✅✅✅✅

Toshkent viloyatidagi eng yosh bosh muharrir munosib e’tirof etildi

27-iyun — Ommaviy axborot vositalari xodimlari kuni munosabati bilan Toshkent viloyatida tantanali bayram tadbiri tashkil etildi. Unda viloyat hokimi Zoyir Mirzayev sohada ko‘p yillardan buyon samarali mehnat qilib kelayotgan, jamiyatda ochiqlik va xolis axborot muhitini shakllantirishga munosib hissa qo‘shayotgan jurnalistlar, blogerlar hamda ommaviy axborot vositalari vakillarini samimiy qutlab, bir guruh soha fidoyilarini taqdirladi.

Quvonarlisi, e’tirof etilganlar safidan Nurafshon shahri va O‘rta Chirchiq tumani ijtimoiy-iqtisodiy gazetasi bosh muharriri Otabek Isroilov ham munosib o‘rin oldi.

Toshkent viloyatidagi eng yosh bosh muharrirlardan biri bo‘lgan Otabek Isroilov qisqa vaqt ichida o‘zining professional yondashuvi, teran tahliliy fikrlashi, sermahsul ijodi hamda dolzarb mavzularni yoritishdagi mas’uliyatli faoliyati bilan jurnalistika sohasida o‘z o‘rnini topdi.

U tajribali ustozlar maktabini o‘tab, bugungi kunda nafaqat mahalliy, balki respublika miqyosidagi ommaviy axborot vositalarida ham samarali ijod qilib, yurtimizda amalga oshirilayotgan islohotlarni keng jamoatchilikka xolis va tezkor yetkazishga munosib hissa qo‘shib kelmoqda.

Nurafshon shahar hokimligi jamoasi nomidan Otabek Isroilovni ushbu yuksak e’tirof bilan samimiy muborakbod etamiz. Kelgusidagi mas’uliyatli faoliyatida ulkan zafarlar, ijodiy yuksalish, mustahkam sog‘lik va yangi marralarni zabt etishini tilaymiz. Yurtimiz ravnaqi va xalqimiz farovonligi yo‘lida olib borayotgan ezgu faoliyati bardavom bo‘lsin!

✅Telegram 🌐Instagram 🌐Website✅Facebook

✅✅✅✅

📌Nurafshon shahar hokimligi tomonidan 30-iyun — Yoshlar kuni munosabati bilan "Yangi O‘zbekistonni yoshlar quradi!" shiori ostida katta bayram tadbiri tashkil etildi.

Unda fan, ta’lim, sport, madaniyat, tadbirkorlik hamda boshqa sohalarda yuksak natijalarga erishgan Nurafshon yoshlari munosib taqdirlandi.

Tadbir tafsilotlari “Sevimli” telekanali lavhasida.

#OAV_nigohida

✅Telegram 🌐Instagram 🌐Website✅Facebook

✅✅✅✅

TANISHING! NURAFSHONNING OLTIN AVLODLARI

⚡️ Bugun mamlakatimizda davlatimiz rahbari tashabbusi bilan yoshlarning sifatli ta'lim olishi, zamonaviy kasb-hunarlarni egallashi, xorijiy oliy ta'lim muassasalarida tahsil olishi, ilm-fan, innovatsiya, sport, tadbirkorlik va ijod sohalarida o'z salohiyatini namoyon etishi uchun keng imkoniyatlar yaratilmoqda.

Bunday e'tibor va islohotlar samarasida O'zbekiston yoshlari, xususan Nurafshonning iqtidorli yigit-qizlari yurtimiz va xalqaro maydonlarda ulkan yutuqlarni qo'lga kiritib, Vatanimiz sha'nini munosib himoya qilmoqda.

✅ Jumladan, Nurafshon shahri "Nurafshon" mahallasida istiqomat qiluvchi, 48-maktabning 11-sinf bitiruvchisi Azimov Sirojiddin Ahmad o'g'li xalqaro ta'lim yo'lida yuksak natijaga erishdi. U IELTS imtihonidan 7.0 ballni qo'lga kiritib, SAT natijalari asosida AQSHning Pensilvaniya shtati universiteti (Pennsylvania State University) ga 100 foizlik grant asosida o'qishga qabul qilindi.

❕Aziz Nurafshon yoshlari! Bugun siz uchun barcha eshiklar ochiq. O'z ustingizda tinimsiz ishlang, katta marralarni oldingizga maqsad qilib qo'ying. Ertangi muvaffaqiyat bugungi izlanish va mehnatdan boshlanadi. Ishonamizki, Nurafshondan dunyoning nufuzli oliygohlariga qabul qilinadigan, ilm-fan, sport va boshqa sohalarda yurtimiz bayrog'ini yuksaklarga ko'taradigan yoshlar safi yanada kengayib boradi.

Bayramingiz muborak bo'lsin.

✅Telegram 🌐Instagram 🌐Website✅Facebook

✅✅✅✅

🥇 TANISHING: NURAFSHONNING OLTIN AVLODLARI

Jahon chempioni. Osiyo chempioni. Jahon kubogi g'olibi. Xalqaro maydonlarda O'zbekiston bayrog'ini yuksaklarga ko'tarayotgan Nurafshon farzandi, "Mard o‘g‘lon" davlat mukofoti sohibi – Artur Guliyev.

Artur Guliyev baydarka va kanoeda eshkak eshish sport turi bo'yicha O'zbekiston terma jamoasining yetakchi sportchilaridan biri sifatida ko'plab nufuzli xalqaro musobaqalarda yurtimiz sharafini munosib himoya qilib kelmoqda. Uning jahon va Osiyo chempionatlaridagi g'alabalari, Jahon kubogidagi muvaffaqiyatlari hamda xalqaro arenadagi yorqin natijalari yurtimiz sporti tarixida munosib o'rin egallagan.

✅ Bunday yuksak natijalar, avvalo, mamlakatimizda sportni rivojlantirish, yoshlarni jismonan va ma'nan barkamol etib voyaga yetkazish borasida amalga oshirilayotgan keng ko'lamli islohotlar samarasidir. Davlatimiz rahbari tashabbusi bilan sport infratuzilmasini rivojlantirish, iqtidorli yoshlarni qo'llab-quvvatlash, xalqaro musobaqalarga puxta tayyorlash hamda ularning salohiyatini ro'yobga chiqarish uchun yaratilayotgan imkoniyatlar bugun o'zining amaliy natijasini bermoqda.

Artur Guliyev ana shunday imkoniyatlardan samarali foydalangan, tinimsiz mehnat, qat'iyat va fidoyilik orqali yuksak marralarni zabt etgan Nurafshonning oltin avlod vakillaridan biridir.

Aziz Nurafshon yoshlari! Har bir yirik g'alaba orqasida mehnat, intilish va o'z ustida ishlash yotadi. Siz uchun ham bugun barcha imkoniyatlar yaratilgan. Bilim oling, sport bilan shug'ullaning, iste'dodingizni rivojlantiring va oldingizga ulkan maqsadlar qo'ying. Ishonamizki, ertaga xalqaro maydonlarda Vatanimiz bayrog'ini baland ko'taradigan navbatdagi chempion aynan siz bo'lasiz!

✅Telegram 🌐Instagram 🌐Website✅Facebook