▪️ قەسری شیرین؛ دەستبەسەرکرانیی سەرەڕۆیانە و بێ ئاگایی لە چارەنووسی وەحید شادمان لەلایەن هێزەکانی ڕژیم

وەحید شادمان، هاوڵاتی خەڵکی قەسری شیرین سەر بە پارێزگای کرماشان، بەبێ بڕیاری دادوەر لەلایەن هێزەکانی ڕژیم دەستبەسەر و بۆ شوێنێکی نادیار گواسترایەوە و تا ئێستا هیچ زانیارییەک لەبارەی دۆخ و چارەنووسی ناوبراوەوە لەبەردەستدا نییە.

بەپێی ڕاپۆرتی کۆڵبەرنیوز، ڕۆژی پێنجشەممە ١٨ی بەفرانباری ١٤٠٤، وەحید شادمان لەلایەن هێزەکانی ڕژیم بەشێوەیەکی سەرەڕۆیانە دەستبەسەرکرا و بۆ شوێنێکی نادیار گواسترایەوە. سەرەڕای تێپەڕبوونی دوو ڕۆژ لە دەستبەسەرکرانی، هێشتا هیچ زانیارییەک لەبارەی هۆکاری دەستبەسەرکران، تۆمەتەکانی دژی، شوێنی زیندانیکرام و دۆخی جەستەیی ناوبراو لەلایەن ناوەندەکانی ئەمنی و دادوەری کۆماری ئیسلامی ڕانەگەیەندراوە.

هەواڵ؛

https://ku.kolbarnews.com/91202613-2/

▪️ گیەڵان؛ دەستبەسەرکرانیی سەرەڕۆیانە و بێ ئاگایی لە چارەنووسی دلارام کازمی لەلایەن هێزەکانی ڕژیم

دلارام کازمی، هاوڵاتی خەڵکی گیەڵان سەر بە پارێزگای کرماشان، بەبێ بڕیاری دادوەر لەلایەن هێزەکانی ڕژیم دەستبەسەر و بۆ شوێنی نادیار گواسترایەوە و تا ئێستا هیچ زانیارییەک لەبارەی دۆخ و چارەنووسی ناوبراوەوە زانیارییەک لەبەردەستدا نییە.

بەپێی ڕاپۆرتی کۆڵبەرنیوز، ئێوارەی چوارشەممە ١٧ی بەفرانباری ١٤٠٤، دلارام کازمی لە کاتی ناڕەزایەتییە سەرتاسەرییەکانی ئەم شارە لەلایەن هێزەکانی ڕژیم بە بەکارهێنانی توندوتیژی دەستبەسەرکرا. لەم دەستبەسەرکرانەدا، ناوبراو بەسەختی لێدان و ئەشکەنجە کراوە بەجۆرێک هەردوو دەست و پەراسووەکانی شکاوە. ئەم هاوڵاتییە پێشتر تەنیا سێ ڕۆژ ئازادکرابوو کە دووبارە لە کاتی ناڕەزایەتیەکاندا دەستبەسەرکرایەوە.

هەواڵ؛

https://ku.kolbarnews.com/91202614-2/

▪️ دێهلوران؛ دەستبەسەرکرانیی سەرەڕۆیانەی پێنج پەرستار و ستافی چارەسەری بەتۆمەتی «چارەسەرکردنی برینداران» لەلایەن هێزەکانی ڕژیم

ئێحسان ئەحمەدی، حسێین کەرەمی، محەممەد مورادی، ئەحمەد خوسرەوی و ئەحمەد زەینی، پێنج پەرستار و ستافی چارەسەری خەڵکی شاری دێهلوران سەر بە پارێزگای ئیلام، بەبێ بڕیاری دادوەر لەلایەن هێزەکانی ڕژیم دەستبەسەرکران و بۆ شوێنیێکی نادیار گواسترانەوە و تا ئێستا هیچ زانیارییەک لەبارەی بارودۆخ و چارەنووسیان لەبەردەستدا نییە.

بەپێی ڕاپۆرتی کۆڵبەرنیوز، لە درێژەی شەپۆلی دەستبەسەرکرانی سەرەڕۆیانە بۆ سەپاندنی دۆخی سەرکوت و ئەمنیی بەسەر کۆمەڵگەدا پاش ناڕەزایەتییە سەرتاسەرییەکانی کە لە بەفرانباری ١٤٠٤ دەستی پێکردووە، ئێحسان ئەحمەدی، حسێین کەرەمی، محەممەد مورادی، ئەحمەد خوسرەوی و ئەحمەد زەینی بەهۆی هێرشی توندوتیژانەی هێزەکانی ڕژیم بۆ سەر ماڵەکانیان و بەتۆمەتی «چارەسەری برینداران» دەستبەسەرکران و بۆ شوێنێکی نادیار گواسترانەوە.

هەواڵ؛

https://ku.kolbarnews.com/91202615-2/