📸 طبیعت زیبای بغلان
و شاهراه بغلان - کندز
@khabartaza

تکمیل و افتتاح ده پروژهٔ ترمیماتی در ریاست معارف هرات

مسئولان در ریاست معارف هرات می‌گویند که کار ده پروژهٔ ترمیماتی، شامل ترمیم ۸ باب مکتب و مدرسه و ۲ شعبهٔ هستهٔ مرکزی ریاست معارف هرات، به ارزش ۶ میلیون و ۸۸ هزار افغانی از بودجهٔ وزارت معارف تکمیل و رسماً افتتاح گردید.

مولوی رحمت‌الله جابر رئیس معارف هرات، می‌گوید که تطبیق و تکمیل این پروژه‌های ترمیماتی نقش مهمی در بهبود محیط آموزشی، فراهم‌سازی سهولت‌ها برای شاگردان و معلمان و ارتقای کیفیت تدریس ایفا می‌کند.

مولوی جابر می‌افزاید که ریاست معارف هرات متعهد است تا با استفادهٔ شفاف و مؤثر از بودجهٔ موجود، مشکلات مکاتب و مدارس را کاهش داده و زمینهٔ تعلیم و تربیهٔ معیاری را فراهم سازد.

رئیس معارف هرات هم‌چنان از همکاری وزارت معارف و تلاش‌های کارمندان تخنیکی این پروژه‌ها قدردانی نموده و اطمینان داد که در آینده نیز پروژه‌های انکشافی و ترمیماتی بیشتری در بخش معارف این ولایت تطبیق خواهد شد.

قابل یادآوری است که پروژه‌های یادشده از بودجهٔ انکشافی وزارت معارف تمویل و در راستای بهبود وضعیت مکاتب و مدارس هرات تطبیق گردیده است.
@khabartaza