Hayotimda tug'ilgan kunimda birinchi marta gul oldim. Siz uchun tug'ilgan kun bu qanday kun? Men uchun bu qisqa muddatli sarhisob kuni, Yapon tilida 振り返り(orqaga qarash) deydi.
35 yoshga kirdim. Siz necha yoshdasiz? Odam baribir boshidan o'tkazmasdan turib bir narsani tushunishi qiyin, lekin baribir necha yoshda bizni nima kutyapti oldindan bilib tayyorgarlik qilish kerak deb o'ylayman.

Meni vaziyatimda, yoshligimdan Akam bilan yurib yoshi kattalar boshidan o'tkazayotgan voqealar, hodisalarni o'z tengdoshlarimdan ancha tezroq bilib borganman. 30-yoshdan oshgandan keyin nima to'g'ri nima noto'g'ri ekanligini aytadigan odam kamayadi. Juda ko'p narsani o'zingiz o'ylab, qaror berib oldinga ketish kerak bo'ladi. Javobi yo'q savollar, faqat o'zingizda javobi bo'ladi.

Agar siz ham javobi bo'lmagan savol bilan duch kelsangiz, qilib ko'ring. Hayotga xavf solmaydigan har qanday risk, bemalol harakat qilib bo'lsa bo'ladigan riskdir. Shunda javobi yo'q savollarga yechim topganingizda juda xursand bo'lasiz.
🚀Telegram📷 Instagram 🔵Facebook

🧠 Claude in Chrome — brauzeringizdagi aqlli yordamchi

Bugun kundalik ishlarimni sezilarli tezlashtirayotgan foydali vositani sizga tanishtirmoqchiman — Claude in Chrome. Bu — sun'iy intellekt yordamchisi bo'lib, to'g'ridan-to'g'ri Chrome brauzeringizga o'rnatiladi va yon panelda ishlaydi. Alohida ilova yoki saytga kirib o'tirishning hojati yo'q.

Nima uchun qulay:
— veb-sahifalarni o'qib, qisqa va aniq xulosa chiqarib beradi;
— formalarni to'ldirish, xat yozish kabi takrorlanuvchi ishlarni siz o'rniga bajaradi;
— bir nechta manbani solishtirib, kerakli ma'lumotni tezda topib beradi;
— ish qidirish va hujjatlar bilan ishlashni sezilarli yengillashtiradi.

Quyidagi videoda — aynan shu postning o'zi Claude in Chrome yordamida qanday yaratilganini ko'rishingiz mumkin.

🚀Telegram📷 Instagram 🔵Facebook

🇯🇵 ASO TARO — Yaponiyaning 92-Bosh vaziri

Yaponiyaning eng tajribali siyosatchilaridan biri, hozirda YDP (Liberal-demokratik partiya) vitse-raisi. 1940-yilda siyosiy-ishbilarmon oilada tug'ilgan (bobosi — sobiq Bosh vazir Yoshida Shigeru), 16 marta parlamentga saylangan, mamlakat tarixida moliya vaziri sifatida eng uzoq muddat xizmat qilgan siyosatchi.

📌 Faoliyati:
• 1966 — "Aso" kompaniyasida tadbirkorlik faoliyatini boshladi
• 1976 — Monreal Olimpiadasida Yaponiya terma jamoasida (nishonga otish)
• 1979 — Parlamentga birinchi marta saylandi
• 2005–07 — Tashqi ishlar vaziri
• 2008–09 — Yaponiyaning 92-Bosh vaziri
• 2012–21 — Bosh vazir o'rinbosari va Moliya vaziri (rekord muddat)
• Hozir — YDP vitse-raisi

🏆 Yutuqlari:
• Global moliyaviy inqiroz davrida ~75 trillion yenlik iqtisodiy dastur
• "Erkinlik va farovonlik yoyi" — qadriyatlar diplomatiyasi konsepsiyasi
• Xalqaro manga mukofotini ta'sis etdi — manga/anime orqali madaniy diplomatiya (Cool Japan)ning asoschilaridan

💭 Falsafasi:
"Yaxshi an'analarni asrab, rivojlantirish kerak — an'analarni saqlash uchun islohot qilinadi. Mening haqiqiy konservatizmim shu."
"Do'stlik uchun milliy manfaatga zarar yetkazish — ahmoqlik. Milliy manfaat ustida haqiqiy do'stlik quriladi."

🎌 Odatlari:
Manganing katta ixlosmandi (haftasiga bir necha jild o'qiydi), sobiq Kamonbozlik (olimpiada musobaqasi qatnashchisi) sportchisi, puro va golf ixlosmandi, tarjimonsiz ingliz tilida muzokara olib boradi.

🌟 Yoshlarga maslahati:
1️⃣ "Muvaffaqiyatsizlikdan qo'rqib hech narsa qilmaslik — eng katta xato. Urinib ko'ring, chiqmasa, qaytadan boshlang."
2️⃣ "Yoshlikdagi mashaqqat — keksalikdagi ichki kuchga aylanadi."
3️⃣ "Yetmish foiz ishonch bo'lsa, oldinga siljing — mukammal sharoitni kutish o'zi xato."
4️⃣ "Oson pul degani yo'q" — firibgarlik va'dalariga ishonmang, mehnat bilan pul toping.
5️⃣ Kelajakka optimist qarang — boshingizni baland tutib yuring!

🚀Telegram📷 Instagram 🔵Facebook

2026-yil, O‘zbekiston gender tengligi bo‘yicha dunyoda 110-o‘rinda. Nega 110-o‘rindamiz?

Markaziy Osiyodagi qo‘shnilarimiz orasida Qirg‘iziston 88-, Qozog‘iston esa 95-o‘rinda.
Qiziq tomoni, dunyoning eng rivojlangan iqtisodiyotlaridan biri bo‘lgan Yaponiya ham atigi 117-o‘rinda.
Demak, iqtisodiy jihatdan rivojlangan davlat bo‘lishning o‘zi ayollar va erkaklar uchun teng imkoniyat yaratilganini anglatmaydi.
Bu reyting aslida nimani o‘lchaydi?
Global Gender Gap Index ayol va erkaklar o‘rtasidagi farqni to‘rtta asosiy yo‘nalishda baholaydi:
— iqtisodiy faollik va imkoniyatlar;
— ta’lim;
— sog‘liq;
— siyosiy ishtirok va qaror qabul qilish.
Dunyo miqyosida ta’limdagi gender tafovutining 96,2 foizi yopilgan. Ammo iqtisodiy faollik va imkoniyatlarda bu ko‘rsatkich hali 61,7 foiz, siyosiy ishtirokda esa atigi 22,1 foiz.
Ya’ni bugungi asosiy muammo ayollar ta’lim olyaptimi yoki yo‘qmi degan savoldan asta-sekin boshqa savolga o‘tmoqda:
Ta’lim olgan ayollar o‘z bilim va salohiyatini iqtisodiyotda, biznesda va davlat boshqaruvida to‘liq ishlata olyaptimi?
O‘zbekistonda so‘nggi yillarda xotin-qizlarning huquq va imkoniyatlarini kengaytirishga qaratilgan qonunlar va davlat dasturlari bo‘yicha sezilarli o‘zgarishlar amalga oshirildi.

Ba’zilar: “Erkaklar ishlab, rahbarlik qilib, qaror qabul qilaversa nimasi yomon?” deb o‘ylashi mumkin.
Lekin bu yerda masala ayol yoki erkakning kimdan ustun ekanligida emas.
Masala — mamlakat o‘zidagi barcha iste’dod va inson kapitalidan foydalana olyaptimi yoki yo‘qmi?
Tasavvur qiling: mamlakatda bilimli, mehnatkash va katta salohiyatga ega insonlar bor, lekin ularning bir qismi jinsi sababli mehnat bozoriga kirishda, yuqori lavozimlarga chiqishda yoki muhim qarorlarni qabul qilishda yetarli imkoniyatga ega emas.
Bunday vaziyatda faqat o‘sha inson emas — iqtisodiyotning o‘zi ham imkoniyat yo‘qotadi.
Shuning uchun gender tengligi faqat ayollar masalasi hisoblanmaydi.
Bu iqtisodiyot, inson kapitali va mamlakatning raqobatbardoshligi masalasi.
Buni oddiy oilada ham tasavvur qilish mumkin.
Oiladagi muhim qarorlarni faqat bir kishi qabul qilishi bilan, ota va ona bir-birini eshitib, o‘z tajribasi va fikrini qo‘shib qaror qabul qilishi yanada yaxshi natija olib keladi.
Davlat va iqtisodiyot miqyosida ham prinsip o‘xshash: qaror qabul qilishda jamiyatning turli qismlari qatnashsa, ko‘proq tajriba, bilim va nuqtai nazardan foydalanish imkoniyati paydo bo‘ladi.
Shuning uchun O‘zbekiston uchun asosiy maqsad shunchaki 110-o‘rindan 100-, 80- yoki 50-o‘ringa ko‘tarilish emas.
U bizga mamlakat qayerda o‘z inson kapitalidan yetarlicha foydalana olmayotganini ko‘rsatadi.
Haqiqiy maqsad esa ayol yoki erkakligidan qat’i nazar, qobiliyatli insonning bilim, mehnat va salohiyatini jamiyat rivoji uchun to‘liq ishlata oladigan tizim yaratishdir.

https://reports.weforum.org/docs/WEF_GGGR_Report_2026.pdf

🚀Telegram📷 Instagram 🔵Facebook

Nega Korea bilan aloqalarimiz juda kuchayib ketdi?
Chunki Korea davlatini yaxshi tushunadigan ular bilan til topaoladigan bizni Koreys vatandoshlar muhim ishlarga qo’yildi. Ular o’z salohiyatini maksimal ishlata olishdi.

Har bir sohada xuddi shundek o’z sohasini professionallari qo’yilsa o’sha soha rivojlanadi.

🚀Telegram📷 Instagram 🔵Facebook

Normalni You Tube ko’rib mashina haydashga ham qo’ymaydi :)
O’z yolimda tinch ketyapman, ikkinchi palasadan kirib kelyapti. Beparosat


Ha aytgancha mana bu podkastni ko’rishni tavsiya qilaman. Son Masayoshi yana o’zini shedevr nutqi bilan butun Yaponiyani larzaga solmoqda.


https://youtu.be/dTO-tYqZOZg?si=hk8fijD-hISMFJZy

🚀Telegram📷 Instagram 🔵Facebook

Men Yaponiyada ishlab yurgan vaqtlarim o’y xayollarim shu kompaniya atrofida aykanar edi. Dushanbadan Jumagach, ertalabdan kechgacha hamkasblar bilan vaqt o’tkazardim va menimcha shu sabab jamiyat shu kompaniyadan tashkil topgan deb o’ylar edim.

Bo’limimizda 70 ga yaqinlashib qolgan Odawara xonim, juda qattiq qo’l edi. Necha marta xojatxonaga borishdan boshlab, telefonni nechanchi jarangda ko’targangacha e’tibor berar va sal ne to bo’lsa boshliqqa ustimdam arz qilar edi. Yangi uylangan bo’lishimga qaramay uyda vaqt o’tkazishdan ko’ra ishxonadagi vaqt uzun bo’lar edi.

Mana o’sha zamonlar ham ortda qoldi. Hozir ortga qarab xulosa qiladigan bo’lsam, hammasi bekorga bo’lmagan ekan. Ba’zida siz ma’nosiz degan narsalarga amal qilish, chidash kerak bo’ladi. Bu sizni keyingi darajaga olib chiqadi.

🚀Telegram📷 Instagram 🔵Facebook

Ishxonada barcha jadal va qizg'in suhbat bilan band! Lekin hech kimni ovozi chiqmayapti. Nima sababdan bilasizmi?

Sababi hamma AI bilan gaplashyapti😀
Sizlarda ham shundaymi ?

🚀Telegram📷 Instagram 🔵Facebook

2013-yillar edi. Suratda men va konbinida birga ishlagan do‘stim Nihei. Dam olish kunlarining birida Tokyo yaqinidagi Enoshimaga cho‘milishga borganmiz.

Nihei kunduzi kompaniyada ishlardi. Ularning kompaniyasi uy va ofislar kirishidagi matlarni muntazam almashtirib, tozalab turadigan xizmat ko‘rsatardi. Kechasi esa men bilan konbinida tungi smenada ishlardi.

Shunchalik mehnatkash yaponni kam ko‘rganman.

O‘sha paytda u men bilan deyarli tengdosh edi. Lekin allaqachon uylangan, ikki farzandi bor edi. Haftasiga 5 kun kunduzi, yana 3 kecha tungi smenada ishlardi.

Men esa universitetning 2-kurs talabasi edim. Moliyaviy sharoitim yaxshi bo‘lmagani uchun tunda ishlashga majbur edim. 1–2-kursda darslar juda ko‘p, hatto shanba kunlari ham dars bo‘lardi.

Kechasi — ish.
Kunduzi — universitet.
Yana kechasi — ish.

Ba’zan oddiygina kechasi uxlash ham men uchun uzoqdagi orzudek tuyulardi.

Bugun o‘sha kunlarni eslab, bir narsaga shukr qilaman: kechasi bemalol uxlash imkoniyatim bor.

Men Yaponiyada 6 yil talaba bo‘ldim. Bu 6 yil davomida qiyinchiliklar ham, charchoq ham, pul yetishmagan kunlar ham ko‘p bo‘lgan.

Lekin bugun ularning birortasidan afsuslanmayman.

Chunki o‘sha davr menga faqat diplom bermadi. Sabr qilishni, mehnat qilishni, pulning qadrini va eng muhimi — qiyinchilik oldida taslim bo‘lmaslikni o‘rgatdi.

Agar siz hozir 18–25 yoshda bo‘lsangiz, o‘qish, ish, kelajak tashvishi orasida charchab yurgan bo‘lsangiz, bugungi hayotingiz abadiy shunday davom etadi deb o‘ylamang.

Qiyin davrlar o‘tadi.

Bugun sizga oddiy tuyulgan mehnatingiz, intizomingiz va sabringiz bir necha yildan keyin katta ustunlikka aylanadi.

Men ham o‘sha paytda kelajakda hayotim qanday bo‘lishini bilmasdim. Faqat oldimdagi to’siqdan oshib o’tish uchun harakat qilardim.

Shuning uchun bugun qiynalayotgan sizga aytadigan gapim bitta:

Hali oldinda juda ko‘p yaxshi kunlaringiz bor.
Bugungi qiyinchiliklaringiz — butun hayot davom etmaydi. Hali hammasi oldinda.

Agar qiynalmasdan mazza qilib har kuni 10 soatlar uxlayotgan bo’lsangiz kelajagingiz qanday bo’ladi bilmadim lekin 😂

🚀Telegram📷 Instagram 🔵Facebook

AQSH Prezidenti AI-Suniy intelekt so'zini, SI- Super Intelekt so'ziga o'zgartirdi. Bunga men 100% qo'shilaman. Chunki AI bu suniy emas, mutlaq super intelekt darajasida jamiyatdagi muammolarni hal qilmoqda.
Siz kundalik hayotngizda, o'qishda, ishda, oilaviy ro'zg'or va salomatlik uchun SI dan foydalanyapsizmi? Qay darajada foydalanyapsiz albatta imkon bo'lganda aytib bering.

🚀Telegram📷 Instagram 🔵Facebook

Yaponiyada kompaniya xodimi bo‘lib ishlagan yillarimda, yangi moliyaviy yil boshlanishi bilan boshqarmamiz rahbari almashadigan bo‘ldi.
Yangi rahbar boshqa biznes yo‘nalishidan bizning boshqarmaga o‘tayotgan edi.
Bizning bo‘limimizda esa uni deyarli hech kim tanimasdi.
“Qanday inson ekan?”
“Qattiqqo‘l rahbar emasmikan?”
“Endi ishxonadagi muhit qanday o‘zgaradi?”
Hamma biroz hayajon va xavotir bilan yangi rahbarning kelishini kutardi.
Va nihoyat, u ish boshladi.
Uning bizga aytgan dastlabki gaplaridan biri haligacha yodimda: 「仕事は仲良しクラブじゃない。」Ya’ni:
“Ishxona jo‘ra-og‘aynichilik qiladigan joy emas. Bu yer— mas’uliyat va natija talab qiladigan joy”.
Birinchi marta eshitganimda, bu gap menga ancha qattiq tuyulgan edi.
Ammo yillar davomida ishlaganim sari, bu so‘zlarning asl ma’nosini yaxshiroq tushuna boshladim.
Albatta, ishxonada yaxshi munosabatlar bo‘lishi juda muhim. Bir-birimizni hurmat qilishimiz, yordam berishimiz va sog‘lom muhitda ishlashimiz kerak.
Lekin buning o‘zi yetarli emas.
Har qanday kompaniya yoki tashkilotning erishishi kerak bo‘lgan maqsadi bor. Har bir xodimning o‘z vazifasi va shu vazifaga yarasha mas’uliyati bor.
Yaxshi munosabatni buzmaslik yoki birovga yoqmay qolmaslik uchun muammoni aytmaslik.
Qattiqroq gapirish kerak bo‘lgan vaziyatda jim qolish.
Xato bo‘lsa ham, “mayli-da” deb o‘tib ketish.
Ish natijasidan ko‘ra, insoniy munosabatlarni buzmaslikni muhimroq deb bilish.
Agar bu holat davom etaversa, tashkilot asta-sekin zaiflashadi va oxir-oqibat jiddiy muammolarga duch keladi.
Boshqa tomondan, ish yuzasidan fikrimiz bir-biriga to‘g‘ri kelmagani uchun o‘sha insonni yomon ko‘rishimiz ham shart emas.
“Men bu ish usuliga qo‘shilmayman.”
“Bu joyini yaxshilashimiz kerak.”
“Bu natija yetarli emas.”
Shunday gaplarni bir-birimizga ochiq va to‘g‘ri ayta olishimiz — aslida sog‘lom professional munosabatning belgisi.
O‘zbekistonda ham insoniy munosabatlar, yoshi kattalarni hurmat qilish va atrofdagilar bilan yaxshi aloqalarni saqlashga katta ahamiyat beriladi. Bu jihatdan Yaponiya bilan o‘xshash tomonlarimiz bor va ish joylarida ham shunga o‘xshash muammolarni uchratish mumkin.
Menimcha, o‘sha rahbarning “Ishxona — jo‘ra-og’aynilar klubi emas” degan gapidan maqsadi:
“Hamkasblaring bilan yaxshi munosabatda bo‘lma”,
degan fikr emas edi.
Aksincha, u:
Yaxshi munosabat bilan ishdagi mas’uliyatni aralashtirmang,
demoqchi edi.
Ishda ba’zan qiyin qarorlar qabul qilishga to‘g‘ri keladi.
Ba’zan birovning xatosini ko‘rsatish kerak bo‘ladi.
Ba’zan esa bizning o‘zimizga kamchiligimizni aytishadi.
Bu tabiiy.
Muhimi, shunday vaziyatlarda ham tashkilot sifatida oldimizga qo‘ygan maqsad sari harakat qilishda davom etishimiz kerak.
O‘ylab qarasak, bu juda oddiy haqiqat.
Biz uyda o‘zimiz uchun eng qadrli insonlarimizni — oilamizni qoldirib, hayotimizning eng qimmatli vaqtining katta qismini ishxonada o‘tkazmoqdamiz.
Shunday ekan, bu vaqtni arzimas kelishmovchiliklar, ranjishlar va shaxsiy hissiyotlarga sarflashga haqqimiz yo‘q.
Kim meni yaxshi ko‘radi?
Kim meni yoqtirmaydi?
Kim mening fikrimga qo‘shildi?
Kim qarshi chiqdi?
Bunday narsalarga ortiqcha e’tibor berish o‘rniga,
“Biz nima uchun bu yerda birga ishlayapmiz?”
degan savolni unutmasligimiz kerak.
Ammo odamlar uzoq vaqt birga ishlagani sari, ba’zan aynan shu oddiy haqiqat esdan chiqib qoladi.
Yaxshi munosabatni saqlashning o‘zi maqsadga aylanadi. Asosiy maqsad — ishning natijasi esa ikkinchi o‘ringa tushib qoladi.
Shuning uchun men haligacha ba’zan o‘sha rahbarning gapini eslayman:
“Ish — jo‘ra-og‘aynilar klubi emas.”
Bir qarashda sovuq eshitilishi mumkin.
Ammo menimcha, bu gapning tagida insoniy munosabatlarni inkor qilish emas, aksincha, ancha chuqurroq ma’no bor edi:
“Hamkasb ekanmiz, bir-birimiz oldida mas’uliyatli bo‘laylik.”
“Aytish kerak bo‘lgan gapni bir-birimizga ochiq ayta olaylik.”
“Va bir maqsad sari harakat qilib, yolg‘iz odam qila olmaydigan katta natijalarni birgalikda jamoa bo‘lib yarataylik.”
Bugun men o‘sha gapning ma’nosini o‘sha paytdagidan ko‘ra ancha yaxshi tushunaman.
 
🚀Telegram📷 Instagram 🔵Facebook

Yaponiya iqtisodiyoti gazetasi, Nikkeida aytilishicha, Yaponiya aholisining 3.1% ya'ni 3 million 840ming kishini chet elliklar tashkil qilmoqda.
Bu raqamlar Yaponiya tarixidagi eng ko'p chet elliklar soni demakdir. 1-Xitoy, 2-Vetnam, 3-Korea, 4-Filippin, 5-Braziliya.
Shu vaqtga qadar 2-o'rinda Korea bo'lib kelgan. Vetnam asosan ishchilarni yuborish orqali ulardan oshib o'tgan. Oxirgi 5 yil ichida Ventnam 60%, Indoneziya, Myanmar davlat fuqorolari bir necha barobarga oshgan.

Ma'lumotlaringiz uchun, o'zbekistonliklar Yaponiyada 7,600 nafarga yaqin. O'tgan yilga nisbatan ozroq kamayish bor. Taqqoslash uchun Yaponiyaniyaning qo'shnisi Korea Respublikasida 120,000 ga yaqin vatandoshimiz istiqomad qiladi.

Ko'p yangiliklarda Yaponiya va O'zbekiston aloqalari rivojlanib ketgandek ko'rsatishadi, lekin aslida 1000 guldan 1 gul ochilgan xolos. Yaponiya bilan hali aloqalarimiz juda boshlang'ich etapda turibdi, hali qilinadigan ishlar, imkoniyat va salohiyatlar juda katta.

Bugun Yapon tilini o'rganayotgan yoki Yapon tilini biladigan har bir kishi, mana shunday kelajak imkoniyatidan foydalanishi, mana shunday katta salohiyatni o'zlari ochib borishlari mumkin.

🚀Telegram📷 Instagram 🔵Facebook