🏗️  የወደፊቱ ኮንስትራክሽን አሁን ላይ ነው!

🏷የፈጠራ ማሽነሪዎች አዳዲስ አስገራሚ ታሪኮች

❇️​ሰላም የገጻችን ተከታታዮች ዛሬ በኮንስትራክሽኑ ዓለም ውስጥ ነገሮችን ሙሉ በሙሉ እየቀየሩ ያሉ 3 አስገራሚና ወቅታዊ የማሽነሪ ቴክኖሎጂዎችን ይዘንላችሁ ቀርበናል።

🚧እነዚህ ማሽኖች ፍጥነትን፣ ደህንነትንና አካባቢ ጥበቃን በአንድ ላይ ያቀናጁ ናቸው።

​1. 🤖 በራሳቸው የሚሰሩ (Autonomous) ኤክስካቫተሮች
​አሁን ላይ ሹፌር የሌላቸው ኤክስካቫተሮች በብዛት ወደ ስራ እየገቡ ነው። በካሜራዎች፣ በሴንሰሮችና በአርቲፊሻል ኢንተለጀንስ (AI) የታገዙት እነዚህ ማሽኖች፡
• ​ሰው በማይደርስባቸው አደገኛ ቦታዎች ላይ በራሳቸው ይቆፍራሉ።
• ​የሰውን ድካም ከመቀነስ ባለፈ የሳይት ላይ አደጋዎችን በከፍተኛ ሁኔታ ይቀንሳሉ።
• ​ስራን ያለማቋረጥ 24 ሰዓት ሙሉ ማከናወን ይችላሉ።

​2. ⚡ የኤሌክትሪክ ከባድ ማሽነሪዎች (Electric Heavy Machinery)
​የአየር ንብረት ለውጥን ለመከላከል የኮንስትራክሽን ዘርፉም ትልቅ እመርታ እያሳየ ነው።
ታዋቂዎቹ አምራቾች (እንደ CAT፣ Komatsu እና Volvo ያሉ) ሙሉ በሙሉ በባትሪ የሚሰሩ ግዙፍ ዶዘሮችንና ሎደሮችን በስፋት እያመረቱ ነው።
• ​ጥቅማቸው፡ ጭስና ካርቦን ጨርሶ አይለቁም፣ ድምፅ ስለማያወጡ በከተማ መሀል ለሚሰሩ ስራዎች ተመራጭ ናቸው፣ እንዲሁም የነዳጅ ወጪን ሙሉ በሙሉ ያስቀራሉ።

​3. 🧱 ሮቦቲክ የጡብ ድራሽ ማሽኖች (Robotic Bricklayers)
​ግንብ ለመገንባት ሳምንታት የሚፈጅበት ጊዜ እያበቃ ይመስላል።
አዲሶቹ የሮቦት ግንበኞች በሰዓት እስከ 1,000 ጡቦችን የመደርደር አቅም አላቸው!
• ​ሰዎችን ከከባድና ደጋጋሚ ስራዎች በማረፍ፣ ይበልጥ ጥንቃቄ በሚያስፈልጋቸው የምህንድስና ክፍሎች ላይ እንዲያተኩሩ እያደረጋቸው ነው።

​💡የቴክኖሎጂው አለም በዚህ ፍጥነት ከቀጠለ፣ በሚቀጥሉት ጥቂት ዓመታት ውስጥ የኮንስትራክሽን ሳይቶች ሙሉ በሙሉ በቴክኖሎጂ የተቆጣጠሩ ዲጂታል ማዕከላት መሆናቸው አይቀሬ ነው።

​📱 እናንተስ ምን ታስባላችሁ?

• እነዚህ ማሽነሪዎች ወደ እኛ ሀገር በስፋት ቢገቡ የኮንስትራክሽን ዘርፉን ምን ያህል ያግዙታል?

ከታች በኮሜንት ሃሳባችሁን አካፍሉን!

🪧YouTube ቻናላችን Subscribe ያርጉ👇

https://youtube.com/@ethiopianconstruction7

@etconp

👉የካሳ ክፍያን በተመለከተ የክልል እና የፌደራል መንግስት እርስ በእርሳቸው ‛ማን ይክፈል’ በሚለው ባለመስማማታቸው ካሳ ሊከፈላቸው የሚገባቸው አካላት እየተንገላቱ መሆኑ ተገለጸ

🚧ለልማት ሲባል በሃይል የሚነሱ ዜጎች የሚገባቸውን ካሳ እንደማይከፈላቸው የገለጸው የኢትዮጵያ ዕንባ ጠባቂ ተቋም ለዚህ ችግር አስፈፃሚ አካላት ህግን ተከተለው ባለመስራታቸው፣ የክልል እና የፌደራል መንግስት እርስ በእርሳቸው “አንተ ክፈል አንተ ክፈል” በመባባል ላይ እንደሆኑ አስታወቀ።

በቅርቡ የወጣው የካሳ አዋጅ ክልሎች እንዲከፍሉ የሚደነግግ ሲሆን ከዚህ ቀደም ያለው ደግሞ የፌደራሉ እንዲከፍል የሚያዝ ነበር።

የኢትዮጵያ ሕዝብ ዕንባ ጠባቂ ተቋም የ2018 በጀት ዓመት የ11 ወራት የሥራ አፈጻጸም ሪፖርቱን ለሕዝብ ተወካዮች ምክር ቤት በትናንትናው ዕለት አቅርቧል።

ተቋሙ በሪፖርቱ ላይ ባለፉት ወራት የደረሱትን በአስር ሺህዎች የሚቆጠሩ የአስተዳደር በደል አቤቱታዎችን ዝርዝር ይፋ አድርጓል።

አክሎም ለተለያዩ የልማት ሥራዎች ሲባል ዜጎችን በኃይል የማንሳትና ተገቢውን ካሳ ያለመስጠት ድርጊት አሁንም አሳሳቢ ሆኖ የቀጠለ ድርጊት ነው ማለቱን ለምክር ቤቱ  ካዘጋጀው ሪፖርት አዲስ ማለዳ ተመልክታለች።

ዕንባ ጠባቂ ተቋም አክሎም ለሕዝብ ጥቅም ሲባል የመሬት ይዞታ የሚለቀቅበትንና የንብረት ካሳ የሚከፈልበት ሁኔታን አስመልክቶ አድርጌዋለሁ ባለው ስልታዊ ምርመራና መደበኛ ቁጥጥር በአስፈጻሚ አካላት በኩል ሰፊ የሕግ ጥሰት አለ ሲል ይፋ አድርጓል።

ተቋሙ በግኝቱ ላይ እንዳመለከተው፣ በአዋጁ ላይ በግልጽ የተቀመጠ ድንጋጌ በቀጥታ እየተጣሰ ይገኛል።

በመሠረተ ልማት ግንባታ ምክንያት የሚነሱ ዜጎች ከመነሳታቸው ቢያንስ አንድ ዓመት በፊት ስለ ልማቱ ዓይነት፣ ጠቀሜታና አጠቃላይ ሂደት እንዲያውቁት  አይደረግም ብሏል።

ከዚህም በላይ በቦታው ላይ ከሚገኙ ተነሺዎች የንብረት ልኬትና መጠን መረጃ ሳይሰበሰብና ሊከፈላቸው የሚገባው የካሳ መጠን ሳይወሰን ዜጎች “በኃይል” ከይዞታቸው እንዲነሱ እየተደረገ መሆኑን ተቋሙ አረጋግጫለሁ ብሏል።

በዚህም ምክንያት ባለመብቶቹ መሬታቸውን በኃይል ከተቀሙ በኋላ መብታቸውን ለማስከበር በተለያዩ የመንግሥት ተቋማት ደጃፍ ለአቤቱታ ለመንከራተትና ለከፍተኛ እንግልት መዳረጋቸውን ገልጿል።

ሌላው የዕንባ ጠባቂ ተቋሙ  በሪፖርቱ ላይ የጠቀሰው ትልቅ ክፍተት፣ ካሳ ከተወሰነ በኋላም ለመክፈል ረዥም ጊዜ የሚወስድ መሆኑና አንዳንዶቹ ጉዳዮች ዓመታትን ማስቆጠራቸውን የተመለከተው ነው።

በተጨማሪም በ2016 በወጣው አዋጅ  ላይ ባለው የግልጽነት መጓደል ምክንያት የክፍያ ጥያቄዎች ሲቀርቡ ክልሎች ወደ ፌደራል፣ ፌደራል ደግሞ “የክልሎች ሥልጣን ነው” በሚል ኃላፊነትን እርስ በርስ በመገፋፋት በባለጉዳዮች ላይ መጉላላት እየፈጠሩ መሆኑን አንስቷል።

ተቋሙ ለማሳያ እንዲሆን አድርጌዋለሁ ባለው የቁጥጥር ስራ በአማራ ክልል የሚገኘው የመገጭ መስኖ ግድብ ፕሮጀክት ለልማት ተነሺዎች በሕግ ከተደነገገው በተቃራኒ 141.3 ሚሊዮን ብር ለአረጋውያንና ለአካል ጉዳተኞች የሚገባውን ካሳ ሳይከፍል ቆይቷል ብሏል።

ተቋሙ ባለፉት 11 ወራት ውስጥ 1,715 የአስተዳደር በደል አቤቱታዎችን ተቀብሎ መመርመሩን አስታውቋል።

በእነዚህ መዝገቦች ላይ በተደረገው ማጣራትና ምርመራ በአጠቃላይ 44,901 ዜጎች “የአስተዳደር በደል ደርሶብናል” በማለት ቅሬታቸውን አቅርበዋል።

ከአቤቱታ አቅራቢዎቹ መካከል 17,002 ወንዶች ፤7,934 ሴቶች ሲሆኑ፣ ቀሪዎቹ 19,965 ደግሞ በቡድንና በሌላ መልክ የቀረቡ በመሆናቸው በፆታ ያልተለዩ መሆናቸውን ሪፖርቱ ያሳያል።

አቤቱታዎች ከቀረቡባቸው ዋና ዋና ዘርፎች መካከል 452 ጉዳዮች የአገልግሎት ዕጥረት፣ የ408 መሬት ይዞታ ክርክር፣ 306 የሥራ ቅሬታዎች እንዲሁም 197ቱ የካሳ ክፍያነ የተመለከቱ ናቸው።

ተቋሙ ወስጃዋለሁ ባለው የማስተካከያ እርምጃ እና  በሰጣቸው የመፍትሔ ሐሳቦች አማካይነት 82 ሠራተኞች ወደ ሥራቸው እንዲመለሱ የተደረገ ሲሆን፣ 1,319 ሠራተኞች ደግሞ የደረጃ ዕድገትና ዝውውር መብታቸው ተከብሮላቸዋል ሲል አስታውቋል።

በተጨማሪም ከ36 ሚሊዮን ብር በላይ የደመወዝና ጥቅማጥቅም ውዝፍ ክፍያ ለባለጉዳዮች እንዲሰጥ የተደረገ ሲሆን፣ 41 አቤቱታ አቅራቢዎች ተገቢውን ካሳ እንዲያገኙና በአጠቃላይ 36,200 ካሬ ሜትር ምትክ ቦታ ለተነሺዎች እንዲሰጥ ተደርጓል ብሏል።

የዕንባ ጠባቂ ተቋሙ የምርመራ ሥራ ማካሄድ ብቻውን በቂ አለመሆኑን በመጥቀስ፣ የመፍትሔ ሐሳቦች ላይ ጥብቅ የክትትል ሥራ እየተከናወነ ቢሆንም አንዳንድ የመንግሥት አስፈጻሚ አካላት ለተቋሙ ሥራ ፈቃደኛ አለመሆንና የሚሰጡ ምክረ ሐሳቦችን በተገቢው ፍጥነት አለመፈጸም እንደ ትልቅ ማነቆ ሆኖብኛል ብሏል።

በቀጣይ ለልማት የሚነሱ ዜጎች ሰብዓዊና አስተዳደራዊ መብቶች አስቀድመው እንዲከበሩና የመንግስት አስፈጻሚ አካላት ለሕግ ተገዥ እንዲሆኑ ምክር ቤቱ የበኩልን ድርሻ እንዲወጣ እና እንድከታተል ጥሪ አቅርቧል።

Via Addis Maleda

@etconp

Job Vacancy

Ovid Real Estate, a leading real estate construction company based in Addis Ababa and Jimma Housing Project, a proud member of Ovid Group, is dedicated to delivering residential, commercial, and mixed-use developments across Ethiopia.

We are excited to announce an opportunity with our Jimma Housing Project to work in a dynamic team and be part of this exciting journey.

Core Professional Skills
• Strong analytical and problem-solving skills 
• Excellent communication and documentation skills
• Ability to work under presser
How to Apply 
Interested and qualified applicants are required to submit the following documents through the link provided below.or through the email provided here.

mieraf.d@ovid-realestates.com
samrawitbarega@ovid-realestates.com hr@ovid-realestates.com 

https://forms.gle/QRCGiosMgwmnuUaF8

Application deadline: July 6 / 2026

• A Cover Letter
• An Updated Curriculum Vitae (CV)

@etconp

የሰማይ ጠቀሱ ግድብ ምረቃ

የቅዳሜን እረፍት በምናጣጥምበት በዚህ ወቅት፣ በደቡብ ምዕራብ ቻይና ሲቹዋን ግዛት የሚገኘው የሹዋንግጂያንግኩ የሃይድሮ ኤሌክትሪክ ፕሮጀክት የመጀመሪያው የኃይል ማመንጫ ክፍል ትናንት አርብ ዕለት ከዋናው የኃይል አውታር ጋር ተገናኝቷል፤

ይህ ክስተት በዓለማችን ላይ እጅግ ረጅሙ የሆነውን ግድብ የኃይል ማመንጨት ጉዞ በይፋ ያስጀመረ ሲሆን፣ በሰው ልጅ ምህንድስና ታሪክ ውስጥ አዲስ ምዕራፍ ከፍቷል፤

ይህ ግዙፍ ግድብ 315 ሜትር ከፍታ ያለው ሲሆን፣ ከዚህ ቀደም የከፍታውን ዘውድ ጭነው የነበሩትን የጂንፒንግ-1 (Jinping-I) እና ሊያንግሄኩ (Lianghekou) የውሃ ማጠራቀሚያዎችን በመብለጥ አዲስ የዓለም ክብረ ወሰን አስመዝግቧል። ከአፈርና ከዓለት የተገነባው ይህ ግዙፍ መዋቅር፣ የሰው ልጅ በትጋትና በዕውቀት ተራራዎችን ማፍረስ ብቻ ሳይሆን አዲስ ተራራዎችንም መገንባት እንደሚችል ያሳየበት ህያው ምስክር ነው፤

ግድቡ 2 ሚሊዮን ኪሎ ዋት የኤሌክትሪክ ኃይል የማመንጨት አቅም ያለው ሲሆን፣ በዓመት በአማካይ 7.7 ቢሊዮን ኪሎ ዋት ሰዓት (kWh) ንጹህ ኃይል ያመነጫል ተብሎ ይጠበቃል። የሚገርመው ነገር፣ ይህንን ግድብ ለመገንባት የፈሰሰው የአፈርና የዓለት ድምር መጠን ከ46 ሚሊዮን ሜትር ኩብ በላይ ሲሆን፣ ይህንን ቁስ አንድ ሜትር ከፍታና አንድ ሜትር ስፋት ባለው ግንብ ብንደረድረው፣ የምድርን ወገብ አንድ ጊዜ ሙሉ በሙሉ መዞር ይችላል!

ከዚህ አስደናቂ ስኬት ጀርባ ለአሥርተ ዓመታት የዘለቀ የጽናት ታሪክ አለ። የፕሮጀክቱ ዲዛይነር የሆነው POWERCHINA Chengdu የውሃ ሀብት ጥናቱን የጀመረው ገና በ1950ዎቹ (እ.ኤ.አ.) የነበረ ሲሆን፣ በዳዱ ወንዝ ላይ ያለውን የሃይድሮሊክ ፕላን ያረቀቀው ደግሞ በ1977 ነበር። ትውልዶች አልፈው እቅዱ ዛሬ ላይ ፍሬ አፍርቶ ለዓለም ድንቅ ስራ ለመሆን በቅቷል፤

የጉዞው መንገድ አልጋ በአልጋ አልነበረም፤ እ.ኤ.አ. በ2003 በነበረው የአከላለል ማሻሻያ ወቅት፣ መጀመሪያ ታስቦ የነበረው “ዱሶንግ” የተባለው ፕሮጀክት ከመጠን በላይ መሬትን በውሃ ስለሚያጥለቀልቅ እንዲሰረዝ ተደርጎ ነበር። ሆኖም መሃንዲሶቹ ተስፋ ሳይቆርጡ፣ ጥናታቸውን ወደ ላይኛው የወንዙ ክፍል በማሻገር የዙሙዙ እና የቹኦሲጂያ ወንዞች በሚገናኙበት ስፍራ ላይ የአሁኑን “ሹዋንግጂያንግኩ” (ትርጉሙም የሁለት ወንዞች መገናኛ) ግድብን መሰረቱ፤

የ315 ሜትር ከፍታውን ግድብ በዚያ አስቸጋሪ ስፍራ ላይ መገንባት ከባድ የተፈጥሮ ፈተናዎችን የጋበዘ ነበር። አካባቢው በከፍተኛ ከፍታ ላይ የሚገኝ፣ ብርድ የሚበረታበት፣ የመሬት መንቀጥቀጥ ስጋት ያለበት እና የወንዙ ወለል የአፈር ንብርብር እጅግ ጥልቅ (እስከ 68 ሜትር) የሆነበት ቦታ ነው። ከዚህ ቀደም በዓለም ላይ በ250 ሜትር ጥልቀት ላይ እንዲህ ዓይነት ግዙፍ የአፈርና ድንጋይ ግድብ ተገንብቶ አያውቅም ነበር፤

በክረምት ወቅት ከ2,200 ሜትር በላይ ከፍታ ላይ ስራን ለማቀላጠፍ የምህንድስና ቡድኑ በአይነቱ ልዩ የሆነ ትልቅ የአየር ድጋፍ ያለው ሽፋን (membrane structures) እና የፀሐይ ብርሃንን የሚያንጸባርቁ የማሞቂያ ቴክኖሎጂዎችን ተጠቅሟል። ይህ ዘዴ የግንባታ ቁሳቁሱን ሙቀት በ5 ዲግሪ ሴልሺየስ በመጨመር ስራው ያለ መቆራረጥ እንዲቀጥል ከማድረጉም በላይ፣ በዓለም የመጀመሪያውን ዘመናዊና ሙሉ ሰንሰለቱን የጠበቀ “የስማርት ቁጥጥር” ስርዓት ተግባራዊ አድርጓል፤

ይህ ፕሮጀክት በከፍታው ብቻ ሳይሆን በበርካታ የምህንድስና ዘርፎች የዓለምን ክብረ ወሰን ሰባብሯል። በውስጡ የያዘው ከመሬት በታች የተገነባው የሃይል ማመንጫ ዋሻ (underground powerhouse)፣ እጅግ ረጅሙ የቁሳቁስ ማጓጓዣ ስርዓት፣ የዓለማችን ትልቁ የውሃ መሳቢያ ክሬን (hydraulic hoist) እና ግዙፉ የጎርፍ መልቀቂያ ዋሻ ፕሮጀክቱን የቴክኖሎጂ ቁንጮ ያደርጉታል፤

ከመሬት በታች ያሉትን ውስብስብ የጂኦሎጂካል ፈተናዎች ለመቋቋም ቡድኑ የአካባቢውን ሁኔታ መሰረት ያደረገ አዲስ “የዓለት ፍንዳታ (rockburst) ምደባ ስርዓት” ዘርግቷል። ይህ የፈጠራ ስራ የድንገተኛ ዓለት ፍንዳታ አደጋን በ40 በመቶ የቀነሰው ሲሆን፣ በቁፋሮ ወቅት ሊፈጠር የሚችለውን ከፍተኛ መዛባት ወደ 30 ሚሊ ሜትር ብቻ በመቀነስ ዓለም አቀፍ ደረጃውን የጠበቀ ደህንነት አረጋግጧል፤

ይህ ግዙፍ የውሃ ማጠራቀሚያ በዓመት 2.9 ቢሊዮን ሜትር ኩብ ውሃ የመያዝ አቅም አለው። ሙሉ በሙሉ ስራ ሲጀምር፣ በወንዙ ግርጌ የሚገኙትን ሌሎች የሃይል ማመንጫዎች አቅም በ6.6 ቢሊዮን ኪሎ ዋት ሰዓት ያሳድጋል፤ የሲቹዋንን የኃይል አቅርቦት ያረጋጋል፤ እንዲሁም በያንግትዜ ወንዝ ላይ ሊከሰት የሚችለውን የጎርፍ አደጋ በመከላከል ረገድ እንደ ታላቅ ጋሻ ሆኖ ያገለግላል።

መልካም ቅዳሜ

@etconp

👉የምስራች ከ @ETCONp
ከታች ካሉት ሶፍትዌሮች በደንብ የምትችሉት አንዱ በመምረጥ በውስጥ ፃፉልን ስራ ልንፈጥርላቹ ነው👇

💻Ms Project
💻Civil 3D
💻 Etabs With Safe
💻Advanced Structural Design Using ETABS, SAFE and SAP2000
💻Structural Design in ProtaStructure Software
💻Autocad
💻Sap2000
💻Autodesk Revit Architecture
💻Primavera P6

📩 @Philemona7 ፃፉልን ወይም በ 0925446661 ይደውሉልን🙏

@etconp

👉እናስተዋዉቃችሁ

​🌟 ቅዳሜን ከታላላቅ መሐንዲሶች ጋር፦
“ኒኮላ ቴስላ” የብርሃኑ እና የገመድ-አልባው ዓለም ጠቢብ
​
🪧ለዛሬው የቅዳሜ “እናስተዋውቃችሁ” ዓምዳችን፣ በአሁኑ ዘመን ለምንኖርበት ዘመናዊ የኢንጂነሪንግ እና የኤሌክትሪክ ስልጣኔ መሠረት የጣለውን፣ ነገር ግን በታሪክ ብዙም ሳይዘመርለት ያለፈውን ታላቅ ሳይንቲስት እና መሐንዲስ ኒኮላ ቴስላን (Nikola Tesla) ልናስተዋውቃችሁ ወደድን።

🔖​የቴስላን ሕይወት፣ ፈጠራዎች እና አስገራሚ ሚስጥሮች በአጫጭር ክፍሎች ከፋፍለን እንደሚከተለው አቅርበነዋል፦

​📌 ክፍል 1፦ ትውልድ፣ እድገት እና ያ አስፈሪ የልጅነት ትምህርት

• ​ልደቱ፦ ቴስላ የተወለደው እ.ኤ.አ. ጁላይ 10 ቀን 1856 በሰርቢያዊያን ቤተሰቦች ውስጥ (በአሁኗ ክሮኤሺያ) ስሚልጃን በተባለች መንደር ነው። በሚገርም ሁኔታ የተወለደው እጅግ ኃይለኛ የነጎድጓድና የመብረቅ ማዕበል በነበረበት እኩለ ሌሊት ላይ ነበር። አዋላጇ እናቱ “ይህ ልጅ የጨለማ ልጅ ይሆናል” ስትል፣ እናቱ ግን “አይደለም፣ የብርሃን ልጅ ነው የሚሆነው!” ብላ ተነበየችለት።
• ​ትምህርቱ፦ ቴስላ የሚገርም የማስታወስ እና የማሰብ ችሎታ (Photographic Memory) ነበረው። በኦስትሪያ ፖሊቴክኒክ ዩኒቨርሲቲ የኢንጂነሪንግ ትምህርቱን ሲከታተል፣ ውስብስብ የሂሳብ ቀመሮችን (Calculus) ያለምንም ስክሪፕት በጭንቅላቱ ብቻ ሰርቶ ይጨርስ ስለነበር መምህራኑ ያጭበረብራል ብለው ይጠረጥሩት ነበር። በቀን 2 ሰዓት ብቻ በመተኛት ትምህርቱን በጥልቀት ያጠና ነበር።

​📌  ዝንባሌ፣ ፈጠራዎቹ እና “የነዳጅ ፍሰት ጦርነት”
• ​መቼ፣ የት፣ ምን ፈጠረ? ቴስላ በ1884 ወደ አሜሪካ ተሰደደ። በወቅቱ ዝነኛው ቶማስ ኤዲሰን የዲሲ (Direct Current) ኤሌክትሪክን ይዞ ገበያውን ተቆጣጥሮት ነበር። ነገር ግን የኤዲሰን ዲሲ ኤሌክትሪክ ከአንድ ማይል በላይ መጓዝ አይችልም ነበር።
• ​የ-AC ሲስተም እመርታ (1887-1888፣ አሜሪካ)፦ ቴስላ ተለዋዋጭ የኤሌክትሪክ ፍሰት (Alternating Current - AC) እና ኢንደክሽን ሞተርን ፈጠረ። ይህ ሲስተም ኤሌክትሪክን በከፍተኛ ቮልቴጅ በሺዎች የሚቆጠሩ ኪሎሜትሮችን በደህንነት ማጓዝ የሚችል ነበር። ይህ ፈጠራው ዛሬ መላው ዓለም፣ ፋብሪካዎችና የኮንስትራክሽን ኢንዱስትሪዎች ለሚጠቀሙበት የኤሌክትሪክ ኃይል ዋናው መሠረት ነው።
• ​የቴስላ ኮይል (1891)፦ በገመድ አልባ መንገድ ኤሌክትሪክን ለማስተላለፍ የፈጠረው ማሽን ሲሆን፣ ለዘመናዊው ሬዲዮ፣ ኤክስሬይ (X-Ray) እና የርቀት መቆጣጠሪያ (Remote Control) መፈጠር በሩን ከፍቷል።

ይቀጥላል ...

🪧YouTube ቻናላችን Subscribe ያርጉ👇

https://youtube.com/@ethiopianconstruction7

@etconp

☄ውድ ቤተሰቦቻችን

👉ዋናው የ ኮንስትራክሽን ጉዳዮች የሚዳሰስበት መፅሃፍት ቪድዮዎች እና ትምህርቶች ምናጋራበት ቻናላችን ካልተቀላቀሉ ብዙ ነገር ኣምልጦታል እና ከታች ባለው ሊንክ በመግባት ጆይን ኣርገው ቤተሰብ ይሁኑ ለወዳጅዎ ይጋብዙ👇

https://t.me/ETCONp

👉የ2018 በጀት ዓመት የከተማና መሠረተ ልማት ሚኒስቴር የሴክተር ጉባኤ  ተካሄደ

የሚኒስትር መስሪያ ቤቱ ከፍተኛ አመራሮች፣ የሁሉም  ክልል የዘርፍ የስራ ኃላፊዎች እና የተጠሪ ተቋማት የስራ  ሃላፊዎች  በተገኙበት የ2018 በጀት ዓመት የሴክተር ጉባኤ  በአርባምንጭ ከተማ ተካሂዷል፡፡

በውይይት መድረኩ ላይ የተገኙት  የከተማና መሠረተ-ልማት ሚኒስቴር ሚኒስትር ክብርት ጫልቱ ሳኒ  የሀገሪቱን ከተሞች ወደ ተሻለ የዕድገት ደረጃ ለማሻገር ከመቸውም ጊዜ በላይ መልካም ዕድልና አጋጣሚ መሆኑን ተናግረዋል።

የከተሞች የመልማት ዕድል ተጠቅሞ የየትኛውም የከተማ አመራር ትኩረት ሰጥቶ ሊሰራ ይገባልም ብለዋል ክብርት ሚኒስትር።

የከተማ ልማት ሥራ ባለ ብዙ ዘርፍ እንቅስቃሴዎችን ያካተተ በመሆኑ የኢንዱስትሪ፣ የገበያ፣ የማህበራዊና ኢኮኖሚያዊ መሠረተ ልማትና አገልግሎቶችን በቅንጅት፣ በትስስርና በተመጋጋቢነት በውስጥም ሆነ ከአካባቢው በጋራና ትብብር በመፍጠር መምራትን የሚጠይቅ  ከፍተኛ ኃላፊነት ነው ብለዋል ክብርት ሚኒስትሯ፡፡

ተቋሙ ትኩረት ሰጥቶ ከሚያከናውናቸው በርካታ ስራዎች መካከል የከተሞችን የምግብ ዋስትና በማረጋገጥ፣ ግልፅነት፣ ተጠያቂነትና ፍትሃዊነት የሰፈነበት የመሬት ልማትና ማኔጅመንት በማጎልበት፣ ከከተሞች ገፅታ መቀየር፣ ነዋሪውን የቤት ባለቤት እንዲሆን ከማድረግ ጋር የተያያዘ የቤት ልማት ፕሮግራም በመተግበር፣ ዓለም አቀፍ ደረጃን የጠበቁ ተወዳዳሪ ከተሞች መፍጠር ነው ብለዋል ክብርት ሚኒስትር።

በፕላን የሚመሩና ደረጃቸውን የጠበቁ ከተሞችና ማዘጋጃ ቤታዊ አገልግሎቶች እንዲኖሩና አገልግሎቶችን በአግባቡ እንዲቀርቡና እንዲዘምኑ እንዲሁም የነዋሪው እርካታ ወደ ላቀ ደረጃ እንዲሸጋገር በማድረግ፣ የከተሞችን መሰረተ ልማት በማስፋፋት እና መልካም አስተዳደርን በማስፈን ኢኮኖሚያዊና ማህበራዊ ልማት እንዲያፋጥኑ በማድረግ ረገድ ከባለፉት ዓመታት በተሸለ ከፍተኛ ጥረት እየተደረገ እንደሚገኝ ክብርት ሚኒስትሯ ገልጸዋል ፡፡

ክብርት ሚኒስትሯ የሀገሪቱን ከተሞች ወደ ተሻለ የዕድገት ደረጃ ለማሻገር ከመቸውም ጊዜ በላይ መልካም ዕድልና አጋጣሚ ነው ያሉት ክብርት ሚኒስትሯ ይህንን መልካም የከተሞች የመልማት ዕድል ተጠቅሞ የየትኛውም የከተማ አመራር ትኩረት ሰጥቶ ሊተገብረው እንደሚገባ አሳስበዋል፡፡

የእንኳን ደህና መጣችሁ ያሉት የአርባምንጭ ከተማ ከንቲባ ከቡር መስፍን መንዛ( ዶ/ር) የአርባ ምንጭ ከተማ  በተፈጥሮ መስህብ፣ ለቱርሲት ጎብኝዎች እጅግ የታደለች ከተማ ከመሆኗ በላይ የሰላምና የፍቅር ከተማ መሆኗን ጠቅሰው ዘመኑ የከተሞች የመልማት ዘመን በመሆኑ በሀገር ውስጥም ሆነ በሀገር ውጭ ያሉ ዜጎች ሀብታቸውን ኢንቨስት እንዲያደርጉ ጥሪያቸውን አስተላልፈዋል።

የ2018 በጀት ዓመት አጠቃላይ  አፈጻጸምና የቀጣይ የ2019 በጀት ዓመት የዕቅድ አቅጣጫን የከተማና መሰረተ-ልማት ሚኒስቴር ሚኒስትር ዴኤታ ክቡር አቶ ፈንታ ደጀን በዝረዝር አቅርበዋል፡፡

ሚኒስቴር መስሪያ ቤቱ  ለሁሉም ክልሎች ባደረገው ክትትልና ድጋፍ ከተሞች ከፍተኛ ዕድገት እያስመዘገቡ እደሚገኙ ተናግረዋል ፡፡
ለዚህም ማሳያው በኮሪደር ልማት፣ በሌማት ቱርፋት፣ በገበታ ለሀገር እዲሁም በኮንስትራክሽን ኢንዱስትሪው እየተመዘገበ የመጣው ዕድገት በአጠቃላይ የከተማው አመራር ካለፉት ዓመታት በበለጠ ለከተማ ስራ ትኩረት ሰጥቶ መስራት በመቻላቸው ነው ብለዋል፡፡

አዲሱ የከተማ ልማት  ፖሊሲ በአማን አሰፋ (ዶ/ር) የሚኒስትር መስሪያ ቤቱ የፖሊሲና ስትራቴጂ ጥናትና ምርምር ስራ አስፈጻሚ አማን አሰፋ(ዶ/ር) ቀርቦ  ዉይይት ተደርጎበታል፡፡

በመጨረሻም የ2019 በጀት ዓመት እቅድን የጋራ በማድረግ የመግባቢያ ሰነድ ክልሎች ከሚኒስቴር መ/ቤቱ ጋር በመፈራረም መርሀ ግብሩ ተጠናቋል።

@etconp

​🌐 የዓለማችን እጅግ አስገራሚ 4 ህንፃዎች

🔖ዛሬ በግንባታ ጥበብ ውስጥ የተፈጠሩ፣ የሰው ልጅን የፈጠራ ችሎታ ወደ ሌላ ደረጃ ያሸጋገሩ አስገራሚ ህንፃዎችን እናስጎበኛችሁ።

​1. ኩርባው ህንፃ (The Crooked House) - ፖላንድ 🇵🇱

​ይህ ህንፃ የካርቱን ምስል እንጂ እውነተኛ ህንፃ አይመስልም። የተገነባው በአርቲስቶች ስዕል ተመስጦ ነው።
ግድግዳዎቹ፣ መስኮቶቹና ጣሪያው ሁሉ የታጠፉ ይመስላሉ፤ ነገር ግን ሙሉ በሙሉ ተግባራዊ አገልግሎት የሚሰጥ የገበያ ማዕከል ነው።

​2. የሎተስ ቤተ መቅደስ (Lotus Temple) - ህንድ 🇮🇳

​የሎተስ አበባን ቅርፅ በመያዝ የተገነባው ይህ ህንፃ፣ በዓለማችን እጅግ ውብ ከሆኑ የኪነ-ህንፃ ስራዎች አንዱ ነው።
27 ነጭ እብነበረድ የተሸፈኑ የ"ፔታል" ቅርጾች ያሉት ሲሆን፣ በማንኛውም ሃይማኖት ላለ ሰው ክፍት ነው። ይህ ህንፃ ምንም አይነት ቀጥተኛ ግድግዳ የለውም!

​3. የዳንሲንግ ሃውስ (Dancing House) - ቼክ ሪፐብሊክ 🇨🇿

​በፕራግ ከተማ የሚገኝ ይህ ህንፃ ሁለት አብረው የሚደንሱ ሰዎችን ይመስላል።
አንዱ ክፍል እንደ ወንድ፣ ሌላኛው ደግሞ እንደ ሴት ዳንሰኛ ተደርጎ የተሰራው ይህ የቢሮ ህንፃ፣ በዘመናዊው እና በጥንታዊው የከተማዋ የግንባታ ስልት መካከል ልዩ ድምቀት አለው።

​4. የቅርጫት ህንፃ (The Basket Building) - አሜሪካ 🇺🇸

​ኩባንያው የገነባው ይህ ህንፃ፣ ልክ እንደ ግዙፍ የእጅ ጥበብ ቅርጫት ይታያል። አምስት ፎቅ ያለው ሲሆን፣ የህንፃው እጀታዎች (Handles) እንኳን ሳይቀር በትክክል ተገንብተው የቅርጫቱን ቅርፅ በሚገባ አሳይተዋል።

የግንባታ ጥበብ ምን ያህል ፈጠራ ሊጨመርበት እንደሚችል ትልቅ ማሳያ ነው።

​💡 የተገነባው መቼ ነው? ለምን ዓላማ? የሚለውን ኮሜንት ላይ አስቀምጡልን!

​#Architecture #Engineering #AmazingBuildings #Construction #Design #EthioCon
​
@etconp

👉ስለ ኮንስትራክሽን ስዕሎች ማብራሪያ (Construction Drawings Explained) ይፈልጋሉ?

👷‍♂የኮንስትራክሽን ስዕሎች የማንኛውም የግንባታ ፕሮጀክት ቋንቋ ናቸው። ዲዛይኑን በግልጽ ሁኔታ በማስተላለፍ ፕሮጀክቱ በደህንነት፣ በትክክለኛነት እና በሚፈለገው የጥራት ደረጃ እንዲገነባ ያግዛሉ።

❇️ዋና ዋና የኮንስትራክሽን ስዕሎች/Main Types of Construction Drawings:

✏ፕላን (Plan)

• የሕንፃውን አቀማመጥ፣ መጠኖች፣ Grid Lines፣ ግድግዳዎች፣ አምዶች፣ ክፍተቶች፣ መሳሪያዎች እና የደረጃ መረጃዎችን ያሳያል።

✂️ሴክሽን (Section)

• ሕንፃውን በቁመት ተቆርጦ በሚታይበት መልኩ መሠረት፣ ወለሎች፣ መዋቅራዊ ክፍሎች እና ቁሳቁሶችን ያሳያል።

🪧ኤሌቬሽን (Elevation)

• የሕንፃውን ውጫዊ ገጽታ፣ ከፍታ፣ በሮች፣ መስኮቶች፣ ፊኒሽ እና የጣሪያ ቅርጽን ያሳያል።

📎ዲቴይል (Detail)

• የአስፈላጊ ክፍሎችን፣ ግንኙነቶችን፣ የብረት ዝርዝር፣ ቁሳቁሶችን እና የግንባታ ዘዴዎችን በትልቅ ስኬል ያቀርባል።

🏷ማስታወሻዎች (Notes)

• ደረጃዎች፣ ቴክኒካዊ መስፈርቶች፣ የስህተት ገደቦች፣ የደህንነት መመሪያዎች፣ የግንባታ ቅደም ተከተል እና ልዩ መመሪያዎችን ይይዛሉ።

💫ጥሩ የኮንስትራክሽን ስዕሎች/Why are they important?

✔️ ግራ መጋባትን ይቀንሳሉ/Reduce misunderstandings
✔️ የድጋሚ ሥራን ያስወግዳሉ/ Minimize costly rework
✔️ የፕሮጀክት መዘግየትን ይቀንሳሉ/Prevent construction delays
✔️ የጥራትና የደህንነት ደረጃን ያሻሽላሉ/Improve quality and safety
✔️ የፕሮጀክት ስኬትን ያረጋግጣሉ/Ensure successful project delivery

🔖ግልጽ ስዕሎች + ግልጽ ማስታወሻዎች = ቀላል ግንባታ + የተሻለ የፕሮጀክት ውጤት::

🪧YouTube ቻናላችን Subscribe ያርጉ👇

https://youtube.com/@ethiopianconstruction7

@etconp