Chat GPT ❌
GEMINI ❌

CLAUDE ⭕️

Bu boshqa dunyo.
https://claude.ai/login


https://claude.ai/signup

Oyiga 20$ ozroq qimmat ekan lekin, arziydi deb o'ylayman!

🚀Telegram📷 Instagram 🔵Facebook

Bugun Claude menga juda katta yordam qildi.
Notebookimda anchadan beri saralanmagan fayllar bor edi. 2 yillik fayllarni saralab berdi. Natijada xotirada 54GB bosh joy ochib berdi.

Kimga tarjimasini iltimos qilishni bilmay turgan hujjatlar bor edi, shularni ham o'zi tarjima qilib, o'zi word faylga joylab qo'yibdi. Bu ketishda

Ertaga meni o'rnimga ishga borib ishlab kel

deb aytib qo'ymasam bo'ldi 😂

Aytgancha ishlarni ko'p buyurganimdan 20$ likdagi limit tugab qolibdi. Oyiga 100$ olish kerak bo'lishi mumkin bu ketishda.
Agar o'zimni soatiga keling mayli 80$ topadi deb tasavvur qilsak, bir oy uchun 100$ juda qimmat degani emas.

🚀Telegram📷 Instagram 🔵Facebook

Jurabek Work Skill Tips

Yaponiyada birinchi konbini (24 soatlik do'kon) ga ish kunlarimda qilgan xatom.

Menejer menga ishni tushuntiryapti.
Men esa jiddiy odam bo‘lib, jim o‘tirib eshitayapman.

Ichimda:
“Zo‘r, hammasi tushunarli.”

Birdan u so‘radi:

“Wakarimashita ka?” (Tushundingizmi?)

Ichimda:
“Ha, tushundim-ku… nimaga yana so‘rayapti?”

Lekin men baribir jim.

Yana bir oz o‘tdi.

Yana shu savol:

“Wakarimashita ka?”

Shu yerda ichimda boshlandi:

“Bu odam har 2 daqiqada test qiladimi meni?”

Lekin keyin tushundim.

Muammo unda emas.

Muammo menda edi.

Yaponiyada jim o‘tirish =

“Tushunmadim” degan signal.

Ko‘pchilik yangi kelganlar shu xatoni qiladi:

Rahbar gapiradi.
Xodim jim.
Rahbar ichida: “Bu tushundimi o‘zi?”

Va u qayta-qayta so‘raydi.

Yaponiyada “eshitdim”ni ko‘rsatish shart.

Masalan:

— boshni qimirlatish
— “Hai” deyish
— “So desu ne…” deb javob berish

Bu “rozi bo‘ldim” degani emas.

Bu — “Men eshityapman, davom eting” degan signal.

Yana muhim nuqta:

Tushungan bo‘lsangiz ham, tekshirib ko‘ring.

— “Demak, shunday qilsam bo‘ladimi?”
— asosiy narsani yozib qo‘ying
— “Qachongacha, qanday shaklda tayyor bo‘lishi kerak?” deb aniqlashtiring

Oddiy ko‘rinadi.

Lekin shu kichik odat sizni:

ishonchli odamga aylantiradi.

Va oxiri bitta haqiqat:

Yaxshi xodim — hamma narsani tushungan odam emas.

Tushunmagan joyini aniqlashtiradigan odam.

Sizda ham shunaqa vaziyat bo‘lganmi?

Yoki hali oldinda?

🚀Telegram📷 Instagram 🔵Facebook

Yaponiyada konbinida ishlagan kunlarimdan biri.

Mijoz odatdagidek keldi. Va odatdagi sigaretasini so'radi.

Men javob berdim:
"Sumimasen." "Ima kochira no tabako shinagirete orimasu."

Mijoz hech narsa demadi.
Shunchaki norozi yuz bilan chiqib ketdi.

Men o'zim to'g'ri ish qildim deb o'ylardim. Axir — kechirim so'radim.

Lekin meni kuzatib turgan senpai yonimga keldi.
"Jurabek-san, nima bo'lganini ko'rdingmi?"
"Sababini bilasanmi?"

Men jim qoldim.

Senpai tushuntirdi:
"Sen avval kechirim so'rading. Keyin sababni aytding.
Mijoz oxirgi eshitgan narsasini eslab qoladi.
Oxirgi so'z — 'tamaki yo'q.'
Ya'ni — muammo hal bo'lmagan taassurot bilan ketdi.
To'g'ri tartib: Avval sabab. Keyin kechirim."

Shu kichik farq:
"Sumimasen → shinagirete orimasu"
yoki
"Shinagirete orimasu → moushiwake gozaimasen"
Natija butunlay boshqacha bo'ladi.

Shu kundan boshlab qo'lladim. Va ish o'zgardi.

Ammo bu faqat kechirim haqida emas.
Bu — odamlar bilan gaplashishning asosiy qonuni.

Yomon xabar — avval.
Kechirim yoki yechim — oxirida.

Keyingi safar birovga yomon xabar berayotganda:
Avval fakt. Keyin kechirim.
Shu bitta qoida — kommunikatsiyangni butunlay o'zgartiradi.

Kommunikatsiya kuchi — faqat nima aytishda emas.
Qaysi tartibda aytishda.

🚀Telegram📷 Instagram 🔵Facebook

Yaponiyaga ketayotganlar:
"Jurabek aka, Yaponiyada qanday qilib yaxshi bilimlarni olib, muvaffaqiyatga erishsam bo'ladi?"
deb so'rashadi.

Yaponiyada bir necha yil ishlab, O'zbekistonga qaytganlar:
"Qanday qilib O'zbekistonda aldanib qolmaslik kerak?"
deb so'rashadi.

Ko'p hollarda bir narsaga erishish uchun bir narsani yo'qotib qo'yamiz.

Yaponiyada ishonchlilikni, to'g'rilikni o'rgandingiz —
O'zbekistonda ehtiyotkorlik, chaqqonlik kerak.

O'zbekistonda epchillik, faollik o'rgandingiz —
Yaponiyada bu qo'pollik bo'lib tushunilishi mumkin.

Bu yo'qotish emas.

Ikkala dunyoni biladigan odam hech qayerga yo'qolmaydi.

Muammo — ikki xil tizimni bilmaslik emas.
Muammo — birini bilib, ikkinchisini unutib qo'yish.

Men O'zbekistonga qaytib ozroq Yaponcha yondashuvni unutishni boshlayapman.

Siz balki Yaponiyada (yoki boshqa bir davlatda) yurib, O'zbekona epchillikni, chaqqonlikni yoddan chiqaryapsiz.

Ikkalasini saqlab qolish bizni unikallik sari olib boradi.

Ikkalasini saqlab qolish yoki ikkalasini ham badanga singdirish, bizni kuchli qiladi.

#uzbek #globalmindset

🚀Telegram📷 Instagram 🔵Facebook

Ko'p vaqt o'tmasdan Claude mening yaqin do'stimga qadrdon yordamchimga aylandi. Bu video O'zbekiston haqida prezentatsiyani qanday aniqlik bilan tayyorlashini ko'rishingiz mumkin.

🚀Telegram📷 Instagram 🔵Facebook

Yoshi katta managerlar yoki boshliqlar bilan gaplashganda ko'pincha shunday o'ylaymiz:

"Qarshi fikrim bor...
lekin aytsammi? Xafa bo'lsa-chi?
Hurmatsizlik bo'lmasmikin?"

Men har doim bir usulni qo'llayman:
SAVOL BERISH.

Faraziy misol:

Menejer yig'ilishda dedi:
"Yangi mahsulot haqida katalog ma'lumotlarini barcha mijozlarimizga emailda yuboringlar.
Yil oxirigacha 3ta mijozga sotishimiz kerak."

Men hammaga email yuborishga erinayotgan edim — va bir tomondan bu, menimcha, effektiv emasdi.

Lekin to'g'ridan-to'g'ri "Yo'q, bu noto'g'ri" deyolmasdim.

Shunda savol berdim:
"Rahbar, sizningcha mijozlarimizdan qaysilarida shu mahsulotga talab katta deb o'ylaysiz?"

Xona jimib qoldi.

Menejer o'yladi.
Keyin 5-6ta mijozni sanadi.

Men dedim:
"Unda, xo'p desangiz, men shu mijozlar shortlistini tayyorlayman va mijozning qaror beradigan kishisiga qanday qilib aloqaga chiqish haqida yana maslahatingizni olaman."

Men hech narsani rad etmadim.
Shunchaki savol berdim.

Chunki savol berish:
- Hurmatsizlik emas
- Aqillilik qilish emas
- Rejalarni aniqlashtirish
- Qarshilikni his ettirmaydi

Bu usul faqat rahbar uchun emas.

Mijoz bilan.
Juda yaqin bo'lmagan hamkasb bilan.
Katta yoki kichik — hammaga ishlatsa bo'ladigan sirli kuchdir.

Savol bering.
Javob emas — savol!

#YaponiyaWorkSkillTips #Jurabek #CommunicationSkills #WorkSkills


🚀Telegram📷 Instagram 🔵Facebook

Kecha O'zbekistonni yaxshi biladigan kishi vatanimiz duch kelayotgan 3ta muammo haqida aytib berdi:
1. Qazilma boyliklar va Migrantlar yuboradigan pulga bog'liq iqtisodiy vaziyat
2. Ishlab chiqarish sohasini to'liq lokolizatsiya qilinmaganligi
3. Toshkentning juda markazlashib ketishi va viloyatlar bilan farqning kattalashishi.

Shu uchala muammolar haqida mening fikrlarim:
1. Chet elga ishga borayotgan kishlarning geografik taqsimlanishiga katta e'tibor berilyapti va oxirgi vaqtlar yevropa va rivojlangan davlatlarga imkoniyatlar ortmoqda. Lekin biz nafaqat borish, balki ishlagandan keyin qaytishni tizimli qo'llav quvvatlash, ular olgan tajribani O'zbekistonda ishlatishiga imkon yaratish, ishlangan pul faqat kundalik xarajat emas, jamg'armaga aylanib foyda olib kelishi uchun kerakli ma'lumotlar yetkazib borishimiz kerak.
2. O'zbekistonda ishlab chiqarishni qo'llab quvvatlash uchun EIZ tashkil etilyapti. Buni yanada kattaroq darajaga, xususiy va davlat sherikchiligini kengaytirish kerak. Importga tayanib qolaversak, ishlab topgan jamg'armalarimiz yana tovar importi uchun chiqib ketaveradi.
3. Ayni vaqtda viloyat va Toshkentning o'rtasidagi o'rtacha daromad 2 barobar farq qilyapti. Viloyatlarda o'rtacha oylik 400$, Toshkentda 800$. Bu jamiyatning, ijtimoiy tartibning rivojlanishiga kelajakda yangi to'siqlar olib keladi. Bunday muammo har bir davlat, Yaponiyada Tokyoning juda kattaligi, Rossiyada Moskva, Koreada Seul hamma joyda bor. Lekin biznikidek 2 barobar farq bu juda katta. Bu muammoni uzoq rejalar bilan yumshatish, hududlarda markaz shaharlarni rivojlantirish kerak bo'ladi.
🚀Telegram📷 Instagram 🔵Facebook

Yaqinda Yaponiyada yashovchi Xitoy fuqarosi Son Ei ismli kishidan menga xabar keldi.
“Yaponiyadagi O‘zbekistonliklar jamiyati haqida tadqiqot qilmoqchiman,” deb murojaat qildi.

Bugun online uchrashib, undan bir narsani so‘radim:

“Nima sababdan O‘zbekistonga qiziqib qoldingiz?”
Javobi meni hayron qoldirdi.

U shunday dedi:
“Uyim yaqinidagi konbinida (24 soatlik do‘kon) O‘zbekistonlik yigit ishlaydi. Yapon tilini juda yaxshi biladi. Muomalasi ham juda professional. Men ichimda: ‘Bu inson kim o‘zi, qayerdan kelgan, millati nima?’ deb qiziqib qoldim.

Keyin asta-sekin O‘zbekiston haqida o‘rganishni boshladim. Oxiri esa hozirgi ishimni tashlab, magistraturaga kirib, O‘zbekistonni tadqiq qilishga qaror qildim.”
Bu gapni eshitib, men Yaponiyaga ilk borgan vaqtlarimni esladim.
O‘sha paytda kattalar bizga ko‘p aytardi:
“Chet elga chiqqan har bir O‘zbekistonlik — diplomat va elchi.”

O‘sha paytda bu gapning ma’nosini to‘liq tushunmagan bo‘lishim mumkin.
Lekin bugun yana bir marta his qildim:
Ba’zida oddiy ko‘ringan harakatlar juda katta ta’sir qiladi.

Kimdir konbinida ishlaydi.

Kimdir restoranda.

Kimdir universitetda o‘qiydi.

Lekin uning muomalasi, odobi va ishlashi boshqa insonning hayotiga ta’sir qilishi mumkin.

Bir insondagi qiziqish keyinchalik:

— tadqiqotga

— yangi aloqalarga

— hatto bir necha davlatlar o‘rtasidagi ko‘prikka

aylanishi mumkin.
Shuning uchun men bir narsaga ishonaman:
Chet elda yashayotgan har bir insonning harakati muhim.
Biz faqat o‘zimiz uchun yashamaymiz.

Ba’zida o‘zimiz bilmagan holda, xalqimiz haqidagi tasavvurni ham shakllantiramiz.

🚀Telegram📷 Instagram 🔵Facebook

Yaponiyaning Nikkei(Yaponiya iqtisodiyoti) gazetasi xabar berishicha, AI ommalashgandan keyingi davr ichida Rassom, Dizaynerlar daromadi 20% kamaygan. Tez orada bu ko’rsatkich yanada jiddiylashishi mumkin deyilmoqda.
O’zim ham AI ishlatayotgan odam sifatida, AI ning salohiyatini oshib borayotganini yaqqol sezilyapti. AI “over spec” bo’lib ketyapti va uning aytayotgan gapini tushunish uchun, AI bilan ishlash uchun odamni o’zida ham kuchli fundament talab qilmoqda. Yaponiyada bakalar 1-kursda majburiy IT Passport degan dars o’tilardi va bu dars barchani IT savodxonligini ko’tarishga xizmat qilar edi. Shu darsni tugatib testdan o’taolmasangiz universitetni bitiraolmaysiz. Qaysi fakultet bo’lishidan qatiiy nazar. Bizda universitetni tugatganlar word ishlatishni bilmaydiganlar ham talaygina.

Endi esa maktablarda, universitetlarda ham “AI litracy”, savodxonlik darslarini joriy etish kerak deb o’ylayman. Bu haqida nafaqat IT soha vakillari, yangi zamonning yangi talabibi singari barcha bilishi zarur.

🚀Telegram📷 Instagram 🔵Facebook

Biz Yaponiyaga migratsiya haqida gapirayotgan bir vaqtda Elon Musk Marsga 1 million kishini migratsiya qildirish haqida gapiryapti va bu uzoqdagi orzu emas, xom xayol emas, juda yaqin kelajakda amalga oshishi mumkin.
Million kishini Marsga ko'chirish uchun bir martada 100 kishini tashish imkoniyati bo'lgan raketa ishlab chiqilmoqda. Agar u ishga tushsa 40-100 yil ichida million kishini tashiydi. Nega million kishi degan savolga, agar million kishi bo'lsa o'zini o'zi taminlaydigan, yerdan nisbatan mustaqil koloniya paydo bo'ladi.

Marsni bosib olish haqidagi batafsil rejani quyidagi havolalarda o'qib olishingiz mumkin.
https://www.telegraph.co.uk/business/2026/05/16/musks-1tn-deal-to-build-a-colony-on-mars/

https://forbesjapan.com/articles/detail/16633

🚀Telegram📷 Instagram 🔵Facebook

Son Masayoshi yana tarixiy yaratmoqda. Dunyoga mashhur SoftBank investitsiya kompaniyasining bozor qiymati (時価総額) tarixdagi eng yuqori darajaga ko‘tarildi va Yaponiyada Toyota Kompaniyadan ham yuqori bo'ldi! Ammo kompaniya rahbari Masayoshi Son bu muvaffaqiyat fonida juda qiziqarli va chuqur ma'noli qadam tashladi.

U Parijda bo‘lib o‘tgan uchrashuvda yapon tilidagi mashhur bir hikmatni eslatib o‘tdi:

「一喜一憂できない」
(O'qilishi: Ikki-ichiyu dekinai)

Bu nima degani?
Yaponchada "一喜一憂" iborasi har bir kichik g‘alabadan haddan tashqari quvonib (一喜), har bir kichik mag‘lubiyatdan esa darhol tushkunlikka tushishni (一憂) anglatadi. Son sanning gapi esa: "Biz hozir kichik tebranishlar yoki vaqtinchalik muvaffaqiyatlar bilan bir xursand bo‘lib, bir xafa bo‘lib o‘tiradigan vaziyatda emasmiz!" degan ma'noni beradi.

Parijdagi uchrashuv va kelajak rejalari

Xo‘sh, Son san nega bunday dedi? Chunki uning rejalari tasavvurimizdan ancha kengroq.

Yaqindagina u Parijda, Yelisey saroyida Fransiya Prezidenti Emmanuel Makron bilan uchrashdi. SoftBank Fransiyada sun’iy intellekt (AI) uchun ulkan ma’lumotlar markazlarini (Data Centers) qurish maqsadida 75 milliard yevrogacha (taxminan 14 trillion iyena!) ulkan investitsiya kiritish bo‘yicha kelishuv imzoladi.

Son sanning ta’kidlashicha, hozirgi AI inqilobi internet asri boshlangan davrdagidan (Dot-com boom) kamida 50 barobar yirikroq va qudratliroq bo‘ladi. U "keyingi 1000 yillik tamaddunni yaratadigan" loyihalar ustida ishlamoqda. Shunday ulkan marra turganda, bugungi aksiyalar narxining biroz ko‘tarilishi yoki tushishiga chalg‘ib o‘tirishga shunchaki vaqt yo‘q!

Biz uchun eng katta dars: Atrofga qaramay, o'z yo'lida qatiiy turish (ブレない - Burenai)

Meni eng ko‘p hayratlantirgan va sizlar bilan bo‘lishmoqchi bo‘lgan asosiy xulosam aynan shu yerda:

Yomonlashsa ham, maqtashsa ham tebranmang (Burenai):
Hayotda siz qandaydir yangi ish boshlasangiz yoki o'z yo'lingizdan ketsangiz, atrofdagilar sizni tanqid qilishi, ortingizdan yomonlashi yoki aksincha, erishgan kichik bir natijangiz uchun ko‘kka ko‘tarib maqtashi mumkin.
Lekin bularning barchasi — shunchaki o'tkinchi shovqin. Agar siz birovning yomonlashidan tushkunlikka tushib, maqtaganida esa havolanib ketsangiz, demak hali o‘z yo‘lingizni mustahkam topmabsiz.

O‘zingiz to‘g‘ri deb bilgan yo‘lni tanlang:
Haqiqiy lider va muvaffaqiyatli insonlar faqat o'zlari ishongan, to'g'ri deb bilgan maqsad sari boradilar. Hatto butun dunyo sizga qarshi bo'lsa ham, ichki ovozingiz va tahlilingiz sizga yo'l ko'rsatib turishi kerak.

Mening xulosam:
Odamlar gapiradi. Ularni eshiting. Rahmat ayting. Muhimi — mayda gap-so‘zlarga, tanqid va maqtovlarga chalg‘imang. O'z ichki ovozingizni eshiting. Mana shu to'g'ri yo'nalish. Bugun har bir o'zbek yoshi 「一喜一憂できない」. Hali qiladigan ishlarimiz juda ko'p.
🚀Telegram📷 Instagram 🔵Facebook

Mendan sizga bitta maslahat:
“Menga farqi yo’q”, “Bo’laveradi”, “Ikkalasi ham ma’qul” deb aytmang.

Agar sizdan tanlash, fikr bildirish so’ralayotgan bo’lsa o’zingizni aniq pozitsiyangizni ayting. Bu hayotda ko’p marotaba tanlash, o’z pozitsiyangizni ko’rsatish holatlari bo’ladi. O’z pozitsiyasiga ega kishi har doim kuchli bo’ladi.

Tassavur qiling, Tushlik vaqti bo’ldi, restoranda buyurtma berishda menga farqi yo’q deb aytmang. Aniq qaysi ovqatni xohlaysiz, qancha xohlaysiz aniq ayting. Bu odatga aylanadi. Bu odat aniq hayotda as qotadi. Qoyimli ishtaha :))

🚀Telegram📷 Instagram 🔵Facebook

Yaxshi yangilik!
Yaponiyada olgan bakalavr va MBA diplomlarim O'zbekiston Respublikasi Oliy Ta'lim Vazirligi, Bilim va Malakani Baholash Agentligi tomonidan nostrifikatsiya qilinib tan olindi. Eng qizig'i bu jarayon mutlaqo Online tarzda, 1 oyga bormasdan amalga oshdi. My GOV tizimida bu xizmat yaqinda chiqdi. Lekin juda yaxshi ishladi.

1. Diplom va baholarni o'zbek tiliga tarjima qilib, notariusdan o'tkazasiz.
2. My Gov ning ta'lim bo'limidan online arizani topshirasiz.
3. Har bir diplom uchun taxminan 100$ to'lov qilasiz.
4. 10 ish kuni ichida ko'rib chiqiladi.

Shu o'rinda aytib o'tmoqchiman, Yaponiyada olingan har qanday oliy ta'lim muassasasining diplomi O'zbekistonda qo'shimcha testlarsiz tan olinadi. Bu Yaponiyada olingan bilim va tajribaning qadri yaxshigina balandligini bildiradi.

🚀Telegram📷 Instagram 🔵Facebook

Yaponiyada yashagan 15 yil davomida har kuni foydalanadigan va hozirgacha foydalanib kelayotgan bir nechta ilovalarim bor.

Ular shunchaki qulay ilovalar emas, balki vaqtni tejash, ma’lumot topish va ish unumdorligini oshirishga yordam beradigan vositalardir. Shuning uchun sizlar bilan ham baham ko'rishni afzal deb bildim.

🚆 Yahoo!乗換案内

Tokioda transport hayotning ajralmas qismi. Poyezd va metro yo‘nalishlarini topish, eng qulay marshrutni tanlash va yetib borish vaqtini oldindan bilish imkonini beradi. Tokio kabi katta shaharda bu ilova menga har kuni vaqt tejashga yordam bergan.Google ham bo'ladiku deyishlaringiz mumkin. Lekin bu ilova Kanjini o'qishni biladiganlar uchun qulay.

🖨 セブンプリント

Shoshilinch hujjat chiqarish kerak bo‘lganda eng ko‘p foydalangan xizmatlarimdan biri. Wi-Fi bo‘lmasa ham fayl yuborib chop etish mumkin. Seven-Eleven do‘konlarining ko‘pligi tufayli istalgan joyda foydalanish juda qulay edi. Har xil loyihalar va ofis olishga ulgurmagan kishi uchun suv va havodek kerak bo'ladi.

📄 Adobe Scan

Telefon orqali hujjatni suratga olib, avtomatik ravishda PDF formatiga aylantiradi. Hujjatlarni saqlash va ulashish juda oson. Ayniqsa o‘z ofisim bo‘lmagan davrlarda men uchun eng foydali ilovalardan biri bo‘lgan.

💼 Eight　名刺

Elektron vizitka boshqarish ilovasi. Uchrashuvlarda olingan vizitkalarni saqlash, qidirish va kerak bo‘lganda tez topish imkonini beradi. Networking va biznes aloqalarni boshqarishda katta yordam bergan. Katta kompaniyada ishlab yurgan vaqtingiz bilinmaydi. Lekin ishdan ketish vaqti hamma narsani topshirasiz sizdagi bir necha yillik biznes kartalar ham yo'qolib qolishini xohlamasangiz bu ilova aynan siz uchun. O'zbekistonda ham bemalol ishlaydi.

📞 Mobile VoIP

SIM-kartasiz turib ham dunyoning turli mamlakatlariga qo‘ng‘iroq qilish imkonini beradigan xizmat. Pullik bo‘lsa ham, xorijiy safarlar paytida juda foydali bo‘lgan. Uning zamonaviy ko'rinishi bu 🌍 Saily e-sim service.

Hozirda xorijga chiqqanimda asosan Saily E-SIM xizmatidan foydalanaman. Aeroportga tushishingiz bilan internetga ulanishingiz mumkin. Safar paytida mahalliy SIM izlab yurishga hojat qolmaydi.

💸 Wise

Xalqaro pul o‘tkazmalari uchun eng ko‘p foydalangan xizmatlarimdan biri. Mablag‘larni tez yuborish va qabul qilish imkonini beradi, komissiya xarajatlari ham nisbatan past. Nafaqat Yaponiyadan O'zbekistonga. Butun dunyo bo'ylab pul o'tkazishda yoki qabul qilishda juda qulay.

📰 日本経済新聞（Nikkei）

Yaponiya iqtisodiyoti, biznes va texnologiya yangiliklarini kuzatish uchun har kuni o‘qiyman. Yaponiya iqtisodiy dunyosida nima sodir bo‘layotganini tushunish uchun eng muhim manbalardan biri.

🌍 BBC

Dunyo voqealarini xalqaro nuqtai nazardan kuzatish uchun foydalanardim. Turli mamlakatlar haqidagi yangiliklarni tez va professional tarzda yoritadi. Amerikaning NBC, CNN lar ham bor. Lekin Amerika kanallarida subektiv fikrlar kuchli bo'ladi. Shuning uchun BBC nisbatan neytralroq.

📰 Vesti.ru

Rossiya va MDH hududidagi voqealarni kuzatish uchun foydalanardim. Turli manbalarni solishtirib o‘qish odatimning bir qismi bo‘lgan.

🇯🇵 Yahoo! Japan

Bugun Yaponiyada eng ko‘p muhokama qilinayotgan mavzularni bilish uchun eng tezkor manbalardan biri. Yapon jamiyatidagi kayfiyat va trendlarni tushunishga yordam beradi.

Men har doim bir xil voqeani bir nechta manbadan o‘qishga harakat qilganman.

Sababi oddiy:

Axborotga ega bo‘lmagan odam qaror qabul qila olmaydi. Bir tomonlama axborot oladigan odam esa noto‘g‘ri qaror qabul qilishi mumkin.

Texnologiya va ilovalar faqat vosita.

Ammo to‘g‘ri vositalardan foydalanadigan inson bilan foydalanmaydigan insonning natijalari vaqt o‘tishi bilan katta farq qiladi.

Yaponiyada o‘rgangan muhim saboqlarimdan biri shuki:

Natijani ko‘pincha qobiliyat emas, balki to‘g‘ri tizim va kundalik odatlar belgilaydi.


🚀Telegram📷 Instagram 🔵Facebook

Bugun sahar tongdan bo'lgan Yaponiya va Shvetsiya o'yini 1-1 teng bo'ldi. Ko'p Yaponlar yutamiz deb o'ylagan edi.
Shu haqidagi xabarni ko'rib kirib izohlarni o'qidim va menga bir kishining izohi juda yoqdi.

Asosiysi har o'yinda yutish emas. Ba'zi o'yinda yutish ba'zida durang bo'lishi mumkin. Muhimi, keyingi stepga o'tish.
Keyingi bosqich, keyingi pog'ona, oldinga siljish.

Hayotda ham har doim 100% yutish, g'alaba deb harakat qilib, jon jahtini berib harakat qilsa charchab tolib qolish mumkin. Vaziyatga qarab, kerak joyda kerakli darajada sizni oldinga olib chiqadigan meyorida harakat qilish ham aslida g'alaba kabi kuchga ega. Men futbolni yaxshi tushunmayman, lekin shu izoh orqali o'zimga yangi fikr oldim.

2010-yil, JLPT N1 testini 101 bal bilan olganman. Kimdir balki to'liq 180 bal olishni maqsad qilar, kimdir keyingi bosqichga o'tishni o'ylar. Menimcha Yaponiya jamiyatida JLPT nechi bor deganda hech kim necha bal bilan o'tgansiz demaydi. Bormi yo'qmi shunga e'tibor beradi. Xulosa o'zingizdan.

🚀Telegram📷 Instagram 🔵Facebook