Tadbirkorlar diqqatiga!

🗣 O‘zbekiston Respublikasi Prezidentining tadbirkorlar bilan o‘tkaziladigan VI Ochiq muloqotiga tayyorgarlik ko‘rish maqsadida 1–6-iyun kunlari yurtimiz bo‘ylab tadbirkorlar bilan uchrashuvlar tashkil etiladi.

Tadbirkorlik faoliyatingizda duch kelayotgan to‘siqlar, huquqlaringiz buzilishi holatlari yoki sohani takomillashtirishga doir fikr-mulohazalaringiz bo‘lsa, sizni ushbu uchrashuvlarga taklif etamiz.

📃Ro‘yxatdan o‘tish uchun jadvalda ko‘rsatilgan telefon raqamlari orqali bog‘laning.

📞 O‘z taklif va murojaatlaringizni 1100 yoki 1094 qisqa raqamlari orqali, shuningdek, @ochiqmuloqot2026_bot orqali tez va qulay tarzda yo‘llashingiz mumkin.

✅Telegram 🌐Website 📹YouTube✅Facebook 🕊Twitter 🌐Instagram

#e'tirof

Viloyatimiz iftihorlari e'tirof etildi

Bugungi kunda viloyatimizda sportning barcha turlari bilan shug‘ullanish uchun keng imkoniyat va zamonaviy shart-sharoitlar yaratilgan bo‘lib, bu o‘z navbatida sportchi yigit-qizlarimizning yurtimiz va xalqaro maydonlarda yuksak natijalarni qo‘lga kiritishiga xizmat qilmoqda.

Kuni kecha Nurafshon shahar hokimi Ilxom Klichxanov bir guruh nurafshonlik yosh sportchilar bilan samimiy uchrashuv o‘tkazdi. Unda yoshlarning erishgan yutuqlari yuksak e’tirof etilib, ularning sport yo‘lidagi mashaqqatli mehnat alohida ta’kidlandi.

🏆Xususan:

🏅Artur Guliyev — baydarka va kanoeda eshkak eshish bo‘yicha jahon chempioni;
🏅Mirjamol Komilov — ushbu yo‘nalishda jahon chempionatining kumush medal sovrindori;
🏅Milana Dushevyanich — baydarka va kanoeda eshkak eshish bo‘yicha Osiyo chempioni;
🏅Shahzoda Mamadaliyeva — parakanoeda eshkak eshish bo‘yicha Osiyo chempioni sifatida e’tirof etildi.

Shuningdek, uchrashuv doirasida Toshkent dengizi hududida muntazam ravishda eshkak eshish sport turi bilan shug‘ullanib kelayotgan yosh sportchilarning kundalik mashg‘ulot jarayonlari, ularga yaratilgan sharoitlar, shuningdek, mavjud muammolar va takliflar atroflicha o‘rganildi.

Bunday uchrashuvlar yosh sportchilarning intilishlarini oshirish, ularni yangi marralar sari ruhlantirish hamda Toshkent viloyatida sportni yanada rivojlantirishga xizmat qilmoqda.

✅Telegram 🌐Website 📹YouTube✅Facebook 🕊Twitter 🌐Instagram

✅✅✅✅

Elektr ta’minotida ayrim hududlarda vaqtinchalik uzilishlar kuzatiladi

❗️Nurafshon ShET va O‘rta Chirchiq TET ma’lum qiladiki, N/S O‘rta Chirchiq 110/35/6 kV T-3 dan chiquvchi “Qorasuv” XEL-6 kV tarmog‘ida avariyaviy holatlarning oldini olish hamda tarmoqni yuksizlantirish maqsadida qo‘shimcha tarmoq tortish ishlari olib borilishi munosabati bilan 3-iyun kuni Nurafshon shahridagi ayrim hududlarda elektr energiyasi vaqtincha o‘chiriladi.

⏰ 09:00 – 13:00 ("Oybek", "Obod turmush", "Muqimiy", "Dehqonobod", "Navro‘z", "Qumariq" MFY lari.)

Keltirilgan noqulayliklar uchun shahar elektr tarmoqlari korxonasi iste'molchilardan uzr so‘raydi.

✅Telegram 🌐Instagram 📹YouTube✅Facebook

✅✅✅✅

"E-auksion" platformasida Nurafshon shahri hududidan ko'chmas mulklarni sotib oling!

🔹Nurafshon shahrida 21 ta (Ko'rish)

Barchasini ko'rish

✅Telegram 🌐Instagram 🌐Website✅Facebook

✅✅✅✅

Markazlashgan issiq suv ta’minotida vaqtinchalik uzilish kuzatiladi

“Toshkent viloyati issiqlik ta’minoti” MCHJ ma’lum qiladiki, Nurafshon shahri “Yangiobod” MFY hududidagi "Yangiobod" qozonxonasida aniqlangan kamchiliklarni bartaraf etish hamda 2026–2027-yillar kuz-qish mavsumiga tayyorgarlik ko‘rish rejasiga muvofiq qozonxona uskunalarida texnik ko‘rik va sinov ishlari amalga oshiriladi.

❗️Shu munosabat bilan 1-7-iyun kunlari qozonxona faoliyati vaqtincha to‘xtatiladi va markazlashgan issiq suv ta’minotida uzilish kuzatiladi.

📍 "Yangiobod" qozonxonasiga ulangan ko‘p qavatli uylar, ijtimoiy soha obyektlari hamda boshqa iste’molchilar.

Keltirilgan noqulayliklar uchun “Toshkent viloyati issiqlik ta’minoti” MCHJ iste’molchilardan uzr so‘raydi.

✅Telegram 🌐Instagram 🌐Website✅Facebook

✅✅✅✅

🏆 Nurafshon shahrida “Zakovat” intellektual o‘yini g‘oliblari aniqlandi!

“Besh tashabbus olimpiadasi” doirasida o‘tkazilgan “Zakovat” intellektual o‘yinida mahalla yoshlari o‘rtasida qizg‘in va murosasiz bahslar bo‘lib o‘tdi.

🇺🇿 Yakuniy natijalarga ko‘ra:

🥉 3-o‘rin — Obod Turmush MFY yoshlari
🥈 2-o‘rin — Taraqqiyot MFY yoshlari
🥇 1-o‘rin — Qumariq MFY yoshlari

G‘olib jamoa — Qumariq MFY yoshlari musobaqaning viloyat bosqichiga yo‘llanmani qo‘lga kiritdilar.

🎉 Barcha ishtirokchilarni munosib natijalari bilan tabriklaymiz hamda viloyat bosqichida Qumariq MFY jamoasiga ulkan muvaffaqiyat va omad tilaymiz!

✅Telegram 🌐Instagram 🌐Website✅Facebook