✅✅✅✅

Nurafshon shahrida badiiy gimnastika hamda badminton sport turlari bo‘yicha Prezident olimpiadasi va “Olimpiya cho‘qqilari” musobaqasining shahar bosqichi bo‘lib o‘tdi

✅Mazkur musobaqalar yoshlar o‘rtasida sportni keng ommalashtirish, iqtidorli sportchilarni aniqlash hamda ularni keyingi bosqichlarga saralab olish maqsadida tashkil etildi. Unda shahardagi ta’lim muassasalari va sport maktablaridan kelgan o‘quvchi-yoshlar faol ishtirok etdi.

Bellashuvlar davomida ishtirokchilar o‘z mahorati, chaqqonligi va jismoniy tayyorgarligini namoyon etib, har bir yo‘nalishda murosasiz kurash olib bordilar.

Ayniqsa, badiiy gimnastika chiqishlari o‘zining nafisligi va uyg‘un harakatlari bilan tomoshabinlarga ko‘tarinki kayfiyat ulashdi, badminton bahslari esa keskin va qiziqarli ruhda kechdi.

Musobaqa yakunlariga ko‘ra, g‘olib va sovrindorlar aniqlanib, ular diplom hamda esdalik sovg‘alari bilan taqdirlandi. Eng yaxshi natija qayd etgan sportchilar viloyat bosqichida ishtirok etish huquqini qo‘lga kiritdilar.

✅Telegram 🌐Instagram
📹YouTube✅Facebook