✅✅✅✅

Qobil Xamdamovning ilk rasmiy muloqoti yoshlar bilan bo‘lib o‘tdi

🇺🇿 Prezidentimiz har safar yoshlar bilan uchrashganida o‘zbek yigit-qizlari uchun ulkan imkoniyatlar, yangi qarorlar va imtiyozlarni taqdim etadi. Davlat rahbarining aynan yoshlar bilan muloqoti boshqa yig‘ilish formatlaridan tubdan farq qiladi. Bu uchrashuvlarda yoshlar o‘z fikr va tashabbuslarini erkin bildiradi. Buni Prezidentimizning o‘zbek yoshlariga bo‘lgan alohida e’tibori, mehri va g‘amxo‘rligining yorqin ifodasi, deyish mumkin. Mazkur ijobiy an’ana bugun barcha bo‘g‘indagi rahbarlar faoliyatida ham o‘z aksini topib, yoshlar bilan ochiq va samimiy muloqot qilishning muhim mezoniga aylanib bormoqda.

✅ Nurafshon shahar hokimi lavozimida faoliyatini boshlagan Qobil Xamdamov ham ilk rasmiy uchrashuvini aynan yoshlar bilan o‘tkazgani bejiz emas. Mazkur muloqotda shaharning faol yoshlari, mahalla yoshlar yetakchilari, mahalla raislari, yoshlar siyosatiga mas’ul tashkilotlar vakillari, shuningdek, shahar prokurori T. Karimov, shahar IIB boshlig‘i A. Yo‘ldashev hamda shahar soliq inspeksiyasi bo‘limi boshlig‘i J. Sayfiyev ishtirok etdi.

Ta’kidlanganidek, bugungi kunda Nurafshon shahrida 10 mingga yaqin yoshlar turli sohalarda samarali faoliyat yuritib, ta’lim olish, kasb egallash va kelajakdagi ulkan maqsadlari sari intilib kelmoqda. Shahar hokimi o‘z nutqida yoshlar Yangi O‘zbekiston taraqqiyotining asosiy bunyodkorlari ekanini alohida qayd etib, ularning har tomonlama kamol topishi davlat va jamiyat oldidagi eng muhim vazifalardan biri ekanligini ta’kidladi.

Shuningdek, yoshlar siyosati yo‘nalishida faoliyat yuritayotgan har bir rahbar, mutasaddi va yoshlar yetakchisi yoshlarning taqdiri, kelajagi va muvaffaqiyati uchun mas’ul ekanini bildirib o‘tdi.

✅ Uchrashuv davomida yoshlarning tashabbuslari, startap loyihalari, innovatsion g‘oyalari va takliflari tinglandi. Yoshlar tomonidan ilgari surilgan fikr va mulohazalar asosida hududda yoshlar siyosatini yangi bosqichga olib chiqish, ularga yanada keng imkoniyatlar yaratish, Prezidentimiz tomonidan taqdim etilayotgan imtiyoz va imkoniyatlarni keng targ‘ib qilish hamda ulardan samarali foydalanishni ta’minlash yuzasidan mas’ullarga aniq vazifalar belgilab berildi.

❕Muloqot yakunida yoshlarning taklif va tashabbuslarini qo‘llab-quvvatlash, ularning bandligini ta’minlash, bo‘sh vaqtini mazmunli tashkil etish hamda iste’dod va salohiyatini ro‘yobga chiqarishga qaratilgan yangi loyihalarni ishlab chiqish bo‘yicha tegishli topshiriqlar berildi. Bu esa Nurafshon shahrida yoshlar bilan ishlash tizimini yanada takomillashtirish va ularning jamiyat hayotidagi faolligini oshirishga xizmat qiladi.

✅Telegram 🌐Instagram 🌐Website✅Facebook

✅✅✅✅

Tashqi reklamalarda davlat tili me'yorlari tartibga solinmoqda

Nurafshon shahri hokimi maslahatchisi M. Shoismanova hamda Iste’molchilar huquqlarini himoya qilish va reklama faoliyatini tartibga solish bo‘limi bosh mutaxassisi U. Yuldashev tomonidan shahar Toshkent yo‘li ko‘chasida joylashgan tadbirkorlik subyektlarida tashqi reklama vositalarining qonunchilik talablariga muvofiqligi yuzasidan o‘rganish ishlari olib borildi.

✅ O‘rganish jarayonida savdo va xizmat ko‘rsatish shoxobchalari oldiga o‘rnatilgan reklama bannerlari, peshlavhalar hamda boshqa tashqi yozuvlarning davlat tilida to‘g‘ri va savodli yozilishi, ularning belgilangan dizayn va o‘lcham me’yorlariga mosligi ko‘rib chiqildi.

Mazkur o‘rganishlar davomida ayrim reklama vositalarida amaldagi qonunchilik talablariga zid holatlar aniqlanib, ular belgilangan tartibda bartaraf etildi.

Shuningdek, tadbirkorlik subyektlari vakillariga tashqi reklama vositalarini joylashtirishda “Reklama to‘g‘risida”gi Qonun talablari, davlat tiliga hurmat, hamda shahar qiyofasini yanada obod va tartibli saqlash masalalari yuzasidan batafsil tushuntirishlar berildi.

❕Aniqlangan kamchiliklarni bartaraf etish va kelgusida takrorlanishining oldini olish maqsadida ogohlantirish xatlari topshirildi.

✅Telegram 🌐Instagram 🌐Website✅Facebook

✅✅✅✅


Nurafshonda aholi uchun bepul tibbiy ko‘riklar davom etmoqda

Nurafshon shahar Tibbiyot birlashmasi tomonidan “Obod” mahallasida aholi salomatligini mustahkamlash maqsadida keng qamrovli tibbiy ko‘rik tashkil etildi.

Tibbiy ko‘rikda oilaviy shifokorlar, tor soha mutaxassislari hamda diagnostika xizmatlari ishtirok etib, fuqarolar ultratovush (UTT) va elektrokardiogramma (EKG) tekshiruvlaridan o‘tkazildi.

Ko‘rik davomida fuqarolarning salomatlik holati o‘rganilib, aniqlangan kasalliklar va xavf omillari yuzasidan zarur tavsiyalar berildi. Shuningdek, yurak-qon tomir hamda boshqa yuqumsiz kasalliklarning oldini olish, sog‘lom turmush tarziga rioya etish bo‘yicha targ‘ibot-tushuntirish ishlari olib borildi.

Bunday tibbiy ko‘riklar Nurafshon shahrining barcha mahallalarida bosqichma-bosqich tashkil etilmoqda.

✅Telegram 🌐Instagram 🌐Website✅Facebook