Obodonlashtirish va tozalash ishlari

✅Nurafshon shahar Obodonlashtirish boshqarmasi xodimlari tomonidan yo‘l bo‘ylari va shahar ko‘chalari bo‘ylab atrof-muhitni obodonlashtirish, hududlarni tozalash ishlari tizimli ravishda amalga oshirilmoqda. Ayniqsa, so‘nggi kunlarda boshqarma xodimlari tomonidan maxsus texnikalar yordamida "Ziyolilar" ko'chasida obodonlashtirish ishlari olib borilmoqda. Shahar obodonlashtirish boshqarmasining xodimlari ushbu jarayonda o‘z mehnatlari bilan ko‘chaning holatini yaxshilashga hissa qo‘shmoqdalar.

✍️ Nurafshon shahar hokimligi Axborot xizmati

"Oybek" mahallasi aholisi uchun Yangi yil bayrami konserti tashkil etildi

📅 2025-yil 30-dekabr holatiga

🔹Yangi - 2026-yil kirib kelishi munosabati bilan butun Respublikamiz bo‘ylab ko‘tarinki ruhda bayram tadbirlari o‘tkazilmoqda.

🔹Nurafshon shahri hokimi I. Klichxanov tomonidan tasdiqlangan reja-grafik asosida 2025-yil 20-dekabrdan 30-dekabrgacha 16 ta mahalla fuqarolar yig‘inlarida keng ko‘lamli bayram tadbirlari va konsert dasturlari bo‘lib o‘tmoqda.

Jumladan, 30-dekabr kuni "Oybek" mahallasida aholi uchun quvonchli va ko‘ngilochar bayram dasturi tashkil etildi. Tadbirlar jarayonida shahar mahalla uyushmasi mas'ullari ishtirokida Madaniyat bo‘limi san’atkorlari tomonidan kuy-qo‘shiqlar ijro etildi. Ishtirokchilar tomonidan namoyish qilingan sahna ko‘rinishlari va maftunkor raqslar, ayniqsa, Qorbobo va qorqizning chiqishlari barchaga bayramona kayfiyat ulashdi.

✍️Nurafshon shahar hokimligi Axborot xizmati

Yangi yil bayrami arafasida Nurafshon shahrida arzonlashtirilgan yarmarkalar davom etmoqda

📅 2025-yil 30-dekabr holatiga

✅Yangi yil bayrami arafasida Nurafshon shahri hokimi I. Klichxanov tomonidan tasdiqlangan  reja asosida mahallalarda arzonlashtirilgan qishloq xo‘jaligi va oziq-ovqat mahsulotlari savdo yarmarkalari tashkil etilmoqda. Ana shunday navbatdagi yarmarka “Dehqonobod” mahallasida bo‘lib o‘tdi.

Yarmarkada aholining kundalik ehtiyoji uchun muhim bo‘lgan sifatli hamda arzon mahsulotlar keng assortimentda  savdoga chiqarildi. Mahalla aholisining mahsulotlarga yuqori talab bildirgani, ularning bunday yarmarkalarga ehtiyoji katta ekanini ko‘rsatadi.

✅Ta’kidlash lozimki, aholini qo‘llab-quvvatlash va ularni sifatli mahsulotlar bilan ta’minlash maqsadida shunday arzonlashtirilgan savdo yarmarkalari shahar bo‘ylab barcha mahallalarda muntazam o‘tkazilmoqda.

✍️Nurafshon shahar hokimligi Axborot xizmati

#yangi_yil_shukuhi

Nurafshon shahrining bosh archasi qad rostlagan maydonda Yangi yil shukuhi hamda bayramona kayfiyat hukmron.

✅Quyidagi manzil orqali Yangi yil bayrami nishonlanayotgan asosiy maydonga keling, ko'ring va bayram shodligidan bahramand boʻling.
📍Manzil

✍️Nurafshon shahar hokimligi Axborot xizmati

Nurafshon shahrida oilaviy bolalar uylari tarbiyalanuvchilari uchun “Prezident sovg'asi”ni topshirish tadbiri bo'lib o'tdi

🔹Nurafshon shahrining markaziy maydonida qad rostlagan archa atrofida "Prezident sovg'asi"ni topshirish tadbiri o'tkazildi. Mazkur bayram tadbirida alohida e’tibor va g‘amxo‘rlikka muhtoj bo‘lgan oilaviy bolalar uyida tarbiyalanuvchi 15 nafar bolajonlar hamda tegishli soha mas'ullari ishtirok etdi.

Nurafshon shahar hokimi Ilxom Klichxanov bezatilgan Yangi yil archasi atrofida bolajonlarni bayram bilan samimiy tabriklab, davlatimiz tomonidan ularning har tomonlama yetuk insonlar bo‘lib tarbiyalanishlari uchun barcha sharoit va imkoniyatlar yaratib berilayotganini alohida ta’kidladi.

🔹Qorbobo va qorqiz ishtirokida bayramona ruhda tashkillangan tadbirda shahar hokimi tomonidan davlatimiz rahbarining sovg‘alari tantanali tarzda topshirildi.

✅Bu e’tibor va g‘amxo‘rlik o'g'il-qizlar uchun unutilmas va quvonchli lahzalarga aylandi.