#Eʼtibor
🇺🇿
Chempionga Prezident sovg‘asi — Aytjan Xolmaxanovga Nurafshon shahridan 3 xonali kvartira berildi

Avval xabar qilganimizdek, Xorvatiyaning Zagreb shahrida bo‘lib o‘tgan jahon chempionatida yunon-rum kurashi bo‘yicha Toshkent viloyati farzandi, O‘rta chirchiqlik Aytjan Xalmaxanov oltin medalni qo‘lga kiritdi. Bunday yutuq bilan u 24 yillik tanaffusdan so‘ng bu yo‘nalishda jahon chempioni bo‘lgan ilk o‘zbekistonlik sportchi sifatida tarixga muhrlandi.

Bugun chempionga davlatimiz rahbari tomonidan “Nurafshon Sity” hududida joylashgan ko‘p qavatli uylardan 3 xonali kvartira “Prezident sovg‘asi” topshirildi.

Marosimda viloyat va Nurafshon shahri, O‘rta Chirchiq tumani faollari, nuroniylar va yoshlar, sportchining oila a’zolari va yaqinlari ishtirok etdi.

Toshkent viloyati hokimi Zoyir Mirzayev chempionga xonadon kalitlarini topshirar ekan, yosh sportchimiz o‘zining bemisl azmu shijoati bilan xalqaro maydonlarda yurtimiz sha’nini yuksak darajada himoya qilayotgani, yuksak marralar sari intilib, yoshlarimiz uchun katta ibrat va o‘rnak namunalarini ko‘rsatayotgani, o‘z navbatida, bunday muvaffaqiyatlarga erishayotgan farzandlarimiz davlatimiz tomonidan munosib rag‘batlantirilayotganini ta’kidladi.

✅Telegram 🌐Website 📹YouTube✅Facebook 🕊Twitter