✅✅✅✅

Yoshlar ishtirokidagi ommaviy ekologik aksiya

⚽️Nurafshon shahri markazidagi “Vatanparvarlar bog‘i”da O‘zbekiston milliy terma jamoasining Portugaliya terma jamoasiga qarshi uchrashuvi yakunlanganidan so‘ng Nurafshon shahar Yoshlar ishlari bo‘limi hamda volontyorlar jamoasi ishtirokida “Plogging” ekologik aksiyasi tashkil etildi.

🔘Aksiya davomida bog‘ hududi va uning atrofidagi maydonlar maishiy chiqindilardan tozalanib, atrof-muhitni asrash, ekologik madaniyatni yuksaltirish hamda tabiatga mas’uliyatli munosabatni shakllantirishga qaratilgan targ‘ibot ishlari olib borildi.

❗️Mazkur tashabbus yoshlarning ekologik muammolarga befarq emasligini, jamoatchilik orasida tozalik va obodonlashtirish madaniyatini targ‘ib etishda faol ishtirok etayotganini yana bir bor namoyon etdi. Aksiya yakunida hududning sanitariya holatini yaxshilashga munosib hissa qo‘shildi.

✅Telegram 🌐Instagram 📹YouTube✅Facebook

✅✅✅✅

Ish izlayotgan fuqarolar diqqatiga!

2026-yil 25-iyun kuni soat 10:00 da Nurafshon shahar "To‘ytepa" MFY binosida, Nurafshon shahar hokimligi, Respublika ishchi guruhi vakillari, shahar Kambag'allikni qisqartirish va bandlikka ko‘maklashish bo‘limi tomonidan hududdagi ishsiz fuqarolarni ishga joylashtirish maqsadida bo'sh ish o'rinlari mehnat yarmarkasi o'tkaziladi.

❗️Barcha ish qidirayotgan ishsiz aliment to'lovchi yoshlar, ayollar, bitiruvchilar, probatsiyadagi va JIEMdan qaytgan fuqarolar, shuningdek kasb-hunar o‘rganish istagida bo‘lganlar uchun keng imkoniyatlar yaratiladi.

Ish izlayotgan barcha fuqarolarni ushbu imkoniyatdan foydalanishga chaqiramiz!

✅Telegram 🌐Instagram 📹YouTube✅Facebook

✅✅✅✅

Elektr uzilishlari kamayadi: Nurafshonda energetika infratuzilmasi modernizatsiya qilinmoqda

Nurafshon shahrida aholini uzluksiz va sifatli elektr energiyasi bilan ta’minlash, mavjud elektr tarmoqlarini modernizatsiya qilish hamda infratuzilmani yangilash bo‘yicha keng ko‘lamli ishlar amalga oshirilmoqda.

✅ Jumladan, O‘zbekiston Respublikasi Prezidentining 2024-yil 5-noyabrdagi “Toshkent viloyati Nurafshon shahrida investitsiya va tadbirkorlik muhitini rivojlantirish hamda aholi daromadlarini oshirish chora-tadbirlari to‘g‘risida”gi PQ-384-son qarori asosida Birlik MFY hududidagi 29-sonli transformator punktida modernizatsiya ishlari olib borildi.

⚡️ Loyiha doirasida bugungi kunga qadar 82 dona yangi temir-beton tayanch ustun o‘rnatilib, 1,7 kilometr masofaga zamonaviy SIP kabel tarmoqlari tortildi. Shuningdek, quvvati 100 kVA bo‘lgan eski transformator o‘rniga 400 kVA quvvatga ega yangi transformator o‘rnatildi.

Amalga oshirilgan ishlar natijasida hududda elektr energiyasi bilan bog‘liq uzilishlar sezilarli darajada kamayib, aholi uchun yanada qulay va barqaror elektr ta’minoti yaratildi.

❗️Yil yakuniga qadar Oppoq, Evalak, Chig‘iriq, Hurriyat va Dehqonobod mahallalarida ham 76 kilometr SIP kabel tarmoqlarini tortish hamda 848 ta temir-beton tayanch ustunlarini o‘rnatish rejalashtirilgan.

Mazkur loyihalar Nurafshon shahrining energetika infratuzilmasini yanada mustahkamlash, aholi turmush sifatini oshirish va hududlarni barqaror elektr energiyasi bilan ta’minlashga xizmat qiladi.

✅Telegram 🌐Instagram 📹YouTube✅Facebook