#muhim

5000 qadam yurish marafoni o'tkazildi

✅Nurafshon shahar sport maktabida tibbiyot birlashmasi tarkibidagi mehnat jamoalari ishtirokida ertalabki badan tarbiya mashqlari va 5000 qadam yurish marafoni o‘tkazildi.

Tadbirning asosiy maqsadi sog‘lom turmush tarzini targ‘ib qilish, tibbiyot xodimlarining jismoniy faolligini oshirish hamda ularni sog‘lom hayot sari rag‘batlantirishdan iborat bo‘ldi. Yurish marafonida barcha bo‘lim va muassasalardan salomatligimiz posbonlari bo'lgan - shifokorlar faol ishtirok etdi.

✅Tadbir davomida ishtirokchilar salomatlik uchun muhim bo‘lgan jismoniy mashqlarni bajardilar. Yakunda yaxshi natija ko'rsatgan va boshqalarga namuna bo'lgan bir guruh xodimlar tashkilotchilarning esdalik sovg'alari bilan taqdirlandi.

✍️Nurafshon shahar hokimligi Axborot xizmati

Mahalla obod bo‘lsa, yurt obod bo‘ladi.

✅Nurafshon shahridagi "To‘ytepa" mahallasida obodonlashtirish va tozalash ishlari izchil davom etmoqda.

Mahalla hududidagi ko‘cha va yo‘llar atrofi muntazam ravishda tozalanib, ortiqcha chiqindilar olib tashlanmoqda. Ayniqsa, mahallada yashovchi fuqarolar ushbu jarayonda faol ishtirok etib, atrof-muhitni yanada obod va fayzli qilishga o‘z hissalarini qo‘shmoqdalar.

✍️Nurafshon shahar hokimligi Axborot xizmati

#dolzarb

🗓28.11.2025. "Siyosiy-ma'rifat soati" o'tkazildi

✅Bugungi kunning eng muhim va dolzarb mavzularini o'z ichiga olgan yangiliklardan xabardor etuvchi “Siyosiy ma’rifat soati” haftaning har juma kuni tashkil etib boriladi.

✅ "Siyosiy-ma'rifat soatida Nurafshon shahar hokimi o'rinbosarlari, hokimlik apparati xodimlari hamda korxona va tashkilotlar vakillari ishtirok etishdi. Bugungi o‘quv soatida: O‘zbekiston va xorijdagi ahamiyatga molik muhim jarayonlar haqida so'z bordi. Ma'naviyat targ'ibotchilarining ma'ruzalari tinglandi.

Tadbirda kun tartibidagi dolzarb masalalar muhokama qilindi. Qolaversa, ishchi-xizmatchilarining siyosiy ongi hamda fuqarolik mas’uliyatini yanada yuksaltirishga alohida e’tibor qaratildi.

✍️Nurafshon shahar hokimligi Axborot xizmati

#muhim

Mahallada kuz-qish mavsumi doirasida amaliy ishlar qilinmoqda

Nurafshon shahridagi mahallalarda hududning tozaligi va obodligini ta’minlash, aholiga qulayliklar yaratishga qaratilgan ishlar amalga oshirilmoqda. Ayniqsa, kuz-qish mavsumi doirasida issiqlik ta’minoti bilan bog‘liq amaliy harakatlar davom etmoqda. Jumladan, “Taraqqiyot” mahallasida ham tarmoqni issiqlik manbai bilan bog'lash va aholi xonadonlariga barqaror va sifatli issiqlik yetkazib berilishini ta’minlash yo'lida tarmoqlar zamonaviy texnologiyalar asosida yangilanib, muammoli nuqtalarda payvandlash ishlari ketmoqda.

✅Shuningdek, mahalla hududida obodonlashtirish ishlari ham izchil olib borilmoqda.

✍️Nurafshon shahar hokimligi Axborot xizmati

#muhim

✅Ma’lumki, probatsiya tizimi jinoyat sodir etgan shaxslarning to‘g‘ri yo‘lga tushishi, qayta jinoyat yo‘liga kirmasligi uchun barcha choralarni ko‘radi.

Kuni kecha Nurafshon shahar IIB huzuridagi Probatsiya guruhi hisobida turuvchi ozodlikdan mahrum qilish bilan bog'liq bo'lmagan jazo muddatini o'tayotgan nazoratdagi fuqarolar uchun uchrashuv tashkil etildi. Unda shahar IIB boshlig'i, podpolkovnik A. Yuldashev so'z olib, muqaddam sudlanganlar o‘rtasida qayta huquqbuzarlik va jinoyatlar sodir etilmasligiga erishish, jazo muddatini o‘tash davrida bo‘yin tovlamaslik, mehnatga halol va vijdonan yondoshgan holda belgilangan tartib-qoidalarga qat’iy amal qilish lozimligi, qolaversa, oilaviy munosabatlarda turli ijtimoiy kelishmovchiliklarga yo‘l qo‘ymaslik xususida alohida ta'kidladi.

✅Maqsad esa mazkur shaxslarning ijtimoiy moslashuviga, o‘qish va ishga joylashishiga hamda ularga huquqiy va psixologik yordam ko‘rsatilishiga ko‘maklashishdir.

✍️Nurafshon shahar hokimligi Axborot xizmati