▪️ ڕاگەیاندنی کۆڵبەرنیووز؛
لە بەرگری و پشتیوانی لە بانگەوازی مانگرتنی گشتی سەرتاسەری لە کوردستان

لە کاتێکدا کە شەپۆلی نوێی ناڕەزایەتییە سەرتاسەرییەکان لە ئێران و کوردستان هاتووەتە ناو ڕۆژە چارەنووسازەکانی خۆیەوە، کوردستان جارێکی دیکە لە بەرامبەر سیاسەتی سەرکوت، کوشتار و نکۆڵیکردنی کۆماری ئیسلامیدا ڕاوەستاوە و بە دانی هەزینە قورسە ئینسانییەکان، ڕۆڵی مێژووی خۆی لە پێشەنگاییەتی ئەم خەباتە ڕەوایەدا دژ بە دیکتاتۆری بەجێدەهێنێت. لە ماوەی ڕۆژانی ڕابردوودا، هاوکات لەگەڵ بەرفراوانبوونی ناڕەزایەتییە جەماوەرییەکان، هێزە ئەمنی و نیزامییەکانی کۆماری ئیسلامی بە پەنابردن بۆ توندوتیژی ئاشکرا، دەستبەسەرداگرتنە سەرەڕۆیانەکان، هێرشکردنە سەر گەڕەکەکانی نیشتەجێبوون و تەقەکردنی ڕاستەوخۆ بۆ سەر ناڕازیان، هەوڵیان داوە بە دروستکردنی کەشێکی ترس و تۆقاندن، دەنگی ناڕەزایەتییەکان کپبکەن.

بەپێی ڕاپۆرتی کۆلبەرنیووز، شارە جیاجیاکانی کوردستان، بەتایبەتی لە پارێزگاکانی ئیلام، کرماشان و ناوچە باشووریەکانی، ئەم ناوچانە بەرەوڕووی سەرکوتی توندی ناڕەزایەتییە جاماوەرییەکان بوونەتەوە. لە مەلەکشایی، کوشتاری خەڵکی بێ دیفاع، کردارە توندوتیژییەکانی هێزە ئەمنییەکان لەگەڵ ناڕازیان و دەستبەسەرکرانی بەرفراوانی هاوڵاتییان، جارێکی دیکە بووەتە هۆی ئەنجامدانی تاوانێکی ئاشکرا کە لەگەڵ گواستنەوەی دەستبەسەرکراوەکان بۆ شوێنە نادیارەکان و بێ ئاگایی خێزانەکانیان لە دۆخ و چارەنووسیان. هاوکات، لە شارەکانی دیکەی ئیلام و کرماشانیش دەستبەسەرکرانە سەرەڕۆیانەکان و کەشی ئەمنی قورس، نیشاندەری بەردەوامبوونی سیاسەتی سەرکوتی ڕێکخراوی، کۆماری ئیسلامی لە بەرامبەر داواکارییە ڕەواکانی خەڵکە. لە وەها بارودۆخێکدا، بانگەوازی مانگرتنی گشتی سەرتاسەری لە کوردستان بۆ ڕۆژی پێنجشەممە هەژدەی بەفرانباری ١٤٠٤، نەک تەنها دژ کردەوەیەکی ڕەوا بۆ توندوتیژی حکومی، بەڵکو بەردەوامبوونی نەریتی خاوەنپێشینەی خەباتگێڕانەی گەلی کوردستان لە بەکارهێنانی مانگرتن وەک ئامرازێکی کاریگەر بۆ بەرەنگاربوونەوەی فاشیزم و ئامێری سەرکوتە. کوردستان، وەک کۆمەڵگایەکی حزبی، ڕێکخراو و خاوەنی ئەزموونە مێژووییە سەرکەوتووەکان لە بەڕێوەبردنی مانگرتنە گشتییە سەرتاسەرییەکاندا، چەندین جار نیشانی داوە کە دەتوانێت بە کرداری کۆمەڵایەتی و یەکگرتوو، هاوسەنگی هێزەکان بگۆڕێت بە زیانی حکومەت.

کۆلبەرنیووز بە جەختکردنەوە لەسەر مافی گەلی کوردستان و ئێران بۆ ناڕەزایەتی، مانگرتن و نافەرمانبەری مەدەنی، پشتگیری تەواوی خۆی لەم بانگەوازە ڕادەگەیەنێت و داوا لە کرێکاران، مامۆستایان، پەرستاران، قوتابیانی زانکۆ، قوتابیانی قوتابخانە، کارمەندانی بەشە خزمەتگوزارییەکان، شوفێران، بازاڕیان و هەموو توێژەکانی کۆمەڵگا دەکات کە بە داخستنی شوێنی کار و خوێندن، بچنە ناو ئەم مانگرتنە گشتییەوە. ئەزموونە مێژووییەکانی کوردستان نیشانیان داوە کە مانگرتنی هەمەلایەنە، کاتێک لەسەر بنەمای یەکڕیزی کۆمەڵایەتی و ڕێکخراوبوونی کۆمەڵایەتی پێکدێت، دەتوانێت ببێتە هۆکارێکی بڕیاردەر لە بەهێزکردنی ناڕەزایەتییە سەرتاسەرییەکان و لاوازکردنی ئامێری سەرکوت.

کۆڵبەرنیووز هەروەها لەسەر پێویستی پاراستنی یەکڕیزی، دوورکەوتنەوە لە دووبەرەکی و ڕاوەستانی کۆمەڵایەتی لە بەرامبەر هەوڵەکانی حکومەت بۆ شکاندنی مانگرتن لە ڕێگەی هەڕەشە، ترساندن و فشارە ئەمنییەکانەوە جەخت دەکاتەوە. چارەنووسی ناڕەزایەتییەکانی ئێستا زیاتر لە هەر کاتێکی دیکە بەستراوەتەوە بە ئاستی یەکگرتوویی و بەشداربوونی ڕێکخراوی خەڵک لە کوردستان و سەرانسەری ئێران و مانگرتنی گشتی ڕۆژی پێنجشەممە دەتوانێت ببێتە خاڵێکی وەرچەرخان لە ڕێگەی بەرفراوانبوونی ئەم خەباتە سەرتاسەرییە.

کۆڵبەرنیووز لە کاتی مەحکومکردنی هەموو شێوازەکانی سەرکوت، دەستبەسەرکرانی سەرەڕۆیانە و پێشێلکردنی مافە بنەڕەتییەکانی هاوڵاتییان، جارێکی دیکە لەسەر مافی گەلی کوردستان و ئێران بۆ ئازادی، یەکسانی، ڕێزی مرۆڤایەتی و دیاریکردنی چارەنووسی خۆی پێداگری دەکات و لە پاڵ جەماوەری ناڕازیدا، لە مانگرتنی گشتی ڕۆژی پێنجشەممەی هەژدەی بەفرانباری ١٤٠٤ پشتگیری دەکات.

دەستەی بەڕێوەبەری کۆڵبەرنیووز​​​​​​​​​​​​​​​​

www.kolbarnews.com