#bildirish

Hurmatli viloyatimiz ahli va mehmonlari!

Xabaringiz bor, joriy yilda Navro‘z umumxalq bayrami “Navro‘zni ulug‘lash – insonni ulug‘lashdir” shiori ostida yurtimiz bo‘ylab ko‘tarinki ruhda nishonlanmoqda.

Shu munosabat bilan Sizlarni 21–22-mart kunlari viloyatimiz markazi — go‘zal va navqiron Nurafshon shahridagi Nurafshon Siti hududida bo‘lib o‘tadigan “Navro‘z” umumxalq sayliga taklif etamiz.

Bayram sayli davomida Siz milliy qadriyatlarimiz va asori-atiqalarimizni o‘zida mujassamlashtirgan, Navro‘z ruhi va falsafasiga monand rang-barang lahzalarga guvoh bo‘lishingiz mumkin.

Buning uchun ayni paytda juda katta tashkiliy-tayyorgarlik ishlari olib borilmoqda.

Xususan, tuman va shaharlar hamda viloyatimizdagi boshqarma va tashkilotlar tomonidan tashkil etiladigan bayram povilonlarida:

🤔 xalq o‘yinlari va milliy an’analar, urf-odatlar namoyishi;

🤔 milliy sport turlari bo‘yicha musobaqalar, (jumladan, belbog‘li kurash);

🤔 “Varraklar sayli”;

🤔folklor-etnografik jamoalar chiqishlari, askiya bazmi va masxarabozlar shousi:

🤔 amaliy san’at va milliy hunarmandchilik ko‘rgazmalari;

🤔Navro‘zning shohona taomlari — sumalak, xalim va ko‘k somsalardan tashqari kundalik taomnomamizdan o‘chib, deyarli unutilib borayotgan asl sof, tabiiy darmondorili milliy yeguliklar tortiladigan dasturxonlar — boshqacha aytganda "Atala"xonimdan tortib, "Palovxonto‘ra"gacha Sizlarni kutadi!

Bundan tashqari, san’at ustalari va ijrochi yoshlar, havaskor dastalarning bayram dasturlariga ham guvoh bo‘lasiz.

Sayilga keluvchilar uchun bayram kunlari qo‘shimcha qulayliklar yaratish maqsadida hududlardan Nurafshon shahriga jamoat transportlari ko‘paytiriladi.

✨Barchangizni ushbu unutilmas bayram shodiyonalariga chorlab qolamiz!

⚠️Diqqat!

⛔️Bayram tadbirlarini yuqori saviyada o‘tkazish, jamoat tartibini saqlash hamda fuqarolar xavfsizligini ta’minlash maqsadida sayil o‘tkaziladigan hududda vaqtincha transport harakati cheklanadi.

Barchangizni bayramni ko‘tarinki kayfiyatda, birgalikda, quvonch, zavq va shukronalik bilan nishonlashga chorlaymiz!

Tinch va osoyishta yurtimizda bayramlar bayramlarga ulanaversin!

SAYILGA MARHAMAT!

📍Manzil

✅Telegram 🌐Website 📹YouTube✅Facebook 🕊Twitter 🌐Instagram