▪️ نەوسوود؛ برینداربوونی کۆڵبەرێک بە تەقەی ڕاستەوخۆی هێزەکانی هەنگی مەرزی

کۆڵبەرێکی خەڵکی سەلاس باوەجانی بە تەقەی ڕاستەوخۆی هێزەکانی هەنگی مەرزی لە هێڵی سنووری نەوسوود بە سەختی برینداربوو.

بەپێی ڕاپۆرتی کۆڵبەرنیوز، ئێوارەی دووشەمە ١٠ی گوڵانی ١٤٠٣، کۆڵبەرێکی گەنج بە ناسنامەی «نیما ئەڵماسی» خەڵکی سەلاس باوەجانی بەهۆی تەقەی ڕاستەوخۆی هێزەکانی ڕژیم بە چەکی ساچمەیی لە سنووری نەوسوود بە سەختی برینداربوو.
بە گوتەی سەرچاوەیەکی ئاگادار ئەم کۆڵبەرە “کەلەکە، پشت و دەست”ی بە سەختی برینداربووە.

زیاتر:
https://ku.kolbarnews.com/20244303

▪️ بەرزڕاگرتنی ڕۆژی جیهانی کرێکار لەلایەن کۆمەڵێک لە چالاکانی کرێکاری و کرێکارانی شاری سنە

کۆمەڵێک لە چالاکانی کرێکاری و کرێکارانی کارگەکانی شاری پیشەسازی ژمارە ١ی سنە، ڕۆژی جیهانی کرێکاریان بەرز ڕاگرت.

بەپێی ڕاپۆرتی کۆڵبەرنیوز، کۆمەڵێک لە چالاکانی کرێکاری و کرێکارانی شاری سنە، بۆ بەرزڕاگرتنی ڕۆژی جیهانی کرێکار هەستان لە ڕێکخستنی ڕێوڕەسمێک لە یەکێک لە کارگەکانی شاری پیشەسازی ژمارە ١ی سنە.

زیاتر:
https://ku.kolbarnews.com/20244304

▪️ بانە؛ برینداربوونی کۆڵبەرێک بە تەقەی ڕاستەوخۆی هێزەکانی هەنگی مەرزی

کۆڵبەرێکی گەنج بە تەقەی ڕاستەوخۆی هێزەکانی هەنگی مەرزی لە ناوچەکانی سنووری بانە، برینداربوو.

بەپێی ڕاپۆرتی کۆڵبەرنیوز، دوای نیوەڕۆی دوێنێ دووشەمە ١٠ی گوڵانی ١٤٠٣، هێزەکانی هەنگی مەرزی لە سنووری هەنگەژاڵ-بانە کۆڵبەرێکی گەنجیان بە چەکی کڵاشینکۆف کردە ئامانج. ئەم کۆڵبەرە “ئەژنۆ”ی بە سەختی برینداربووە و بۆ چارەسەر بۆ نەخۆشخانە گواستراوەتەوە.
ناسنامەی ئەم کۆڵبەرە، «میلاد ڕەحیمی» ١٩ ساڵ تەمەن و خەڵکی گوندی «کوخ شێخ سەلام» سەربە ئالوتی شاری بانە ڕاگەیەندراوە.

زیاتر:
https://ku.kolbarnews.com/20244305

▪️ نەوسوود؛ ڕاگەیاندنی ناسنامەی بەشێک لە کۆڵبەرانی بریندار بە تەقەی هێزەکانی هەنگی مەرزی

شەوی ڕابردوو بە تەقەی هێزەکانی هەنگی مەرزی لە سنووری نەوسوود، لانیکەم ٨ کۆڵبەر برینداربوون کە ناسنامەی بەشێکیان بۆ کۆڵبەرنیوز ڕاگەیەندراوە.

بەپێی ڕاپۆرتی کۆڵبەرنیوز، ئێوارەی دووشەمە ١٠ی گوڵانی ١٤٠٣، بە تەقەی ڕاستەوخۆی هێزەکانی هەنگی مەرزی لە هێڵی سنووری نەوسوود تەقەیان لە کۆمەڵێک لە کۆڵبەران کرد و لانیکەم ٨ کۆڵبەر برینداربوون.

زیاتر:
https://ku.kolbarnews.com/20244306

▪️کوردستان؛ زخمی شدن و بازداشت دست‌کم ١٦ کولبر از جملە دو کودک طی ٤٨ ساعت گذشتە

طی دو روز گذشتە دست‌کم ١٦ کولبر از جملە دو کودک در مناطق مرزی مختلف کوردستان زخمی و بازداشت شدند.

بە گزارش کولبرنیوز، طی ٤٨ ساعت گذشتە دستکم ١٤ کولبر از جملە دو کودک کولبر ١٦ سالە در مناطق مرزی نوسود، بانە و مریوان زخمی شدە و دو کولبر دیگر نیز بازداشت شدند. لازم بە ذکر است، تمامی موارد مجروحیت کولبران بر اثر تیراندازی مستقیم نیروهای هنگ‌مرزی با استفادە از سلاح‌های کلاشینکف و ساچمە‌ای صورت گرفتە است.

گزارش کامل را در لینک زیر بخوانید:

https://kolbarnews.com/2024043009

▪️ کوردستان؛ برینداربوون و دەستبەسەرکردنی لانیکەم ١٦ کۆڵبەر لەگەڵ ٢ منداڵ کۆڵبەر لە ٤٨ کاژێری ڕابردوو

لە ٢ ڕۆژی ڕابردوو لانیکەم ١٦ کۆڵبەر لەگەڵ ٢ منداڵ کۆڵبەر لە ناوچەکانی سنووری جیاوازی کوردستان بریندار و دەستبەسەرکران.

بەپێی ڕاپۆرتی کۆڵبەرنیوز، لە ٤٨ کاژێری ڕابردوو لانیکەم ١٤ کۆڵبەر لەگەڵ ٢ منداڵ کۆڵبەری ١٦ ساڵە لە ناوچەکانی سنووری نەوسوود، بانە و مەریوان برینداربوون و ٢ کۆڵبەری دیکەش دەستبەسەرکران. شایانی باسە، تەواوی حاڵەتی برینداربوونی کۆڵبەران بە تەقەی ڕاستەوخۆی هێزەکانی هەنگی مەرزی بە چەکی کڵاشینکۆف و ساچمەیی بووە.

زیاتر:
https://ku.kolbarnews.com/20244307

▪️ مەریوان؛ برینداربوونی کۆڵبەرێک بە تەقەی ڕاستەوخۆی هێزەکانی هەنگی مەرزی

کۆڵبەرێکی خەڵکی شاری بانە بە تەقەی ڕاستەوخۆی هێزەکانی هەنگی مەرزی لە هێڵی سنووری مەریوان بە سەختی برینداربوو.
بەپێی ڕاپۆرتی کۆڵبەرنیوز، ئێوارەی چوارشەمە ٥ی گوڵانی ١٤٠٣، هێزەکانی هەنگی مەرزی لە هێڵی سنووری قامیشلەی مەریوان بە چەکی جەنگی تەقەیان لە کۆمەڵێک لە کۆڵبەران کرد و بەهۆیەوە کۆڵبەرێک بە سەختی برینداربووە.

زیاتر:
https://ku.kolbarnews.com/20244301