✅✅✅✅

Tayanch mahallasida amalga oshiriladigan ishlar aniq belgilab berildi

Bugun Nurafshon shahar hokimi Qobil Xamdamov og‘ir (tayanch) mahalla sifatida belgilangan “Nurafshon” mahallasida bo‘lib, mahalla faollari, nuroniylar va aholi vakillari bilan ochiq muloqot o‘tkazdi.

Uchrashuvda shahar hokimining barcha o‘rinbosarlari, shahar korxona va tashkilotlari vakillari hamda tegishli mas’ullar ishtirok etdi. Muloqot davomida mahallani kompleks rivojlantirish, aholi uchun munosib turmush sharoitlarini yaratish hamda hududda amalga oshirilishi rejalashtirilgan ustuvor vazifalar yuzasidan atroflicha fikr almashildi.

✅ Jumladan, muhandislik-kommunikatsiya tarmoqlarini modernizatsiya qilish, ichki yo‘llarni ta’mirlash, obodonlashtirish va ko‘kalamzorlashtirish ishlarini jadallashtirish, aholi bandligini ta’minlash, tadbirkorlikni rivojlantirish va qo‘llab-quvvatlash, shuningdek, ijtimoiy soha obyektlari faoliyatini yanada takomillashtirish masalalari muhokama qilindi.

Shu bilan birga, fuqarolar tomonidan bildirilgan taklif va murojaatlar tinglanib, ularni hal etish bo‘yicha mas’ullarga aniq topshiriqlar berildi.

Shahar hokimi tomonidan mahallada amalga oshiriladigan vazifalar aniq taqsimlanib, mas’ullar biriktirildi. Shuningdek, mahallani rivojlantirish shtabiga amalga oshirilayotgan ishlar yuzasidan kunlik ma’lumotlarni xonadonbay va aholi bilan bevosita muloqot qilish asosida muntazam taqdim etib borish belgilandi.

✅Telegram 🌐Instagram 🌐Website✅Facebook

✅✅✅✅

Tayanch mahallada vazifalar aniq taqsimlanib, mavjud holat joyiga chiqqan holda o‘rganildi

Avvalroq xabar berilganidek, bugun Nurafshon shahar hokimi Qobil Xamdamov hududda og‘ir (tayanch) mahalla sifatida belgilangan “Nurafshon” mahallasida bo‘lib, mahalla faollari, nuroniylar va aholi vakillari bilan ochiq muloqot o‘tkazdi.

✅ Mazkur mahallada 8 ta ko‘cha, 1018 ta xonadon va 3 405 nafar aholi istiqomat qiladi. Ochiq muloqotdan so‘ng shahar hokimi Qobil Xamdamov boshchiligida tegishli mas’ullar, mahalla yettiligi, ko‘chaboshilar, jamoatchilik vakillari, nuroniylar hamda volontyorlar ishtirokida hududdagi mavjud holat bevosita joyiga chiqqan holda o‘rganildi. O‘rganish davomida har bir ko‘cha, har bir xonadon va har bir muammo kesimida amalga oshirilishi lozim bo‘lgan ishlar belgilab olinib, mas’ullarga aniq vazifalar yuklatildi.

Jumladan, mahalladagi ishsiz aholini aniqlash va ularning bandligini ta’minlash, norasmiy tadbirkorlik faoliyati bilan shug‘ullanayotgan fuqarolarga qonunchilik doirasida huquqiy va amaliy ko‘mak ko‘rsatish, qarovsiz va foydalanilmayotgan binolarni nazoratga olish, mavjud kommunikatsiya va muhandislik tarmoqlaridagi muammolarni bartaraf etish, hududning obodonlashtirish holatini yaxshilash kabi masalalarga alohida e’tibor qaratildi.

Shuningdek, kuz-qish mavsumiga tayyorgarlik ko‘rish, ko‘p qavatli uy-joylar hamda ijtimoiy soha obyektlarining mavsumga shayligini ta’minlash, ichimlik suvi, elektr energiyasi, tabiiy gaz va boshqa kommunal xizmatlar bilan bog‘liq muammolarni bosqichma-bosqich hal etish yuzasidan ham tegishli chora-tadbirlar belgilandi.

Mahalladagi mavjud muammolarni faqat qog‘ozdagi ma’lumotlar asosida emas, balki bevosita joyiga chiqqan holda o‘rganish, har bir masalani mas’ulga biriktirish va ijrosini nazorat qilish bo‘yicha aniq tizim yo‘lga qo‘yilishi belgilandi.

❗️Endilikda “Nurafshon” mahallasida har bir ko‘cha, har bir xonadon va har bir oila kesimida manzilli ishlar tashkil etilib, belgilangan vazifalarning natijadorligi muntazam nazorat qilib boriladi.

✅Telegram 🌐Instagram 🌐Website✅Facebook

🔴 LIVE | 🟢 JARAYON
#Nurafshon_shahar
#Tayanch_(ogʻir)_mahallalardagi_ishlar

Og‘ir (tayanch) mahalla sifatida belgilangan “Nurafshon” mahallasida hududni obodonlashtirish, infratuzilmani yaxshilash hamda aholi uchun qulay va farovon sharoit yaratish borasidagi ishlar izchil davom ettirilmoqda.

Xususan, mahallaning “Yoshlik” ko‘chasi bo‘ylab oqib o‘tuvchi zovur bo‘ylari maxsus texnikalar yordamida tekislanib, yo‘l qismi kengaytirilmoqda. Mazkur ishlar natijasida ko‘chaning transport qatnovi uchun qulayligi oshirilib, hududning obodonchiligi va sanitariya holatini yaxshilashga alohida e’tibor qaratilmoqda.

Shuningdek, mahalladagi aholi xonadonlarining tashqi devorlari oqlanib, ko‘cha va hududlar tartibga keltirilmoqda.

Obodonlashtirish ishlari mahalla qiyofasini yanada chiroyli va fayzli ko‘rinishga keltirish, aholi uchun munosib yashash sharoitlarini yaratishga xizmat qilmoqda.

📍 Jarayon davom etmoqda...

✅Telegram 🌐Instagram 🌐Website✅Facebook