Qumariq mahallasida muammolar yuzma-yuz tinglandi: fuqarolarga amaliy yordam ko‘rsatildi

Habaringiz bor, Respublika ishchi guruhi hamda Nurafshon shahar hokimi I. Klichxanov boshchiligida shahardagi tashkilot va idoralar rahbarlari ishtirokida aholi bilan ochiq muloqotlar — sayyor qabullar muntazam ravishda o‘tkazilmoqda

Bugun esa navbat “Qumariq” mahallasiga yetib keldi. 32-sonli umumta’lim maktabi binosida tashkil etilgan sayyor qabulda mahalla aholisi o‘zlarini qiynayotgan masalalar bilan mutasaddilarga bevosita murojaat qilish imkoniyatiga ega bo‘ldi.

Sayyor qabulda Prezident Administratsiyasi huzuridagi ishchi guruh a’zolari, prokurori o‘rinbosari A.Olimov, IIB boshlig‘i o‘rinbosari Sh.Tilavov, kadastr, tibbiyot, bandlik va boshqa sohalarga mas’ul tashkilot rahbarlari ishtirok etdi. Fuqarolarning elektr energiyasi, ichimlik suvi, yer hujjatlari, tibbiy xizmatlar, bandlik, tadbirkorlikni yo‘lga qo‘yish, subsidiya ajratilishi, mahallada xavfsizlikni ta’minlash kabi dolzarb muammolari tinglandi.

“Zarbdor tajribasi” doirasida Nurafshonda infratuzilma loyihalari davom etmoqda

Nurafshon shahrida “Zarbdor tajribasi” doirasida amalga oshirilayotgan qurilish va obodonlashtirish ishlari bosqichma-bosqich davom etmoqda. Shu munosabat bilan Nurafshon shahri hokimi I.Klichxanov hamda Respublika ishchi guruhi a’zolari olib borilayotgan qurilish ishlar bilan tanishdilar.

🔹 Qumariq MFY, Kattachirik kanali bo‘yida:
Bu hududda 6 ta xizmat ko‘rsatish loyihasi doirasida quyidagi ishlar olib borilmoqda:
1.1 km yo‘l asfaltlanib, salomatlik yo‘laklari qurish, ko‘cha chiroqlari va o‘rindiqlar o‘rnatish hamda ko‘kalamzorlashtirish ishlari amalga oshirilmoqda.

🔹 Birlik MFY, “Guzelsoy” MChJ yo‘nalishi:
1,2 km uzunlikdagi yo‘l asfaltlash, piyodalar yo‘lagi va ko‘cha yoritgichlari o‘rnatiladi. Bu ishlar natijasida yaqin vaqt ichida 5 dan ortiq sanoat loyihalari ishga tushishi rejalashtirilgan.

Tashrif davomida qurilish-pudrat tashkilotlariga aniqlangan kamchiliklarni bartaraf etish bo‘yicha aniq topshiriqlar berildi.