လေယာဉ်မှူးဘီလ်ဖော်ရက်စ်တာဟာ သူ့ချစ်သူနဲ့လန်ဒန်မှာမင်္ဂလာပွဲကျင်းပနေတယ်….ချစ်ရသူနဲ့ပေါင်းဖက်ဖို့အပြုံးကိုယ်စီနဲ့ပေါ့…ကံဆိုးစွာအဲ့ညမှာပဲ ဂျာမန်တွေက ဗုံးမိုးရွာချလို့
အဆောက်အဦးတစ်ခုလုံးပြိုကျတဲ့အပြင် ဇနီးလောင်းလေးလည်း သေဆုံးသွားရှာတယ်…
ဖြေမဆည်နိုင်တဲ့ ဖော်ရက်စ်တာဟာ ဒီစိတ်ဒဏ်ရာကြီးနဲ့ စစ်ထွက်
လာရတယ.အဲ့ဒီမှာ သူအကြံရလာတယ်…နေလို့မကောင်းတဲ့လောကကြီးမှာမြန်မြန်သေမှ သူခံစားရမှ သက်သာမယ်ဆိုပြီး စစ်ဆင်ရေးတွေမှာဘယ်သူမှ မလုပ်တဲ့ မိုက်ရူးရဲ စစ်ထိုးမှုတွေလုပ်ပါတော့တယ်…
ဒီဇာတ်ကားက ကျွန်တော်တို့တော်တော်များများကြားဖူးကြမှာပါ…အဓိကက
မြန်မာသရုပ်ဆောင်မင်းသမီးချောကြီး ဒေါ်ဝင်းမင်းသန်းပါတဲ့အပြင်
မိတ္ထီလာဘက် မြန်မာအကြောင်းတွေလည်းပါလေတော့
အားလုံးနဲ့မစိမ်းဘူးထင်ပါရဲ့..သို့ပါသော်လည်း အကြည်လေးကြည့်ပြီး
အမှတ်တရသိမ်းဆည်းပြီး သား မြေး မြစ်တို့ထိ လက်ဆင့်ကမ်းရင်း
ဒါရှေးတုန်းက ငါတို့ရဲ့မင်းသမီးကြီးပေါ့လို့ ပြချင်ရင်ပြလို့ရအောင်ပါ…

ဒီဇာတ်ကားက ဘက်ကတ် ဆိုတဲ့ ကြောင်တစ်ကောင်ရဲ့ ဘဝအတွေ့အကြုံတွေကို အဓိကဖော်ပြထားပါတယ်။ သူ့ရဲ့ အမျိုးမျိုးသော အိမ်ရှင်တွေမှာ ကျင်လည်သွားရင်း ကြောင်အဖြစ် ဘဝရဲ့ အဓိပ္ပါယ်ကို နားလည်သွားဖို့ ကြိုးစားရတဲ့ ခရီးလမ်းကို ပုံဖော်ထားတာပါ။ ဒီကားက ကြောင်တစ်ကောင်ရဲ့ ခံစားချက်တွေနဲ့ လူတွေကြားက ခင်မင်မှုတွေအပေါ် အမြင်တွေကို ကောင်းကောင်းပြနိုင်ပါတယ်။ ဇာတ်ကားက ပေါ့ပေါ့ပါးပါး ဟာသဆန်တဲ့ စကားပြောတွေ၊ ချစ်စရာကောင်းတဲ့ ဇာတ်ကောင်တွေနဲ့ ပေါင်းစပ်ထားပြီးမိသားစုကြည့်ဖို့အတွက်လည်း အထူးသင့်တော်ပါသေးတယ်။ ဘက်ကတ် ရဲ့ အခွင့်အရေးဖြစ်တဲ့ အသက် ၉ ချောင်းကနေမှ ဘဝရဲ့ တန်ဖိုးကို နားလည်သွားတာကို မြင်ရမှာဖြစ်ပြီး၊ အမြင်ပြောင်းလဲဖို့ လိုအပ်တဲ့အခါမှာ ဘယ်လိုကြိုးစားရလဲဆိုတာလည်း သင်ခန်းစာဖြစ်စေပါတယ်။ ဒီဇာတ်ကားကို ကြောင်ချစ်သူတွေ၊ ကလေးတွေနဲ့ မိသားစုတွေ ကြည့်ရင်း ပျော်စရာ အမှတ်တရတွေ ဖန်တီးနိုင်ပါတယ်။

ဒစ္စနေးရဲ့ မိသားစုကြည့်ဖို့ ဖျော်ဖြေရေး ဟာသ သရဲကားအသစ်ထွက်လာပါပြီ။ သရဲခြောက်တာတွေဆိုပေမဲ့ ရယ်ရပြီး ကြည့်လို့ကောင်းပါတယ်။

သရဲခြောက်တဲ့စံအိမ်ကြီးကိုမသိဘဲ ဝယ်မိသွားတဲ့ သားအမိနှစ်ယောက်က သရဲခြောက်ခံရပါတော့တယ်။

သရဲတွေကို နှင်ထုတ်ဖို့ ပင့်တဲ့ဘုန်းကြီးရော၊ သရဲကင်မရာသမားရော၊ ဝိညာဉ်ဟောတဲ့ဆရာမရော၊ သမိုင်းပညာရှင်ရော အကုန် အကူအညီလိုက်တောင်းပေမဲ့ လာကူညီတဲ့သူအကုန် အိမ်ထဲမှာ ပိတ်မိပြီး သရဲတစ်ထောင်လောက်နဲ့ တိုင်တွေပတ်ကုန်ကြတာပါ။

တစ်အိမ်တည်းမှာ သရဲတွေဒီလောက်များနေတာဘာကြောင့်လဲ၊ သူတို့ဘာလို့ ဒီလူတွေကို ထွက်မရအောင်ပိတ်ထားတာလဲဆိုတဲ့ ပဟေဠိတွေကို အိမ်ရဲ့သမိုင်းတွေကနေ လေ့လာပြီး သရဲတွေနဲ့ ရင်ဆိုင်ရတာပဲဖြစ်ပါတယ်။

မိသားစုဖြစ်ဖြစ် တစ်ယောက်တည်းအပျင်းပြေကြည့်ဖို့ဖြစ်ဖြစ် ရုပ်ရှင်ကောင်းတစ်ကားပါပဲ။

မင်းသမီးချော ရှရဒါးစရီနတ်နဲ့ ကီရှိုးတို့ပါဝင်သရုပ်ဆောင်ထားတဲ့ Kaliyugam 2064ဆိုတဲ့ 3 post-apocalyptic survivalအမျိုးအစား ဇာတ်လမ်း‌ကောင်းလေးကို CM ပရိသတ်တို့အတွက် တင်ဆက်ပေးလိုက်ပါပြီ။

ဒီဇာတ်ကားလေးကတော့ တတိယကမ္ဘာစစ် ၇ နှစ်ကြာအပြီးမှာ စစ်လက်နက်ဘေးနဲ့ ပြိုကွဲပျက်စီးလုနီးပါး ကာလတစ်ခုဖြစ်တဲ့ 2064 ခုနှစ်မှာ အဖိနှိပ်ခံလူတန်းစားတစ်စုရဲ့ လူ့အခွင့်အရေးအတွက်တိုက်ပွဲဝင်ကြရပုံကို ပုံဖော်ထားတာဖြစ်ပြီး positive reviewတွေလည်းရထားတာဖြစ်လို့ ခုပဲရှုစားလိုက်ကြပါဦးစို့။

ခေတ်မီလက်နက်မျိုးစုံနဲ့ တတိယကမ္ဘာစစ်ကြီး 7 နှစ်တာကာလအကြာမှာ ရပ်ဆိုင်းသွားပြီးတဲ့နောက် ပျက်စီးလုနီးနီး ကမ္ဘာကြီးဟာ ဖုန်းဆိုးမြေသာသာဖြစ်ပြီး လူနည်းစုလောက်ပဲ ကျန်ရစ်ခဲ့ပါတယ်။ဒီကျန်ရစ်ခဲ့တဲ့ လူနည်းစုထဲက ထက်မြက်တဲ့လူတချို့က Residenceဆိုတဲ့အဖွဲ့ကိုတည်ထောင်ပြီး ကျန်ရှိတဲ့စားနပ်ရိက္ခာနဲ့ ရေတချို့ကို ရှာဖွေစုဆောင်းသိမ်းဆည်းပြီး အပြင်လောကနဲ့ အုတ်တံတိုင်းနံရံကြီးတစ်ခုခြားလို့ သီးခြားနေထိုင်ကြတာပေါ့။

ဒါပေမဲ့ ဒီအခွင့်ထူးတွေက သာမန်လူတန်းစားဖြစ်တဲ့ နံရံအပြင်ဘက်ကလူတွေအတွက်တော့ မဟုတ်ခဲ့ပါဘူး....

ဒီတစ်ခါတော့ အန်နီမေးရှင်းပရိတ်သက်တွေအတွက် အတော်ချစ်စရာကောင်းတဲ့ ဇာတ်ကောင်များပါဝင်တဲ့ အန်နီမေးရှင်းကားကောင်းတစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားလေးမှာ ဟောလိဝုက နိုင်ငံကျော် သရုပ်ဆောင်တွေလည်း အသံသရုပ်ဆောင်အဖြစ် ပါဝင်ထားပါသေးတယ်။ ဒီကားလေးကတော့ ပေါ့ပေါ့ပါးပါး ဟာသကာတွန်းကားလေးပါ။ ကာတွန်းကားကြိုက်တဲ့သူတွေအတွက် ပေါ့ပေါ့ပါးပါး သင့်တင့်ပါတယ်။ စပါက် ဆိုတာက မျောက်ငယ်လေးတစ်ကောင်ပါပဲ။ အဲဒီ မျောက်လေးနဲ့ သူသူငယ်ချင်းတွေလည်းဖြစ်တဲ့ ခန့် နဲ့ ဗစ်စ် တို့ဟာ ဘားနာ ဆိုတဲ့ ဂြိုလ်လေးကို ပြန်လည် သိမ်းယူဖို့ တာဝန်ပေးခံရခဲ့တာပါ။ အဲဒီနိုင်ငံတော်ကိုမကောင်းဆိုးဝါးကြီး ဂျုံ က သိမ်းပိုက်ထားတာ ဖြစ်ပါတယ်။ အဲတော့ စပါက် တို့ သူငယ်ချင်းတသိုက် ဘယ်လို ရင်ဆိုင်မလဲဆိုတာကတော့ ကာတွန်းကားလေးကို ဆက်ကြည့်လိုက်ကြရအောင်ဗျာ။ အားလပ်ချိန် ပေါ့ပေါ့ပါးပါးနဲ့ ရယ်လိုက်မောလိုက် ကြည့်ရှုလိုသာတဲ့ ကားလေးဖြစ်ပါတယ်။

ကမ္ဘာပျက်ခြင်းနဲ့ကြုံတွေ့ရတော့မယ့်အခြေအနေတစ်ခုကို
ရှောင်လွှဲနိုင်ဖို့အတွက် တစ်ကမ္ဘာလုံးကလူသားမျိုးနွယ်များပူးပေါင်းပြီး ကမ္ဘာပျက်မယ့်အန္တရာယ်ကနေ
ကယ်တင်ကြပုံအကြောင်းကိုရိုက်ကူးတင်ဆက်ထားပါတယ်
ဇာတ်လမ်းထဲမှာနေမင်းကြီးဟာ တဖြေးဖြေးအရွယ်အစားထုတည်ကြီးမားလာပြီး နောင်နှစ်ပေါင်းသုံးရာအတွင်းမှာ
ကမ္ဘာဂြိုလ်ကြီးကိုပါဝါးမြိုတော့မယ့် အခြေအနေနဲ့ရင်ဆိုင်ကြုံတွေ့ရတော့မှာပါ အဲ့အချိန်မှာလူသားအားလုံးပေါင်းစည်းပြီး
ကမ္ဘာကြီးကိုနေစကြာဝဌာအပြင်ဘက်ကိုတွန်းထုတ်သွားဖို့အတွက် ပြင်ဆင်ကြပါတော့တယ် အဲ့လိုလုပ်ဖို့အတွက်
ကမ္ဘာ့အင်ဂျင်ကြီးများလို့ခေါ်တဲ့ ဧရာမအင်ဂျင်အလုံးပေါင်း၁ဝဝဝဝကိုတည်ဆောက်ပြီး ကမ္ဘာကိုဟိုးအဝေးနေနဲ့အဝေးဆုံးကို
တွန်းပို့ခဲ့ကြတယ်…ဒါပေမယ့်တစ်နေ့မှာ ဂျူပီတာဂြိုလ်ကြီးရဲ့ဆွဲငင်အားပတ်လမ်းကြောင်းနဲ့
ကမ္ဘာဂြိုလ်ကြီးနီးကပ်သွားတဲ့အချိန်မှာတော့…ကမ္ဘာကြီးကိုဂျူပီတာဂြိုလ်ကြီးရဲ့ဆွဲအားအောက်ကနေ
ဘယ်လိုမျိုးပူးပေါင်းလုပ်ကိုင်ဆောင်ရွက်ကြမလဲဆိုတာကိုတော့…

ကက်ရ်ှမိုရာဆိုတဲ့ လူငယ်တစ်ယောက်ဟာ အပေါင်းအပါတစ်စုနဲ့အတူ
လူတွေကို အောက်လမ်းလိုလို၊ မျက်လှည့်လိုလို ပြကွက်တွေလုပ်ပြပြီး
လိမ်လည်စားသောက်နေကြသူတွေပါ။

ဒီအချိန်မှာ သူ့ကိုချဉ်းကပ်လာသူက ယာမီနီဆိုသူ မိန်းကလေး....။

ဒီကောင်မလေးက သရဲတစ္ဆေ၊ ပရလောကအကြောင်းတွေကို စိတ်ဝင်စားဟန်ဆောင်ကာ
ကက်ရ်ှမိုရာ့ကို ချဉ်းကပ်တာဖြစ်ပြီး တကယ်တမ်း သူက ဒီကိစ္စတွေကို အယုံအကြည် မရှိလှသူပါ။
တကယ်မရှိတဲ့ ပရလောကကို ဘမ်းပြကာ၊ လူတွေရဲ့ ကြောက်စိတ်ကို အသုံးချပြီး
လိမ်လည်နေတာတွေကို ပြည်သူသိအောင် ဖွင့်ချဖို့က သူ့ ရည်ရွယ်ချက်ပေါ့။

ဒါပေမယ့် ကက်ရ်ှမိုရာဟာ ဝန်ကြီးတစ်ယောက်ရဲ့ ယုံကြည်မှုကိုရပြီး
ပိုလို့တောင် နာမည်ကြီးသွားပါသေးတယ်။
ဝန်ကြီးအိမ်ကို ဝင်ငွေခွန်ဌာနက အရာရှိတွေ လာစစ်ဆေးမယ်ဆိုတဲ့ သတင်းကြောင့်
ဝန်ကြီးဟာ သူ့ ငွေမည်းတွေကို သူ ယုံကြည်ရတဲ့ ကက်ရ်ှမိုရာ့အိမ်ဆီ ပြောင်းရွှေ့စေပါတယ်။
နဂိုကမှ လူတွေကို လိမ်စားနေတဲ့ ကက်ရ်ှမိုရာတို့ အဖွဲ့အတွက် စားရကံကြုံလို့
မုတ်ဆိတ်ကို ပျားစွဲသလိုပါပဲ။
ဝန်ကြီးငွေတွေကို မ,ပြီး ထွက်ပြေးကြတော့တာပေါ့။

ဇာတ်လမ်းအစမှာ ဆာရာ ဆိုတဲ့ ကောင်မလေးက အဖေဖြစ်သူနဲ့အတူ ဘရစ်ဂျန့် မြို့ကို ပြောင်းရွှေ့လာခဲ့ပြီး အဲ့ဒီမြို့က ကျောင်းမှာပဲ သွားတက်ရောက်ခဲ့ပါတယ်။ အဲ့ဒီကျောင်းမှာ ဆာရာ က ဂျိန်းမီ ဆိုတဲ့ ကောင်လေးနဲ့ သူ့အဖွဲ့တွေနဲ့ အဖွဲ့ကျသွားခဲ့ကြပြီး ရေကန်ထဲ ကိုယ်တုံးလုံး ရေဆင်းချိုးတာတွေအပြင် တခြားသော လူငယ်ဘဝပေါက်ကရတွေများစွာလည်း အတူတူ လုပ်ခဲ့ကြပြီး ပျော်ရွှင်နေခဲ့ကြပါတယ်။ အဲ့လိုပျော်ရွှင်နေတာတွေက တစ်နေ့မှာတော့ အားလုံးအတွက် ပျောက်ကွယ်သွားပါတယ်။ ဘာလို့လဲဆိုတော့ သူတို့အဖွဲ့ထဲက ကောင်လေးတစ်ယောက်ကဆွဲကြိုးချပြီး သေသွားတဲ့ သတင်းကို ကြားလိုက်ရလို့ပါပဲ။ ဒါပေမယ့်လည်း လူငယ်ပီပီပဲ ခဏကြာတော့ မေ့ပျောက်သွားခဲ့ပြီး အရင်လိုပဲ ပြန်ကဲနေခဲ့ပါတယ်။ ကဲလို့ မကြာသေး မဖြစ်မနေသူငယ်ချင်းတွေ တစ်ယောက်ပြီး တစ်ယောက် ဆွဲကြိုးချပြီး သေကြောင်း ကြံနေကြတဲ့အခါမှာတော့ ဆာရာ တို့လည်း ကြောက်လန့်လာပြီး အဲ့လို ဖြစ်ရပ်ဆိုးတွေကြားမှာ ရှင်သန်အောင် ဘယ်လိုကြိုးစားကြမယ်ဆိုတာကို စိတ်ဝင်စားစရာ ကြည့်ရှုရမဲ့ ဇာတ်ကားကောင်းတစ်ကားပဲဖြစ်ပါတယ်။

ကြီးနိုင်ငယ်ညှဉ်းနှိပ်စက် အနိုင်ကျင့်မှုတွေက နေရာအနှံအပြားမှာရှိနေတတ်ကြပါတယ်။ အဆိုးဆုံးကတော့ စစ်တပ်တွေ၊ အစိုးရနဲ့ပတ်သက်တဲ့ဌာနတွေပါပဲ။ အခုဆယ်စုနှစ်ပိုင်းမတိုင်ခင် လူတိုင်းဖုန်းတွေမကိုင်နိုင်ခင်နှစ်တွေလို သတင်းတွေကျယ်ကျယ်ပြန့်ပြန့် မသိရနိုင်တဲ့နှစ်တွေတုန်းကတောင် စစ်ဗိုလ်လောင်းကျောင်းက လူသေစေလောက်တဲ့အထိနှိပ်စက်မှု၊ သူနာပြုကျောင်းမှာ ကိုယ့်အတွင်းခံကို ဂျူနီယာတွေကို လျှော်ခိုင်းတာတွေ၊ စိတ်ပိုင်းဆိုင်ရာညင်းဆဲမှုတွေကို တိုးတိုးတဖုံ ကျယ်ကျယ်တဖုံကြားဖူးကြမှာပါ။ဒီကားလေးထဲမှာတော့ မက္ကဆီကိုစစ်တပ်ထဲက ကြီးနိုင်ငယ်ညှဉ်းနှိပ်စက်မှုတွေ၊ အနိုင်ကျင့်မှုတွေ၊ Brainwash လုပ်တာတွေကို မြည်းစမ်းကြည့်နိုင်မှာဖြစ်ပါတယ်။ လူအများအမြင်နောက်ကွယ်က ကြမ်းတမ်းတဲ့အမှန်တရားတွေကိုချပြထားတဲ့ဇာတ်ကားလေးဖြစ်ပြီး ဆုခြောက်ဆုနဲ့ ဆန်ခါတင်ဆု ကိုးခု၀င်ထားပါတယ်။

လျိုမုန့်ကျား ဆိုတဲ့ မိန်းကလေးက ယောက်ျားဆီကနေ အိမ်တွင်းအကြမ်းဖက်ခံရမှုကြောင့် ယောက်ျားနဲ့ ကွာရှင်းဖို့ လျှောက်ထားပြီး ရှောင်ရင်း နယ်မြို့လေးတစ်မြို့မှာ အိမ်ပြောင်းနေခဲ့ပါတယ်။ သူ အဲဒီအိမ်မှာ နေရင်း တစ်နေ့မှာ ဖုန်းတစ်‌ကောလ်က ထူးဆန်းစွာ ဝင်လာခဲ့ပါတယ်။ ဖုန်းဆက်တဲ့သူကလည်း မိန်းမတစ်ယောက်ဖြစ်ပြီးတော့ သူ့ကို လှေကားရှည်လမ်းထိပ်က ဟောင်ကောင်စားသောက်ဆိုင်ကို လာခဲ့ပေးပါစောင့်နေမယ် ဆိုပြီး အလောတကြီး ပြောပြီး ဖုန်းချသွားခဲ့ပါတယ်။ မုန့်ကျား တစ်ယောက် မယုံသင်္ကာဖြစ်မိပေမဲ့ သွားရှာကြည့်လိုက်တဲ့ အဲဒီဟောင်ကောင်စားသောက်ဆိုင်ဆိုတဲ့နေရာက လွန်ခဲ့တဲ့ နှစ် ၂၀ လောက်ကတည်းက ဖျက်ခံထားပြီး ဈေးဆိုင်တစ်ခု ဖြစ်နေတယ်ဆိုတာ သိရှိရပါသည်။ ဒီလိုနဲ့ ညတိုင်း ဖုန်းပြောဖြစ်ကြရင်း တစ်ဖက်က မိန်းကလေးကလည်း သူလိုမျိုး ယောက်ျားဖြစ်သူဆီကနေ အနိုင်ကျင့်ခံရတဲ့ အမျိုးသမီးဖြစ်ကြောင်း သိရပြီး မုန့်ကျား က စိတ်ခွန်အားတွေပေးဖြစ်ခဲ့ပါတယ်။ ဒါပေမဲ့ မမျှော်လင့်ထားဘဲ ဖုန်းဆက်လာတဲ့ အမျိုးသမီးက သူ လက်ရှိရှိနေတာက ၁၉၉၇ ခုနှစ်အကြောင်း ပြောပြလာချိန်မှာတော့ အခြေအနေတွေ ဘယ်လိုထူးဆန်းသွားမယ်ဆိုတာ စိတ်လှုပ်ရှားစွာ ကြည့်ရှုရမှာ ဖြစ်ပါတယ်။