👉ብዝዎች እባካቹ ቅናሹ አራዝሙልን ባላቹት መሠረት ኦንላይን ስልጠናዎቻችን ምዝገባ ድጋሜ ጀምረናል

⛈ክረምት እውቀትዎ እና ሞያዎ ማዳበር ይፈልጋሉ?

💫እንግድያውስ የ ETABS እና QUANTITY SURVEYING ሙሉ ኦንላይን ኮርስ በ 25 % ቅናሽ ምዝገባ ጀምረናል እንዲሁም ሁለቱም ኮርሶች በአንድ ላይ ለሚወስዱ ከ እያንዳንዱ የ 40% ቅናሽ ይደረግላቹዋል🙏

📩ለመመዝገብ @Philemona7 ይፃፉልን ወይም ለበለጠ መረጃ በ 0925446661 ይደውሉልን❤️

@etconp

JOB VACANCY

Position: Junior Construction Supervisor 👷‍♂️🏗️

Company: Menschen fuer Menschen Foundation

Education: B.Sc. in Civil Engineering (CGPA ≥ 3.5; Fresh Graduate of 2024/25 Academic year) 🎓

Experience: 0-1 years (Entry Level / Fresh Graduate) 🌱

Additional Requirements: Good command of spoken & written English; skills in teamwork, problem-solving, and construction technologies; 🛠️🤝

Salary: Negotiable 💰

Required qty: 1

Work location: Gambela 📍

Deadline: June 29, 2026 📅

How to apply:

Interested applicants fulfilling the requirements can send a non-returnable application mentioning the job title and duty station in the subject line, CV, and copies of relevant credentials to the following address: 📬

Menschen fuer Menschen
P. O. BOX 2568
ADDIS ABABA, ETHIOPIA

Must submit a Civil Engineering Degree, Student Copy, High School Transcript, Application Letter, and CV. 📄✨

@etconp

👉የመሠረተ-ልማት ዘርፍ አመራሮችና ባለሙያዎች በሠው ሠራሽ አስተውሎት ዙሪያ የግንዛቤ ማስጨበጫ ስልጠና ተሠጠ

የመሠረተ-ልማት ዘርፍ አመራሮችና ባለሙያዎች የኮንስትራክሽን ኢንዱስትሪውን ዲጅታላይዝ ለማድረግ ታስቦ በሠው ሠራሽ አስተውሎት ዙሪያ የግንዛቤ ማስጨበጫ ስልጠና ተሠጥቷል፡፡

የኮንስትራክሽን ኢንዱስትሪው በዓለም ዓቀፍ ደረጃ  ዲጅታል ቴክኖሎጂን በመጠቀም እየተራቀቀና እየዘመነ ከመምጣቱ ጋር ተያይዞ የተቋሙ አመራሮችና ባለሙያዎች ከዘመኑ ጋር ራሳቸውን ፈጥነው በእውቀትና በክህሎት ቀድመው በመገኘት በሀገራችን የሚከናወኑ የመሠረተ-ልማቶች በሁሉም ክልሎች ተግባራዊ እንዲሆኑ ስልጠናው እጅግ የጎላ ነው ያሉት በሚኒስቴር መስሪያ ቤቱ የመሠረተ-ልማት ዘርፍ አማካሪ አቶ ቃሲም ጃቢር መድረኩን በከፈቱበት ወቅት ነው፡፡

የሰው ሠራሽ አስተውሎት ያለው ፈፈዳ  በዓለማችንና በኢትዮጵያ የቴክኖሎጂ ዘርፍ እጅግ ወሳኝ ሚና እየተጫወተ የሚገኝ  መሆኑን የጠቀሱት ባለሙያው የዕለት ተዕለት ሥራዎችን በማቀላጠፍ አዳዲስ ፈጠራዎችን እውን እያደረገ ይገኛል ብለዋል።

በተለይ በከተማ ልማት እና መሠረተ ልማት  ዘርፍ የሰው ሠራሽ አስተውሎት (AI) ያለው ጠቀሜ ባለሙያው እንዳብራሩት ዘመናዊ የከተማ ፕላን (Smart City Planning): ሳተላይት እና ድሮኖች የሚሰበስቡትን መረጃ በመጠቀም ከተሞች እንዴት እንደሚያድጉ አስቀድሞ መተንበይ ይቻላል።

ይህም መሬትን በአግባቡ ለመጠቀምና ህገ-ወጥ ሰፈራዎችን ለመቆጣጠር ይረዳል።

የትራንስፖርትና መንገድ አስተዳደር (Traffic Optimization): በትራፊክ መብራቶችና ካሜራዎች አማካኝነት የትራፊክ መጨናነቅን መቆጣጠር እና ተሽከርካሪዎች ያለ ምንም እንከን እንዲንቀሳቀሱ ማድረግ ይቻላል።

የአገልግሎት አሰጣጥ ዘመናዊነት (E-Governance): እንደ አዲስ አበባ ከተማ አስተዳደር ያሉ አካላት የነዋሪዎችን መረጃና አገልግሎት (ለምሳሌ የሲቪል ምዝገባ) ለማቀላጠፍ በ AI የተደገፉ ዲጂታል ሲስተሞችን እንደምጠቀሙ በስልጠናው ተገልጿል።

Via ከተማና መሰረተ ልማት ሚንስቴር

@etconp

👉ሾሪንግ (Shoring) ምንድን ነው?

🔗 ሾሪንግ (Shoring) ማለት በግንባታ፣ በቁፋሮ ወይም በማፍረስ ሥራዎች ወቅት ሕንፃዎች፣ ግድግዳዎች ወይም የቁፋሮ ጎኖች እንዳይፈርሱ ለጊዜው የሚደረግ የመደገፊያ ስርዓት ነው።

የሾሪንግ ዓይነቶች

1. የሕንፃ ሾሪንግ (Structural Shoring)
ይህ ዓይነት ሾሪንግ ግድግዳዎችን፣ ወለሎችን፣ ጣሪያዎችን ወይም ሙሉ ሕንፃዎችን በጊዜያዊነት ለመደገፍ ይጠቅማል።

ሀ) ዘንበል ሾሪንግ (Raking Shoring)
ግድግዳው እንዳይወድቅ ወይም እንዳይዘነብል በማዕዘን የተቀመጡ የድጋፍ አባላት (Rakers) ይጠቀማሉ።

ለ) በራሪ ሾሪንግ (Flying Shoring)
በሁለት ተጎራባች ሕንፃዎች መካከል ያለ ክፍል ሲወገድ ወይም ሲፈርስ ሕንፃዎቹን ለመደገፍ አግድም የድጋፍ አባላት ይጠቀማሉ።

ሐ) ቀጥተኛ ሾሪንግ (Dead Shoring)
ግድግዳ፣ ዓምድ ወይም መሠረት ላይ ማሻሻያ ሥራ ሲከናወን ጭነቱን ለመሸከም ቀጥ ያሉ የድጋፍ አባላት ይጠቀማሉ።

2. የቁፋሮ ሾሪንግ (Excavation or Trench Shoring)
ይህ ዓይነት ሾሪንግ የቁፋሮ ጎኖች እንዳይፈርሱ እና የሚሰሩ ሰራተኞችን ከአደጋ ለመጠበቅ ይጠቅማል።

የተለመዱ ዘዴዎች፦
✅ የእንጨት ሾሪንግ (Timber Shoring)
✅ የሃይድሮሊክ ሾሪንግ (Hydraulic Shoring)
✅ የሺት ፓይል ሾሪንግ (Sheet Pile Shoring)
✅ የሶልጀር ፓይል እና ላጊንግ ስርዓት (Soldier Pile and Lagging)

የሾሪንግ ዓላማዎች
✅ የቁፋሮ ወይም የሕንፃ መፍረስን መከላከል።
✅ የሰራተኞችን ደህንነት ማረጋገጥ።
✅ በግንባታ፣ በጥገና ወይም በማፍረስ ሥራዎች ወቅት
✅ መዋቅሩን የተረጋጋ ማድረግ።
✅ በመሠረት ግንባታ እና በመሬት ውስጥ የመሠረተ ልማት ሥራዎች ወቅት የአካባቢውን መረጋጋት መጠበቅ።

@etconp

ለሜሲ የተገነባው 70 ቶን የሚመዝነው ሃውልት

ነገሩ እንዲህ ነው... በአርጀንቲናዋ ኒውኩዌን ግዛት የምትገኘው ኩትራል ኮ የተባለች ከተማ በሀገሪቱ የ"ሐውልቶች ዋና ከተማ" በመባል ትታወቃለች። እናም ይህች ከተማ ከሰሞኑ መላው ዓለምን ያስገረመ፣ ለሊዮኔል ሜሲ የሚመጥን ግዙፍ የክብር መግለጫ ይፋ አድርጋለች።

አርቲስት አልዶ ቤሮይሳ የተባለ የሀገር በቀል መሃንዲስና ቀራፂ ሌት ተቀን ደክሞ፣ ከብረት ማገርና ከከባድ ኮንክሪት ድንቅ ጥበቡን ከትቦታል።

ሜሲ በኳታሩ የዓለም ዋንጫ ድል ማግስት የወርቅ ዋንጫዋን አንስቶ በኩራት ወደ ሰማይ ቀና ያለበትን ምስል ነው - በ26 ሜትር ከፍታ እና በ70 ቶን ክብደት በኮንክሪት የፈለፈለው።


ቁመቱና ክብደቱ ያስፈራል! በብሔራዊ አውራ ጎዳና ቁጥር 22 አጠገብ የቆመው ይህ ሐውልት፣ አሁን በዓለማችን ላይ ለአንድ እግር ኳስ ተጫዋች የቆመ ትልቁና ረጅሙ ሐውልት ሆኖ ተመዝግቧል።

ከዚህ ቀደም ህንድ ኮልካታ ላይ ቆሞ የነበረው የ21 ሜትር የሜሲ ሐውልት በትልቅነቱ ይታወቅ ነበር። ነገር ግን በነፋስ የመወዝወዝ እና የደህንነት ስጋት ስላመጣ እንዲፈርስ ተደርጓል።

የአርጀንቲናዎቹ ግን በኮንክሪት የጸና በመሆኑ "ንቅንቅ የለም" የሚል ይመስላል።

ይህ ሐውልት በተመረቀበት ሰሞን ሜሲ በ2026ቱ የዓለም ዋንጫ ሜዳ ላይ ታሪክን በአዲስ መልክ እየጻፈ ነው።

በምድብ ጨዋታዎች ላይ በአልጄሪያ ላይ ሀት-ትሪክ (3 ጎል)፣ በኦስትሪያ ላይ ደግሞ 2 ጎሎችን አስቆጥሮ አርጀንቲናን ወደ ጥራው ጨዋታ (Knockout Stage) መርቷታል። በዚህም በዓለም ዋንጫ ታሪክ 18 ጎሎችን በማስቆጠር የጀርመኑን ሚሮስላቭ ክሎዜን ክብር ሰብሮ የዓለም ዋንጫ የምንጊዜውም ከፍተኛ ጎል አስቆጣሪ ሆኗል።

የብራዚሉ ታሪክ ነሺ ሮናልዶ ናዛሪዮ ሳይቀር "እንግዲህ ክርክሩ ያብቃ፣ ሜሲ የምንጊዜውም ምርጡ ነው" ብሎ እጅ እንዲሰጥ ያደረገ አጨዋወት።

ከጀርባው ግን የአባቱ መታመም የፈጠረበት የውስጥ ስብራትና የእንባ ማዕበልም አለ።
ያም ሆነ ይህ፣ ሜሲ ዛሬ በዓለም እግር ኳስ ሰማይ ላይ ብቻ ሳይሆን፣ በአርጀንቲና አውራ ጎዳናዎችም ላይ እንደ ተራራ ገዝፎ ይታያል።

የኮንክሪቱ ሐውልትና የሜዳው ላይ ክብር ተዳምረው የዘመናችንን የእግር ኳስ ንጉሥ ዝና ይበልጥ አጣፍጠውታል።

@etconp

«እያየህ ሞዲፋይ አድርገህ ሥራው!» — ከቢሮ ዲዛይን እስከ ሳይት ፍዳ፦ የክፍለ ከተማ መሐንዲሶችና የቤት ሰሪዎች እንግልት!

​በቅርቡ በገጻችን ላይ ኢንጅነር ደሳለኝ ከበደ በፃፉት ፅሁፍ መነሻነት ካነሳናቸው የ«ፕላን እና የሳይት» (Plan vs. Site) መጣጣም ውይይቶች ጋር በተያያዘ፣ ወልደመድህን የተባለ አንጋፋ የሳይት መሐንዲስ ያጋራን እውነተኛና ልብ የሚነካ የሳይት ቁስል ነው!።

ሳይት መሀንዲስ ነኝ በተደጋጋሚ ያላችሁት ነገር ያጋጥመኛል ካነሳችሁት አይቀር እኔን ከገጠሙኝ በቅርቡ ለG+10 በክ/ከተማ ተሰርቶ የመጣ ዲዛይን foundation ለመስራት ስናይ footing column 95cm በ 50cm ሆኖ ከቤዝመንት ግራውንድ ሲደርስ 65cm በ 50cm አድርገውት አየሁ።

እንደው ከቤዝመንት ግራውንድ በአንድ ፍሎር ልዩነት 30 ሴንቲም ማለት ያለብረት ቅነሳ 15cm በግራ 15cm በቀኝ በአንዴ እንዴት ይቀነሳል?።

ይሄ ለሳምፕል አመጣሁት እንጂ በክ/ከተማ የሚሰሩ ዲዛይኖች አስቂኝ ናቸው።

አንዳንዴ ደግሞ እንደው እስኪ ይሄ ዲዛይን ከቦታው ጋር አይስማማም ብላችሁ ደውላችሁ ስትጠይቁ አስቂኝ መልስ ነው ይምታገኙት እያየህ ሞዲፋይ አድርገህ ስራው ችግር የለም ይላሉ።

ባለንብረት ወዶ አይደለም በተሻለ ቦታ ዲዛይን አሰርቶ ሲመጣ ማን ያፀድቅለታል? ብርም መስጠቱ ላይቀርለት ጊዘውን ያንዛዙታል ስለዚህ ያለው አማራጭ ሁለም ነገር ጨርሰው ስለሚሰጡት ያስረክባቸዋል።

ብዙ ችግሮች ያጋጥማሉ ለምሳሌ strarp beam ስታፋ በባለ14 ብረት ተሰርቶ መጥቶ ገጥሞኝ ያውቃል ስንጠይቅ በቃ እንደዛ ነው የመጣልኝ የሚል አስቂኝ መልስ ሰጥተውኛል ያውቃል።

actually stirrup ከ 12mm dia በላይ ብረት በላይ መጠቀም እንደማይቻል እንኳን የማያውቅ ሁሉ ነው የሀገሪቱ ዋና ከተማ የህንፃ ዲዛይን በክፍለከተማ እያጨማለቀ ያለው።

ጨዋታው እንዲህ ነው፦

​🏢 የG+10 ህንፃ አስቂኝ ድራማ፦
• ​የኮለምን አስገራሚ ቅነሳ፦ በዲዛይኑ መሠረት ቤዝመንት ላይ የነበረው ኮለምን (Footing Column) 95cm በ 50cm ሆኖ መጥቶ፣ ልክ ግራውንድ ፍሎር ላይ ሲደርስ በአንዴ ወደ 65cm በ 50cm ዝቅ ይላል!
• ​ለመሆኑ በሳይንስ ስንት ነው? ያለ ምንም የብረት ቅነሳ ስሌት፣ በአንድ ፎቅ ልዩነት ብቻ 30 ሴንቲሜትር (15cm በግራ፣ 15cm በቀኝ) በአንዴ እንዴት ይቀነሳል?
• ​የሪንግ (Stirrup) ጉድ፦ በኢንጂነሪንግ ፎርሙላ ለሪንግ ከ 12mm dia በላይ ብረት መጠቀም እንደማይቻል እንኳ ሳይታወቅ፣ ስትራፕ ቢም (Strap Beam) ላይ ባለ 14mm ብረት ለሪንግ ታዞ ይመጣል!

​📞 «ደውለህ ስትጠይቅ አስቂኝ መልስ ታገኛለህ!»

መሐንዲሱ ይሄ ዲዛይን ከቦታውና ከሳይንስ ጋር አይስማማም ብሎ ወደ ክፍለ ከተማው ዲዛይነር ሲደውል የሚሰጠው መልስ፦ «እያየህ ሞዲፋይ አድርገህ ሥሪው፣ ችግር የለም!» የሚል ኃላፊነት የጎደለው ቃል ነው። አወቃቀሩ ከተበላሸ በኋላ ግን ተጠያቂው ማነው?

​🧠 የ«ናሽናል ኮንስትራክሽን» ሙያዊ ትንተና እና ስትራተጂክ አመራር፦
​ባለንብረቱ (የቤት ሰሪው) ጥራት ባለው አማካሪ ድርጅት የተሻለ ዲዛይን አሠርቶ ቢመጣም፣ በክፍለ ከተማ ደረጃ ያለውን የማጽደቅ እንግልትና የጊዜ መራዘም ስለሚፈራ ብቻ፣ ቢሮዎቹ «ሁሉንም ነገር ጨርሰን እንስጥህ» የሚሉትን የተበላሸ ዲዛይን ተቀብሎ ለመውጣት ይገደዳል።

ይህ ደግሞ በሀገሪቱ ዋና ከተማ የህንፃ ዲዛይን ላይ ትልቅ «መጨማለቅ» እየፈጠረ ይገኛል!
​እውነተኛ ስትራተጂክ አመራር በኮንስትራክሽኑ ዘርፍ ላይ ያስፈልጋል የምንለው ለዚህ ነው፦

1. ​🎯 የዲዛይን ኦዲት (Design Auditing)፦ ዲዛይኖች ከመጽደቃቸው በፊት በብቁና ገለልተኛ መሐንዲሶች በደንብ መፈተሽ አለባቸው። «እያየህ ሥሪው» የሚል መመሪያ የሙያ ስነ-ምግባርን የሚጥስና የህንፃዎችን ደህንነት አደጋ ላይ የሚጥል ነው።
2. ​📐 የመፈተሽ ኃላፊነት (Plan vs. Site Verification)፦ የሳይት መሐንዲሶች ልክ እንደ ወልደመድህን በሳይት ላይ የሚያዩትን ስህተት በድፍረትና በሙያዊ ብቃት መቃወም እና ማረም መቻል አለባቸው።

​💬  ጥያቄ (Engagement Question)፦
​«በየክፍለ ከተማው በሚጸድቁ ዲዛይኖች ላይ የሚታዩት እንደነዚህ ዓይነት የስትራክቸር ስህተቶች እና 'እያየህ ሞዲፋይ አድርገህ ሥሪው' የሚሉ የቢሮ መልሶች በእርስዎ የሳይት ተሞክሮስ ገጥመውዎት ያውቃሉ? ባለሀብቱ ከእንግልት ለመዳን የተበላሸ ዲዛይን የሚቀበልበትን አሠራር ለመቀየር የከተማ መዋቅራችን ምን ዓይነት 'ስትራተጂክ አመራር' መከተል አለበት ይላሉ?

ሃሳብዎንና የደረሰብዎትን ጉድ በኮመንት ያጋሩን!»

@etconp

👉የኒው ዮርክ ማለዳ ሁልጊዜም በነዋሪዎቿና በሰማይ ጠቀስ ሕንጻዎቿ መካከል በሚደረግ የብርሃንና የጥላ ጨዋታ ይጀምራል፤

🔖በዚህች የጥበብ ከተማ እምብርት ውስጥ፣ በማንሃተን 262 ፊፍት አቨኑ (262 Fifth Avenue) ላይ እየተገነባ ያለው አዲሱ ሰማይ ጠቀስ ሕንጻ፣ የተለመደውን የከተማዋን ገጽታ በአዲስ እይታ ለመቀየር እየተሰናዳ ነው፤

"ሜጋኖም" (Meganom) የተባለው የሩሲያ የሥነ-ሕንጻ ስቱዲዮ የነደፈው ይህ ድንቅ ግንብ፣ ጥንታዊውን የጡብ አቀማመጥ ባህል ከዘመናዊው የአሉሚኒየም ቴክኖሎጂ ጋር በማዋሃድ አስደናቂ የስነ-ውበት ጥምረትን ፈጥሯል፤

የዚህ ሕንጻ ዋነኛ መለያ መጋረጃው ሳይሆን፣ ከ200 ሺህ በላይ የሚሆኑ በልዩ ሁኔታ በሌዘር የተቆረጡና የተበጁ የአሉሚኒየም "ጡቦች" የተሸፈነ መሆኑ ነው፤

እነዚህ ስምንት ዓይነት ተለዋዋጭ ቅርጾችና ቅጦች ያላቸው ጡቦች፣ ከጣሊያን አምራቾች ጋር በመተባበር በጥንቃቄ የተሰሩ ናቸው፤

ሕንጻው 860 ጫማ (262 ሜትር) ቁመት ያለውና 52 ፎቆችን የያዘ ግዙፍ መዋቅር ቢሆንም፣ እነዚህ ጥቃቅን ጡቦች ግዙፍነቱን ወደ ሰው ልጅ የቤት ውስጥ ልኬት (Domestic scale) ዝቅ በማድረግ ለተመልካች ቅርብና ተደራሽ እንዲሆን ያደርጉታል፤

የማለዳው ፀሐይ በማንሃተን ሰማይ ላይ ብቅ ስትል፣ በዚህ ሕንጻ አካል ላይ የሚታየው እይታ እጅግ ማራኪ ነው፤

ብርሃኑ በአሉሚኒየም ጡቦቹ ላይ ሲያርፍ፣ ሕንጻው በሙሉ ልክ እንደ ወራጅ ውኃ የሚርገበገብና የሚያንጸባርቅ ይመስላል፤

ይህ የስነ-ውበት አስማት ብቻ ሳይሆን ተግባራዊ ጠቀሜታም አለው፤ የጡቦቹ ዲዛይን ዝናብ በሚዘንብበት ጊዜ ውኃው በቀላሉ እንዲፈስ የሚያስችሉ መስመሮች ያሉት ሲሆን፣ ብረቱ እንዳይዝግም በአኖዳይዝድ (Anodised) ቴክኒክ ተሸፍኗል፤

ሕንጻው በጥበብ የታጠረ ከመሆኑ የተነሳ፣ ሰሜናዊው ክፍል በከፊል በመስተዋት የተገነባ ሲሆን፣ ይህም በአቅራቢያው የሚገኘውን ታሪካዊ ቤተክርስቲያንና ታዋቂውን የኤምፓየር ስቴት ሕንጻ (Empire State Building) መልሶ እንዲያንጸባርቅ ተደርጎ ተቀርጿል፤

የሕንጻው ወለል መሠረት 2,211 ስኩዌር ጫማ ብቻ በመሆኑ እጅግ ቀጭንና ረጅም (Skinny skyscraper) ሆኖ እንዲታይ ቢያደርገውም፣ በውስጡ ግን በዴንማርኩ ኖርም አርክቴክቸር (Norm Architects) የተነደፉ 26 የቅንጦት መኖሪያዎችን አካትቷል፤

በአሁኑ ወቅት የሕንጻው ዋና መዋቅር ግንባታ ተጠናቆ አብዛኛው አካሉ በእነዚህ የአሉሚኒየም ጡቦች እየተሸፈነ ይገኛል፤

ከጫፉ ላይ የሚገኘውና በ24 ካራት ወርቅ የተለበጠው ክፍት የሰማይ ላይ መመልከቻ (Sky deck) ግንባታ ሲጠናቀቅ፣ ይህ ሕንጻ ለማንሃተን አዲስና ልዩ መልክዓ-ምድርን እንደሚጨምር ይታመናል፤

በአካባቢው ካሉ የጥንታዊ አርክቴክቸር ስራዎች ጋር እየተፎካከረ የሚገኘው ይህ ግንብ፣ የቴክኖሎጂና የስነ-ህንጻ ጥበብ በጥምረት ሲሰሩ ምን ያህል ውብ ውጤት ማምጣት እንደሚችሉ ማሳያ ነው።

Via DEZEEN

@etconp

🏗️  የወደፊቱ ኮንስትራክሽን አሁን ላይ ነው!

🏷የፈጠራ ማሽነሪዎች አዳዲስ አስገራሚ ታሪኮች

❇️​ሰላም የገጻችን ተከታታዮች ዛሬ በኮንስትራክሽኑ ዓለም ውስጥ ነገሮችን ሙሉ በሙሉ እየቀየሩ ያሉ 3 አስገራሚና ወቅታዊ የማሽነሪ ቴክኖሎጂዎችን ይዘንላችሁ ቀርበናል።

🚧እነዚህ ማሽኖች ፍጥነትን፣ ደህንነትንና አካባቢ ጥበቃን በአንድ ላይ ያቀናጁ ናቸው።

​1. 🤖 በራሳቸው የሚሰሩ (Autonomous) ኤክስካቫተሮች
​አሁን ላይ ሹፌር የሌላቸው ኤክስካቫተሮች በብዛት ወደ ስራ እየገቡ ነው። በካሜራዎች፣ በሴንሰሮችና በአርቲፊሻል ኢንተለጀንስ (AI) የታገዙት እነዚህ ማሽኖች፡
• ​ሰው በማይደርስባቸው አደገኛ ቦታዎች ላይ በራሳቸው ይቆፍራሉ።
• ​የሰውን ድካም ከመቀነስ ባለፈ የሳይት ላይ አደጋዎችን በከፍተኛ ሁኔታ ይቀንሳሉ።
• ​ስራን ያለማቋረጥ 24 ሰዓት ሙሉ ማከናወን ይችላሉ።

​2. ⚡ የኤሌክትሪክ ከባድ ማሽነሪዎች (Electric Heavy Machinery)
​የአየር ንብረት ለውጥን ለመከላከል የኮንስትራክሽን ዘርፉም ትልቅ እመርታ እያሳየ ነው።
ታዋቂዎቹ አምራቾች (እንደ CAT፣ Komatsu እና Volvo ያሉ) ሙሉ በሙሉ በባትሪ የሚሰሩ ግዙፍ ዶዘሮችንና ሎደሮችን በስፋት እያመረቱ ነው።
• ​ጥቅማቸው፡ ጭስና ካርቦን ጨርሶ አይለቁም፣ ድምፅ ስለማያወጡ በከተማ መሀል ለሚሰሩ ስራዎች ተመራጭ ናቸው፣ እንዲሁም የነዳጅ ወጪን ሙሉ በሙሉ ያስቀራሉ።

​3. 🧱 ሮቦቲክ የጡብ ድራሽ ማሽኖች (Robotic Bricklayers)
​ግንብ ለመገንባት ሳምንታት የሚፈጅበት ጊዜ እያበቃ ይመስላል።
አዲሶቹ የሮቦት ግንበኞች በሰዓት እስከ 1,000 ጡቦችን የመደርደር አቅም አላቸው!
• ​ሰዎችን ከከባድና ደጋጋሚ ስራዎች በማረፍ፣ ይበልጥ ጥንቃቄ በሚያስፈልጋቸው የምህንድስና ክፍሎች ላይ እንዲያተኩሩ እያደረጋቸው ነው።

​💡የቴክኖሎጂው አለም በዚህ ፍጥነት ከቀጠለ፣ በሚቀጥሉት ጥቂት ዓመታት ውስጥ የኮንስትራክሽን ሳይቶች ሙሉ በሙሉ በቴክኖሎጂ የተቆጣጠሩ ዲጂታል ማዕከላት መሆናቸው አይቀሬ ነው።

​📱 እናንተስ ምን ታስባላችሁ?

• እነዚህ ማሽነሪዎች ወደ እኛ ሀገር በስፋት ቢገቡ የኮንስትራክሽን ዘርፉን ምን ያህል ያግዙታል?

ከታች በኮሜንት ሃሳባችሁን አካፍሉን!

🪧YouTube ቻናላችን Subscribe ያርጉ👇

https://youtube.com/@ethiopianconstruction7

@etconp

👉የካሳ ክፍያን በተመለከተ የክልል እና የፌደራል መንግስት እርስ በእርሳቸው ‛ማን ይክፈል’ በሚለው ባለመስማማታቸው ካሳ ሊከፈላቸው የሚገባቸው አካላት እየተንገላቱ መሆኑ ተገለጸ

🚧ለልማት ሲባል በሃይል የሚነሱ ዜጎች የሚገባቸውን ካሳ እንደማይከፈላቸው የገለጸው የኢትዮጵያ ዕንባ ጠባቂ ተቋም ለዚህ ችግር አስፈፃሚ አካላት ህግን ተከተለው ባለመስራታቸው፣ የክልል እና የፌደራል መንግስት እርስ በእርሳቸው “አንተ ክፈል አንተ ክፈል” በመባባል ላይ እንደሆኑ አስታወቀ።

በቅርቡ የወጣው የካሳ አዋጅ ክልሎች እንዲከፍሉ የሚደነግግ ሲሆን ከዚህ ቀደም ያለው ደግሞ የፌደራሉ እንዲከፍል የሚያዝ ነበር።

የኢትዮጵያ ሕዝብ ዕንባ ጠባቂ ተቋም የ2018 በጀት ዓመት የ11 ወራት የሥራ አፈጻጸም ሪፖርቱን ለሕዝብ ተወካዮች ምክር ቤት በትናንትናው ዕለት አቅርቧል።

ተቋሙ በሪፖርቱ ላይ ባለፉት ወራት የደረሱትን በአስር ሺህዎች የሚቆጠሩ የአስተዳደር በደል አቤቱታዎችን ዝርዝር ይፋ አድርጓል።

አክሎም ለተለያዩ የልማት ሥራዎች ሲባል ዜጎችን በኃይል የማንሳትና ተገቢውን ካሳ ያለመስጠት ድርጊት አሁንም አሳሳቢ ሆኖ የቀጠለ ድርጊት ነው ማለቱን ለምክር ቤቱ  ካዘጋጀው ሪፖርት አዲስ ማለዳ ተመልክታለች።

ዕንባ ጠባቂ ተቋም አክሎም ለሕዝብ ጥቅም ሲባል የመሬት ይዞታ የሚለቀቅበትንና የንብረት ካሳ የሚከፈልበት ሁኔታን አስመልክቶ አድርጌዋለሁ ባለው ስልታዊ ምርመራና መደበኛ ቁጥጥር በአስፈጻሚ አካላት በኩል ሰፊ የሕግ ጥሰት አለ ሲል ይፋ አድርጓል።

ተቋሙ በግኝቱ ላይ እንዳመለከተው፣ በአዋጁ ላይ በግልጽ የተቀመጠ ድንጋጌ በቀጥታ እየተጣሰ ይገኛል።

በመሠረተ ልማት ግንባታ ምክንያት የሚነሱ ዜጎች ከመነሳታቸው ቢያንስ አንድ ዓመት በፊት ስለ ልማቱ ዓይነት፣ ጠቀሜታና አጠቃላይ ሂደት እንዲያውቁት  አይደረግም ብሏል።

ከዚህም በላይ በቦታው ላይ ከሚገኙ ተነሺዎች የንብረት ልኬትና መጠን መረጃ ሳይሰበሰብና ሊከፈላቸው የሚገባው የካሳ መጠን ሳይወሰን ዜጎች “በኃይል” ከይዞታቸው እንዲነሱ እየተደረገ መሆኑን ተቋሙ አረጋግጫለሁ ብሏል።

በዚህም ምክንያት ባለመብቶቹ መሬታቸውን በኃይል ከተቀሙ በኋላ መብታቸውን ለማስከበር በተለያዩ የመንግሥት ተቋማት ደጃፍ ለአቤቱታ ለመንከራተትና ለከፍተኛ እንግልት መዳረጋቸውን ገልጿል።

ሌላው የዕንባ ጠባቂ ተቋሙ  በሪፖርቱ ላይ የጠቀሰው ትልቅ ክፍተት፣ ካሳ ከተወሰነ በኋላም ለመክፈል ረዥም ጊዜ የሚወስድ መሆኑና አንዳንዶቹ ጉዳዮች ዓመታትን ማስቆጠራቸውን የተመለከተው ነው።

በተጨማሪም በ2016 በወጣው አዋጅ  ላይ ባለው የግልጽነት መጓደል ምክንያት የክፍያ ጥያቄዎች ሲቀርቡ ክልሎች ወደ ፌደራል፣ ፌደራል ደግሞ “የክልሎች ሥልጣን ነው” በሚል ኃላፊነትን እርስ በርስ በመገፋፋት በባለጉዳዮች ላይ መጉላላት እየፈጠሩ መሆኑን አንስቷል።

ተቋሙ ለማሳያ እንዲሆን አድርጌዋለሁ ባለው የቁጥጥር ስራ በአማራ ክልል የሚገኘው የመገጭ መስኖ ግድብ ፕሮጀክት ለልማት ተነሺዎች በሕግ ከተደነገገው በተቃራኒ 141.3 ሚሊዮን ብር ለአረጋውያንና ለአካል ጉዳተኞች የሚገባውን ካሳ ሳይከፍል ቆይቷል ብሏል።

ተቋሙ ባለፉት 11 ወራት ውስጥ 1,715 የአስተዳደር በደል አቤቱታዎችን ተቀብሎ መመርመሩን አስታውቋል።

በእነዚህ መዝገቦች ላይ በተደረገው ማጣራትና ምርመራ በአጠቃላይ 44,901 ዜጎች “የአስተዳደር በደል ደርሶብናል” በማለት ቅሬታቸውን አቅርበዋል።

ከአቤቱታ አቅራቢዎቹ መካከል 17,002 ወንዶች ፤7,934 ሴቶች ሲሆኑ፣ ቀሪዎቹ 19,965 ደግሞ በቡድንና በሌላ መልክ የቀረቡ በመሆናቸው በፆታ ያልተለዩ መሆናቸውን ሪፖርቱ ያሳያል።

አቤቱታዎች ከቀረቡባቸው ዋና ዋና ዘርፎች መካከል 452 ጉዳዮች የአገልግሎት ዕጥረት፣ የ408 መሬት ይዞታ ክርክር፣ 306 የሥራ ቅሬታዎች እንዲሁም 197ቱ የካሳ ክፍያነ የተመለከቱ ናቸው።

ተቋሙ ወስጃዋለሁ ባለው የማስተካከያ እርምጃ እና  በሰጣቸው የመፍትሔ ሐሳቦች አማካይነት 82 ሠራተኞች ወደ ሥራቸው እንዲመለሱ የተደረገ ሲሆን፣ 1,319 ሠራተኞች ደግሞ የደረጃ ዕድገትና ዝውውር መብታቸው ተከብሮላቸዋል ሲል አስታውቋል።

በተጨማሪም ከ36 ሚሊዮን ብር በላይ የደመወዝና ጥቅማጥቅም ውዝፍ ክፍያ ለባለጉዳዮች እንዲሰጥ የተደረገ ሲሆን፣ 41 አቤቱታ አቅራቢዎች ተገቢውን ካሳ እንዲያገኙና በአጠቃላይ 36,200 ካሬ ሜትር ምትክ ቦታ ለተነሺዎች እንዲሰጥ ተደርጓል ብሏል።

የዕንባ ጠባቂ ተቋሙ የምርመራ ሥራ ማካሄድ ብቻውን በቂ አለመሆኑን በመጥቀስ፣ የመፍትሔ ሐሳቦች ላይ ጥብቅ የክትትል ሥራ እየተከናወነ ቢሆንም አንዳንድ የመንግሥት አስፈጻሚ አካላት ለተቋሙ ሥራ ፈቃደኛ አለመሆንና የሚሰጡ ምክረ ሐሳቦችን በተገቢው ፍጥነት አለመፈጸም እንደ ትልቅ ማነቆ ሆኖብኛል ብሏል።

በቀጣይ ለልማት የሚነሱ ዜጎች ሰብዓዊና አስተዳደራዊ መብቶች አስቀድመው እንዲከበሩና የመንግስት አስፈጻሚ አካላት ለሕግ ተገዥ እንዲሆኑ ምክር ቤቱ የበኩልን ድርሻ እንዲወጣ እና እንድከታተል ጥሪ አቅርቧል።

Via Addis Maleda

@etconp

Job Vacancy

Ovid Real Estate, a leading real estate construction company based in Addis Ababa and Jimma Housing Project, a proud member of Ovid Group, is dedicated to delivering residential, commercial, and mixed-use developments across Ethiopia.

We are excited to announce an opportunity with our Jimma Housing Project to work in a dynamic team and be part of this exciting journey.

Core Professional Skills
• Strong analytical and problem-solving skills 
• Excellent communication and documentation skills
• Ability to work under presser
How to Apply 
Interested and qualified applicants are required to submit the following documents through the link provided below.or through the email provided here.

mieraf.d@ovid-realestates.com
samrawitbarega@ovid-realestates.com hr@ovid-realestates.com 

https://forms.gle/QRCGiosMgwmnuUaF8

Application deadline: July 6 / 2026

• A Cover Letter
• An Updated Curriculum Vitae (CV)

@etconp