Scopus May_2019.xlsx

🌹سلوك السرقة او أخذ الأشياء عند الاطفال 🌹
👈-فى اى سن بيظهر لكن من الشائع حدوثه قبل ال ٦ سنوات
👈طيب ليه قبل ال ٦ سنوات بيكون السلوك دا منتشر 🤔
*لأن الطفل لغاية سن 6 سنين مابيكونش عنده مفهوم الملكية والخصوصية مكتمل عنده وبيبدأ المفهوم دا من سن ال 6 سنين انه يتكون ويفهمه بشكل أفضل.

""اهم الاسباب اللى بتساعد فى ظهور السلوك""
-الحقيقة فى كتير من الاسباب زى 👇🏻
1-‏الشعور بالنقص فى وسط اصحابه "فبيلجأ للسلوك دا كتعويض للنقص اللى عنده بيحاول يثبت انه زيهم
2-ضعف تفاعل الطفل اجتماعيًا او عدم قدرته ع تكوين صداقات فبيلجأ للسرقه بهدف انه يشترى حاجات حلوة كتير ويقوم بتوزيعها على الاطفال بغرض التقرب منه
3-تعنيف الطفل :باستمرار هنا الطفل بيمارس السرقة عند وانتقام من الاهل
4-عدم تعليم الطفل الخصوصية واحترام ملكية الآخرين واحتمال ميكونش فاهم المعنى بتاع الخصوصيه اصلًا
5-اهمال الاهل وعدم متابعه الطفل ومحاسبته بمعنى ان الطفل عارف ان ماما وبابا مبيركزوش معاه فالنقط دى
6- عدم تعليم الطفل ازاى يدخر من مصروفه حتى لو كان قليل
7-عدم التوعيه الدينيه للطفل معرفة الحلال والحرام من الصغر
8-اللمه ع اصدقاء السوء او " حياة الشارع " اللعب فالشارع ليل نهار
9-التقليد : شاف حد سرق حب يقلده ويعمل زيه
ندخل بقى ونشوف دورنا احنا ايه او نتصرف ازاى
🤔🤔
1- احترام الخصوصية : بمعنى اننا نستأذن من الطفل لو هناخد منه حاجه تخصه عشان يتعود مايخدش حاجه مش بتاعته غير لما يستأذن

2-تحديد مصروف للطفل ثابت يوميًا .. يكفى نفسه ويصرف نفسه بيه طول اليوم يعنى لو خلص مصروفه فالمدرسه مفيش مصروف تانى للدرس
(المصروف بيتاخد مرة واحده بس فاليوم)

3 -مساعدة وتشجيع الطفل ع الادخار ماما تشجعه ياللا هنعمل حصاله وندبق فيها سواا

4-تعليم الطفل ع الامانه قوليله معايا مبلغ وعايزة اعينه معاك عشان ميتصرفش منى
وعارفه انك أمين وهتحافظ عليه اكتر منى

5-عودى الطفل ع العطاء يعنى قوليله مثلًا الطقم دا صغر عليك ممكن نديه لطفل محتاجه وايه رايك هاخدك معايا وتديهوله بنفسك وعرفيه ان دا ثواب وكدا ربنا يحبه ويدخل الجنه

6- اهتمى بغرس القيم الدينية عند الطفل وكلميه عن الثواب والعقاب والجنه والنار
واحكيله قصص عن الامانه والصدق كتير واختبريه بالاسئله لوحد اداك كذا هتعمل ايه
لو دخلت بيت وكان فاضى وفى حاجات بتحبها هتعمل ايه وساعديه وصلحى من تفكيره

7-امدحى ابنك دايما انت جميل وكويس وشاطر ادام نفسه وادام الناس

8-اوعى تذكرى السلوك الوحش اللى عمله ادام حد بالعكس اتكلمى معاه بينك وبينه ولازم يعرف ان دا غلط بس متحرجيهوش ادام حد ابدًا
لان ممكن السلوك
يزيد هيقول عادى مش كل الناس عرفت يبقى ايه المشكله والبجاحه هتزيد مع الوقت خلى بالك

9-مترميش الفلوس ف اى حته فالبيت " المال السايب بيعلم السرقه" افتكروا دا كويس

10- اللعب مع اصحابه بمواعيد محدده وايام معينه فالاسبوع واحرصى ع اختيار اصدقاء ابنك ولازم يبقو فنفس الطبقه الاجتماعيه

11-الشارع ملوش لازمه نستبدل الشارع بانشطه رياضيه فالنادى
اولادنا نعمة من ربنا نحافظ عليهم
اخصائيه تخاطب \ ساره حسن