✅✅✅✅

Yangiobod mahallasida navro‘z, shukronalik va birdamlik ayyomi

❕Yurtimiz bo‘ylab keng nishonlanayotgan Navro‘z umumxalq bayrami bu yil ham yuksak ruh, milliy qadriyatlarga sadoqat va insoniy fazilatlarni ulug‘lash kabi ezgu g'oyalar asosida keng nishonlanmoqda. Xususan, Nurafshon shahrida ushbu qadimiy ayyom yangilanish, mehr-oqibat va hamjihatlik timsoli sifatida ko‘tarinki kayfiyatda o‘tkazildi.

Shahar hududidagi Yangiobod mahallasida tashkil etilgan “Navro‘z sayllari va shukronalik tadbirlari” doirasidagi tantanalar alohida shukuh va fayz bilan o‘tdi. Bayram tadbirida mahalla ahli, nuroniylar, yoshlar hamda keng jamoatchilik vakillari ishtirok etib, yurtimiz tinchligi va xalqimiz farovonligi yo‘lida ezgu tilaklar bildirildi.

🔂Tadbir dasturi rang-barang chiqishlarga boy bo‘lib, unda yosh iste’dod egalari tomonidan sahna ko‘rinishlari namoyish etildi. San’atkorlar ijrosidagi kuy-qo‘shiqlar esa yig‘ilganlarga bayramona kayfiyat ulashdi. Shuningdek, mahalla sport hayotida faol ishtirok etib, yuqori natijalarga erishgan sportchilar tantanali ravishda taqdirlandi.

🔂Bayram doirasida aholi uchun sovrinli shou-dasturlar, milliy o‘yinlar va turli ko‘ngilochar tadbirlar tashkil etilib, fuqarolarning mazmunli hordiq chiqarishiga imkon yaratildi. Ushbu tadbirlar orqali mahallada o‘zaro hurmat, birdamlik va hamjihatlik muhitini yanada mustahkamlashga alohida e’tibor qaratildi.

Navro‘z bayrami Yangiobod mahallasida nafaqat milliy an’analarimizni ulug‘lash, balki shukronalik tuyg‘ularini mustahkamlash, aholi o‘rtasida mehr-oqibat va totuvlikni yanada rivojlantirishga xizmat qilgani bilan ahamiyatli bo‘ldi.

✅Telegram 🌐Instagram 📹YouTube✅Facebook

Nurafshonda yangi “Raqamli innovatsiyalar vodiysi” loyihasini amalga oshirish bo'yicha muhim muzokaralar o‘tkazildi

❕Bugun Nurafshon shahar hokimi Ilxom Klichxanov Osiyo taraqqiyot banki vakillari bilan uchrashib, 2027–2030-yillarda amalga oshirilishi rejalashtirilgan yirik "Digital innovation valley" loyihasini muhokama qildi.

Muloqotda Raqamli texnologiyalar vazirligi Toshkent viloyati bo'linmasi boshlig'i X. Yo'ldoshev ham ishtirok etdi.

Loyiha umumiy 35 gektar hududni qamrab olib, unda IT Park, innovatsiyalar markazi, ilmiy-tadqiqot institutlari, zamonaviy laboratoriyalar, konferensiya zallari, ta’lim binolari hamda turar joy infratuzilmasi barpo etilishi rejalashtirilgan.

🔂Shuningdek, loyiha doirasida qiymati 200 million AQSH dollari bo‘lgan sun’iy intellekt va raqamli texnologiyalar bo‘yicha milliy markaz tashkil etilishi rejalashtirilgan.

Loyihaning amalga oshirilishi natijasida:

✔️ 500+ ilmiy va innovatsion loyihalar amalga oshiriladi
✔️ 160+ texnologik prototiplar yaratiladi
✔️100+ startaplar shakllantiriladi
✔️10 mln dollar xususiy investitsiyalar jalb qilinadi
✔️ 40 ta texnologik yechim tijoratlashtiriladi
✔️10 ta startap xalqaro bozorlarga chiqadi

Uchrashuvda tomonlar loyihani dastlabki tashkiliy jarayonlari, joy tanlash va zaruriy kommunikatsiyalar bilan ta'minlanishi, shuningdek loyihani bosqichma-bosqich amalga oshirish, hududda zamonaviy innovatsion ekotizim yaratish va yangi ish o‘rinlarini tashkil etish masalalarini atroflicha muhokama qildilar.

✅Telegram 🌐Website 📹YouTube✅Facebook 🕊Twitter 🌐Instagram