Nurafshon shahrida Obodonlashtirish boshqarmasi xodimlari Yangi yil bayrami arafasida munosib rag‘batlantirildi

Yangi yil bayrami arafasida Nurafshon shahridagi "O'zbegim" to'yxonasida Obodonlashtirish boshqarmasi xodimlari uchun tantanali bayram tadbiri tashkil etildi. Tadbirda shahar hokimi Ilxom Klichxanov va bir guruh mas'ullar ishtirok etib, barchani kirib kelayotgan Yangi yil bilan samimiy qutladi.

🔹Shuningdek, obodonlashtirish sohasida fidokorona mehnat qilayotgan bir guruh xodimlarga esdalik sovg‘alari hamda tashakkurnomalar tantanali ravishda topshirildi. Qolaversa, xodimlarga ro‘zg‘or uchun zarur bo‘lgan qishloq xo'jaligi va oziq-ovqat mahsulotlari jamlanmasi ham taqdim etildi. Bu kabi eʼtibor va rag‘bat bayram oldidan xodimlarga ko‘tarinki kayfiyat ulashdi.

🔹Ta’kidlash joizki, 2025-yil davomida Saidburxon Azizxodjayev rahbarlik qilayotgan Obodonlashtirish boshqarmasi tomonidan shaharda obodonlashtirish va ko‘kalamzorlashtirish borasida bir qator muhim ishlar amalga oshirildi.

🔹Jumladan, “Yashil makon” umummilliy loyihasi asosida yangi bog‘lar barpo etilib, minglab daraxt va gullar ekildi. Ko‘chalar va yo‘laklar ta’mirlanib, zamonaviy yoritgichlar o‘rnatildi. Shuningdek, aholi ishtirokida muntazam obodonlashtirish tadbirlari tashkil etildi. Ushbu ishlar shaharni yanada go‘zal va qulay maskanga aylantirishga xizmat qiladi.

✍️Nurafshon shahar hokimligi Axborot xizmati