✅✅✅✅

Nurafshon shahar hokimi Qobil Xamdamov hududdagi investitsion loyiha faoliyati bilan tanishdi

Nurafshon shahrida faoliyat yuritayotgan “AGRO NEW DRIP” korxonasi qishloq xo‘jaligida tomchilatib va yomg‘irlatib sug‘orish, shuningdek, mikroirrigatsiya tizimlari uchun “VITAND” brendi ostida suv tejovchi asbob-uskunalar ishlab chiqarishga ixtisoslashgan.

Tashrif davomida shahar hokimi korxonada ishlab chiqarilayotgan mahsulotlar turi va sifati, ishlab chiqarish jarayonida mahalliylashtirish darajasini oshirish, mahsulotlarni eksportga yo‘naltirish masalalariga alohida e’tibor qaratdi. Shuningdek, korxona faoliyatini yanada rivojlantirish yuzasidan aniq vazifalar belgilab berildi hamda tadbirkorlarni qiynab kelayotgan muammolar o‘rganildi.

✅ Ma’lumot uchun, loyiha 2024-yilda ishga tushirilgan bo‘lib, uning umumiy qiymati 37 mln dollarni tashkil etadi. Korxonada 300 ta yangi ish o‘rni yaratilgan bo‘lib, ijtimoiy himoyaga muhtoj oilalarning 30 nafar farzandi bandligi ta’minlangan. Yillik hisobda budjetga 21,5 mlrd so‘mlik tushum keltirish imkoniyati yaratilgan.

Ishlab chiqarish Turkiya texnologiyalari asosida tashkil etilgan bo‘lib, korxonada zamonaviy, yuqori samarador uskunalar va ilg‘or ishlab chiqarish liniyalari joriy qilingan. Korxona O‘zbekistonda ushbu yo‘nalishdagi yagona ishlab chiqaruvchilardan biri hisoblanadi.

Ishlab chiqarilayotgan mahsulotlar sifat jihatidan Rossiya, Turkiya va Xitoyda ishlab chiqarilayotgan o‘xshash mahsulotlar bilan raqobatlasha oladi. Shuningdek, korxona faoliyati natijasida yiliga 3,2 mln dollar miqdoridagi import o‘rnini bosuvchi mahsulotlarni mahalliylashtirish ta’minlanmoqda.

✅Telegram 🌐Instagram 🌐Website✅Facebook

✅✅✅✅

Nurafshon shahrida hududlarni obodonlashtirish , shahar qiyofasini yaxshilash borasidagi ishlar tizimli ravishda davom ettirilmoqda

✅ Jumladan, Toshkent yo‘li ko‘chasi hamda shaharning boshqa hududlaridagi ko‘chalar, ichki yo‘laklar, ariq-zovurlar va jamoat joylarida keng ko‘lamli sanitariya-tozalik tadbirlari amalga oshirilmoqda. Shuningdek, yashil maydonlarni kengaytirish, ularni parvarishlash va sug‘orish, gul ko‘chatlarini ekish, hududlarni begona o‘tlardan tozalash hamda obodonlashtirish ishlari olib borilmoqda.

❗️Mazkur tadbirlarda Nurafshon shahar Obodonlashtirish boshqarmasi xodimlari bilan bir qatorda jamoatchilik vakillari ham faol ishtirok etib, shahar hududlarining ozoda va tartibli saqlanishiga munosib hissa qo‘shmoqda.

Amalga oshirilayotgan ushbu ishlar shahar infratuzilmasini yanada takomillashtirish, ekologik muhitni yaxshilash hamda hududlarning estetik qiyofasini yuksaltirishga xizmat qilmoqda.

✅Telegram 🌐Instagram 🌐Website✅Facebook