✅✅✅✅

Nurafshon shahrida navbatdagi fuqarolar qabuli bo'lib o'tdi

Qabul jarayonida Nurafshon shahar hokimi I. Klichxanov, shahar prokurori T. Karimov, shahar IIB boshlig‘i A. Yuldashev, Oila va xotin-qizlar bo‘limi boshlig‘i N. Djumanova hamda tegishli tashkilot va idoralar rahbarlari ishtirok etdilar.

🔂Muloqot davomida fuqarolarning ijtimoiy himoya, moddiy va tibbiy ko‘mak, bandlikni ta’minlash, kadastr masalalari, mahalla infratuzilmasini yaxshilash hamda qurilish sohalariga oid murojaatlari batafsil tinglandi.

Qabul jarayonida bir qator murojaatlar joyida ijobiy hal etilib, fuqarolarga amaliy yordam ko‘rsatildi. Qo‘shimcha o‘rganishni talab etadigan masalalar esa mas’ul idoralarga biriktirilib, ularning ijrosi bo‘yicha aniq muddatlar belgilandi hamda qat’iy nazoratga olindi.

❕Mazkur fuqarolar qabuli aholining muammolarini tizimli hal etish, ochiq muloqotni kuchaytirish hamda fuqarolar va davlat organlari o‘rtasidagi hamkorlikni yanada mustahkamlashga xizmat qilmoqda.

✅Telegram 🌐Instagram 📹YouTube✅Facebook

✅✅✅✅

Yoshlar kuni doirasida Nurafshon yoshlari uchun madaniy turizm dasturi tashkil etildi

🇺🇿Avval xabar berilganidek, Nurafshon shahrida “Yoshlar kuni” doirasida tashkil etilayotgan “Rahbar va yoshlar uchrashuvi” formatidagi ochiq muloqotlar yoshlarning muammo va takliflarini o‘rganish, ularga amaliy yechim topishda muhim maydonga aylanmoqda.

Jumladan, o‘tgan uchrashuvlarda shahar yoshlari tomonidan poytaxtimizdagi diqqatga sazovor maskanlarga, xususan Temuriylar tarixi davlat muzeyi hamda Amir Temur xiyoboniga madaniy sayohat tashkil etish bo‘yicha taklif ilgari surilgan edi.

🔂Mazkur tashabbus Nurafshon shahar hokimi Ilxom Klichxanov tomonidan qo‘llab-quvvatlanib, amaliyotga joriy etildi. Natijada, bir guruh yoshlar uchun maxsus madaniy turizm dasturi tashkil qilinib, ular bugun poytaxtimizning bir qator tarixiy va zamonaviy diqqatga sazovor maskanlarida bo‘lishdi.

Sayohat davomida yoshlar yurtimizning boy tarixiy merosi, buyuk ajdodlarimizning ilm-fan va davlat boshqaruvidagi o‘rni, shuningdek, zamonaviy infratuzilma va bunyodkorlik ishlari bilan yaqindan tanishish imkoniga ega bo‘lishdi.

❕Xulosa qilib aytganda, bunday amaliy tashabbuslar yoshlarning dunyoqarashini kengaytirish, ularning tarixiy xotirasini mustahkamlash hamda Vatanga bo‘lgan mehr va daxldorlik tuyg‘usini yanada oshirishga xizmat qiladi. Eng muhimi, yoshlar tomonidan bildirilayotgan takliflarning amalda o‘z aksini topayotgani ochiq muloqotlar samaradorligining yaqqol ifodasidir.

✅Telegram 🌐Instagram 📹YouTube✅Facebook