✅✅✅✅

Nurafshon mahallasida aholi murojaatlari joyida o‘rganildi

Fuqarolar bilan ochiq muloqot qilish, ularning muammolarini bevosita joyiga chiqqan holda o‘rganish va amaliy yechim topish — Nurafshon shahrida olib borilayotgan ishlarning muhim yo‘nalishlaridan biridir.

Shu maqsadda Nurafshon mahallasida shahar hokimi Qobil Xamdamov ishtirokida navbatdagi sayyor qabul o‘tkazildi. Uch yarim soat davom etgan ochiq muloqotda 31 nafar fuqaroning murojaati tinglanib, har bir masala yuzasidan tegishli mas’ullarga aniq vazifalar belgilab berildi.

✅ Murojaatlar davomida fuqarolar tomonidan bandlik, tadbirkorlik, ijtimoiy himoya, kommunal xizmatlar, obodonlashtirish va boshqa masalalar yuzasidan taklif hamda muammolar bildirildi.

Ayrim murojaatlar joyida o‘rganilib, amaliy choralar ko‘rildi. Qo‘shimcha o‘rganish va vaqt talab etadigan masalalar bo‘yicha esa mas’ul rahbarlarga topshiriqlar berilib, ularning ijrosi nazoratga olindi.

Sayyor qabul davomida fuqarolar o‘zlarini qiynayotgan masalalarni bevosita shahar rahbariga yetkazish imkoniga ega bo‘ldi. Har bir murojaatni e’tiborsiz qoldirmaslik, muammoni shunchaki eshitish bilan cheklanib qolmay, uning yechimini topish bo‘yicha aniq choralar ko‘rish zarurligi ta’kidlandi.

❕Aholi bilan muloqot — muammolarni o‘rganishning eng samarali yo‘llaridan biri. Zero, inson qadri va uning manfaatlarini ta’minlash har qanday islohotning asosiy mezonidir.

✅Telegram 🌐Instagram 🌐Website✅Facebook

✅✅✅✅

Tayanch mahallasida amalga oshiriladigan ishlar aniq belgilab berildi

Bugun Nurafshon shahar hokimi Qobil Xamdamov og‘ir (tayanch) mahalla sifatida belgilangan “Nurafshon” mahallasida bo‘lib, mahalla faollari, nuroniylar va aholi vakillari bilan ochiq muloqot o‘tkazdi.

Uchrashuvda shahar hokimining barcha o‘rinbosarlari, shahar korxona va tashkilotlari vakillari hamda tegishli mas’ullar ishtirok etdi. Muloqot davomida mahallani kompleks rivojlantirish, aholi uchun munosib turmush sharoitlarini yaratish hamda hududda amalga oshirilishi rejalashtirilgan ustuvor vazifalar yuzasidan atroflicha fikr almashildi.

✅ Jumladan, muhandislik-kommunikatsiya tarmoqlarini modernizatsiya qilish, ichki yo‘llarni ta’mirlash, obodonlashtirish va ko‘kalamzorlashtirish ishlarini jadallashtirish, aholi bandligini ta’minlash, tadbirkorlikni rivojlantirish va qo‘llab-quvvatlash, shuningdek, ijtimoiy soha obyektlari faoliyatini yanada takomillashtirish masalalari muhokama qilindi.

Shu bilan birga, fuqarolar tomonidan bildirilgan taklif va murojaatlar tinglanib, ularni hal etish bo‘yicha mas’ullarga aniq topshiriqlar berildi.

Shahar hokimi tomonidan mahallada amalga oshiriladigan vazifalar aniq taqsimlanib, mas’ullar biriktirildi. Shuningdek, mahallani rivojlantirish shtabiga amalga oshirilayotgan ishlar yuzasidan kunlik ma’lumotlarni xonadonbay va aholi bilan bevosita muloqot qilish asosida muntazam taqdim etib borish belgilandi.

✅Telegram 🌐Instagram 🌐Website✅Facebook