Surxondaryo viloyati hokimi Ulug‘bek Qosimov Yaponiyaning JICA agentligi eksperti Kiyohiko Kuroda boshchiligidagi delegatsiyani qabul qildi.

Uchrashuvda O‘zbekiston-Yaponiya munosabatlari doirasida Surxondaryo viloyatining ushbu davlatdagi kompaniyalar bilan hamkorlik aloqalari rivojlanib borayotganligi, yangi loyihalarni amalga oshirishda keng imkoniyatlar mavjudligi qayd etildi. Xususan, o‘zaro tashriflar davomida erishilgan kelishuvlarga asosan Surxondaryoda O‘zbekiston-Yaponiya texnologiya universiteti tashkil etilayotganligi, ta’lim, sog‘liqni saqlash, xavfsiz migratsiya yo‘nalishlarida qator loyihalar amalga oshirilayotganligi ta’kidlandi.

Muzokaralar davomida Yaponiyaga xavfsiz migratsiyani ta’minlash maqsadida yangi platformani ishga tushirish, qo‘shma ta’lim dasturlarini amalga oshirish, shuningdek, JICA agentligi bilan hamkorlikdagi loyihalarning borishi kabi masalalari muhokama qilindi.

Telegram | Facebook | Instagram | YouTube | Web-site | X

💡Japan Career Seminar — Sizning kelajakdagi muvaffaqiyatingiz uchun!

Kechagi, 24-aprel kuni Jahon iqtisodiyoti va diplomatiya universitetida bo‘lib o‘tgan Japan Career Seminar yapon kompaniyalarida ishlashni va Yaponiyada o'qishni istovchilar uchun katta ilhom manbai bo‘ldi.

📚Seminar davomida ishtirokchilar:

• Yaponiyaning ish madaniyati, talablar va imkoniyatlari bilan yaqindan tanishishdi;
• Davra suhbatlari orqali vatandoshlarning Yaponiyada ish tajribasini eshitishdi;
• Hamda aniq, amaliy maslahatlar olish imkoniyatiga ega bo‘lishdi.

💼Yaponiyada karyera qilish istagida bo‘lgan yoshlar uchun quyidagi muhim maslahatlar berildi:

1. O‘zini chuqur tahlil qilish;
2. Jamiyat va jamoaga moslashuvchan bo'lish;
3. Yapon tilini mukammal bilish;
4. O'ziga va o'zga madaniyatlarga hurmat bilan yondashish;
5. Erkin tafakkurli bo'lish (open mind).

🌐japancareer.uz 🚀Telegram📷 Instagram 🔵Facebook 🎬YouTube

Qashqadaryoda Yaponiyada ishlash istagidagi fuqarolar uchun Yapon tili kurslari tashkil etiladi

Yaponiyadagi bandlik imkoniyatlaridan samarali foydalanish maqsadida O‘zbekistonda sanoat sohasida inson resurslarini rivojlantirish loyihasi - JICA GROW doirasida bosh maslahatchi Kurodo Kiyohiko boshchiligidagi delegatsiya viloyatimizga tashrif buyurdi. Tashrifdan ko‘zlangan asosiy maqsad - oliy va kasbiy ta’lim hamda migratsiya yo‘nalishlarida hamkorlikni mustahkamlashdir.

Delegatsiya Qarshi davlat texnika universiteti professor-o‘qituvchilari va talabalari bilan ochiq muloqot o‘tkazdi. Shuningdek, Qarshi va Shahrisabz shaharlarida joylashgan texnikumlar faoliyati bilan yaqindan tanishildi.

Muzokaralar natijasida Yaponiyada ishlash istagidagi fuqarolar uchun tartibli va maqsadli Yapon tili kurslarini tashkil etish, shuningdek, viloyatdagi ta’lim muassasalari bilan yaponiyalik ish beruvchilar o‘rtasida hamkorlik aloqalarini yo‘lga qo‘yish bo‘yicha kelishuvga erishildi.

Telegram|YouTube|Facebook|Instagram|X

#Xalqaro_hamkorlik

Qarshi davlat texnika universitetida "Yaponiyadagi bandlik imkoniyatlaridan foydalangan holda O‘zbekistonning sanoat sohasidagi kadrlar salohiyatini rivojlantirish” loyihasi taqdimoti o‘tkazildi.

Janob Kiyohiko Kuroda boshchiligidagi mehmonlar guruhining dastlab universitet rahbariyati va bo‘lim boshliqlari bilan uchrashuvi bo‘lib o‘tdi. Unda Yaponiya tabiati, iqtisodiyoti, talabalar hayoti, loyihaning muhim jihatlari haqida tushuncha berildi. Hamkorlik istiqbollari muhokama qilindi.

Mazkur loyiha O‘zbekiston Respublikasi Vazirlar Mahkamasi huzuridagi migratsiya agentligi va Yaponiya xalqaro hamkorlik agentligi (JICA) tomonidan amalga oshirilmoqda. Uning asosiy maqsadi Yaponiyada o‘qish va ishlash istagida bo‘lgan fuqarolarga kerakli maʼlumotlarni yetkazish, yurtimizdagi oliy taʼlim muassasalari bilan yapon ish beruvchilari o‘rtasida hamkorlikni yo‘lga qo‘yishdan iborat.

Universitetimiz talabalari ishtirokidagi seminarda loyihaning afzalliklari tushuntirildi.

QarDTU axborot xizmati ✍️