင်မှာ ဆိုင်ကယ်လာရပ်လို့ ဆိုင်ကယ်ကို ရိုက်ခွဲလိုက်တာကစပြီး
ယူဗာနဲ့ နယ်ခံကျောင်းသားတွေ...ရန်တွေဖြစ် တွေ့တဲ့နေရာကြိတ်ကြပြီး
နယ်ခံကျောင်သားတွေတင်မက နယ်ခံလူမိုက်တွေနဲ့ပါ ဇယားတွေရှုပ်ကုန်ပါတော့တယ်...
ယူဗာနဲ့ နယ်ခံကောင်တွေ ဘယ်လိုကျွေးကြမလဲဆိုတာ ပိတ်ကားပြင်ထက်မှာ
ဆက်လက်အားပေးကြဖို့ တင်ဆက်ပေးလိုက်ပါတယ်...