#rag‘bat

Nurafshon shahrida Obodonlashtirish boshqarmasi xodimlari  rag‘batlantirildi

Yangi yil bayrami arafasida Nurafshon shahridagi "O'zbegim" to'yxonasida Obodonlashtirish boshqarmasi xodimlari uchun tantanali bayram tadbiri tashkil etildi.

Sohada fidokorona mehnat qilayotgan bir guruh xodimlarga esdalik sovg‘alari hamda tashakkurnomalar tantanali ravishda topshirildi. Qolaversa, xodimlarga ro‘zg‘or uchun zarur bo‘lgan qishloq xo'jaligi va oziq-ovqat mahsulotlari jamlanmasi ham taqdim etildi. Bu kabi eʼtibor va rag‘bat bayram oldidan xodimlarga ko‘tarinki kayfiyat ulashdi.

Ta’kidlash joizki, 2025-yil davomida  boshqarma tomonidan shaharda obodonlashtirish va ko‘kalamzorlashtirish borasida bir qator muhim ishlar amalga oshirildi.

Jumladan, “Yashil makon” umummilliy loyihasi asosida yangi bog‘lar barpo etilib, minglab daraxt va gullar ekildi. Ko‘chalar va yo‘laklar ta’mirlanib, zamonaviy yoritgichlar o‘rnatildi. Shuningdek, aholi ishtirokida muntazam  obodonlashtirish tadbirlari  tashkil etildi. Ushbu ishlar shaharni yanada go‘zal va fayzli maskanga aylantirishga xizmat qiladi.

✅Telegram 🌐Website 📹YouTube✅Facebook 🕊Twitter