Nurafshon shahrida probatsiya nazoratida turgan shaxslar bilan manzilli profilaktik tadbirlar o‘tkazildi

🇺🇿 Tadbirda Nurafshon shahri prokurori T. Karimov, Nurafshon shahri ichki ishlar bo‘limi boshlig‘i A. Yuldashev hamda jinoyat ishlari bo‘yicha Nurafshon shahri sudi raisi G‘. Amonov ishtirok etdilar.

✅ Tadbirlar davomida o‘g‘rilik, talonchilik, bosqinchilik, bezorilik, qotillik, nomusga tegish kabi jinoyatlarni sodir etgan retsidivist va o‘ta xavfli retsidivistlar, shuningdek, og‘ir va o‘ta og‘ir turdagi jinoyatlar uchun sudlangan hamda probatsiya nazoratida bo‘lgan shaxslar tomonidan takroriy jinoyatlar sodir etilishining oldini olish masalalariga alohida e’tibor qaratildi.

👥 Ushbu toifadagi shaxslar bilan mas’ul rahbarlarning shaxsiy nazorati ostida ijtimoiy moslashtirish, huquqiy targ‘ibot hamda profilaktik chora-tadbirlar tizimli ravishda amalga oshirildi.


✍️Nurafshon shahri hokimligi Axborot xizmati

Nurafshon shahrida yashirin iqtisodiyotga qarshi kurash va biznesni soyadan chiqarish masalalari muhokama qilindi.

Nurafshon shahar prokurori T.Karimov va shahar davlat soliq inspeksiyasi boshlig‘i J.Sayfiev boshchiligida tadbirkorlik sub’ektlari hamda mutasaddi tashkilotlar vakillari ishtirokida yig‘ilish bo‘lib o‘tdi.

Yig‘ilishda mamlakatimizda yashirin iqtisodiyot ulushini qisqartirish, naqdsiz hisob-kitoblarni ommalashtirish, biznes faoliyatini qonuniy asosda yuritishni rag‘batlantirish hamda tadbirkorlik uchun teng va adolatli raqobat muhitini shakllantirish masalalari muhokama qilindi.

Ta’kidlanganidek, 2025 yil 10 dekabrda qabul qilingan O‘zbekiston Respublikasi Prezidentining “Naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan qo‘shimcha chora-tadbirlar to‘g‘risida”gi PF–246-son Farmoniga muvofiq, 2030 yilga qadar yashirin iqtisodiyot ulushini bosqichma-bosqich qisqartirish bo‘yicha muhim maqsadli ko‘rsatkichlar belgilangan.

Yig‘ilishda 2026 yildan boshlab joriy etilayotgan yangiliklar, xususan:
— ayrim tovar va xizmatlar uchun to‘lovlarni faqat bank kartalari yoki elektron to‘lov tizimlari orqali amalga oshirish tartibi;
— savdo va xizmat ko‘rsatish sohasida Yagona QR-kod tizimining joriy etilishi;
— aylanmadan olinadigan soliq stavkasi 1 foiz etib belgilanganligi;
— “Paynet Xolis” raqamli platformasining imkoniyatlari
batafsil tushuntirib berildi.

Shuningdek, tadbirkorlarga yaratilgan imtiyoz va qulayliklardan oqilona foydalanish, faoliyatni amaldagi qonunchilik talablariga muvofiq yuritish, naqdsiz hisob-kitoblarni keng joriy etish orqali yashirin iqtisodiyotga barham berish muhimligi alohida qayd etildi.

Yig‘ilish yakunida tadbirkorlik sub’ektlariga qonun talablariga qat’iy rioya qilish, faoliyatni ochiq va shaffof tashkil etish hamda davlat organlari bilan hamkorlikni kuchaytirish bo‘yicha tegishli tavsiya va ko‘rsatmalar berildi.

https://t.me/Nurafshonpressa

📌 #TIBBIY_KORIK

🇺🇿 Respublika ishchi guruh rahbariyatining topshirig'iga muvofiq Nurafshon shahar "DEHQONOBOD" MFYda aholi, ayniqsa pensiya yoshdagi hamda ijtimoiy himoyaga muhtoj fuqarolarning salomatligini monitoring qilish va kasalliklarni erta aniqlash, shuningdek, profilaktika ishlarini kuchaytirish maqsadida, tajribali va yukori malakali mutaxassislarni jalb etgan holda chuqurlashtirilgan tibbiy ko'rik tashkil etildi.

🩺 Tibbiy ko'rik davomida 86 nafar fuqarolar tibbiy ko'rikdan o'tkazildi.
Jumladan:
- 3 nafar semizlik;
- 6 nafar oshqozon ichak a'zolari kasalligi;
- 3 nafar nevrologik;
- 10 nafar yurak qon-tomir kasalligi;
- 64 nafar amaliy sog'lomlashtirish ishlari olib borildi.
Shuningdek,
- 5 nafar fuqaroga statsionar davolanishga, 12 nafar fuqaroga – ambulator davolanishga tavsiya etildi.
- 2 nafar fuqaroga (bemorga) moddiy yordam sifatida (beg'araz) zaruriy dori-darmon bilan tarqatildi.

✍️Nurafshon shahar hokimligi Axborot xizmati