👉ዊ ቢውልድ (የቀድሞ ሳሊኒ ኢምፕሬጊሎ) ስለታላቁ ህዳሴ ግድብ ምን አለ ?

" ፕሮጀክቱ ከሦስት መካከለኛ መጠን ካላቸው የኒውክሌር ኃይል ማመንጫዎች ጋር የሚስተካከል ነው ! "

" ዊ ቢውልድ " በይፋዊ ኤክስ ገጹ ባስተላለፈው አጭር ጹሑፍ " የታላቁ የኢትዮጵያ ህዳሴ ግድብ ከሦስት መካከለኛ መጠን ካላቸው የኒውክሌር ኃይል ማመንጫዎች ጋር የሚስተካከል ነው " ሲል ገልጾታል።

ኩባንያው ፦

" ታላቁ የህዳሴ ግድብ በአፍሪካ ትልቁ እና በዓለም ላይ ካሉ 10 ግዙፍ ግድቦች ተርታ አንዱ ሲሆን ይህም የኢትዮጵያ ብሔራዊ የኃይል ስትራቴጂ ዋነኛ መሠረት ነው።

ፕሮጀክቱ በውስብስብ የግንባታ ጥበብ  የጥቁር አባይን ውሃ በመጠቀም 5,150 ሜጋ ዋት የማመንጨት አቅም የፈጠረ ሲሆን ይህም ከሦስት መካከለኛ መጠን ካላቸው የኒውክሌር ኃይል ማመንጫዎች ጋር የሚስተካከል ነው።

ሪከርድ ስለሰበረው ፕሮጀክት ቁጥሮችን ይመልከቱ [ቪዲዮው ከላይ ተያይዟል] " ሲል መልዕክቱን አጋርቷል።

" ዊ ቢውልድ " ማነው ?

ዊቢውልድ (የቀድሞው ሳሊኒ ኢምፕሬጊሎ) እ.ኤ.አ ከ1950ዎቹ ጀምሮ በኢትዮጵያ የውሃ ኃይል እና የመሰረተ ልማት ዝርጋታ ላይ ከፍተኛ አስተዋጽኦ አድርጓል።

ግልገል ጊቤ አንድ፤ ግልገል ጊቤ ሁለት፤ ግልገል ጊቤ ሦስት ፕሮጀክቶችኝ ገንብቷል። የኮይሻ የኃይል ማመንጫ ግድብ እንዲሁም የታላቁ ህዳሴ ግድብ ፕሮጀክት በዚሁ ኩባንያ ሥር ግንባታቸው የተከናወነ ነው።

#Ethiopia
#GERD 💪

Via Tikvah Magazine

@etconp

👉ግንባታዎች ከመንገድ የሚኖራቸውን ርቀት (Setback) በተመለከተ የተሻሻለ ውሳኔ ተላልፏል

💫የአዲስ አበባ ከተማ አስተዳደር ግንባታዎች ከመንገድ የሚኖራቸውን ርቀት (Setback) እና ተያያዥ የግንባታ ፈቃድ መመሪያዎችን አስመልክቶ የተሻሻለ ያለውን ውሳኔ አስተላልፏል።

💥አዲስ አበባ ከተማ አስተዳደር ካቢኔ ህንፃዎች ከይዞታ ወሰን የሚኖራቸው ርቀት (Set Back Regulation) በተመለከተ መጋቢት 26/2016 ዓ.ም ውሳኔ ማስተላለፋ ይታወቃል።

በመመሪያው ላይ ግልፅ ያልሆኑና በአሰራር ላይ ተጨማሪ ማብራሪያ የሚፈልጉ ጉዳዮችን በተመለከተ ደግሞ ካቢኔው ሰኔ 10/2016 ዓ.ም ባካሄደው ሶስተኛ ዓመት 14ኛ መደበኛ ስብሰባ ላይ በመወያየት ማሻሻያ ተደርጎ ወደ ስራ ተገብቶ ነበር።

የተሻሻለው ውሳኔ ማስተለፍ ያስፈለገው የሴትባክ ህግ አፈፃፀም ሂደት ላይ የታዩ ችግሮችን ለመፍታት እንዲሁም በከተማዋ ውስጥ ከግንባታ ፈቃድ ጋር በተያያዘ ከአልሚዎችና ፕላን ፈፃሚ ተቋማት በኩል በተደጋጋሚ የሚቀርቡ በርካታ የመልካም አስተዳደር ችግሮችን ለመፍታት ያስችል ዘንድ መሆኑን ቲክቫህ ኢትዮጵያ ከመመሪያው ላይ ተመልክቷል።

"የአዲስ አበባ አስተዳደር ካቢኔ በ5ኛ ዓመት በ1ኛ መደበኛ ስብሰባ ላይ ተወያይቶ እንዲያፀድቅ የቀረበውን ራሱን ችሎ የሚለማ ቦታ ዝቅተኛው ስፋትና የፊት ለፊት ገፅታ ርዝመት ጥናት ካቢኔው ተወያይቶ ያሳለፈውን ውሳኔ ተግባራዊ እንድታደርጉ" ሲል ይገልጻል።

በእዚህም መሰረት ከ 28/12/17 ዓም ጀምሮ የአዲስ አበባ ከተማ ፕላን እና ልማት ቢሮ የከተማዋ ግንባታ ፈቃድ እና ቁጥጥር ባለስልጣን ፣ የመሬት ልማት እና አስተዳደር ቢሮ፣ የመሬት ምዝገባና መረጃ ኤጀንሲ እንዲሁም  ለሁሉም የክፍለ ከተማ የፕላንና ልማት ጽ/ቤቶች የካቢኔውን ውሳኔ እንዲያስፈጽሙ መመሪያ አውርዷል።

@etconp