❗️DIQQAT TANLOV

O‘zbekiston Respublikasi Prezidentining 2025-yil 13-dekabrdagi "Tadbirkorlik subyektlariga davlat, professional, konsalting, moliyaviy, injiniring, marketing, media, IT va operasion xizmatlarni kompleks ko‘rsatish tizimini joriy etish chora-tadbirlari to‘g‘risida"gi PQ-375-sonli qarori hamda viloyat hokimining tegishli qarori asosida tadbirkorlik subyektlarini har tomonlama qo‘llab-quvvatlash, ularga qulay va tizimli xizmatlar ko‘rsatish maqsadida “Biznes hamroh” loyihasi amaliyotga joriy etilmoqda.

✅ Mazkur loyiha doirasida Savdo-sanoat palatasi
Toshkent viloyati hududiy boshqarmasi qoshida, viloyat Davlat xizmatlari markazi binosida joylashgan holda tadbirkorlarga xususiy va konsalting xizmatlari yo‘lga qo‘yiladi. Jumladan:

⚡️ “Biznes hamroh” loyihasi doirasida ko‘rsatiladigan xizmatlar;
🔴 Soliq hisobotini (deklaratsiyasini) tayyorlash va soliq hisobini yuritish;
🔴 Buxgalteriya hisobini tashkil etish, yuritish va hisobot tuzish;
🔴 Moliyaviy hisobotlarni tayyorlash va taqdim etish;
🔴 Auditorlik xizmatlari;
🔴 Biznes-reja ishlab chiqish va kredit olish uchun hujjatlar tayyorlash;
🔴 Yuridik xizmatlar (ta’sis hujjatlari, shartnomalar va o‘zgartirishlar);
🔴 Xorijiy bozorlar uchun tijorat takliflari tayyorlash;
🔴 Bojxona rasmiylashtiruvi (eksport-import, deklaratsiyantlik);
🔴 Birja savdolarida ishtirok etish (brokerlik);
🔴 Korxona logotipi va tovar belgisi ishlab chiqish;
🔴 Intellektual mulkni huquqiy muhofaza qilish (patent vakilligi);
🔴 Marketing tadqiqotlari va reklama xizmatlari;
🔴 IT va raqamlashtirish (ERP, CRM, elektron hujjat aylanishi);
🔴 Kadrlar tanlash, HR-konsalting va kadrlar hujjatlari;
🔴 Biznes-missiyalar va tashriflar tashkil etish;
🔴 ISO, Halal va boshqa sertifikatlarni rasmiylashtirish.

O‘zbekiston Savdo-sanoat palatasi ko‘rsatib o‘tilgan xizmatlarni amalga oshirishga ixtisoslashgan hamda yetarli salohiyat, tajriba va sharoitlarga ega bo‘lgan TADBIRKORLIK SUBYEKTLARI o‘rtasida tanlov e’lon qiladi.

Tanlovda ishtirok etish istagini bildirgan tadbirkorlik subyektlari tomonidan 2026-yilning 1-martigacha quyidagi hujjatlarning elektron nusxalarini O‘zbekiston Savdo-sanoat palatasining hududiy boshqarmalarining elektron manziliga taqdim etishlari so‘raladi:

1. Tadbirkorlik subyektini davlat ro‘yxatidan o‘tganlik haqida guvohnoma;
2. Faoliyat turi bilan shug‘ullanishni tasdiqlovchi hujjat (rasmiy guvohnoma, ruxsatnoma, litsenziya, malaka sertifikati);
3. Moliyaviy (bank rekvizitlari) va xodimlar (personal) salohiyati;
4. Korxonaning reyting ko‘rsatkichlari;
5. Ushbu yo‘nalishlarda korxonaning hamkorlari (agar, bundan oldin qaysi korxonalar bilan aynan shu xizmat turi bilan ishlagan bo‘lsa).

ℹ️ Izoh: Tadbirkorlik subyektlari ehtiyojidan kelib chiqib, Savdo-sanoat palatasiga ushbu ro‘yxatni qo‘shimcha xizmatlar bilan kengaytirish huquqi berilgan.

✅ Mazkur xizmatlar tadbirkorlarning vaqt va xarajatlarini tejash, biznesni qonuniy, shaffof va samarali yuritishga ko‘maklashish maqsadida tashkil etilmoqda.

Murojaat uchun telefon raqamlari:

📞 99 495 50 03
📞 88 843 03 03

#vakansiya

#bo‘sh_ish_o‘rinlari

🗓Yanvar oyi holatiga Nurafshon shahrida joylashgan korxona va tashkilotlarda mavjud bo‘lgan bo‘sh ish o‘rinlari to‘g‘risida ma’lumot.

🔴Eslatib o‘tamiz, mazkur bo‘sh ish o‘rinlariga ishga kirish istagida bo‘lsangiz Nurafshon shahar Kambag‘allikni qisqartirish va bandlikka ko‘maklashish bo‘limiga murojaat qilish tavsiya etiladi.

🔴 Ish izlayotgan yaqinlarga ham ulashing, siz ishli bo‘lsangiz, biz xursand bo‘lamiz.

Murojaat uchun telefon: +99899 873 8058

✅Nurafshon shahar Kambag‘allikni qisqartirish va bandlikka ko‘maklashish bo‘limi ma'muriyati

✍️Nurafshon shahar hokimligi Axborot xizmati

Nurafshon shahrida jinoyatchilikka qarshi kurashish bo‘yicha seminar tashkil etildi

2026-yil 17-yanvar kuni Nurafshon shahridagi "Tong" madaniyat markazida O‘zbekiston Respublikasi Prezidentining 2026-yil 5-yanvarda qabul qilingan “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi PQ-1-son qarori ijrosini ta’minlash, shuningdek, ushbu hujjatning mazmun-mohiyati va ahamiyatini keng jamoatchilikka yetkazish maqsadida jinoyatchilikka qarshi kurashish, jinoyatlarning oldini olish va xavfsiz muhitni ta’minlashga qaratilgan seminar tashkil etildi.

✅Tadbirda huquqni muhofaza qiluvchi idoralar vakillari, shahar hokimligi mas’ullari, mahalla "yettiligi" a’zolari ishtirok etdi.

Seminar davomida viloyat prokuraturasi mas'ul xodimi D. Isroilov, Nurafshon shahar prokuror o‘rinbosari A. Olimov va IIB boshlig‘i o‘rinbosari S. Kubekbayevlar tomonidan mazkur yo‘nalishdagi asosiy vazifalar, erishilajak amaliy natijalar va qarorning ahamiyati yuzasidan atroflicha ma’lumot berildi.

Shuningdek, huquqbuzarliklarning barvaqt oldini olish va mahallalarda xavfsiz muhitni yaratish borasida amalga oshirilayotgan ishlar muhokama qilindi.

Tadbir doirasida ochiq muloqot tarzida o‘zaro fikr almashildi, taklif va tavsiyalar bildirildi.

🔹Mazkur seminar jinoyatchilikka qarshi kurashishda davlat idoralari va jamoatchilik hamkorligining muhimligini yana bir bor namoyon etdi. Qaror ijrosining samarali yo‘lga qo‘yilishi mahallalarda xavfsiz muhitni yaratishda muhim omil bo‘lib xizmat qiladi. Bunday tadbirlar aholining huquqiy ongi va faolligini oshirishga xizmat qilmoqda.

✍️Nurafshon shahar hokimligi Axborot xizmati

#2026-yil

🔹2026-yil — "Mahallani rivojlantirish va jamiyatni yuksaltirish yili"

✍️Nurafshon shahar hokimligi Axborot xizmati