Yoshlar bilan uyma-uy muloqot va yo‘l xaritasi

Bugun Nurafshon shahrida ishsiz yoshlar bandligini ta’minlash maqsadida navbatdagi amaliy uchrashuv uyushtirildi. Ushbu jarayon davomida yoshlarga biriktirilgan mas’ul rahbarlar — shahar hokimi o‘rinbosari, Oila va xotin-qizlar bo‘limi boshlig‘i N. Djumanova hamda Nurafshon shahar Yoshlar ishlari bo‘limi boshlig‘i B. Abduqodirov o‘zlariga biriktirilgan yoshlar bilan uyma-uy yurish orqali bevosita uchrashishdi.

Muloqot davomida yoshlarning hayoti, muammolari va takliflari bilan yaqindan tanishildi. Har bir yoshning sharoiti o‘rganilib, ularni ish bilan ta’minlash, kasb-hunarga yo‘naltirish hamda tadbirkorlikka jalb etish bo‘yicha aniq choralarni belgilovchi individual “yo‘l xaritasi” ishlab chiqildi.

Mazkur tashabbus yoshlarni qo‘llab-quvvatlash, ularning bandligini ta’minlash va ijtimoiy faolligini oshirish borasida muhim bosqich bo‘lib xizmat qiladi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

Jarayon piyodalar yo‘lagi qurish ishlari davom etmoqda

Nurafshon shahrida piyodalar uchun yangi yo‘laklar qurilishi ishlari davom etmoqda. Ushbu loyiha shahar markazidagi asosiy ko‘chalarda, ayniqsa, aholining eng ko‘p harakatlanadigan joylarida amalga oshirilmoqda. Piyodalar yo‘lagi qurilishi yo‘l harakatini tartibga solish, piyodalarning xavfsizligini ta’minlash va ularning qulay harakatlanishiga yordam berish maqsadida olib borilmoqda.

Shuningdek, ushbu jarayon doirasida, ko‘cha bo‘yidagi yashil hududlarni obodonlashtirish, yoritish tizimini yaxshilash va qo‘shimcha infratuzilma elementlarini o‘rnatish ham rejalashtirilgan.

Nurafshon shahar hokimligi Axborot xizmati
Telegram |Facebook | Instagram |You tube | Web sayt