Nurafshonning markaziy ko‘chalari obodonlashtirish bo‘yicha qat’iy nazoratda

Kunning ikkinchi yarmida Nurafshon shahri hokimi boshchiligida shahar rahbarlari markaziy ko‘chalar bo‘ylab olib borilayotgan obodonlashtirish ishlari bilan yaqindan tanishdi.

Tashrif davomida hududdagi yashil maydonlar, mavjud sug‘orish tizimlari, ekilgan ko‘chatlarning holati va ularning parvarishi alohida ko‘zdan kechirildi. Shuningdek, ko‘cha bo‘ylab obodonlashtirish ishlarini tizimli ravishda tashkil etish, tozalikni saqlash va mavjud kamchiliklarni bartaraf etish bo‘yicha mutasaddilarga aniq topshiriqlar berildi.

Nurafshon shahri viloyat markazi hisoblanganligi sababli bu hududga har kuni turli darajadagi mehmonlar tashrif buyuradi. Shu bois, shahar ko‘rinishi – viloyatning yuzi, obro‘si hisoblanadi.

Hududdagi tartib-intizom, tozalik va estetik qiyofa barchamizdan mas’uliyat talab etadi. Shahar rahbariyati bu borada jamoatchilik va tadbirkorlarni faol hamkorlikka chaqirmoqda.

#Bildirish
#Diqqat

Nurafshonda qatnov harakati vaqtincha cheklanadi

⛔️ Nurafshon shahrida “Qurbon hayit” namozi tadbirlarini yuqori saviyada o‘tkazish, jamoat tartibini saqlash, aholi xavfsizligini ta’minlash, yo‘l-transport harakatini tartibga solish, turli favqulodda holatlarning oldini olish maqsadida

🚫 “Oppoq” MFY hududi:
“Ismat ota” jome masjidi yonidagi chorrahadan 4P19A yo‘lining 5-km dagi 4K712A yo‘li bilan tutashgan chorraha oralig‘i;

🚫 “Birlik” MFY hududi:
“Said ibn Vaqqos” jome masjidiga olib boruvchi Birlik ko‘chasi;

🚫 “Uchqun” MFY hududi:
“To‘y-tepa” jome masjidiga olib boruvchi To‘y-tepa ko‘chasidan Nurobod ko‘chasigacha bo‘lgan 1 km masofa uzoqlikda joriy yilning 5-iyun kuni soat 20:00 dan 6-iyun kuni soat 08:00 ga qadar avtotransport vositalari qatnovi vaqtincha cheklanadi.

Iltimos, oldindan rejalashtirib, boshqa yo‘nalishlardan foydalaning. Yuzaga keladigan noqulayliklar uchun uzr so‘raymiz.

Nurafshon shahar hokimligi Axborot xizmati
Telegram |Facebook | Instagram |You tube Web sayt