✅✅✅✅

Sanoat korxonalaridagi ishlab chiqarish jarayonlari tahlil qilindi

Bugun Bosh prokuror o‘rinbosari D. Kasimov rahbarligidagi ishchi guruh tomonidan Nurafshon shahrida faoliyat yuritayotgan sanoat korxonalarida o‘rganish ishlari olib borildi.

Mazkur o‘rganishlardan ko‘zlangan asosiy maqsad — ishlab chiqarish hajmlariga salbiy ta’sir ko‘rsatayotgan omillarni aniqlash va ularni bartaraf etish choralarini belgilashdan iborat.

✅ Jarayonlarda viloyat prokuraturasi, hokimlik hamda hududiy sanoat shtabi vakillari ishtirok etib,"CHINA KAIYAN STAR BUSINESS" hamda "HENG DA GROUP" korxonalariga tashrif buyurildi.

O'rganishlar davomida korxonalarda ishlab chiqarish ko‘rsatkichlarining pasayishiga sabab bo‘layotgan muammolar tahlil qilinib, mavjud kamchiliklarni qisqa muddatlarda bartaraf etish yuzasidan mas’ullarga aniq vazifa va topshiriqlar berildi. Shuningdek, mahsulot ishlab chiqarish, realizatsiya va eksport hajmlarini oshirish bo‘yicha amaliy choralar belgilab olindi.

✅Telegram 🌐Instagram 🌐Website✅Facebook

✅✅✅✅

Nurafshon shahar tibbiyot birlashmasida 12-may — Xalqaro hamshiralar kuni munosabati bilan bayram tadbiri tashkil etildi.

✅ Tadbirda Nurafshon shahar tibbiyot birlashmasi boshlig‘i M. M. Peltabayeva, kasaba uyushmasi raisi R. J. Vohidova hamda davolash ishlari bo‘yicha muovin S. K. Sherniyazov ishtirok etib, hamshiralarni kasb bayrami bilan samimiy muborakbod etdilar.

Tadbir davomida hamshiralar mehnati, ularning bemorlarga ko‘rsatayotgan mehr-e’tibori va fidoyiligi alohida e’tirof etildi.

Shuningdek, tadbirda hamshiralarga mashaqqatli va sharafli faoliyatlarida sabr-toqat, kuch-g‘ayrat hamda ulkan muvaffaqiyatlar tilandi.

Tadbir yakunida bir guruh fidoyi hamshiralarga esdalik sovg‘alari topshirildi.

✅Telegram 🌐Instagram 🌐Website✅Facebook

✅✅✅✅

Nurafshon shahri bo‘ylab keng ko‘lamli obodonlashtirish va bunyodkorlik ishlari izchil davom ettirilmoqda. Xususan, mahallalarda Yangi O‘zbekiston qiyofasini shakllantirish, hududlarni yanada obod va tartibli holatga keltirish hamda aholi uchun qulay yashash muhitini yaratish maqsadida hashar va tozalik tadbirlari tashkil etildi.

✅ Hashar ishlari davomida mahalla ko‘chalari, ichki yo‘laklar, ariq-zovurlar va jamoat hududlarida sanitariya-tozalik ishlari amalga oshirildi. Shuningdek, hududlarni begona o‘tlardan tozalash, chiqindilarni olib chiqish, yashil maydonlarni parvarishlash, daraxtlarga ishlov berish hamda gul ko‘chatlari ekish bo‘yicha amaliy ishlar olib borildi.

Bundan tashqari, hududdagi bino va inshootlarning fasad qismlarini ta’mirlash, tashqi ko‘rinishini tartibga keltirish, bo‘yoqlash hamda obodonlashtirish ishlari ham amalga oshirilmoqda. Mazkur ishlar shahar infratuzilmasini yaxshilash va hududlarning estetik ko‘rinishini ta’minlashga xizmat qilmoqda.

❗️ Obodonlashtirish tadbirlarida mutasaddi tashkilotlar, mahalla faollari hamda jamoatchilik vakillari faol ishtirok etib, hududlarni yanada ozoda va tartibli saqlashga o‘z hissalarini qo‘shmoqda.

✅Telegram 🌐Instagram 🌐Website✅Facebook