▪️ گیەڵان؛ دەستبەسەرکرانیی سەرەڕۆیانە و بێ ئاگایی لە چارەنووسی عەلی شا شیرمحەممەدپوور لەلایەن هێزەکانی ڕژیم

عەلی شا شیرمحەممەدپوور، هاوڵاتی خەڵکی گیەڵان سەر بە پارێزگای کرماشان، بەبێ بڕیاری دادوەر لەلایەن هێزەکانی ڕژیم دەستبەسەرکرا و بۆ شوێنێکی نادیار گواسترایەوە و تا ئێستا هیچ زانیارییەک لەبارەی دۆخ و چارەنووسی ناوبراوەوە لەبەردەستدا نییە.

بەپێی ڕاپۆرتی کۆڵبەرنیوز ئێوارەی پێنجشەممە ١٨ی بەفرانباری ١٤٠٤، عەلی شا شیرمحەممەدپوور لەلایەن هێزەکانی ڕژیم بە شێوەیەکی سەرەڕۆیانە دەستبەسەرکرا و بۆ شوێنێکی نادیار گواسترایەوە. سەرەرای تێپەڕبوونی چەندین ڕۆژ لە دەستبەسەرکرانی، هێشتا هۆکاری دەستبەسەرکران، تۆمەتەکانی دژی، شوێنی زیندانیکرام و دۆخی جەستەیی ناوبراو لەلایەن ناوەندەکانی ئەمنی و دادوەری کۆماری ئیسلامی ڕانەگەیەندراوە.

هەواڵ؛

https://ku.kolbarnews.com/9120268-2/

▪️ سنە؛ دەستبەسەرکرانیی سەرەڕۆیانە و بێ ئاگایی لە چارەنووسی بێهنام فاتحی لەلایەن هێزەکانی ڕژیم

بێهنام فاتحی، هاوڵاتی خەڵکی سنە و میکانیک، بەبێ بڕیاری دادوەر لەلایەن هێزەکانی ڕژیم دەستبەسەرکرا و بۆ شوێنێکی نادیار گواسترایەوە و تا ئێستا هیچ زانیارییەک لەبارەی دۆخ و چارەنووسی ناوبراوەوە لەبەردەستدا نییە.

بەپێی ڕاپۆرتی کۆڵبەرنیوز بەیانی پێنجشەممە ١٨ی بەفرانباری ١٤٠٤، بێهنام فاتحی لەلایەن هێزەکانی ئیدارەی ئیتلاعاتی شاری سنە دەستبەسەرکراوە. ئەم دەستبەسەرکرانە کاتژمێر ١٠ی سەر لەبەیانی بووە و تا ئێستا شوێنی مانەوە و دۆخی جەستەیی ناوبراو ڕانەگەیەندراوە.

هەواڵ؛

https://ku.kolbarnews.com/9120269-2/

▪️ گیەڵان؛ دەستبەسەرکرانیی سەرەڕۆیانە و بێ ئاگایی لە چارەنووسی بەردیا دەروێشی لەلایەن هێزەکانی ڕژیم

بەردیا دەروێشی، هاوڵاتی خەڵکی گیەڵان سەر بە پارێزگای کرماشان، بەبێ بڕیاری دادوەر لەلایەن هێزەکانی ڕژیم دەستبەسەرکرا و بۆ شوێنێکی نادیار گواسترایەوە و تا ئێستا هیچ زانیارییەک لەبارەی دۆخ و چارەنووسی ناوبراو لەبەردەستدا نییە.

بەپێی ڕاپۆرتی کۆڵبەرنیوز چوارشەممە ١٧ی بەفرانباری ١٤٠٤، بەردیا دەروێشی لە کاتی ناڕەزایەتییە سەرتاسەرییەکانی ئەم شارە لەلایەن هێزەکانی ڕژیم بەشێوەیەکی سەرەڕۆیانە دەستبەسەر و بۆ شوێنێکی نادیار گواسترایەوە. سەرەرای تێپەڕبوونی چەندین ڕۆژ لە دەستبەسەرکرانی ناوبراو، هێشتا هیچ زانیارییەک لەبارەی هۆکاری دەستبەسەرکردن، تۆمەتەکانی دژی ، شوێنی زیندانیکران و دۆخی جەستەیی ناوبراو لەلایەن ناوەندەکانی ئەمنی و دادوەری کۆماری ئیسلامی ڕانەگەیەندراوە.

هەواڵ؛

https://ku.kolbarnews.com/91202610-2/

▪️ ئاودانان؛ دەستبەسەرکرانیی سەرەڕۆیانە و بێ ئاگایی لە چارەنووسی ٩ هاوڵاتی لەلایەن هێزەکانی ڕژیم

ڕەحمەت ڕەشیدی، بێهروز شێخی، ئەشکان سەبزی، ئارمان کەرەمی، عارف میرزایی، ئەمیرحسێین خان محەممەدی، عەلی ئەحمەدی، ئارمین پیرانی و مستەفا سەفار، ٩ هاوڵاتی خەڵکی ئاودانان سەر بە پارێزگای ئیلام، بەبێ بڕیاری دادوەر لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە و تا ئێستا هیچ زانیارییەک لە بارەی دۆخ و چارەنووسیانەوە لەبەردەستدا نییە.

بەپێی ڕاپۆرتی کۆڵبەرنیوز، لە درێژەی شەپۆلی دەستبەسەرکرانی سەرەڕۆیانە بۆ سەپاندنی دۆخی سەرکوت و ئەمنی بۆ سەر کۆمەڵگا و لە کاتی ناڕەزایەتییە سەرتاسەرییەکانی کە لە بەفرانباری ١٤٠٤ دەستیپێکردووە، ڕەحمەت ڕەشیدی، بێهروز شێخی ٢٩ ساڵ، ئەشکان سەبزی، ئارمان کەرەمی، عارف میرزایی، ئەمیرحسێین خان محەممەدی، عەلی ئەحمەدی، ئارمین پیرانی و موستەفا سەفار بەهۆی هێرشی هێزەکانی ڕژیم بۆ سەر کافەیەک بەشێوەیەکی توندوتیژانە دەستبەسەرکران. لەم هێرشەدا، هێزەکانی ڕژیم بە هاتنەژوورەوەیەکی توندوتیژانە تەواوی کەرەستەی شوێنەکەیان تێکدا.

هەواڵ؛

https://ku.kolbarnews.com/91202611-2/

▪️ لوڕدگان؛ کوژرانیی حەوت هاوڵاتی لوڕ لە کاتی ناڕەزایەتییە سەرتاسەرییەکان لەلایەن هێزەکانی ڕژیم

مێهدی موسەوی، محەممەد موسەوی، ئەبولفەزڵ خالدی، بەهمەن فەتاحی، فەرهاد عیوزی، مەسیح جەلیل و حسێین مونسی، حەوت هاوڵاتی خەڵکی لوڕدگان سەر بە پارێزگای چوارمەحاڵ و بەختیاری، لە کاتی ناڕەزایەتییە سەرتاسەرییەکان لەلایەن هێزەکانی ڕژیمی کۆماری ئیسلامی ئێران بە تەقەی ڕاستەوخۆ کوژران و تا ئێستا هیچ زانیارییەک لە بارەی بەرپرس یان ناوی بکوژانی ئەم کوشتارە ڕانەگەیاندووە.

بەپێی ڕاپۆرتی کۆڵبەرنیوز، ئێوارەی چوارشەممە ١٧ی بەفرانباری ١٤٠٤، حسێین مونسی ٢١ ساڵ، مێهدی موسەوی ٢٧ ساڵ، ئەبولفەزڵ خالدی ٢٤ ساڵ، بەهمەن فەتاحی «میلاسی» خێزاندار و باوکی دوو منداڵ، محەممەد موسەوی، فەرهاد عیوزی و مەسیح جەلیل لە کاتی ناڕەزایەتییە جەماوەرییەکان لە لوڕدگان کرانە ئامانجی تەقەی ڕاستەوخۆی هێزەکانی ڕژیم و گیانیان لەدەستدا. بەپێی ڕاپۆرتە گەیشتووەکان، ئەم کوشتارە بەشێک لە شەپۆلی سەرکوتی فراوانی ناڕەزایەتیەکانی خەڵکی لەم شارەدا بووە و ڤیدیۆکان نیشانیدەدەن کە هێزەکانی ڕژیم بە بەکارهێنانی چەکی جەنگی تەقەیان لە ناڕەزایان کردووە.

هەواڵ؛

https://ku.kolbarnews.com/91202612-2/

▪️ قەسری شیرین؛ دەستبەسەرکرانیی سەرەڕۆیانە و بێ ئاگایی لە چارەنووسی وەحید شادمان لەلایەن هێزەکانی ڕژیم

وەحید شادمان، هاوڵاتی خەڵکی قەسری شیرین سەر بە پارێزگای کرماشان، بەبێ بڕیاری دادوەر لەلایەن هێزەکانی ڕژیم دەستبەسەر و بۆ شوێنێکی نادیار گواسترایەوە و تا ئێستا هیچ زانیارییەک لەبارەی دۆخ و چارەنووسی ناوبراوەوە لەبەردەستدا نییە.

بەپێی ڕاپۆرتی کۆڵبەرنیوز، ڕۆژی پێنجشەممە ١٨ی بەفرانباری ١٤٠٤، وەحید شادمان لەلایەن هێزەکانی ڕژیم بەشێوەیەکی سەرەڕۆیانە دەستبەسەرکرا و بۆ شوێنێکی نادیار گواسترایەوە. سەرەڕای تێپەڕبوونی دوو ڕۆژ لە دەستبەسەرکرانی، هێشتا هیچ زانیارییەک لەبارەی هۆکاری دەستبەسەرکران، تۆمەتەکانی دژی، شوێنی زیندانیکرام و دۆخی جەستەیی ناوبراو لەلایەن ناوەندەکانی ئەمنی و دادوەری کۆماری ئیسلامی ڕانەگەیەندراوە.

هەواڵ؛

https://ku.kolbarnews.com/91202613-2/

▪️ گیەڵان؛ دەستبەسەرکرانیی سەرەڕۆیانە و بێ ئاگایی لە چارەنووسی دلارام کازمی لەلایەن هێزەکانی ڕژیم

دلارام کازمی، هاوڵاتی خەڵکی گیەڵان سەر بە پارێزگای کرماشان، بەبێ بڕیاری دادوەر لەلایەن هێزەکانی ڕژیم دەستبەسەر و بۆ شوێنی نادیار گواسترایەوە و تا ئێستا هیچ زانیارییەک لەبارەی دۆخ و چارەنووسی ناوبراوەوە زانیارییەک لەبەردەستدا نییە.

بەپێی ڕاپۆرتی کۆڵبەرنیوز، ئێوارەی چوارشەممە ١٧ی بەفرانباری ١٤٠٤، دلارام کازمی لە کاتی ناڕەزایەتییە سەرتاسەرییەکانی ئەم شارە لەلایەن هێزەکانی ڕژیم بە بەکارهێنانی توندوتیژی دەستبەسەرکرا. لەم دەستبەسەرکرانەدا، ناوبراو بەسەختی لێدان و ئەشکەنجە کراوە بەجۆرێک هەردوو دەست و پەراسووەکانی شکاوە. ئەم هاوڵاتییە پێشتر تەنیا سێ ڕۆژ ئازادکرابوو کە دووبارە لە کاتی ناڕەزایەتیەکاندا دەستبەسەرکرایەوە.

هەواڵ؛

https://ku.kolbarnews.com/91202614-2/