✅✅✅✅

🇺🇿🇨🇳Nurafshonda yirik Xitoy investorlari bilan uchrashuv bo‘lib o‘tdi

Uchrashuvda raqamli boshqaruv tizimlari, sanoatni avtomatlashtirish, tibbiyot, qurilish, avtomobil sanoati, oziq-ovqat, to‘qimachilik, qurilish materiallari, aktivlarni boshqarish, media, axborot texnologiyalari hamda xalqaro biznes konsalting kabi sohalarda faoliyat yuritayotgan 13 ta yirik Xitoy kompaniyalari bilan o‘zaro hamkorlik masalalari muhokama qilindi.

✅ Unda Toshkent viloyati hokimining o‘rinbosari – Investitsiyalar, sanoat va savdo boshqarmasi boshlig‘i Jahongir Mamajonov hamda Nurafshon shahar hokimi o‘rinbosari Rustam Xaydarov tomonidan viloyatimizdagi har bir hudud, xususan, Nurafshon shahrining investitsiyaviy salohiyati, qulay geografik joylashuvi, zamonaviy infratuzilmasi, shuningdek, mamlakatimizdagi tadbirkorlikni qo‘llab-quvvatlash mexanizmlari hamda xorijiy investorlar uchun yaratilgan imkoniyatlar batafsil tushuntirildi.

Xitoylik investorlar taqdim etilgan imkoniyatlarni yuqori baholab, Nurafshon shahrida investitsiya loyihalarini amalga oshirish va amaliy hamkorlikni yo‘lga qo‘yishga katta qiziqish bildirdi. Uchrashuv yakunida istiqbolli loyihalarni birgalikda ishlab chiqish va hamkorlikni yangi bosqichga olib chiqish yuzasidan dastlabki kelishuvlarga erishildi.

❕Ma’lumot o‘rnida, bugungi kunga qadar Nurafshon shahrida 130 dan ortiq xorijiy va qo'shma korxona faoliyati yo‘lga qo‘yilgan bo‘lib, ulardan 47 tasi xitoylik investorlar hisobiga to‘g‘ri keladi. Investitsiyalarni jalb qilish yo‘nalishidagi bu kabi amaliy ishlar esa yuqoridagi ko‘rsatkichlarning yanada oshishiga xizmat qiladi.

✅Telegram 🌐Instagram 🌐Website✅Facebook

✅✅✅✅

⚡️ 30-iyun – Yoshlar kuni munosabati bilan Nurafshon shahar hokimi Qobil Xamdamov tomonidan mahallalarda yoshlar bilan ishlash, ularning muammolarini hal etish, bandligini ta'minlash hamda bo'sh vaqtini mazmunli tashkil etish yo'lida fidokorona mehnat qilayotgan yoshlar yetakchilari e'tirof etildi.

✅ Tadbir davomida o'zining tashabbuskorligi, mas'uliyati va samarali faoliyati bilan ajralib turgan yoshlar yetakchilariga tashakkurnomalar hamda esdalik sovg'alari tantanali ravishda topshirildi.

❕Bildirilgan e'tibor va e'tirof yoshlar yetakchilarini yanada faol ishlashga, mahallalarda yoshlarga yaratilayotgan imkoniyatlardan samarali foydalanish hamda ularning salohiyatini ro'yobga chiqarish yo'lidagi sa'y-harakatlarini davom ettirishga xizmat qiladi.

✅Telegram 🌐Instagram 🌐Website✅Facebook