✅✅✅✅

Nurafshon shahrida “Uch avlod uchrashuvi” va shukronalik tadbirlari o‘tkazildi

“Navro‘z sayllari va shukronalik tadbirlari” doirasida o‘tkazilayotgan ma’naviy-ma’rifiy hamda targ‘ibot tadbirlari xalqimizning boy milliy qadriyatlarini ulug‘lash, ajdodlar merosiga hurmat ruhini mustahkamlashga xizmat qilmoqda. Ayniqsa, Navro‘z bayrami munosabati bilan tashkil etilayotgan bunday uchrashuvlar turli avlod vakillarini bir maydonda jamlab, ular o‘rtasida samimiy muloqotni yo‘lga qo‘yishda muhim ahamiyat kasb etadi.

🌀Shu munosabat bilan Nurafshon shahridagi Navro‘z mahallasining “Nuroniylar maskani”da “Uch avlod uchrashuvi” tadbiri yuqori saviyada tashkil etildi. Unda mahalla nuroniylari, o‘rta avlod vakillari hamda yoshlar ishtirok etib, hayotiy tajriba, urf-odat va an’analar haqida o‘zaro fikr almashdilar. Keksalar tomonidan bildirilgan pand-nasihatlar yoshlar qalbida milliy g‘urur va vatanparvarlik tuyg‘ularini yanada mustahkamladi.

✅️Tadbir doirasida “Yoshlar nafasi — ma’naviyat sadosi!” shiori ostida shukronalik targ‘ibot tadbiri ham o‘tkazildi. Unda yoshlar tomonidan Vatanga sadoqat, tinchlikning qadri, bugungi farovon hayot uchun shukronalik tuyg‘ulari madh etildi. Turli chiqishlar, she’rlar va sahna ko‘rinishlari orqali ishtirokchilarga ma’naviy ozuqa ulashildi.

Mazkur tadbirlar mahalla ahlining birligini mustahkamlash, avlodlar o‘rtasida uzviylikni ta’minlash hamda yoshlarni milliy qadriyatlar ruhida tarbiyalashda muhim omil bo‘ldi. Bunday uchrashuvlar kelgusida ham davom ettirilib, jamiyatda o‘zaro hurmat, mehr-oqibat va hamjihatlik muhitini yanada mustahkamlashga xizmat qiladi.

✅Telegram 🌐Instagram 📹YouTube✅Facebook