✅✅✅✅

JAMIYAT RIVOJI VA OILA BAXTINING TAYANCHI — AYOL

Bugun Nurafshon shahar hokimligida faoliyat yuritayotgan fidokor xotin-qizlar 8-mart bayrami bilan samimiy muborakbod etilib, taqdirlandi.

🔸Tadbirda shahar hokimi Ilxom Klichxanov barcha ayollarni samimiy qutlab, ularga ezgu tilaklarini bildirdi. U o‘z nutqida xotin-qizlarning fidokorona mehnati, mas’uliyatli faoliyati va jamiyat taraqqiyotiga qo‘shayotgan munosib hissasi har doim yuksak qadrlanishini ta’kidladi.

💠 Bayram munosabati bilan hokimlikda faoliyat yuritayotgan xotin-qizlarga esdalik sovg‘alari va tashakkurnomalar topshirildi. Taqdirlash marosimi bugun jamiyatda xotin-qizlar mehnatini e’tirof etish va qadrlashning yana bir ifodasi bo‘ldi.

Telegram 🌐Instagram 📹YouTube✅Facebook

✅✅✅✅

AYOL DEPUTATLARGA EHTIROM

⚡Bugungi kunda o‘zbek ayoli jamiyatning barcha jabhalarida faol ishtirok etib, nafaqat oila, balki davlat va hokimiyat boshqaruvida ham munosib o‘rin egallab kelmoqda. Ular o‘z fidoyiligi, bilim va tashabbuskorligi bilan jamiyat rivojiga munosib hissa qo‘shmoqda.

Xalqaro xotin-qizlar kuni munosabati bilan Nurafshon shahar hokimligi hamda Xalq deputatlari Nurafshon shahar Kengashi tomonidan shahar Kengashida faoliyat yuritayotgan ayol deputatlarning jamiyat va davlat boshqaruvidagi faoliyati alohida e’tirof etildi.

✅ Tadbirda shahar hokimi Ilxom Klichxanov va Xalq deputatlari Nurafshon shahar Kengashi raisi O'tkir Rashidov barcha ayol deputatlarni samimiy tabriklab, ularga ezgu tilaklarini bildirdi. Ularning jamiyat rivojidagi o‘rni, tashabbuskorligi, fidoyiligi hamda hududlarni rivojlantirish yo‘lidagi faol sa’y-harakatlari alohida e’tirof etildi.

✅️Bayram munosabati bilan ayol deputatlarga ehtirom ko‘rsatilib, ularga esdalik sovg‘alari va tashakkurnomalar topshirildi.

Telegram 🌐Instagram 📹YouTube✅Facebook