Ethio Construction Engineering
32.3K subscribers
6.27K photos
359 videos
1.99K files
3.34K links
🔨 World Construction Engineering
Latest updates, tips, and tutorials on building, civil engineering, and construction in World.
Learn, build, and grow with us!

📨 @Philemona7 Or @ETCONpBOT

For Ad:- https://telega.io/c/etconp
Download Telegram
👉ኮንስትራክሽን ክሌም
          **    *
🏷የኮንስትራክሽን ክሌም ለመስራት የውሉ የክፍያ መንገድ ላምፕ ሰም ወይስ አድሜዠርመንት የሚለውን መለየት ግድ ነው።

➡️የውሉ አይነትም ዲዛይን ቢድ ቢዩልድ(DBB) ወይም ዲዛይን ቢዩልድ(DB) ስለመሆኑ  መለየት ይገባል።

➡️DBB እና DB የተለያየ ጀኔራል ኮንዲሽን ይጠቀማሉ።ለምሳሌ FIDIC 2017 Red Book ለDBB እና Yellow Book ለDB መጠቀም ይቻላል።

➡️የክፍያ መንገዱ ላምፕ ሰም ወይም አድሜዠርመንት መሆኑ ግን የጀኔራል ኮንዲሽን እንድትቀይር አያስገድድም።
ለምሳሌ ፒፒኤ 2011 ቨርሽን ለሁለቱም የክፍያ መንገዶች ጥቅም ላይ ሊውል ይችላል።

➡️ስፔሻል ኮንዲሽን ላይ የተለወጠ የጀኔራል ኮንዲሽን ክሎስ ያለ እንደሆነ ማረጋገጥም ቀዳሚ ተግባር መሆን አለበት።

➡️ከዚህ በኋላ ለክሌሙ አግባብነት ያለውን የውል ድንጋጌ፣የህግ ድንጋጌ እና የጀኔራልና ስፔሻል ኮንዲሽን ድንጋጌ መለየትና መስፈርቱን የሚያሟላ ክሌም ማዘጋጀት ይቻላል።

➡️ከዚያም ክሌሙ ለአማካሪ፣ለዲስፒውት ሪቪው ቦርድ፣ለአርቢትሬሽን ወይስ ለፍርድ ቤት መቅረብ እንደሚገባው ለመለየት ጀኔራል ኮንዲሽኑን እና በዋናነት ስፔሻል ኮንዲሽኑን ማየት ይገባል። አመሰግናለሁ

Via ጉባዔ አሰፋ

@etconp
👍18👌3❤1
👉በነገራችን ላይ የመወያያ ግሩፓችን @COTMp በቀን ብዙ ጥያቄዎች ይስተናገዱበታል።

🚧ከ 7900 በላይ ቋሚ አባላት አለው።

🚧ብዙዎቻችን እንደ ቤተሰብ ሆነንበታል ምክንያቱም ሁሉም ጥያቄዎ ለመመለስ በደስታ የሚጠብቅበት ግሩፕ ነው።

🔖ጥያቄ? ካለዎት፣ ሌሎችን ማገዝ ከፈለጉ ከታች ባለው ሊንክ ይቀላቀሉን።👇

https://t.me/COTMp
👍6
👉የአገር ውስጥ ጦርነት እና የኮንስትራክሽን እቃወች የዋጋ ንረት ከኮንስትራክሽን ውሎች አንጻር ከአቅም በላይ የሆነ ምክንያት (Force Majeure) ሊባል ይችላል?

➡️የሀገር ውሰጥ ጦርነት በባህሪው ግጭት በለባቸው አካባቢወች የኮንስትራክሽን ስራወችን የማስቆም እና የተጀመሩ ግንባታወችን እስከመውደም እና የግንባታ ቁሳቁስ መጥፋትን ሊያስከትል እንደሚችል ይታመናል፡፡

➡️የአገር ውስጥ ጦርነት ባለበት አገር ውስጥ ሆኖ በቀጥታ ግጭት የሚካሄድበት ቦታ ባይሆን እንኳ በጦርነቱ ምክንያት በኮንስትራክሽን ስራወች ላይ የተለያ ጫና መፈጠሩ አይቀርም፡፡   

➡️በዚህም ምክንያት የውል ህግ፣የግዥ ህግ፣ፊዲክ እና አገራችን ለኮንስትራክሽን ውሎች የምትጠቀምባቸው ጀኔራል ኮንዲሽኖች የሀገር ወስጥ ጦረነትን በተመለከተ ድንጋጌወችን አካተው ይገኛሉ፡፡ይህን የህግና የውል ሁኔታ በአግባቡ ተገንዝቦ መፍትሄ መስጠት ውልን ከሚያስተዳድሩ አካላት የሚጠበቅ በመሆኑ እና በጉዳዩ ላይ ለበለጠና ለዳበረ ውይይት መነሻ ግንዛቤ መፍጠር ደግሞ ከዘርፉ ባለሙያወች የሚጠበቅ በመሆኑ ይህ ጸሁፍ ተዘጋጅቷል፡፡
                       
👉በውል ህግ በተለይ በፍትሐብሄር ህግ ስለውሎች በጠቅላላው በሚደነግገው ክፍል በአንቀጽ 1791(1) ላይ ከተዋዋይ ወገኖች አንደኛው እንደውሉ ያልፈጸመ እንደሆነ ጥፋት ባያደርግ እንኳ ለሌላኛው ተዋዋይ ወገን የጉዳት ኪሳራ የመክፈል ሀላፊነት እንዳለበት ይደነግጋል፡፡
➡️በዚሁ አንቀጽ 1791(2) ላይ ደግሞ እንደውሉ ያልፈጸመው ወገን ግዴታውን ያልፈጸመበትን በቂ ምክንያት ማቅረብ የቻለ እንደሆነ እና ይሄውም ከአቅም በላይ የሆነ ምክንያት መሆኑ የተረጋገጠለት እንደሆነ የውሉ አለመፈጸም ከሚያመጣው ሀላፊነት ሊድን እንደሚችል ያስገነዝባል፡፡ 
🏷ስለዚህ ከአቅም በላይ የሆነ ሀይል(Force majeure) ሲባል ምን ማለት ነው?የሀገር ውስጥ ጦርነትስ ከአቅም በላይ የሆነ ምክንያት ተደርጐ ሊወሰድ ይችላል ወይ የሚለውን ማየት አስፈላጊ ነው፡፡
                      
➡️ከአቅም በላይ የሆነ ሀይል ተከስቷል የሚባለው ተቋራጩ ሊያስበው የማይችል እና ግዴታውን ከመወጣት ፍጹም በሆነ ሁኔታ የሚከለክለው ነገረ ሲከሰት ስለመሆኑ የፌዴራል ፕሮክዩርመንት ዳይሬክቲቭ አንቀጽ 49 ያስቀምጣል፡፡
➡️በዚሁ በፌዴራል ፕሮክዩርመንት ዳይሬክቲቭ ላይ አለማቀፍ ወይም የሀገር ውስጥ ጦርነት ከአቅም በላይ የሆነ ምክንያት ተደርገው እንደሚቆጠሩ በግልጽ ያስቀምጣል፡፡
➡️ፊዲክ ሬድ ቡክ 1999 ቨርሽን ከአቅም በላይ የሆነ ምክንያት ለሚለው በክሎስ 19 ላይ ትርጉም አስቀምጦለታል፡፡በዚህም ከአቅም በላይ የሆነ ምክንያት ልዩ ሁኔታ ሲሆን ከተዋዋዮች ቁጥጥር ውጭ የሆነ፣ተዋዋዮች ውል ውል ከመግባታቸው በፊት ሊያውቁትና ሊያስቡት የማይችሉት፣ከተከሰተ ተዋዋዮች ሊያስወግዱት የማይችሉት እና ክስተቱ በአንደኛው ወገን ችግር ያልመጣ መሆን ይገባዋል፡፡

➡️ይሄው ፊዲክ ሬድ ቡክ ጦርነት፣የሀገር ውስጥ ጦርነት እና ሽብር ከአቅም በላይ የሆነ ምክንያት ተደርገው እንደሚወሰዱ ዘርዝሮ አስቀምጧል፡፡

➡️በተጨማሪም ፒፒኤ 2011 ክሎስ 18 ላይ ከአቅም በላይ የሆነ ምክንያትን በሚመለከት አስቀምጧል፡፡በዚህም ከአቅም በላይ የሆነ ምክንያት ማለት ከተቋራጩ ቁጥጥር ውጭ የሆነ እና የውል ግዴታውን ለመወጣት የማያስችለው ፍጹማዊ ሁኔታ ነው፡፡
➡️ፒፒኤ 2011 የሀገር ውስጥ ጦርነትን ከአቅም በላይ የሆነ ምክንያት አድርጐ ያስቀምጠዋል፡፡
                
➡️ስለዚህ የሀገር ውስጥ ጦርነት ከኮንስትረክሸን ውሎች ጋር በተየያያዘ ከአቅም በላይ የሆነ ምክንያት ተደርጐ ይወሰዳል ከተባለ ሂደቱና ውጤቱ ምን ይመስላል የሚለውን ማየት አስፈላጊ ነው፡፡

➡️ሂደቱን በተመለከተ ጀኔራል ኮንዲሽኖችም ሆነ የህትሀብሄር ህጉ በተለይ የውል ግዴታየን ለመፈጸም የማያስችል ከአቅም በላይ የሆነ ሀይል ገጥሞኛል የሚለው ተዋዋይ ወገን
*ሁኔታውን ለሌላኛው ተዋዋይ ወገን ማሳወቅ ወይም ጥረት ማድረግ ይኖርበታል፣
* ሁኔታውን ተቋቁሞ የውል ግዴታውን ለመወጣት ጥረት ማድረግ ይኖርበታል
*⃣ከአቅም በላይ የሆነው ሁኔታ የሚያስከትለውን ጉዳት መጠን በሚችለው መቀነስ ይጠበቅበታል፡፡ 
*ከአቅም በላይ የሆነ ምክንያት መከሰቱ ከተረጋገጠ ተዋዋዩ ወገን ግዴታውን አልፈጸመም በሚል ለሌላኛው ተዋዋይ ወገን ኪሳራ ለመክፈል የሚገደድበት አግባብ አይኖርም፡፡እንደውም ተቋራጩ እንደውሉ ሁነኔታ በገጠመው ከአቅም በላይ የሆነ መክንያት የደረሰበትን ተጨማሪ ወጭ እንደ ሰራተኛ ዲሞቢላይዜሽን ያሉ ወጭወችን ከአሰሪው ላይ ለመጠየቅ የሚችልበት ሁኔታ ይኖራል፡፡በተጨማሪም ለተቋራጩ የጊዜ ማራዘሚያ ለመስጠት በቂ ምክንያት ይሆናል፡፡እንደውሉ ልዩ ሁኔታ ውል ለማቋረጥም ምክንያት ተደርጐ ሊወሰድ ይችላል፡፡
          
➡️ሌላው የኮንስትራክሽን እቃወች የዋጋ ጭማሪ/መናር በተለይ ተዋዋዮች በውላቸው ላይ ከአቅም በላይ የሆነ ምክንያት ተደርጐ እንደሚቆጠር በግልጽ ካልጠቀሱ በስተቀር ከአቅም በላይ የሆነ ምክንያት ተደርጐ እንደማይቆጠር የፌዴራል ፕሮክዩርመንት ዳይሬክቲቭ አንቀጽ 49 ይደነግጋል፡፡ፒፒኤ 2011 ደግሞ የዋጋ መናር ከአቅም በላይ የሆነ ምክንያት ተደርጐ አይወሰድም በሚል ያስቀምጣ

➡በመሰረቱ የግንባታ እቃወች ዋጋ ንረት ከአቅም በላይ የሆነ ምክንያት ተደርጐ የማይወሰድበት መነሻው በኮንስትራክሽን ውሎች የዋጋ ንረት ማካካሻ መኖሩን ታሳቢ ያደረገ እንደሆነ ምክንያታዊ ግምት አለ፡፡ነገር ግን በአንዳንድ ክልሎች የኮንስትራክሽን እቃወች ዋጋ ንረት ማካካሻ የማይተገበርበት ሁኔታ በመኖሩ ተቋራጮችን ለከፍተኛ ኪሳራ ይዳርጋል፡፡

🏷ስለዚህ ተቋራጮችም ሆነ አሰሪዎች በሀገራችን በቅርብ ጊዜያት የተከሰቱት የሀገር ውስጥ ጦርነትና የኮንስትራክሽን እቃወች የዋጋ ንረት የሚኖራቸውን የውልና የህግ ውጤት በመረዳት የተጀመሩ የመሰረተልማት ግንባታወች እንዲጠናቀቁ ለማስቻል በሚያመች መንገድ ህጋዊና ሚዛናዊ የውል አስተዳደር ስራወችን በብስለት መፈጸም አስፈላጊ መሆኑን ለመጠቆም እወዳለሁ፡፡

Via Gubaie Assefa

@etconp
👍16👏2😱1👌1🕊1
👉የግንባታ ስራና ሰራተኛ ነገር

➡️በሀገራችን የግንባታ ግብዓቶች መወደድ እንዳለ የታወቀ ነው ምክንያቶቹንም እንረዳለን።
*⃣የግንባታ ሰራተኞች ክፍያ መወደድ ግን ከኑሮ ውድነት ጋር አያይዘን በመጠኑ ብንረዳም ሙሉ ለሙሉ ለመቀበል ግን ከባድ ነው።

➡️ሰባ በመቶ አካባቢ ወጣት ይዘን ፣ ከሰላሳ በመቶ በላይ ሾል አጥ የሰው ሃይል ኖሮን ለአናጢ በቀን 800 እንደውም አንዳንድ ቦታ እስከ 1000 ብር ግንበኛ ለሳኝ  የብረት ሰራተኛን አይተን ቀጥረን ለቀን ሰራተኛ  300 ብር ድረስ ገበያው ላይ እንደሚከፈል እናያለን ።

➡️ይሄንን ችግር እና የግንባታ ዘርፍ ለብዙ ወጣቶች የስራ እድል ሊፈጥር መቻሉን አይቼአለሁ።
*⃣እንዲሁም በቅርቡ በካናዳ የግንባታ እና ሪል እስቴት ዘርፍ ላይ በተካሄደ የግንባታ ሰራተኞችን በተመለከተ የቀረበ ጥናታዊ ጽሁፍ ሲቀርብ በቦታው ነበርኩኝ።
*⃣በቀጣይ 5 ዓመታት ውስጥ ከ750ሺህ በላይ የግንባታ ሰራተኞች ጡረታ እንደሚወጡ እና ካለባቸው የቤት እጥረት አንጻር ላሰቡት ግንባታ ከ2.5ሚሊየን በላይ የሚሆኑ የግንባታ ሰራተኞችን ወደ ሀገራቸው ለማስገባት እቅዱ እንዳላቸው ስለሰማሁ እድሉን የሀገራችን ወጣቶች ቢጠቀሙበት ብዬ አስቤ ነበር።

➡️አስቤም አልተቀመጥኩም ነበር። ከጥቂት ዓመታት በፊት አስበው የነበረ የግንባታ ሰራተኞች በተለይም አናጢ፣ ስካፎልደሮች፣ ግንበኞች የሚያሰለጥን ተቋም የመክፈት እቅዴን ቆስቁሼው ፈቃድ የሚሰጠው አካል ዘንድ ቀርቤ አስረድቼ ነበር ።
*⃣ምን ያደርጋል! ታዲያ የመስፈርታቸው ጋጋታ  ሾለ ስራው የማያውቅ ባለሙያ እንዳዘጋጀው በግልጽ ቢያሳይም በእነሱ መስፈርት እንዴት መስራት እንደሚቻል አጥንተን አቀረብን ...ግን ሊረዱት አልቻሉም እኛም ልንረዳቸው አልቻልንም።
*ለክፍል ውስጥ ስልጠና በቂ ቦታ አዘጋጅተን፣ ግንባታ ሾል ላይ በመሰማራታችን በቂ የግንባታ  መሳሪያዎች እንዳሉን ነግረን በብዛት የተጠየቅነው ስካፎልዲንግ በየአይነቱ ከነ መገጣጠሚያዎቹ እንዳሉን አስረድተን፣ ሰልጣኞች ተግባራዊ ልምምድ የሚሰሩባቸው  በተለያዩ ደረጃዎች ላይ የሚገኙ ጅምር ህንጻዎች ከበቂ መለማመጃ ሜዳዎች ጋር....ሌላም ብናቀርብም ....የክፍል ውስጥ ስልጠና የምትሰጡበት ቦታ እና የመስክ ስልጠና የምትሰጡበት አንድ ጊቢ ውስጥ መሆን አለበት ካልሆነም ከሶስት መቶ ሜትር ርቀት በላይ መሆን የለበትም በሚል ሳይሳካ ቀረ...

➡️እኛ አዳዲስ ፈቃደኛ የሆኑ ወጣቶችን በየሳይቱ እየተለማመዱ እንዲሰሩ በማድረግ ለስራዎቻችን ለወጣቶቻችንም ለዘርፉም ሳይት ላይ የሰለጠኑ  organic carpenters, scaffolders እንዲወጡ እናበረታታለን ውጤቱም አርኪ ነው።

➡️ነገር ግን ምዕራብ ሀገራት በርካታ የተፍታቱ እጅና እግሮች ያላቸው ጥቂት ደግሞ በቋንቋቸው ሊግባቧቸው የሚችሉ በርካታ የግንባታ ሰራተኞችን እየፈለጉ.... *⃣ሀገራችንም ብዙ እየፈለገች ገንቢዎችም አብዝተው እየከፈሉ በቂ የሆነ የሰለጠኑ ወጣቶችን በማፍራትና በኤምባሲዎቻችን ውጤታማ የውጭ ግንኙነት በማድረግ ቢያንስ መቶ ሺህ ወጣቶችን መላክ ቢቻል ለሀገር የሚጠቅም ነገርን ዝም ብሎ ማለፍ አቅቶኝ ጻፍኩት።

➡️አንዳንዴ ምናለ መንግስት አንድ ዩንቨርስቲ ቢሰጠኝና ወጣቱን ስራ በስራ ባደረግኩት ብዬም እመኛለሁ። በእርግጠኝነት በዚህ ወቅት ከዩንቨርሲቲዎቻችን ከወጡት ምሩቃን ይልቅ ባለ እጆቹ ተፈላጊዎች ናቸው ።

🏷የምትችሉ አቅምና ብቃቱ ያላችሁ ብታሳኩት ደስ ይለኛል ሀሳቤንም በነጻ ለማካፈል ዝግጁ መሆኔን እገልጻለሁ።

Via Desalegne Kebede

@etconp
👍33👌4🏆3
👉በስልጠና የዳበረ እውቀት ለስራ ውጤታማነት ትልቁን ድርሻ ይወስዳል፡፡

➡️በኮንስትራክሽኑ ዘርፍ የተሰማሩ ባለሙያዎች እውቀትና ክህሎታቸውን በተለያዩ ስልጠናዎች ሲያዳብሩና ሲያሻሽሉ በዘርፉ አመርቂ ውጤት ማምጣት ይቻላል፡፡

➡️ይህን የተረዳው የዲዛይንና ግንባታ ስራዎች ቢሮ ከኢትዮጵያ ኮንስትራክሽን ማኔጅመንት ኢንስትቲዩት ጋር በመተባበር ለተለያዩ ባለድርሻ አካላትና ባለሙያዎች ስልጠናዎችን በመስጠት የፈፃሚዎችን የመፈፀም አቅም እንዲሻሻል እያረገ ይገኛል፡፡

➡️ቢሮው የያዝነውን ሳምንት ጨምሮ ለተከታታይ 12 ቀናት ከቢሮውና ከሁሉም ክፍለ ከተሞች ለተውጣጡ የኮንትራት አስተዳደር ፣ የፕሮጀክት ኦዲት ፣ የምህንድስና ግዥ ፣ የላብራቶሪ  እንዲሁም የዲዛይንና ዋጋ ተከላ ባለሙያዎች በ FIDIC, tender and bid procedure, construction manual, , PPA contract administration, claim and dispute resolution, ዙሪያ የሚያተኩር ስልጠና እየሰጠ ይገኛል፡፡

➡️በስልጠናው ከ110 በላይ ሰዎች የተሳተፉ ሲሆን ከኮንስትራክሽን ዲዛይን ግንባታና ማማከር ድርጅት እና ከስራ ኢንተርፕራይዝ ልማት ቢሮ የተውጣጡ ሰራኞችም ተሳታፊ ሁነዋል፡፡

➡️ስልጠናው የስራ ተነሳሽነትን የሚፈጥር፣ አነቃቂ እንዲሁም ጉድለቶችን በመለየት የማሻሻያ እርምጃዎችን መውሰድ የሚያስችል እንደሆነ ተሳታፊዎች ተናግረዋል፡፡

*የአዲስ አበባ ዲዛይንና ግንባታ ስራዎች ቢሮ የኮሚዩኒኬሽን ጉዳዮች ዳይሬክቶሬት

ታህሳስ 25/2015 ዓ.ም

@etconp
👍12🙏2
👉የአርማታ ብረት ላይ የሚታዩ ችግሮች /ILLNESS IN REINFORCEMENT CONCRETE/

➡️1. á‹áŒˆá‰ľ/Corrosion in reinforcement bar/

When the rebar is exposed to outer environment other than concrete it will rust /corrode As you guys know know reinforcement counters tension as a result of corrosion the tension member fails it’s causes tension failure

*⃣የፌሮ መዛግ - ፎሮ ከ አርማታ እቅፍ በወጣ ጊዜ ዝገት ያስከትላል ለምሳሌ አፈር ላይ ረዥም ጊዜ ከተኛ ይዝጋል ወይም ደግሞ ለረዥም ግዜ coloride ያለበት ወይም ጨዋማ ውሀ ከነካው ይሄም tension failure /ውጥረትን መቋቋም የማይችል ባለፌሮ አርማታ መዋቅር(RC structure)  ይሆናል።

➡️2.  Carbonation of concrete
 
Is the chemical reaction between carbon dioxide in the air and calcium hydroxide and hydrated calcium silicate in the concrete to give mainly carbonates. This slowly changes the PH of concrete.

*⃣Carbonation - አርማታችን  በከባቢያችን(አየር)  ካሉ “ካርቦን ዳይ ኦክሳይድ” ፣ “ካልሲየም ሀይድሮ ኦክሳይድ” እና “ሀይድሬትድ ካልሲየም ሲልኬት” ጋር በመዋሀድ ወደ ካርቦኔት ይቀይረዋል ይኼም PH value alter እንዲያረግ ያረጋል፡፡

➡️3. Sanding

Unreasonable sand grading, high mud content too fine soil and sand will also cause the ground sand, affecting the early hydration of cement and concrete condensation. construction vibration is too large: this will aggravate the concrete surface bleeding, thereby reducing the surface strength of concrete. 

*⃣አርማታችን - ከተፈለገው በላይ ነጭ የመሆን(“አመዳም”) የመሆን ነገር ይሄም የሚሆነው   አርማታ በሚቦካበት ጊዜ ያልተፈለጉ ብናኞች ሲዋሀዱ ነው፤ በ አርማታ ውህደት ጊዜ በውሀ እና በሲሚንቶ መሀል ያለው ውህደት temperature ከፍ እንዲል ያደርጋል ይሄም hydration ይባላል ወይም ደግሞ (concrete maturity) ብዙ ብናኞች በገቡ ጊዜ  አርማታችን ቶሎ ይረጋል ከወትሮ ቀደም ብሎ ይሄም የ አርማታው ጥንካሬ (compressive strength) ላይ በ አሉታዊ ተፅዕኖ ያሳድራል፡፡

➡️4.  Cracks in concrete

the deformation of concrete it might be due to ratio or quality of Material

*⃣የ አርማታ መሰንጠቅ - ይሄም የሚሆነው አርማታ ስናቦካ የምንፈልገውን compressive strength(fck) ለማግኘት በratio ነው ወይም በመስፈር በዚን ጊዜ የ አሰፋፈር ችግር ካለ in the long run ስንጥቃት ይኖራል ሌላው ደግሞ የ ግብዓት ጥራት ለምሳሌ ደለላማ አሸዋ ከተጠቀምን ስንጥቃት ይበዛዋል ፡፡

➡️5. Concrete segregation

one of the defects of concrete it’s the separation of cement paste and aggregates of concrete from each other during handling and placement.

Via zion

@etconp
👍19❤1
🌏ከ300 ሜትር በላይ ሰማይ ጠቀስ ፎቆች ያሏቸው ከተሞች

🌟የተባበሩት አረብ ኤምሬትሷ ዱባይ ደረጃውን በሰፊ ልዩነት ትመራለች።

🌘 ውብ ምሽት ተመኘን

@etconp
🏆5👍3
👉የትራንስፖርት ሙዚየም ሊገነባ ነው !

➡️የትራንፖርትና ሎጂስቲክስ ሚኒስቴር የኢትዮጵያን የትራንስፖርት ታሪክ፣ ወቅታዊና የመጪውን ዘመን የትራንስፖርትና ሎጂስቲክስ የሚያስቃኝ ሙዚየም ለመገንባት የሚያስችለውን ቅድመ ዝግጅት እያደረገ እንደሚገኝ ተገለፀ፡፡

➡️የትራንስፖርት እና ሎጂስቲክስ ሚኒስትር ወይዘሮ ዳግማዊት ሞገስ በተገኙበት የሙዚየሙ ግንባታ የዲዛይን ትውውቅ ተከናውኗል፡፡

➡️ለመገንት የታቀደው ግዙፍ የትራንስፖርት ሙዚየም ኢትዮጵያ በተለያዩ ጊዜያት ጥቅም ላይ ያዋለቻቸውን የየብስ ትራንስፖርት አማራጮችን የሚያስቃኝ መሆኑን ከሚኒስቴሩ የተገኘው መረጃ ያመለክታል።

➡️ኢትዮጵያውያን በተለያዩ ዘመናት የተጠቀሟቸው ታሪካዊ ተሸከርካሪዎች፣ የጭነት መኪናዎች፣ ባቡሮች፣ አውቶቡሶችና የአየር ትራንስፖርት እንዲሁም የውሃ ትራንስፖርትና ልዩ ልዩ የትራንስፖርት አማራጮችና ቁሳቁሶችን አካቶ የሚይዝ ሙዚየም መሆኑም ተጠቅሷል፡፡

➡️በተጨማሪም ሙዝየሙ ዓለም የደረሰበትን የትራንስፖርት የዕድገት ደረጃ የሚያስቃኝና የኢትዮጵያን የወደፊት የትራንስፖርት እና ሎጂስቲክስ መሻቶቿን የሚያመላክት ሙዚየም እንደሚሆን ተገልጿል፡፡

➡️የሙዚየም ግንባታው እውን መሆን ዜጎች የሀገራቸውን የትራንስፖርት ታሪካዊ ዳራ እንዲያውቁ ከማገዙ ባሻገር በትራንስፖርትና ሎጂስቲክስ መስክ ጥናትና ምርምር ለሚያደርጉ አካላት ማጣቀሻ ሊሆኑ የሚችሉ ሰነዶች የሚቀርቡበት መሆኑ ተመላክቷል፡፡

➡️ለሀገር ውስጥና ለውጪ ሀገር ጎብኚዎች ተጨማሪ የጉብኝት አማራጭ በመሆን የሚያገለግል እንደሚሆን ይጠበቃል፡፡

➡️ሙዚየሙ በአዲስ አበባ አፍሪካ ህብረት አካባቢ የሚገነባ ሲሆን ግንባታው በቅርቡ እንደሚጀመርም ተገልጿል፡፡

@etconp
👍6
👉የጨረታ ማስከበሪያ/bid bond/
            ----------------        
➡️የጨረታ ማስከበሪያ የዋስትና አይነት ነው፡፡

*⃣አንድ ለግንባታ ጉዳይ ጨረታ ተሳታፊ የሚሆን ተጫራች ተቋራጭ የሚያቀርበውና ተጫራቹ እንደፈለገ ጨረታውን አቋርጦ እንዳይቀር ለማድረግ እና ምናልባት ተቋራጩ በጨረታው ቢያሸንፍ ውል እንዲገባ ማስገደጃና ዋስትና እንዲሆን ጨረታውን ባወጣው አካል የሚያዝ ዋስትና ነው፡፡

➡️ይህንኑ በሚደግፍ ሁኔታ በፌዴራል መንግስት ግዥና ንብረት አስተዳደር አዋጅ ቁጥር 649/2001ዓ.ም አንቀጽ 40 ላይ ተደንግጓል፡፡

*⃣የዚህ ድንጋጌ ይዘትም ተጫራቹ አሸናፊነቱ ከተገለጸለት በኋላ ውሉን ለመፈረም ፈቃደኛ ካልሆነ ወይም እንዲያቀርብ የተጠየቀውን የውል ማስከበሪያ ካላቀረበ ወይም የጨረታ ማስከበሪያው ጸንቶ በሚቆይበት ጊዜ ተጫራቹ ራሱን ከውድድሩ ያገለለ እንደሆነ የጨረታ ማስከበሪያው ጨረታውን ባወጣው የመንግስት መስሪያ ቤት የሚወረስ ስለመሆኑ የሚገልጽ ነው፡፡

➡️ጨረታ የሚያወጡ መስሪያ ቤቶችም በሚያዘጋጁት የጨረታ ሰነድ ላይ ተጫራቾች ከሚያቀርቡት የመጫረቻ ሰነድ ጋር የጨረታ ማስከበሪያ አብረው ማቅረብ እንዳለባቸው ሊገለጽ ይገባል፡፡የጨረታ ማስከበሪያው መጠንም ጤነኛ ባልሆነ እና ቅንነት በጎደለው ሁኔታ በጨረታው ለመሳተፍ የሚያስቡትን ተጫራቾች ወደጨረታው እንዳይገቡ ከወዲሁ ለማስቀረት የሚያስችል መሆን ይኖርበታል፡፡

➡️ለአሸናፊው ተጫራች አሸናፊነቱ በምን ሁኔታ መገለጽ አለበት?በህጉ አግባብ ያለመገለጽ ውጤቱስ?(Announcing the successful bidder)

➡️ለአሸናፊ ተጫራች አሸናፊነቱ መገለጽ ያለበት እና ሊደርሰው የሚገባ በጽሁፍ በደብዳቤ መልክ ነው፡

*⃣የደብዳቤውም ይዘት የመንግስት መስሪያ ቤቱ ጨረታውን የተቀበለው ስለመሆኑ፣የአሸነፈበትን ዋጋ፣አሸናፊው ተጫራች ማቅረብ ያበትን የውል ማስከበሪያ መጠን(Amount of performance security) የሚገልጽ መሆን አለበት፡፡(Federal public procurement directive:አንቀጽ 16.24 እና አዋጅ ቁጥር 649/2001ዓ.ም አንቀጽ 46) ስለዚህ በህጉ አግባብ አሸናፊነቱ ያልተገለጸለትን አሸናፊ ተጫራች ውል አልተዋዋለም በማለት የጨረታ ማስከበሪያ መውረስ የሚቻል አይሆንም ማለት ነው፡፡
    
Via ጉባኤ አሰፋ(የ ኮንስትራክሽን ህግ አማካሪ) 09-75-576924

@etconp
👍17
👉የግንባታ ሼል  ውል አፈጻጸም ውስጥ ተሳታፊ የሚሆኑ ዋና ዋና  ባለድርሻ አካላት፡

➡️የስራው ባለ ቤት/Client or Employer/

*⃣ግለሰብ ወይም ማህበር ወይም ድርጅት ወይም የመንግስት ተቋም ሊሆን የሚችል ሲሆን የሥራው ባለቤት ከመሆኑ አንጻር ሥራውን ለማከናወን የሚችል ሥራ ተቋራጭና አማካሪ መሃንዲስ መቅጠር እና ለግንባታ ሥራው የሚያስፈልገውን የገንዘብ ሀብት የሚያዘጋጅና ዋጋ የመክፈል ሃላፊነት ያለበት አካል ነው፡፡

➡️ሥራ ተቋራጭ:-

*⃣ይህ ባለድርሻ አካል ከባለቤት ጋር በፈጸመው ውል ስምምነት መሰረት ለሥራው አስፈላጊ የሆኑትን ግብዓቶች በሙሉ በሟሟላት የግንባታ ሥራውን  በተባለው ጊዜና በተቀመጠው የጥራት ደረጃ ለመስራት ተዋውሎ የሚሰራ ነው፡፡

➡️መሃንዲስ(አማካሪ):-

*⃣ይህ ባለድርሻ አካል ከባለቤት ጋር በፈጸመው ውል ስምምነት መሰረት ውለታውን እንዲያስተዳድር የሚቀጠር ነው፡፡ምንም እንኳን አማካሪ መሃንዲሱን የሚቀጥረውና ክፍያ የሚፈጸምለት በአሰሪው ቢሆንም፤ አማካሪው ውሉን በማስተዳደር ሂደት ውስጥ በቅን ልቡና በፍጹም ፍትሃዊነት ለሁለቱም የሚሰራ ነው፡፡

➡️የመድን ዋስትና ሰጪ ድርጅቶች (Insurance Companies):-

*⃣አንድ ሥራ ተቋራጭ በጨረታ ለመሳተፍ፣ ወደውል ለመግባት፣ ክፍያዎች ለማግኘትና በሌሎች አሰሪው ድርጅት ለደህንነቱ መጠበቂያ ከስራ ተቋራጩ እንዲቀርብለት የሚጠይቀውን የመተማመኛ የመድን ዋስትናዎች ለሥራ ተቋራጩ የሚያቀርብ አካል ነው።

*⃣ከዚህ በተጨማሪ ሥራ ተቋራጩ በአጠቃላይ ለንብረቱ፣ ለገንዘቡ፣ ለስራውና ለሰራተኞቹ ደህንነት የሚጠይቃቸውን የመድን ዋስትናዎችንም (for Contractor’s all risks) የሚያቀርብ ይሆናል።

*⃣አንድ የመድን ዋስትና ሰጪ ድርጅት አይነቱ ተለይቶ ለታወቀ ጉዳይ ለሥራ ተቋራጩ የመድን ሽፋን ሰጠ ማለት በአሰሪው ድርጅትና በሥራ ተቋራጩ በኩል ሊኖር የሚችለውን የአደጋ ስጋት ለመሸከም ሃላፊነት የሚቀበል ይሆናል ማለት ነው።

*⃣ለወደፊት ስለግንባታ ፕሮጀክቶች የመድን ዋስትናዎች (Construction Insurances) በተብራራ ሁኔታ በምናቀርበው ጽሁፍ የምናየው ይሆናል፡፡

➡️ባንኮች:-

*⃣ለሾል ተቋራጩም ይሁን ለስራው ባለቤት ለፕሮጀክቱ ማከናወኛ የገንዘብ ፍላጎቶችን በማመቻቸት የሚሰሩ ናቸው፡፡ ባንኮች እንደ የጨረታ ማስከበሪያና የውል ማስከበሪያ የባንክ ዋስትናም በመስጠት የሚሰሩ ናቸው፡፡ 

➡️አቅራቢዎች (Suppliers):-

*⃣እነዚህ ባለድርሻ አካላት ለግንባታ ሼል ከመጀመሪያ እስከ ሥራው ፍጻሜ የሚያስፈልጉ ማናቸውንም ዓይነት የግንባታ ሼል ግብዓቶችን፣ ማሽነሪዎችን ወይም የግንባታ ሼል ቁሳቁሶችን በሽያጭና በኪራይ  የሚያቀርቡ ናቸው፡፡

➡️ፈቃድ ሰጪ አካላት (Permitting bodies):-

*⃣ለግንባታ ሥራው የግንባታ ቦታ በመፍቀድ፣ የግንባታ ፈቃድ በመስጠት፣ የግብዓት ማውጫ ካባዎችን ፣የማምረቻ የማከማቻና የቆሻሻ ማስወገጃ ቦታ ፈቃድ በመስጠት የሚሰሩ ናቸው፡፡

➡️የመሰረታዊ አገልግሎቶች አቅራቢ ተቋማት (Public):-

*⃣ለግንባታ ሥራው እንደ ውሃ፣መብራት፣ስልክ የመሳሰሉ ለግንባታ ሥራዎች የመሰረታዊ አገልግሎቶችን የሚያቀርቡ አካላት ናቸው፡፡

@etconp
👍14
👉የፌደራል የመሬት ባንክና ልማት ኮርፖሬሽን ከኢትዮ-ኢንጂነሪንግ ጋር በጋራ ለመሥራት የሚያስችላቸውን ሥምምነት ተፈራረሙ

➡️የፌደራል የመሬት ባንክ ልማት ኮርፖሬሽን እና ኢትዮ-ኢንጂነሪንግ ግሩፕ የተለያዩ የልማት ፕሮጀክቶችን በጋራ ለማከናወን የሚያስችላቸውን ሥምምነት ተፈራረሙ።

➡️ሥምምነቱን የፌደራል የመሬት ባንክ ልማት ኮርፖሬሽን ዋና ዳይሬክተር ሌንሳ መኮንንና የኢትዮ- ኢንጂነሪንግ ግሩፕ ዋና ሥራ አስፈጻሚ አምባሳደር ምስጋኑ አረጋ መፈራረማቸውን ኢዜአ ዘግቧል፡፡

@etconp
👍9
👉በሀገራችን ኢትዮጵያ በግንባታው ዘርፍ የሚታዩ ዋና ዋና ችግሮች:

➡️በኮንስትራክሽን ኢንዱስትሪ የማጭበርበር አመለካከትና ተግባር የሚስተዋልበት ነባራዊ ሁኔታ መኖሩ

➡️በኮንስትራክሽን ኢንዱስትሪ የሰለጠነና የሙያ ብቃቱ የተረጋገጠ የሰው ኃይል እጥረት ያለ መሆኑ

➡️የኮንስትራክሽን ፕሮጀክቶች ስራ አመራር እና የቴክኖሎጂ ሽግግር የተሳለጠ ያለመሆኑ

➡️በኮንስትራክሽን ኢንዱስትሪ የሚሠማሩ አማካሪዎችና ተቋራጮች መካከል ተወዳዳሪነት በሚፈለገው ደረጃ ማድረስ ያልተቻለ መሆኑ

➡️ለኮንስትራክሽን ኢንዱስትሪ የሚያስፈልጉ ግብዓቶች ቀጣይነት ያለው የአቅርቦት ሠንሠለት ያልተዘረጋ መሆኑ

➡️ለኮንስትራክሽን ኢንዱስትሪ መስፋፋትና መጠናከር የተመቻቸ ሁኔታ የሚፈጥር የፋይናንስና የማሽነሪ አቅርቦት ሥርዓት የተጠናከረ ያለመሆን

➡️የኮንስትራክሽን ኢንዱስትሪ ዋና ዋና ባለሚናዎች በተቀናጀና በተደራጀ መንገድ ለዘርፉ የተፋጠነ ዕድገት በጋራ የሚሰሩበት ሁኔታ ያለመፈጠሩ

➡️የህንፃ ግንባታና መጠቀሚያ ፈቃድ አሰጣጥና ቁጥጥር አገልግሎት የተጠናከረ ያለመሆን

➡️ፈርጀ ብዙ ሥራዎች ከኮንስትራክሽን ኢንዱስትሪ ሥራዎች ጋር ተጣጥመው የሚታቀዱበትና የሚተገብሩበት ሥርዓት ያለመዘርጋቱ

➡️የኮንስትራክሽን ኢንዱስትሪ ልማት ፕሮግራም ወይም ፓኬጅ አዘጋጅቶ በተሟላና በቀጣይነት ያለመተግበር

➡️ለባለሞያዎችና ስራተቋራጮች የሚደረግ የአቅም ግንባታ ድጋፍ እጅግ አናሳ መሆኑ

📩እርስዎም ሀሳብዎን ያስቀምጡ

Via Abel

@etconp
❤8👍7
👉የፕሮጀክት አስተዳዳሪዎች 8 ቁልፍ ሚናዎች እና ኃላፊነቶች

➡️1. እንቅስቃሴ እና ሀብት ዕቅድ

*እቅድ የፕሮጀክት ቀነ-ገደቦችን ለማሟላት አስፈላጊ ነው ፣ እና ብዙ ፕሮጄክቶች በጥሩ ዕቅድ ምክንያት ይሳካል። በመጀመሪያ እና ከሁሉም በላይ ፣ ጥሩ የፕሮጀክት አስተዳዳሪዎች የፕሮጀክቱን ወሰን ይገልፃሉ እናም የሚገኙትን ሀብቶች ይወስናሉ ፡፡ ጥሩ የፕሮጀክት አስተዳዳሪዎች እንዴት የቡድን ወይም የቡድን አቅሞችን በእውነተኛ ጊዜ ማዋቀር እና መገምገም እንደሚችሉ ያውቃሉ ፡፡

*⃣ከዚያ ፕሮጀክቱን ለማስፈፀም እና እድገቱን ለመቆጣጠር ግልፅ እና እጥር ምጥን ዕቅድ ይፈጥራሉ ፡፡ ፕሮጀክቶች በተፈጥሮ ሊተነበዩ የማይችሉ ናቸው ፣ ስለሆነም ጥሩ የፕሮጀክት አስተዳዳሪዎች ፕሮጀክቱ የመጨረሻ ደረጃ ላይ ከመድረሱ በፊት አስፈላጊ ሆኖ ሲገኝ ማስተካከያዎችን እንዴት እንደሚያደርጉ ያውቃሉ ፡፡

➡️2. የፕሮጀክት ቡድን ማደራጀት እና ማነሳሳት

*ጥሩ የፕሮጀክት አስተዳዳሪዎች ቡድኖቻቸው በዝርዝር የተመን ሉህዎች ፣ ረጅም ማጣቀሻዎች እና በነጭ ሰሌዳዎች እንዲታሰሩ አያደርጉም። ይልቁንም ቡድኖቻቸውን የፊት እና የመሃል ላይ አደረጉ፡፡
*⃣ቡድኖቻቸውን ሙሉ አቅማቸውን ለማሳካት ግልጽ እና ቀጥተኛ ዕቅዶችን ያዳብራሉ እንዲሁም ቢሮክራሲን በመቁጠር ቡድኖቻቸውን ወደ የመጨረሻ ግብ ለመምራት ግልፅ መንገድን ይመራሉ ፡፡

➡️3. የጊዜ አያያዝን መቆጣጠር

*ደንበኞች ብዙውን ጊዜ የፕሮጀክቱን ስኬት ወይም ውድቀት በሰዓቱ ማድረሱ ላይ ይፈርዳሉ ስለዚህ የስምምነት ቀኖችን መገናኘት ድርድር የሚደረግ አይደለም።
*⃣ጥሩ የፕሮጀክት አስተዳዳሪዎች ተጨባጭ ቀነ-ገደቦችን እንዴት ማቀናጀት እንዳለባቸው እና እንዴት ለቡድኖቻቸው በተከታታይ እንዴት መገናኘት እንደሚችሉ ያውቃሉ ፡፡

🌟የሚከተሉትን ውጤታማ በሆነ መንገድ እንዴት ማድረግ እንደሚችሉ ያውቃሉ-

*እንቅስቃሴን ይግለጹ ቅደም ተከተል እንቅስቃሴ የእንቅስቃሴውን ቆይታ ይገምቱ መርሐግብር ያዘጋጁ የጊዜ ሰሌዳ ይኑራቹ

➡️4. ወጪ መገመት እና በጀቱን ማጎልበት

*ጥሩ የፕሮጀክት አስተዳዳሪዎች አንድን በጀት በተያዘለት በጀት ውስጥ አንድ ፕሮጀክት እንዴት ማቆየት እንደሚችሉ ያውቃሉ ምንም እንኳን አንድ ፕሮጀክት የደንበኞቹን ፍላጎቶች የሚያሟላ እና በሰዓቱ ቢቀርብለት እንኳን ከበጀት በላይ ቢወጣ አሁንም ውድቀት ይሆናል።
*ጥሩ የፕሮጀክት አስተዳዳሪዎች ብዙ ጊዜ በጀቱን ይገመግማሉ እና ግዙፍ የበጀት አጠቃቀምን ለማስወገድ አስቀድሞ ያቅዱ ፡፡

➡️5. የደንበኞችን እርካታ ማረጋገጥ

*በመጨረሻ አንድ ፕሮጀክት ስኬት የሚሆነው ደንበኛው ደስተኛ ከሆነ ብቻ ነው።
*⃣የእያንዳንዱ የፕሮጀክት ሥራ አስኪያጅ ቁልፍ ከሆኑት ኃላፊነቶች አንዱ እርግጠኛ አለመሆንን ለመቀነስ ፣ ማንኛውንም አላስፈላጊ የሆኑ ድንገተኛ ነገሮችን በማስወገድ እና በተቻለ መጠን ደንበኞቻቸውን በፕሮጀክቱ ውስጥ ማሳት ነው።
*⃣ጥሩ የፕሮጀክት አስተዳዳሪዎች ውጤታማ የሆነ ግንኙነትን እንዴት ጠብቆ ማቆየት እና የኩባንያውን ደንበኞች ወቅታዊ ማድረጉን እንዴት ያውቃሉ።

➡️6. የፕሮጄክት ስጋት ትንተና እና ቁጥጥር

*ፕሮጀክቱ ትልቅ ከሆነ ፣ የመነሻ ዕቅዱ አካል ያልሆነ መሰናክሎች እና መሰናክሎች የመፍጠር እድሉ ሰፊ ነው። Hiccups መከሰት የማይቀር ነው ፣ ግን ጥሩ የፕሮጀክት አስተዳዳሪዎች ፕሮጀክቱ ከመጀመሩ በፊት እንዴት በጥንቃቄ እና በጥልቀት እንደሚረዳ ፣ እንዴት ሊከሰቱ የሚችሉ ስጋቶችን ለይቶ እንደሚገመግሙ ያውቃሉ ፡፡ ከዛ አደጋዎችን እንዴት ማስወገድ ወይም ቢያንስ የእነሱን ተፅእኖ ለመቀነስ እንደሚችሉ ያውቃሉ ፡፡

➡️7. መሻሻል መከታተል

*⃣በመነሻ ደረጃዎች ውስጥ የፕሮጀክት ሥራ አስኪያጆች እና ቡድኖቻቸው የተፈለገውን ውጤት የማስገኘት ግልፅ ራዕይ እና ከፍተኛ ተስፋ አላቸው ፡፡ ሆኖም ፣ ወደ ማጠናቀቂያው መስመር የሚወስደው መንገድ በጭራሽ በጭራሽ በጭራሽ አይደለም።
*⃣ነገሮች በእቅዱ መሠረት የማይሄዱ ከሆነ የፕሮጀክት ሥራ አስኪያጅ ሁለቱንም ወጭዎች እና የቡድን አፈፃፀም መከታተል እና መተንተን እና ሁል ጊዜም የማስተካከያ እርምጃዎችን መውሰድ አለበት።

➡️8. ሪፖርቶችን እና አስፈላጊ ሰነዶችን ማስተዳደር

*በመጨረሻም ፣ ልምድ ያላቸው የፕሮጀክት አስተዳዳሪዎች የመጨረሻ ዘገባዎች እና ትክክለኛ ሰነዶች ምን ያህል አስፈላጊ እንደሆኑ ያውቃሉ።
*ጥሩ የፕሮጀክት አስተዳዳሪዎች ሁሉም የፕሮጄክት መስፈርቶች ተሟልተዋል እንዲሁም የፕሮጀክቶቹ ታሪክ ፣ ምን እንደተደረገ ፣ ማን እንደተሳተፈ እና ለወደፊቱ በተሻለ ምን ሊከናወን እንደሚችል ጨምሮ አጠቃላይ ሪፖርቶችን ማቅረብ ይችላሉ ፡፡

#ConstructionManagment

Via Abeselom melese

@etconp
👍12
የቦሌ ዓለም አቀፍ አውሮፕላን ማረፊያ ተርሚናል 1 የማሻሻያ ግንባታው ተጠናቆ ለአገልግሎት ክፍት ሆነ

የቦሌ ዓለም አቀፍ አውሮፕላን ማረፊያ የሀገር ውስጥ በረራ የመንገደኞች ማስተናገጃ ተርሚናል ሲካሄድለት የነበረው የማሻሻያ ግንባታ ተጠናቆ ለአገልግሎት ክፍት ሆነ።

የመንገደኞች ማስተናገጃ ተርሚናል አንድ በግንባታ ላይ በነበረበት ወቅት የሀገር ውስጥ መንገዶች የዓለም አቀፍ በረራዎች ተጓዦች የሚጠቀሙበትን ተርሚናል ሁለት ሲጠቀሙ ቆይተዋል።

በቻይናው ኮሙኒኬሽን ኮንስትራክሽን ኩባንያ (ሲሲሲሲ) ግንባታው የተከናወነው ተርሚናል አንድ በ16 ሺህ 689 ካሬ ሜትር ስፋት ላይ ያረፈ መሆኑን ከግንባታው ተቋራጭ ያገኘነው መረጃ ያመለክታል።

@etconp
👍7
Ethio Construction Engineering
Northern Ethiopia cultural housing style - ከጥንት ከ አክሱማውያን ዘመን ጀምሮ ሲወርድ ሲዋራረድ የነበረ የቤት አሰራር ዘይቤ ነው። - ድንጋይ በ ጭቃ በማጣበቅ ከ አንድ በላይ ወለል(multistory) በመስራት ከሌሎች ባህላዊ የቤት አሰራሮች ይለያል። - ባህላዊው አሰራር ጣራው ሚለብሰው በ ሳር ነው። ይሄን አይነቱን ቤት ለመስራት ቅደም ተከተሎች ፩. ከ…
Southern Ethiopia cultural housing style

ደቡብ ኢትዮጵያ የሚታወቁበት የቤት አሰራር ጎጆ ቤት ነው። የተለያዩ ኪነህንፃ ይዘት ያላቸው ግን በስያሜ ጎጆ ተብለብ ይጠራሉ። ከ ቦታ ቦታ የተለያየ አይነት ጎጆ አለ፣ ባህላቸውን ይገልፃል ያሉትን ጎጇቸው ያንፀባርቃሉ።

ይህ አይነቱ ቤት እንዴት ይሰራ ይሆን?

፩. ምሶሶ የሚቆምበትን ቦት መለየት ምክንያቱም
ጎጆ ቤት ክብ ነው ስለዚህ ምሶሷችን መሀል(at
the radial point) ላይ ነው የሚያርፈው ስለዚህ
ወፈር ያለ እንጨት እናዘጋጃለን።
፪. ምሶሷችንን ማቆም
፫. ለውጫዊ ግድግዳ አጠር ያሉ እንጨቶችን
ዙሪያውን ማቆም (በጣም መጠጋጋት አለበት)
ከዛ ቱንቢ እንጥላለን
፬. ምሶሶውን ከ ውጫዊ እንጨቶች ጋር በ እንጨት
ማገናኘት ስለዚህ ሲገናኙ roof truss እናገኛለን
እዛው ላይ ቀጫጭን እንጨቶችን እንመታለን
እንደ purlin ሞራሌ(ጣውላ) አንጠቀምም ለሳር ከሆነ ቆርቆሮ ከመታን ግን ሞራሌ አስደግፈን ነው ከዛን ሸራ እናለብሳለን(ለሳር ጎጆ) ከዛን ሳር እናለብሳለን ጣራችንን ጨረስን
፭. ግድግዳችን ከፈለግን በጭቃ እንመርጋለን ወይም ሳር እናለብሰዋለን ወይም ደግሞ ቅርጮ እንደምርጫችን።

@etconp

Facebook:- https://www.facebook.com/etconp/

Youtube:- https://youtu.be/qIpy-LMQ8QE
👍5
👉የአዲስ ኮንክሪት ጥሩ ባህርያት /Properties of Fresh Concrete/

➡️ኮንክሪት ለመብላለት/ለመደባለቅ/Mix/፣ ከቦታ ቦታ ለማንቀሳቀስ/to transport/፣ለማስቀመጥ/deposit/ እና ለመጠቅጠቅ/Compact/Vibrate/ ቀላል ወይም ምቹ ሆኖ ሲገኝ ጥሩ ነው።

➡️የእነዚህ ጥምር ውጤት ኮንክሪቱ ከስራ ምቹነቱ ባሻገር ኮንክሪቱ ላይ የመግጠጥ ችግር እንዳይከሰት /resistance to segrigation/ የሚረዳ ይሆናል።

➡️ከላይ የገለፅናቸውን ባህርያት ያሟላ ኮንክሪት «ምቹ»/Workable/ ነው ብለን የምንጠራው ይሆናል። እንዚህን ባህርያት የሚያሟላ መሆኑን የምናተጋግጥበት የስራ ምቹነት/ፅኑነት ምርመራ/ workability test/ Consistancy test ይባላል።

➡️የኮንክሪት workability ላይ ተፅዕኖ ሊያደርሱ የሚችሉ ምክንያቶች ምን ሊሆኑ ይችላሉ?

*1ኛ.የውህድ ምጣኔ ትክክል አለመሆን/Mix ratio/

*⃣2ኛ. የጠጠር ወይም የአሸዋ የግርድፍ መጠናቸው/Gradation/ ወይም ቅርፅ/Shape/ልክ ያለመሆን

➡️የኮንክሪት workability እንዴት ማወቅ እንችላለን?

*በሳይት እና በቤተ ሙከራ ይህን የምናረጋግጥባቸው 4 መንገዶች አሉ።እነዚህም:

➡️1. Slump test
➡️2.Compacting factor test
➡️3.Veebee test እና
➡️4.Vibro workability test ናቸው።

🌟ኮንክሪት ስላምፕ ቴስት/Slump test/Cone test/Sand test/

➡️የኮንክሪት ስላምፕ ቴስት በቀላሉ በሳይት የሚተገበር የፍተሻ አይነት
ሲሆን የኮንክሪትን ለስራ ያለውን ምቹነት (Workability) እና ፅኑእነት
(Consistency) ለመለካት ይጠቅማል።

➡️ኮንክሪት ስላምፕ ቴስት በየእያንዳንዱ የኮንክሪት ሙሌት ስራ ወቅት መሰራት ያለበት ሲሆን በምን ዓይነት የጊዜ ልዩነት ወይም በየስንት መጠን መሰራት እንዳለበት በየኮዱ የሚለያይ ይሆናል።

➡️ስላምፕ ቴስት በቀላል ወጪ የሚሰራ በመሆኑ ተመራጭ የመፈተሻ መንገድ ነው። በዚህ ምክንያት ከ1922GC ጀምሮ እስካሁን አገልግሎት ላይ እየዋለ ይገኛል።

➡️የኮንክሪት ስላምፕ ቴስት ውጤት ላይ ተፅዕኖ የሚያሳድሩ ሁኔታዎች
(Factors influencing slump test result)

*1- ለኮንክሪቱ  የተጠቀምናቸው ግብአቶች ባህርይ።

🌟ለምሳሌ:  ስነውህድ (ኬሚስትሪ) ቅጥነት ፣ የቁሱ መጠን እና ስርጭት (particle size and distribution) ፣ እርጥበት
፣ የሲሚንቶ ግብአት እና እርጥበት የመያዝ አቅም.

*2- የኬሚካል አድሚክስቸር መጠንና አይነት መስተጋብር.

*3- የኮንክሪቱ አየር የመያዝ አቅም።

*⃣4- ኮንክሪት ማቀላቀያ ማጓጓዣ ቁስ እና ዘዴ

*⃣5- የኮንክሪቱ ሙቀት መጠን /temperature/

*⃣6- የተጠቀምነው የውሃ መጠን

*⃣7- ለፍተሻ የተወሰደበት ግዜ

🌟Slump test ለማድረግ የምንጠቀማቸው እቃዎች ምን ምን ናቸው?

➡️ጉርድ የኮን ቅርፅ/Truncated cone/

*⃣ይህ ቅርፅ ማውጫ 30cm የታችኛው ዲያሜትር 20 cm የላይኛው ዲያሜትር 10cm ዲያሜትር ነው

➡️Plate/መደብ/

*⃣ከብረት የተሰራ 16 mm dia. እና 60 cm ርዝመት ያለው
መጠቅጠቂያ ብረት/Compaction rod/

🌟የስራ ቅደም ተከተሉ እንዴት ነው?

*⃣1ኛ. መጀመርያ የቅርፅ ማውጫ ኮን (mold ) ንፁ መሆን አረጋግጥ ኮንክሪቱ በቀላሉ ከሞልድ እንዲላቀቅ ቅርፅ
ማውጫውን ዘይት መቀባት አለበት።

*⃣2ኛ. ቅርፅ ማውጫውን (mold ) ትልቅ ዲያሜትር ባለው ጫፍ በኩል ወንፊት ባልሆነ ስሃን/plate/ ላይ ማስቀመጥ።

*3ኛ. የቅርፅ ማውጫ (mold) በእኩል 4 layer በኮንክሪት መሙላት።

*⃣4ኛ. እያንዳንዱን የኮንክሪት ሌየር 25 ግዜ በመጠቅጠቂያው ብረት መምታት የአጠቃጠቅ ጉልበታቱ እኩል መሆን አለበት።

*⃣5ኛ. ኮኑ (mold) ከሞላ በኋላ ትንሽ ስፋት ባለው ጫፍ ላይ ያለ ትርፍ ኮንክሪትን በቅርፅ ማስወገድና መለሰን።

*⃣6ኛ. በርጋታ  ቅርፅ ማውጫውን
(mold) ወደላይ በመሳብ ከኮንክሪቱ ማለያየት።

*⃣7ኛ. ቀጥሎም ኮንክሪቱ ከቅርፅ ማውጫ (mold) ያለውን የርዝመት ልዩነት መለካት።

🌟ማስታወሻ:

*⃣ሳምፕሉ ከተወሰደ በሁለት ደቂቃ ውስጥ ቴስቱን መከወን አለብን።

🌟ከቴስት በኋላ የምናገኛቸው የውጤት አይነቶች:/Results to be/[

➡️True Slump:

*⃣ይህ ከፍተሻው ምናገኘው ትክክለኛው ልኬት ነው።

🌟ቅርፅ ማውጫው ከኮንክሪቱ ከተለያየ በኋላ ያለው የኮንክሪቱ ቁመት ከቅርፅ ማውጫው አንፃር የምናገኘው ልዩነት ነው።

➡️Zero Slump:

*ዜሮ ስላምፕ ኮንክሪቱ አነስተኛ የውሃና
ሲሚንቶ /water-cement ratio/ያለው መሆኑን ያሳያል።

➡️Collapsed Slump:

*⃣ይህ ከዜሮ ስላምፕ በተለየ
የኮንክሪቱን የውሃና ሲሚንቶ/water-cement ratio/ ምጣኔ ትልቅ መሆን ያሳያል።የኮንክሪቱ የእርጥበት መጠኑ ከፍተኛ በመሆኑ እና High workability mix መሆኑን ያሳየናል።

➡️Shear Slump

*⃣ይህ ደግሞ የፍተሻው ውጤቱ ሙሉ
እንዳልሆነ ይነግረናል።
…………………………………

🌟ከወደፊት ሌሎች የኮንክሪት ለሾል  ያለው ምቹነት ላይ ያለውን ደረጃ የምንመዝንባቸው የቴስት ዓይነቶች የምናቀርብ ይሆናል።

📩ጥያቄ ወይም አስተያየት ካልዎት
@ETCONp_Bot ላይ ፃፉልን

@etconp
👍27👌3🥰1🤣1
✋ሰላም አዲስ ለተቀላቀላቹን የዚህ ቻናል ቤተሰቦች

🔖ይህ ቻናላቹ ዲጂታል ላይብረሪ እንዳለው ያውቃሉ?

📚ይህም ዲጂታል ቤተመፃህፍት በውስጡ የ ኮንስትራክሽን ሶፍትዌር ሴትአፖች ጨምሮ ሙሉ የ ARCH, COTM እና CIVIL መፅሀፍቶችን የያዘ በተጨማሪ ኢንትራንስ ኤግዛም አለዉ።

🚧ይህ የመጀመሪያ ምዕራፍ ግንባታ ሲሆን ለቀጣይ በአስተያየታቹ መሰረት ብዙ ነገር ምናስተካክል ይሆናል።

👉ይህን link በመጫን ወደ ቤተመፃህፍቱ ልትሄዱ ትችላላችሁ።
👇👇👇👇👇👇
👉🏿 https://t.me/ETCONpDigitalLibrary_Bot
🙏11👍5❤1🤡1
Ethio Construction Engineering
✋ሰላም አዲስ ለተቀላቀላቹን የዚህ ቻናል ቤተሰቦች 🔖ይህ ቻናላቹ ዲጂታል ላይብረሪ እንዳለው ያውቃሉ? 📚ይህም ዲጂታል ቤተመፃህፍት በውስጡ የ ኮንስትራክሽን ሶፍትዌር ሴትአፖች ጨምሮ ሙሉ የ ARCH, COTM እና CIVIL መፅሀፍቶችን የያዘ በተጨማሪ ኢንትራንስ ኤግዛም አለዉ። 🚧ይህ የመጀመሪያ ምዕራፍ ግንባታ ሲሆን ለቀጣይ በአስተያየታቹ መሰረት ብዙ ነገር ምናስተካክል ይሆናል። 👉ይህን link…
🌟ውድ ቤተሰቦቻችን ዲጂታል ላይብረሪው እንዴት አገኛችሁት ምንስ ይጨመር @COTMp ላይ ሀሳባቹ እና ጥያቄያቹ ፃፉልን።

@etconp
👍6👏3❤1
👉አንድ የስራ ተቆጣጣሪ ባለሞያ የኮለን ኮንክሪት ከመሞላቱ በፊት ፎርምወርክ ስራው ላይ መሟላታቸውን ማረጋገጥ የሚገባው መሰረታዊ ነጥቦች

➡️1.ጥብቅ መሆኑን/Formwork rigidity

*⃣የተዘጋጀው ፎርምወርክ የራሱን ክብደት/self weight/፣የብረቱን ክብደት፣የርጥብ ኮንክሪቱን ክብደት፣ የኮንክሪት ሰራተኞች፣ የንፋስ ግፊት፣ የስራ መሳሪያዎችና ሌሎች ሊያጋጥሙ የሚችሉ ጫናዎችን የሚቋቋም ሆኖ በቂ ጥንካሬ ኖሮት መሰራቱን ማረጋገጥ የመጀመሪያ ስራ ይሆናል።

➡️2.የፎርምወርክ ጥራት/Quality of formwork material/

*⃣ለፎርምወርክ ስራ ጥቅም ላይ የዋለው እቃ ያልተጣመመ፣ ያላበጠና ያልጎበጠ ፣ወጥነት ያለው ፣ያልተቀደደና ጥሩ ጥንካሬና የመሸከም አቅም ያለው መሆኑን ማረጋገጥ ሌላ አስፈላጊ ስራ ነው::

➡️3.አቀባዊ ሊኛ/Vertical alignment/

*የተዘጋጀው ኮለን ፎርምወርክ ዲዛይኑ እንደሚጠይቀው ልክ በሚገባ ወደላይ ቀጥ ማለቱን ማረጋገጥ አለበት።

➡️4.አግድም ሊኛ/Horizontal alignment/

*የተዘጋጀው ኮለን ፎርምወርክ ዲዛይኑ እንደሚጠይቀው ከሌሎች ኮለኖች አንጻር ያለው አቀማመጥ፣ ከታወቀ መነሻ በሚገባ ወጥነት ያለው ሆኖ መቀመጡን ማረጋገጥ አለበት።

➡️5.የኮለን ወርድና ስፋት ልክ/Design dimension/

*በዲዛይኑ መሰረት የኮለኑን ወርድና ስፋት ከፎርምወርኩ አቀናንሶ ትክክል መሆኑን ማረጋገጥ።

➡️6.ከመነሻው ያለው ርቀት/Distance from reference/center to center/

*ከታወቀ መነሻ በመነሳት አንዱ ኮለን ከሌላው ኮለን ርቆ የተቀመጠው በዲዛይኑ መሰረት መሆኑን ማረጋገጥ።

➡️7.መሃል ገጠምነት/Eccentricity/

*ተንጠልጣይ ወለል/Suspended floors/ በሚኖራቸው ግንባታዎች ላይ የላይኛው ወለል ኮለን ከታችኛው ወለል ኮለን ጋር ሴንተራቸው ፍፁም መሃል ገጠም/eccentric/ መሆኑን ማረጋገጥ አስፈላጊ ነው።

➡️8.ከብረቱ ያለው ተገቢ ርቀት
/Concrete cover/

*ለኮንክሪት ሽፋን ዲዛይኑ የሚጠይቀው ተገቢ መጠን፣ በፎርምወርኩና በብረቱ መሃል በልዩ ጡብ/Spacers/ መለየቱን ማረጋገጥ ሌላው በጣም አስፈላጊው ነጥብ ነው።

@etconp
👍34❤4👌3