👉ብራዚል ከአለማችን ረጅም የመንገድ ኔትዎርክ ካላቸው ሀገሮች በአራተኛ ደረጃ ላይ ብትገኝም፣ የሀገሪቱ የመንገድ መሠረተ ልማት በብዙ ተግዳሮቶች የተተበተበ መሆኑ ይገለፃል።

🚧ከሚጠቀሱ ችግሮች መካከል ሀገሪቱ ካላት መንገዶች ውስጥ በመቶኛ ሲገለጽ ጥራት ያላቸው የአስፖልት መንገዶች መጠን አነስተኛ ነው።

በብራዚል ወደ 2 ሚሊዮን ኪሎ ሜትር የሚጠጋ የመንገድ ኔትወርክ ቢኖርም፣ ከዚህም ውስጥ በአስፖልት የተነጠፈ ጥራት ያለው መንገድ መጠን ግን ከ12 እስከ 18 ከመቶ ገደማ የሚደርስ ሲሆን፣ ከዚህም ውስጥ በብዙ አካባቢዎች የተቀረው መንገድ ጥራት ወደ ደካማ ሁኔታዎች እያመራ ነው በማለት ይገለፃል።


⏺ብራዚል በአለም አቀፍ ደረጃ ከግዙፉ የመንገድ አውታሮች ካላቸው ሀገሮች አንዱ ብትሆንም በተለይ በብራዚል በጣም ከበለጸጉት የደቡብ እና ደቡብ ምስራቅ ክልሎች ውጭ ያሉ የመንገዶች ጥራት ዝቅተኛ በመሆኑ መንገደኞች ረጅም ርቀት ለመጓዝ በአየር ትራንስፖርት ላይ ብቻ ጥገኛ እንዲሆኑ አድርጓቸዋል።

⏺ከጥራት ጋር በተያያዘ የብራዚል የመንገድ መሠረተ ልማት ጥራቱ አነስተኛ ነው በሚል የሚጠቀስ ሲሆን፣ የመንገድ ላይ ደህንነት መሳሪያዎችም ስርጭት በበቂ ሁኔታ የሌለ መሆኑ ይነሳል። በዚህም የተነሳ ብራዚል ውስጥ ከቦታ ወደ ቦታ የሚካሄዱ ጉዞዎች የሚወስዱት ጊዜ እና ክፍያዎች እየጨመሩ በመምጣት ላይ ይገኛሉ።

💫ይሁን እንጂ ይህንን የብራዚል የመንገዶች ደረጃ እና ጥራትና እንዲሁም ስርጭትን የሚያሻሽል ፕሮግራም እየተከናወነ ነው። በተለይ በመንገድ ዘርፍ ላይ የሚውሉ ኢንቨስትመንቶች እና ፕሮጀክቶች ዘመናዊነትን እና ዲጂታላይዜሽን የተከተሉ፣እንዲሁም በግሉና በመንግሥት ዘርፍ ትብብር መካሄድ እንደሚኖርባቸው ታምኖበታል።

@etconp

👉የዓለም ረጅሙ ቀጥተኛ መንገድ በሳውዲ አረቢያ

💫በረሃማ በሆነው የሳውዲ አረቢያ ምድር ላይ የሚገኘው እና 240 ኪሎ ሜትር ርዝመት ያለው መንገድ፣ በዓለም ላይ ረጅሙ ቀጥተኛ መንገድ በመሆን የዓለም ክብረ ወሰን አስመዝግቧል።

🚧ይህ መንገድ የሀገሪቱን ሩቅ አካባቢዎች ለማገናኘት ተብሎ የተሰራ ሲሆን፣ የዘመናዊ የምህንድስና ድንቅ ስራ ተብሎ እየተጠራ ነው።

⏺ይሁን እንጂ መንገዱን መንከባከብና አገልግሎት መስጠት ቀላል አይደለም የተባለ ሲሆን እንደ አሸዋማ ንፋስ፣ ከፍተኛ የፀሐይ ሙቀት እና ለረጅም ጊዜ በሚያሽከረክሩ አሽከርካሪዎች ላይ የሚከሰት ድካም ያሉ በርካታ ተግዳሮቶች ያጋጥሙታል ተብሏል።

⏺የመንግስት የትራንስፖርት ባለስልጣናት እነዚህን ችግሮች ለመቋቋም የተለያዩ የመፍትሄ እርምጃዎችን ተግባራዊ አድርገዋል።

⏺ከእነዚህም መካከል አሽከርካሪዎች እንዳይደክሙ ለማገዝ የማንቂያ ንጣፎች (rumble strips)፣ ግልጽ የመንገድ ምልክቶች እና አሽከርካሪዎች አረፍ እንዲሉበት የተዘጋጁ ማረፊያ ጣቢያዎች ይገኙበታል ተብሏል።

⏺እነዚህ ጥረቶች መንገዱ ደህንነቱ የተጠበቀ እንዲሆን ከፍተኛ አስተዋፅኦ አድርገዋል ነው የተባለው።

⏺የዚህ መንገድ ያልተቋረጠ ርዝመትና አስቸጋሪ በሆነ የበረሃ አካባቢ መገኘቱ በአለም ላይ ልዩ የሚያደርገው ሲሆን፣ የሳውዲ አረቢያን የምህንድስና ብቃት የሚያሳይ ማሳያ ነው ተብሎ ተገልጿል።

@etconp