#muhim

Korrupsiyaga qarshi kurashishni kuchaytirish masalasida yig'ilish o'tkazildi

✅Korrupsiya — jamiyat taraqqiyotiga to‘sqinlik qiluvchi eng katta illatlardan biridir. Unga qarshi kurashish — har birimizning fuqarolik burchimizdir.


✅Nurafshon shahar hokimligi majlislar zalida shahar hokimi I. Klichxanov va shahar prokurori T. Karimov boshchiligida “Korrupsiyaning oldini olish va unga qarshi kurashish” mavzusida yig‘ilish o‘tkazildi. Yig'ilishda shahardagi korxona, tashkilot va muassasalar rahbarlari, imom-xatiblar hamda mas’ul idoralar vakillari ishtirok etdi.

Tadbirda hokim va prokuror korrupsiyaning jamiyatga salbiy ta’siri, uni oldini olish va bartaraf etish bo‘yicha muhim vazifalarni belgilab berdi. Shuningdek, din vakillari ham so'zga chiqib, korrupsiyaning milliy qadriyatlarimizga salbiy ta'sirini ta’kidladi.

✅Yakunda esa korrupsiyaga qarshi kurashish va aholining huquqiy madaniyatini oshirish borasida aniq chora-tadbirlar belgilandi.

✍️Nurafshon shahar hokimligi Axborot xizmati

#muhim

Ko‘chat ekish – xalqimizga xos xayrli amallardan biri

🌿Yurtimizda atrof-muhitni asrash hamda yashil makonlarni kengaytirish borasida keng ko‘lamli ishlar amalga oshirilmoqda. Jumladan, Nurafshon shahar Ichki ishlar bo‘limi boshlig‘i Azizbek Yuldashev rahbarligida ichki ishlar organlari xodimlari tomonidan "Degantepa" mahallasi hududida xayrli tadbir o‘tkazildi.

🌿Yashil makon umummilliy loyihasi asosida soha vakillari faol ishtirok etib, 700 tup manzarali ko‘chatlar ekishdi. Natijada, mazkur hududda yangi bog‘ barpo etilishiga zamin yaratildi.

🌿Tadbirda Nurafshon shahar IIB boshlig‘i Azizbek Yuldashev quyidagilarni ta’kidladi:

"Yashil makonlarni kengaytirish nafaqat atrof-muhitni obodonlashtirish, balki kelajak avlod uchun sog‘lom hayot tarzini yaratishda muhim ahamiyat kasb etadi. Ichki ishlar xodimlari bunday xayrli tashabbuslarda doimo faol ishtirok etishga harakat qilamiz".

✍️Nurafshon shahar hokimligi Axborot xizmati

#obodlik

Tozalik - obod hayot mezoni

✅"Ma'rifat" MFY hududida obodonlashtirish ishlari avjida. Mazkur jarayonda Nurafshon shahar Obodonlashtirish boshqarmasi xodimlari faol ishtirok etmoqda.

✅Mahalla ahli va mutasaddi tashkilotlar birgalikda hududda tozalik va obodlikni taʼminlashga alohida eʼtibor qaratmoqda. Daraxt va gullar ekilib, yo‘laklar tozalanmoqda, yashil hududlar kengaytirilmoqda. Ushbu ezgu ishlar natijasida mahalla ahli uchun yanada qulay va fayzli muhit yaratilmoqda.


✍️Nurafshon shahar hokimligi Axborot xizmati

#muhim

✅ Nurafshon shahar hokimligining majlislar zalida shahar hokimi Ilxom Klichxanov navbatdagi "Hokimlik soati"ni o'tkazdi. Unda shahar hokimining o‘rinbosarlari, hokimlik apparati xodimlari, korxona va tashkilot rahbarlari ishtirok etdi.

Yig‘ilish davomida kun tartibidagi asosiy yo'nalishlar:

👉kuz-qish mavsumiga puxta tayyorgarlik ko‘rish;

👉aholi uchun zarur oziq-ovqatlarni zaxira qilish;

👉energiya tejamkorligini ta’minlash va boshqa qator masalalar atroflicha muhokama qilindi.

✅Muhokamalar yakunida barcha mas’ullarga belgilangan vazifalar ijrosi yuzasidan aniq topshiriqlar berildi.

✍️Nurafshon shahar hokimligi Axborot xizmati