Nurafshonda xalqaro investitsiyaviy hamkorlik istiqbollari muhokama qilindi

Nurafshon shahri hokimi Ilxom Klichxanov Xitoyning “CCSP Holding Group” kompaniyasi rahbari va O‘zbekistondagi Jiangsu provinsiyasi Savdo palatasi prezidenti janob Yuan Jichjouni qabul qildi. Uchrashuv davomida zamonaviy dual ta’lim tizimini joriy etish bo‘yicha hamkorlik masalalari muhokama qilindi.

🔹Muzokaralarda yoshlarni zamonaviy kasb va mutaxassisliklarga yo‘naltirish maqsadida ko‘p tarmoqli o‘quv markazini tashkil etish tashabbusi ilgari surildi.

🔹Mazkur kompaniya Xitoyda muhandislik boshqaruvi modelini o‘z ichiga olgan, xalqaro darajada tan olingan mehnat, ta’lim, boshqaruv va texnologiya yo‘nalishlarida yuqori malakali mutaxassislarni tayyorlovchi o‘quv akademiyasi tizimini shakllantirgani bilan ajralib turadi. Uning markaziy shtab-kvartirasi Xitoyning Jiangsu provinsiyasidagi Jiangning tumanida joylashgan bo‘lib, hozirda BAA, Tailand va endilikda O‘zbekistonda ham o‘z filialini tashkil etish rejalashtirilmoqda.