▪️ سنە؛ دەستبەسەرکرانیی ١٠ چالاکوانیی مەدەنی و کرێکاری لەلایەن هێزەکانی ڕژیم

هێزەکانی ڕژیم لە شاری سنە بە هەڵکوتانە سەر ماڵی چالاکوانانیی مەدەنی، ژینگەپارێزی و کرێکاری، ١٠ چالاکوانیان دەستبەسەر کرد. ئەمە لە کاتێکدا بوو کە نیگەرانییەکان لە سەرهەڵدانی ناڕەزایەتییە فراوانەکان لە کوردستان پەرەی سەندووە.

بەپێی ڕاپۆرتی کۆڵبەرنیوز، ئەمڕۆ یەکشەممە ١٤ی ڕێبەندانی ١٤٠٤، هێزەکانی ڕژیم لە شاری سنە ١٠ چالاکوانی مەدەنی، ژنان، ژینگەپارێزی و کرێکاریی ئەم شارەیان دەستبەسەر کرد. ئەم چالاکوانانە بریتین لە خالد سەیف پەناهی، ئارمان سەلیمی، قانع خاتری، بەیان فەرەجوڵڵاهی، دلێر ئەسکەندەری، جەمال خوداڕەحمی، کەیوان زەندکەریمی، شاهۆ محەمەدی، خەبات ئەسەدی، وریا موعید و سدیق مەحمودی.

درێژەی هەواڵ؛

https://ku.kolbarnews.com/4120255-2/

▪️ تاران؛ دەستبەسەرکرانیی سێ هاوڵاتی لەلایەن هێزەکانی ڕژیم

سێ هاووڵاتیی خەڵکی کەنگاوەر بە ناوەکانی ئێلاهە، ستایش و نازەنین خەزایی لەلایەن هێزەکانی ڕژیم لە شەهریاری تاران دەستبەسەرکران.

بەپێی ڕاپۆرتی کۆڵبەرنیوز، ڕۆژی شەممە ١٣ بەفرانباری ١٤٠٤، سێ هاووڵاتیی کوردی خەڵکی شاری کەنگاوەر سەر بە پارێزگای کرماشان بە ناوەکانی ستایش خەزایی (تەمەن ١٨ ساڵ)، نازەنین خەزایی (تەمەن ١٩ ساڵ) و ئێلاهە خەزایی کە دانیشتووی شەهریاری تارانن، لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.

درێژەی هەواڵ؛

https://ku.kolbarnews.com/4120256-2/

▪️ بەدرە؛ دەستبەسەرکرانیی فائزە ڕەشیدی پاش برینداربوونی بە چەکی ساچمەیی

فائزە ڕەشیدی، هاوڵاتی خەڵکی بەدرە، لە ناڕەزایەتیەکاندا لەلایەن هێزەکانی ڕژیم بریندار و دەستبەسەرکرا.

بەپێی ڕاپۆرتی کۆڵبەرنیوز، ڕۆژی شەممە ١٣ بەفرانباری ١٤٠٤، فائزە ڕەشیدی، هاوڵاتی خەڵکی «بەدرە» پاش ئەوەی لە ناڕەزایەتیەکانی خەڵکی بە چەکی ساچمەیی لەلایەن هێزەکانی ڕژیم برینداربوو، دەستبەسەرکرا و بۆ شوێنێکی نادیار گوازرایەوە.

درێژەی هەواڵ؛

https://ku.kolbarnews.com/4120257-2/

▪️ ناڕەزایەتییە سەرتاسەریەکان؛ ڕاگەیاندنی ناسنامەی ١٧ هاووڵاتی گیانبەختکردوو لە ناڕەزایەتیەکانی هەفتەی ڕابردوودا

لە ناڕەزایەتییە سەرتاسەریەکانی ئەم ڕۆژانەی دوایی لە ئێران، لانیکەم ١٧ هاووڵاتی لە شارە جۆراوجۆرەکانی ئێران و کوردستان بە تەقەی ڕاستەوخۆی هێزەکانی ڕژیم گیانیان بەختکردووە. ئەم هاووڵاتییانە لە پارێزگاکانی ئیلام، کرماشان، هەمەدان، لوڕستان، فارس، چوارمەحاڵ و بەختیاری و ئیسفەهان کوژراون و ناسنامەکانیان ئاشکرابووە.

بەپێی ڕاپۆرتی کۆڵبەرنیوز، دوای هەفتەیەک لە دەستپێکردنی ناڕەزایەتییە سەرتاسەرییەکان لە ئێران، ناسنامەی ١٧ هاووڵاتی بە تەقەی ڕاستەوخۆی هێزەکانی ڕژیم لە ناڕەزایەتییەکانی ئەم دواییەی شارەکانی مەلەکشاهی، هەمەدان، هەرسین، نورئاوا، کۆهدەشت، ئازنا، لوڕستان، فولادشار و مەرودەشت لە پارێزگاکانی ئیلام، کرماشان، هەمەدان، لوڕستان، فارس، چوارمەحاڵ و بەختیاری و ئیسفەهان کوژراون. ناسنامەکانیان ئاشکرا بووە. بەپێی زانیارییەکان، لە ١٧ هاووڵاتییە کوژراوە، لانیکەم ٩ هاووڵاتیی لوڕ و ٧ هاووڵاتی کورد بوون. هەروەها هاوڵاتییەکی فارسیش لە ناڕەزایەتیەکانی شاری هەمەدان گیانی لەدەستداوە.

درێژەی هەواڵ؛

https://ku.kolbarnews.com/4120258-2/

▪️ دیواندره؛ بازداشت رضا پهلوانی توسط نیروهای امنیتی


رضا پهلوانی شهروند اهل دیواندره توسط نیروهای امنیتی بازداشت و به مکان نامعلومی منتقل شد.

به گزارش کولبرنیوز صبح امروز یک‌شنبه چهاردهم دی‌ماه ۱۴۰۴، رضا پهلوانی، شهروند اهل دیواندره، توسط نیروهای اداره اطلاعات بازداشت و به مکان نامعلومی منتقل شد. بر اساس این گزارش، نیروهای امنیتی این شهروند را بدون ارائه حکم قضایی بازداشت کرده‌اند و تاکنون هیچ‌گونه اطلاعی درباره دلایل بازداشت، محل نگهداری و اتهامات مطروحه علیه رضا پهلوانی در دسترس نیست.

ادامە در لینک زیر:

https://kolbarnews.com/04012026898-2/

▪️ دیواندەرە؛ دەستبەسەرکرانیی ڕەزا پەهلەوانی لەلایەن هێزەکانی ڕژیم

ڕەزا پەهلەوانی، هاوڵاتی خەڵکی دیواندەرە لەلایەن هێزەکانی ڕژیم دەستبەسەرکرا و بۆ شوێنێکی نادیار گوازرایەوە.

بەپێی ڕاپۆرتی کۆڵبەرنیوز، بەیانی ئەمڕۆ یەکشەممە چواردەی بەفرانباری ١٤٠٤، ڕەزا پەهلەوانی، هاوڵاتی خەڵکی دیواندەرە، لەلایەن هێزەکانی ئیدارەی ئیتلاعات دەستبەسەرکرا و بۆ شوێنی نادیار گوازرایەوە. بەپێی ئەم ڕاپۆرتە، هێزەکانی ڕژیم ئەم هاوڵاتییەی بەبێ بڕیاری دادوەر دەستبەسەرکردووە و هێشتا هۆکاری دەستبەسەریی، شوێنی زیندانیی و تۆمەتی دژی ڕەزا پەهلەوانی نادیارە.

درێژەی هەواڵ؛

https://ku.kolbarnews.com/4120259-2/