Eduaids خدمات تربويةمتخصصة

171 viewsد.وليد عبد الكريم Dr.Waleed Abdulkarim, 08:36

التأتأة أو التهتهة او التلعثم (1)

... من اضطرابات طلاقة الكلام

أعراض التهتهة متنوعة من تكرار لكلمة اكتر من مرة
او تكرار جملة او تكرار صوت أ-أ-أ او تطويل صوت سسسساعة أو وقفات كتير أثناء الكلام..الخ
واحيانا بتبدأ ان الشخص يسرع من كلامه بشكل ملحوظ
ماكنش متعود عليه في طبيعة كلامه
. ولما يبتدى يتكلم براحة بيطلع الكلام بشكل طبيعى
وقد تكون مصحوبة بأعراض جسمانية من شدة التوتر: بربشة العين أثناء الكلام- حركات إعوجاج الفك لمحاولة الضغط عالكلام ليخرج- حركات لاإرادية بباقي أعضاء النطق والجسم..

لو نوصفه بكلمات بسيطة، ممكن نقول
((التهتهة قلق زائد يضيق به الصدر، ولا ينطلق اللسان، ويبدأ الصراع))

مسببات التهتهة؟؟
قد يكون ناتج عن ضغوطات حياتية وانفعالات نفسية حادة، وأحيانا اضطراب وراثي أو طفرة وراثية، وأحيانا سببها قد يكون عوامل عصبية فسيولوجية كتغيرات بالقشرة المخية.

بالنسبة للضغوطات الحياتية زي:
#موقف به توتر، انه مثلا يطلع يتكلم قدام جمع من الناس ﻷول مرة
#انه زعلان من حاجة جامد بشكل رهيييب
#اول مرة يدرب على كلمات او أغنية وخايف بل مرعوب يقول غلط
# يأخذ جلسة تخاطب والتدريب جديد عليه وخايف يغلط والمدرب مش بيساعده بسهولة فبيغلط كتيير
# صدمة نفسية: اتضرب- حد تنمر عليه لأول مرة- حد يحبه سافر
# حد بيعلق بالسلب على كلامه.. مثلا لو متأخر في الكلام او عنده اصوات بها مشاكل، كل شوية يصححواله بشكل مبالغ فيه او بغضب

ومن الممكن أن يصاب بالتهتهة أي أحد بأي عمر، سواء شخص عادي، أو من ذوي الاحتياجات الخاصة؛ لديه اضطراب آخر كضعف سمع او صعوبات تعلم او غيره.

ما بين حوالي 2ونصف- 5سنوات للطفل اللي معندهوش مشاكل باللغة والكلام، وأيضا الأعمار الأكبر اللي عندهم تأخر أو مشاكل باللغة والكلام وبدأو الكلام متأخر،
التهتهة بتكون مقبولة ومش شديدة ومفيش أعراض جسمانية لأن الطفل لسه بيتعلم الكلام بس ده مشروط فقط في حالة اتعاملنا معاها بحكمة وعدناها بدون تعقيد وتوتر، كما يلي:
1- منركزش على التهتهة، ولا حتى كهزار.
2- منخليهوش ياخد باله أنه بيتهته.
3- نعيد له الجملة براحة كأننا بنتأكد من اللي قاله.
4- نسمعه ومنعلقش عليه ومنقاطعهوش
5- منستعجلهوش
6- بلاش جو التوتر في البيت والاستعجال اللي بيخلي الطفل مش ملاحق يحكي اللي عنده وبيوتره أكتر
7- نهتم باللي بيقوله؛ نسمع له بحسن إستماع، نسيب المواعين وشغل البيت ونسمع له ونرد عليه بإهتمام.

طبعا اللي ذكر ده تدخل غير مباشر عشان الفترة تعدي بسلام.
طب فرضا ان الطفل ده نفسه للأسف اخد باله من مشكلته،والحالة زادت سوءا بالرغم من التدخل غير المباشر تعمل ايه؟ >تدخل تخاطب مباشر.

طب اللي ظهرت عليه التهتهة مدة طويلة أكثر من 6 شهور أو ظهرت بشدة أو ظهرت بعمر كبير بعدما كان بيتكلم عادي...
أكيد اول خطوة أشعة وفحوصات عشان نستبعد أي مشاكل عصبية فسيولوجية، ممكن منها ما يعالج دوائيا.
وفي كل الأحوال بعض الإرشادات للتعامل مع الفئة دي إن شاء الله ببوست آخر.

230 viewsد.وليد عبد الكريم Dr.Waleed Abdulkarim, 12:33