▪️ ئیلام و سەراوڵە؛ دەستبەسەرکرانیی سێ هاووڵاتی و بەردەوامی بێ ئاگایی لە چارەنووسیان

ئەمیرحوسێین تەعمیرکاری، محەممەدحسێن مورادی و ئەبولفەزڵ پورڕەزایی، سێ هاووڵاتی خەڵکی شاری ئیلام و سەراوڵە، لەم ڕۆژانەی دواییدا بەبێ بڕیاری دادوەر لەلایەن هێزەکانی ڕژیم دەستبەسەر و بۆ شوێنی نادیار گواسترانەوە و تا ئێستا هیچ زانیارییەک لە بارەی دۆخ و چارەنووسیان لەبەردەستدا نییە.

بەپێی ڕاپۆرتی کۆڵبەرنیوز شەممە ١٣ بەفرانبقری ١٤٠٤، محەممەدحسێن مورادی، ٤٠ ساڵ تەمەن و خەڵکی «ئاسمان ئاوا»ی سەر بە سەراوڵە، لەلایەن هێزەکانی ڕژیم دەستبەسەرکراوە. یەکشەممە چواردەی بەفرانباری ١٤٠٤، ئەبولفەزڵ پورڕەزایی، ١٨ ساڵ تەمەن و خەڵکی شاری ئیلام و دووشەممە پازدەی بەفرانباری ١٤٠٤، ئەمیرحسێن تەعمیرکاری، ٢٤ ساڵ تەمەن و خەڵکی شاری ئیلام بەبێ بڕیاری دادوەر لەلایەن هێزەکانی ڕژیم دەستبەسەرکران و بۆ شوێنی نادیار گواسترانەوە.

درێژەی هەواڵ؛

https://ku.kolbarnews.com/61202611-2/

▪️ سونقور؛ دەستبەسەرکرانیی سەرەڕۆیانەی جەواد ئوستواری، ڕاهێنەر و پاڵەوانی پێشووی زۆرانبازی

جەواد ئوستواری، ڕاهێنەر و پاڵەوانی پێشووی زۆرانبازی ئێران و ئاسیا خەڵکی شاری سونقور، بەبێ بڕیاری دادوەر لەلایەن هێزەکانی ڕژیم دەستبەسەرکرا و بۆ شوێنی نادیار گواسترایەوە و تا ئێستا هیچ زانیارییەک لەبارەی دۆخ و چارەنووسی ناوبراوەوە لەبەردەستدا نییە.

بەپێی ڕاپۆرتی کۆڵبەرنیوز، ئێوارەی دووشەممە پازدەی بەفرانباری ١٤٠٤، جەواد ئوستواری، ڕاهێنەر و پاڵەوانی پێشووی زۆرانبازی خەڵکی سونقور سەر بە شاری کرماشان، بەبێ بڕیاری دادوەر و بە شێوەیەکی سەرەڕۆیانە لەلایەن هێزەکانی ڕژیم دەستبەسەرکرا و بۆ شوێنی نادیار گواسترایەوە. تاکاتی نووسینی ئەم ڕاپۆرتە، هۆکاری دەستبەسەرکران، تۆمەتەکانی دژی، شوێنی زیندانیکردن و دۆخی جەستەیی ئەم وەرزشکارە و ڕاهێنەری پێشووی زۆرانبازییە لەلایەن ناوەندەکانی ئەمنی و دادوەری کۆماری ئیسلامی ڕانەگەیەندراوە.

درێژەی هەواڵ؛

https://ku.kolbarnews.com/61202512-2/

▪️ ئیلام؛ دەستبەسەرکرانیی سێ لاو بەهۆی هێرشی توندوتیژانەی هێزەکانی ڕژیم بۆ نەخۆشخانە و بەردەوامی بێ ئاگایی لە چارەنووسیان

سێ لاوی خەڵکی شاری ئیلام بەهۆی هێرشی هێزەکانی ڕژیم بۆ سەر نەخۆشخانەی خومەینی ئەم شارە بە شێوەیەکی توندوتیژانە دەستبەسەرکران و تا ئێستا چارەنووس و شوێنی زیندانیکرانیان نادیارە.

بەپێی ڕاپۆرتی کۆڵبەرنیوز ئێوارەی یەکشەممە چواردەی بەفرانباری ١٤٠٤، ئەمیرعەلی عەبدیان، فیروز فەرەجی، موحەممەد سەدرا مەنسووری، سێ لاوی خەڵکی شاری ئیلام، بەهۆی هێرشی هێزەکانی ڕژیم بۆ سەر نەخۆشخانەی خومەینی ئەم ئیلام، بەبێ بڕیاری دادوەر و بە بکارهێنانی توندووتیژی لەلایەن هێزەکانی ڕژیم دەستبەسەرکران و بۆ شوێنی نادیار گواسترانەوە. ئەمیرعەلی عەبدیان ١٦ ساڵ لەو دەستبەسەرکراوانەیە و تەمەن و شوێنی زیندانیی دوو لاوەکەی دیکە، فیروز فەرەجی و محەممەدسەدرا مەنسووری نادیارە.

درێژەی هەواڵ؛

https://ku.kolbarnews.com/61202513-2/